Zaat E ishq Epi 30

┄┅════❁ ﷽ ❁════┅┄

ناول: ذت_عشق

از: رابعہ_بخاری

قسط_نمبر_30

پورے راستے سمرا اور عفہ نے ایک دوسرے سے کوئی بات نہ کی۔۔۔۔

سمرا کا بس نہ تھا کہ ایک دم سارے سوال اگل کر اس کے سامنے رکھ دے لیکن خود کو با مشکل سے خاموش کیے بیٹھی تھی۔۔۔

جیسے ہی دونوں بخاری ہاؤس پہنچی تو گھر کے سامنے گاڑی کھڑی پائی۔۔۔

کسی نے آنا تھا کیا آج گھر پر؟؟؟ سمرا نے سوالیہ انداز سے پوچھا۔۔۔

نہیں۔۔

کسی نے بھی نہیں آنا تھا آج۔۔۔۔

کندھوں اچکاتے انجان بنتے ہوئے بولی اور دونوں اندر کی جانب چل پڑی کہ اندر کی رونق کے اصل حقدار کا پتہ لگا سکے کہ وہ کون ہے...

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سب ڈرائینگ روم میں بیٹھے تھے۔۔۔۔

دونوں اندر کی جانب بڑھی تو زریس اپنی فیملی کے ساتھ بیٹھا مسکرا رہا تھا۔۔۔

عفہ نے سب کی جانب دیکھتے ہوئے سلام کیا تو سب ان کی جانب متوجہ ہوئے۔۔۔۔

زریس کی والدہ جو سبین بی بی کے ساتھ بیٹھی ہوئی تھی فورا عفہ کی جانب بڑھی اور ہاتھ تھام کر اسے اپنے ساتھ بیٹھا لیا۔۔۔۔

ماحول سے بے خبر وہ بس سمرا کو بیگانی سے دیکھ رہی تھی۔۔۔

ماشاءاللہ بہت پیاری ہے عفہ۔۔۔

زریس بہت خوش نصیب ہے جو اسے اتنی پیاری لڑکی مل رہی ہے۔۔۔ 

بالائیں لیتی زریس کی والدہ عفہ کے تعریفوں کے پل باندھ رہی تھی۔۔۔

اس پر عفہ نے بس مسکرا دینا ہی مناسب سمجھا۔۔۔۔

مشتاق صاحب جو کہ خود ان کے آنے کی وجہ جاننا چاہتے تھے بلآخر اصل بات پر آتے ہوئے بولے۔۔۔۔

آپ آئے ہمیں بہت اچھا لگا۔۔۔

لیکن سبین بی بی نے مجھے آنے کے مقصد سے آگاہ نہیں کیا ہے۔۔۔۔

سبین بی بی نے اس بات پر مشتاق صاحب کو دیکھا جیسے بتا رہی ہو کہ وہ خود بھی ان کے آنے سے ناواقف تھی۔۔۔۔۔

سندس چائے کی ٹرے تھامیں کمرے میں داخل ہوئی اور سب کو چائے دینے لگ گئی۔۔۔

سمرا جو دروازے پر کھڑی تھی ابھی بھی زریس کو کاٹ کھانے کی نظروں سے دیکھ رہی تھی ۔۔۔

بھائی صاحب وہ آ پکو بتاتی بھی کیسے۔۔۔

انہیں خود نہیں پتہ تھا کہ ہم نے آج آنا ہے تو مقصد سے بھی ناواقف ہے وہ۔۔۔۔

چائے تھامتے ہوئے زریس کی والدہ نے بولنا شروع کیا۔۔۔

زریس چائے کی پیالی ہاتھ میں تھامے عفہ کو پل پل پلکیں جھپکاتی نظروں سے آنکھوں میں بھرتے دیکھ رہا تھا۔۔۔۔

آپ تو جانتے ہیں زریس کے والد کئی برس پہلے اس دنیا سے چلے گئے تھے۔۔۔۔

آج یہ جو کچھ بھی ہے اپنے ہی بل بوتے پر ہیں۔۔۔۔

تو اصل یہ کہ ہم چاہتے ہیں کہ جلد از جلد عفہ اور زریس کا نکاح کر دیا جائے۔۔۔

عفہ نے جیسے ہی نکاح کا نام سنا تو حیرانگی سے زریس کو دیکھنے لگ گئی ۔۔۔۔

جو کہ مزے سے چائے کی چسکیاں بھرتے ہوئے عفہ کو دیکھ کر مسکرا رہا تھا۔۔۔۔

جیسے جتلا رہا ہو۔۔

" کہ دیکھا آخر اپنے زبان کو پورا کرنے کو آ ہی گیا میں۔۔۔۔۔"

کیونکہ اس کا کاروبار سارا بینکاک میں ہے اور یہ یہاں زیادہ تر ٹھہر نہیں سکتا۔۔۔۔

تو اس لیے اب آپ بتائیں آپ کیا رائے رکھتے ہیں اس بارے میں۔۔۔؟؟؟ 

اتنی جلدی؟؟؟

ابھی تو ہماری کوئی تیاری نہیں ہے۔۔۔۔ سبین بی بی نے کہا۔۔۔۔

تو کوئی بات نہیں۔۔۔

سادہ سا نکاح کردیتےتھے ہیں۔۔۔

اب میرا تو ایک ہی بیٹا ہے

 سو آرمان ہے میرے بھی۔۔۔

لیکن کیا کرو اس کی خواہش بھی اور وقت بھی کم ہے۔۔۔

اس لیے ہم یہی چاہتے ہیں کہ نکاح ہو اور عفہ بھی زری کے ساتھ ہی چند دنوں میں بینکاک چلی جائے ۔۔۔۔

تاکہ وہ پریشانی جو مجھے ہوتی یہاں رہ کر اس سے مجھے نجات مل جائے اور میری زمہ داری اس پر سے ختم ہوجائے۔۔۔۔ زریس کی والدہ بولنے کے بعد ہنسنے لگ گئی ۔۔

عفہ نے وہاں مزید رکنا مناسب نہ سمجھا کیونکہ اب جو ہورہا تھا وہ قابل برداشت تھا اس کیلئے لہذا فوراً اٹھی اور تیز قدم اٹھاتے ہوئے کمرے سے باہر کو چلی گئی۔۔۔۔

سب نے اسے یوں جاتے دیکھا تو ناگواری سا ماحول بن گیا ۔۔۔

لیکن سندس نے فورا بات کو نارمل کرنے کے انداز میں مسکراتے ہوئے کہا۔۔۔

لگتا ہے ہماری لڑکی شرما گئی ہے جبھی تو فورا اٹھ کر چل دی۔۔۔

اس بات پر سب مسکرا دیے۔۔۔

لیکن مشتاق صاحب ابھی بھی سپاٹ چہرہ سجائے بیٹھے تھے ۔۔۔

عفہ کے جاتے ساتھ ہی سمرا بھی الٹے پاؤں اس کے پیچھے چل پڑی۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

عبایا اتار کر عفہ اپنے کمرے کے چکر لگا رہی تھی۔۔۔

دسمبر کی سخت سردی کا مہینہ ہونے کے باوجود اس کو پریشانی اور خوف کے پسینے آرہے تھے۔۔۔۔

یہ سب کیا تھا عفہ؟؟؟

سمرا تیزی سے اندر کی جانب بڑھتے بولی۔۔۔

پتہ نہیں۔۔۔۔

پتہ نہیں۔۔۔۔

وہ تیزی سے بڑبڑاتے ہوئے بولی۔۔۔۔

اب کیا ہوگا؟؟؟

مجھے نہیں پتہ سمرا مجھ سے کوئی سوال نہ پوچھو؟؟؟

یہ سب جتنا تمہارے لیے حیران کن تھا اتنا ہی میرے لیے ہیں۔۔۔۔

 عفہ کمرے کے چکر تیزی سے لگاتے ہوئے بولی۔۔۔

اگر انکل مان گئے تو ہمارے پاس اس رشتے کو ختم کرنے کا بہت کم وقت رہ جائے گا۔۔۔۔۔

تمہیں لگتا ہے زریس اتنا بھی موقع دے گا ہمیں۔۔۔ ہم ایک چال چلتے ہیں وہ دو قدم مزید ہم سے آگے کو چل پڑتا ہے۔۔۔۔۔

ایسا لگتا ہے ہمارے دماغ کے گھوڑوں کی لگام اسی کے ہاتھ میں موجود ہے۔۔۔۔

 عفہ کا چہرہ سرخ ہوچکا تھا جبکہ ہاتھ مکمل ٹھنڈے پر چکے تھے۔۔۔۔

چہرے پر پسینے کے قطرے صاف نمودار ہورہے تھے جسے وہ ہڑبڑاتے ہوئے اپنے دوپٹے سے مسلسل صاف کررہی تھی۔۔۔۔

سمرا نے عفہ کی حالت دیکھی تو اس کی جانب بڑھی۔۔۔۔

حوصلہ رکھو کچھ نہیں ہوگا۔۔۔۔

ہم پہلے اکیلے تھے لیکن اب زریس جیسا ہی ایک نمونہ ہمارے حق میں بھی موجود ہے۔۔۔

فکر نہ کرو میں ابھی کال کر کے اسے ساری بات سے آگاہ کرتی ہو ۔۔۔

کہ جو کرنا ہے جلدی کرے۔۔۔۔

سمرا کہتے ہوئے کمرے سے باہر چلی گئی جبکہ عفہ ابھی بھی کمرے کے چکر کاٹ رہی تھی۔۔۔

جس کے نصیب کا فیصلہ اندر بیٹھے چند لوگوں کے ہاتھوں میں موجود تھا جس کے سامنے انکار کرنا اسے موت سے بھی بدتر محسوس ہورہا تھا۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

یار تو سمرا سے اتنا لڑتا کیوں ہے؟؟؟ عصار نے چابی میز پر پھینکی اور بیڈ پر ٹیک لگائے بیٹھ گیا۔۔۔۔

میں لڑتا ہو کہ وہ لڑتی ہیں۔۔۔۔

توبہ اللہ اتنی لمبی زبان اس چڑیل کی۔۔۔۔

باہر مجھے کاٹ کھانے کو دوڑ رہی تھی خود کو بچا کر اندر کی جانب بڑھا تھا ۔۔۔۔۔

غصے سے بولتا ہوا وہ بھی صوفے پر بیٹھ گیا تھا۔۔۔۔

جبکہ عصار کو اس باتیں سن کر مزہ آرہا تھا اور اب مسکرا رہا تھا۔۔۔۔

خیر میری چھوڑ اپنی بتا کیا بنا؟؟؟

کوئی بات بنی تیری کہ نہیں؟؟؟

دیکھو کیا بنتا ہے؟؟ معافی تو مانگی ہیں اب میرے نصیب میں اس کا معافی کا ہونا نہ ہونا سب اس ذات پر انحصار کرتا ہے۔۔۔۔ 

عصار مسکراتے ہوئے بولا اور چھت کی جانب سر اٹھائے دیکھنے لگ گیا۔۔۔۔

سہیل نے مزید کچھ نہ پوچھا اور موبائل ہاتھ میں تھامے مگن ہوگیا۔۔۔۔

عصار چھت پر عفہ کے نقش تلاش کرنے کی کوشش کررہا تھا۔۔۔۔

کہ تبھی اس کا فون بجنے لگ گیا۔۔۔۔۔

دیکھا تو سمرا کا نام سکرین پر چمک رہا تھا فورا اٹھایا اور کان پر لگایا۔۔۔۔۔

خیریت؟؟؟؟

خیریت ہوتی تو فون نہ کرتی۔۔۔۔ سمرا کی آواز میں لرزش تھی۔۔۔

کیوں کیا ہوا۔۔۔۔

عفہ تو ٹھیک ہے ناں؟؟؟ آرام سے بیٹھا عصار اب اٹھ کھڑا ہوا تھا۔۔۔۔

جبکہ سہیل بھی اب اس کے پریشانی کے تاثرات دیکھ کر اس کی جانب متوجہ ہوا۔۔۔۔

زریس اور عفہ کے نکاح کی منصوبہ بندی کی جارہی ہے۔۔۔۔۔

کیا ؟؟؟؟

اتنی جلدی؟؟؟؟ عصار سن کر سکتے میں آ سا گیا تھا۔۔۔۔

اتنی جلدی کا تو پتہ نہیں۔۔۔۔

لیکن اگر ہم نے کچھ نہ کیا۔۔۔

تو ۔۔۔۔۔

تو تو کچھ نہیں۔۔۔۔۔ عصار نے بات کاٹتے ہوئے کہا۔۔۔۔

تو پھر کچھ سوچو اور س سوچ کو عملی جامہ بھی پہناؤ۔۔۔۔۔ کہتے ساتھ ہی سمرا نے فون بند کردیا۔۔۔۔

جبکہ پہلے سکون سے بیٹھے عصار کے چہرے پر اب کچھ اور ہی رنگ نمایاں ہو رہے تھے۔۔۔۔

کیا ہوا خیریت؟؟؟ سہیل نے پوچھا۔۔۔۔

عفہ کا نکاح ہے۔۔۔۔۔ 

عصار نے بس اتنا ہی کہا اور خاموش ہوگیا۔۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

زریس اور اس کی فیملی کے جانے کے بعد مشتاق صاحب عفہ کے کمرے میں داخل ہوئے۔۔۔۔

کھڑی کے سامنے کھڑی عفہ گہری سوچ میں ڈوبی ہوئی تھی۔۔۔۔

مشتاق صاحب اس کی سوچ بھانپ چکے تھے۔۔۔۔

قدم بڑھاتے ہوئے اس کے پاس آ کر کھڑے ہوگئے۔۔۔۔

اگر یہ رشتہ ایک مجبوری کے ماتحت ہے تو مجھے اپنی بیٹی کو ایسی آگ میں نہیں جھونکنا جس میں وہ پوری زندگی خود ہی جلتی رہے اور ہم بےخبر رہے اس کی چیخ سے۔۔۔۔۔

مشتاق صاحب نے کی بات سن کر عفہ چونکتے ہوئے ان کی جانب مڑی ۔۔۔۔

ابو جی آپ ؟؟؟

آپ کب آئے؟؟؟

تب آیا جب تم اپنی سوچ میں گم تھی شاید اس رشتے کی گہری کو ماہ رہی تھی جس کی گہرائی اندھیرے کنویں میں موجود ہو۔۔۔۔۔

نہیں بابا ایسا کچھ نہیں ہے آئے بیٹھے میرے ساتھ۔۔۔۔۔

ہاتھ تھامتے ہوئے وہ انہیں اپنے ساتھ بیڈ پر لے آئی۔۔۔۔۔

ایسا کیوں سوچتے ہیں آپ؟؟؟

کیونکہ میں ظاہر نہیں کرتا کہ کہیں باقیوں کی دل آزاری نہ ہوجائے۔۔۔۔

لیکن مجھے سب سے زیادہ اپنی پیاری بیٹی عفہ کی فکر کی۔۔۔۔

جو مجھے سب سے زیادہ پیاری ہے۔۔۔۔

میری جان ہے ۔۔۔ 

ہاتھ پھیلاتے ہوئے مشتاق صاحب۔ے کہا تو عفہ ان کے سینے کے ساتھ لگ گئی۔۔۔۔۔

بہت سکون ملتا جب میری بیٹی میرے پاس ہوتی ہیں۔۔۔۔

عفہ دونوں ہاتھوں سمیت مشتاق صاحب کے محفوظ بانہوں میں سمو سی گئی تھی ۔۔۔۔

اتنی سی تھی تم۔۔۔۔۔

میرے ایک ہاتھ جتنی جب تمہاری ماں نے تمہیں میرے ہاتھ میں تھما دیا ۔۔۔۔۔

کیوں بابا کیا ہوا تھا؟؟؟ عفہ نے حیرت سے پوچھا۔۔۔۔

مشتاق صاحب نے سنا تو پہلے تو ہنس پڑے۔۔۔۔

اور پھر سوچتے ہوئے بولے۔۔۔۔

سخت سردی ہوا کرتی تھی یہی دسمبر کے آخری دن۔۔۔۔

بہت چھوٹی اور نرم روئی جیسی تھی تم۔۔۔۔

بہت ڈرتی تھی تمہاری ماں تمہیں نہلانے سے۔۔۔۔

میرے ہاتھ میں تھما دیتی تھی تمہیں۔۔۔

اور کہتی تھی خود نہلائے یہ نہ ہو آپکی لاڈلی بہہ جائے مجھ سے نالی میں۔۔۔۔

اور میں تمہیں اتنی محبت سے نہلایا کرتا تھا کہ سب کہتے تھے کہ مشتاق صاحب سب سے تفرقہ کرتے ہیں اور اسی سے محبت کرتے ہیں بس۔۔۔۔

عفہ نے بات سنی تو تو مزید ساتھ لگ گئی۔۔۔۔

اگر کوئی بھی مشکل ہے تو یہ رشتہ آگے کسی نام میں نہیں جائے گا۔۔۔۔

بس میری بیٹی خوش رہے اور کچھ نہیں چاہیے۔۔۔۔۔

عفہ کو مشتاق صاحب کی جانب سے حوصلہ مل چکا تھا۔۔۔۔

لہذا ب وہ اس رشتے کو ختم کرنے کا مکمل سوچ چکی تھی۔۔۔۔۔

رات بھر وہ اسی سوچ میں گم رہی کہ کیا طریقہ اپنایا جائے۔۔۔۔

جبکہ دوسری جانب عصار بھی اسی سوچ میں مصروف رہا۔۔۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

صبح مرغ کی پہلی بانگ کے ساتھ عفہ کی آنکھ کھل گئی ۔۔۔۔

نماز کی ادائیگی کے بعد موبائل آن کیا تو سمرا کی مس کالز کی ایک لمبی لیسٹ موجود تھی ۔۔۔۔

فورا کال ملائی تو سمرا نے بھی اٹھا لی جیسے اسی کے انتظار میں بیٹھی تھی۔۔۔۔

بات کی تم نے؟؟؟؟ عفہ نے سب سے پہلے یہی سوال کیا ۔۔۔۔

ہاں کی تھی یہی بتانے کو کالز کی تھی رات کو میں نے۔۔۔۔ سمرا نے جوابدیا۔۔۔۔

اس نے کوئی رسپانس نہیں دیا کیا؟؟؟ عفہ تجسس بھرے لہجے سے بولی۔۔۔۔۔

شاید کچھ جاننا چاہتی تھی۔۔۔۔

خاموش ہوگیا تھا وہ۔۔۔

لگتا ہے پریشان ہوگیا تھا سن کر۔۔۔۔ سمرا نے کہا۔۔۔۔

آج آؤ گی کیا؟؟؟

نہیں مشکل ہے لیکن ہاں کل آؤ گی ۔۔۔۔۔

اچھا تو نکاح کی تاریخ رکھ دی گئی کیا؟؟؟ سمرا نے پوچھا۔۔۔۔

نہیں وقت مانگا ہے ان سے ۔۔۔۔۔

چلوں ٹھیک ہے۔۔۔۔ کہتے ساتھ ہی سمرا نے فون بند کردیا۔۔۔۔

جبکہ عفہ اب اپنے موبائل کھول کر تصویریں دیکھنے لگ گئی۔۔۔۔

وہ تصویر جو اس نے کبھی عصار کے ساتھ لی بینکاک کی نامی گرامی جگہ پر۔۔۔۔

سکرین پر ہاتھ کو پھیرتے ہوئے وہ مسکرا رہی تھی کہ اچانک خود کو یوں کرتے دیکھ کر پریشان سی ہوگئی۔۔۔۔

موبائل ہڑبڑاتے ہوئے بند کیا۔۔۔۔

یہ کیا کررہی تھی میں؟؟؟

عصار کی تصویر اور یہ مسکراہٹ۔۔۔۔۔

مزید کوئی تماشا نہیں عفہ۔۔۔۔ خود کو سنبھالوں اب مزید کچھ نہیں۔۔۔۔۔ سوچ کی نفی کرتے ہوئے وہ منہ میں بڑبڑا رہی تھی۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

عصار رات بھر سوچتا رہا اور بلآخر اسے ایک آئیڈیا مل ہی گیا۔۔۔۔

خوشی سے چلاتا ہوا بیڈ کی جانب اچھلا۔۔۔

جہاں پہلے سے ہی سہیل ایسے سویا ہوا تھا جیسے پوری رات چوکیداری سی کے ذمے تھی۔۔۔۔۔

اپنے بیڈ پر اچھل کود اور عصار کی جانب سے ملنے والے جھٹکوں نے سہیل کی نیند نہ ل طور پر توڑ دی تھی۔۔۔۔

آخر تجھے مسئلہ کیا ہے؟؟؟

چیختے ہوئے اٹھ بیٹھا۔۔۔۔

سہیل آئی کو یو۔۔۔۔

آئی لو یو سہیل۔۔۔۔۔ عصار خوشی سے جھومتا ہوا سہیل کے پاس آ کر بولا ۔۔۔

اوئے دور رہ ۔۔۔۔۔

جو تو سوچ رہا ہے ناں میں ویسا بالکل بھی نہیں ہو۔۔۔

 دور رہ دور ۔۔۔۔

سہیل نے کمبل کو اپنے اوپر رکھا اور بولا۔۔۔۔

تو تیرا مطلب میں ویسا لڑکا ہو۔۔۔ عصار گھورتے ہوئے بولا۔۔۔۔

مجھے لگتا ہے تیرا دماغ چکرا سا گیا ہے۔۔۔۔

رات بھر الوں کی طرح جاگتا رہتا ہے اور مجھے تو لگتا ہے اس کا اثر تیرے دماغ پر ہوا ہے ۔۔۔۔

سہیل بیڈ سے اترتے ہوئے بولا۔۔۔

ارے یار مجھے ایک زبردست آئیڈیا ہے ۔۔۔۔

کہ ہم کس طرح یہ رشتہ ختم کرواسکتے ہیں۔۔۔۔

عصار کی بات سن کر سہیل بھی وہی رک گیا۔۔۔

کس طرح؟؟؟

وہ تو مجھ پر چھوڑ دے۔۔۔

ابھی سمرا کو کال کرتا ہو اور اسے بتاتا ہو ۔۔۔۔

عفہ بہت پریشان ہو گی اسے ذرا حوصلہ ملے گا سن کر۔۔۔۔۔

ہاں ہاں اب میں تو تیرا کچھ رہا ہی نہیں اسے ہی بتائے گا سب تو اب ۔۔۔۔۔

اور صبح صبحِ اس چڑیل کا نام لے لیا ہے پورا دن بیکار جائے گا اب میرا۔۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جاری ہے اور رائے ضرور دیں 😊

     ─━•<☆⊰✿❣✿⊱☆>•━─