Way Main Teri Ho Gai Epi 2

ناول: وے_میں_تیری_ہوگئی_آں

از: رابعہ_بخاری

قسط_نمبر_02

فارمیسی سے ڈاکٹر کی جانب سے دی گئی لسٹ کے مطابق ادویات کا تھیلا تھامے آبان بھاگتا ہوا جائے حادثات کے وارڈ میں داخل ہوا۔۔۔

نرس کو کمرے سے باہر آتے دیکھا تو اپنی رفتار مزید بڑھا دی۔۔۔

یہ لے ۔۔۔۔

لے آیا ہو سب دوائیاں جس کیلئے اپنے کہا تھا۔۔۔۔

آبان نے ادویات نرس کی جانب بڑھائی۔۔۔

جس پر وہ خاموش کھڑی اس کے تاثرات دیکھتی رہی جیسے وہ گزری ہوئی قیامت سے انجان ہے۔۔۔

لے بھی لے۔۔۔۔

آپ کو ضرورت نہیں کیا ان ادویات کی؟؟؟

جاؤ اور ڈاکٹر کو دے کر آؤ اور کہو اسے میرے دوست کو کچھ بھی نہ ہو۔۔۔۔

وہ کاٹ کھانے کے لہجے سے نرس کو پڑا۔۔۔

کیونکہ اب تک وہ مکمل تھک چکا تھا۔۔۔

ایک وارڈ سے دوسرے وارڈ میں بھاگ بھاگ کر اس کی سمجھ ماؤف اور ہمت جواب دے چکی تھی۔۔۔

سوری سر ہم اپکے پیشنٹ کو نہیں بچا سکے۔۔۔۔

بہت کوشش کی لیکن۔۔۔۔

بہت معذرت۔۔۔

نرس نے مایوسی سے کہا اور وہاں سے چلتی بنی۔۔۔

جبکہ آبان وہی کھڑا سکتے میں آگیا۔۔۔

کانوں میں اکبر کی آخری بات گونجی۔۔۔

وہ لوگ ہمارے پیچھے ہے یار؟؟؟

انعم کی حالت بہت خراب ہے۔۔۔

ابھی یہ سوچ ابھری ہی تھی کہ اسے انعم کا خیال آیا۔۔۔۔

اور کھڑے پاؤں لیبر وارڈ کی جانب بھاگا۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

یہ پیشنٹ آپکی کیا لگتی ہے؟؟؟ ایک نرس انا کی جانب بڑھی۔۔۔

جو کافی دیر سے اسے وارڈ کے باہر روتا دیکھ کر اس کی جانب آئی تھی۔۔۔

دونوں ٹانگوں کو اوپر کرسی پر چڑھائے پٹیالہ شلوار اور کرتی میں ملبوس وہ ایک چھوٹی بچہ کی مانند ہچکیاں بھر رہی تھی۔۔۔

سر ٹانگوں پر ٹکایا ہوا تھا۔۔۔

آہستگی سے ہچکیاں لیتی انا نے سر اٹھایا۔۔

تو انکھیں سرخی سے بھری اور چہرہ آنسوں سے بھیگا ہوا تھا۔۔۔

بہن تھی وہ میری۔۔۔

میری بہن۔۔۔

انعم ملک۔۔

انا کا یہ کہنا ہی تھا کہ تھوڑی ہی دور کھڑا آبان جو سب سن کر پہلے تو حیران ہوا لیکن پھر اکبر کی موت کا سوچ کر اس کی جانب غصے سے بڑھنے لگا۔۔۔

ہاتھوں میں پکڑی ادویات کا تھیلا پیچھے کی جانب پھینکا اور اس کے قریب پہنچ گیا۔۔۔

انا ابھی بھی انکھیں جھکائے صدمے سے دوچار آنسوں بہا رہی تھی۔۔

کہ چہرے پر نفرت اور غصے کے تاثرات سجائے آبان نے سختی سے اس کی بازو کو تھاما۔۔۔

اور زور‚ بازو سے بیٹھی انا کو کھڑا کر ڈالا۔۔۔

انجان شخص کے اس بے تکلف اور بے معنی رویے سے بے خبر وہ عنقریب گرتے گرتے سنبھلی تھی۔۔

اس سے پہلے وہ اس سے کچھ پوچھتی۔۔۔

آبان جسے اپنی جگری دوست کی موت نے صدمے سے دوچار کررکھا تھا۔۔۔

انا کو کھینچتے ہوئے وارڈ سے باہر کی جانب لے آیا۔۔۔

انا اس کے اس رویے اور طاقت بازو سے اس قدر کمزور تھی کہ ننگے پاؤں ہی اس کے گھسیٹتی چلتی گئی۔۔۔

چھوڑو مجھے۔۔۔۔

کون ہو تم؟؟؟ 

کہاں لے کر جارہے ہو مجھے؟؟؟

چھوڑو ۔۔۔۔

وہ مسلسل چلا رہی تھی۔۔۔

جبکہ اردگرد کے کھڑے مریض اور نرس ڈاکٹر ان دونوں کو اس طرح جاتے دیکھ کر شش و حیرانگی سے انہیں دیکھ رہے تھے۔۔۔

جبکہ آبان کو ان سے کوئی سروکار نہ تھا۔۔۔

سوچ بس اس کے دوست کی موت میں ہی اٹکی ہوئی تھی۔۔۔

جو جینا چاہتا تھا اپنے لیے اپنی بیوی اور ننھے بچے کیلئے جس کو اسے دیکھنا بھی نصیب نہ ہوا ۔۔۔۔

ہسپتال کے باہر آبان اسے کھینچ کر لے آیا جبکہ وہ ایک کٹی پتنگ کی مانند اس کے ہاتھوں میں چڑھی کھینچتی آرہی تھی۔۔

ایک جھٹکے سے اسے اپنے سامنے کیا ۔۔۔

جس سے انا گھوم کر ہی رہ گئی۔۔۔

اور اب دونوں آنکھوں میں انکھیں ڈالے ایک دوسرے کو دیکھ رہے تھے۔۔۔

انا کی آنکھوں میں دردر اور اجنبیت عیاں تھی جو حیرانگی سے سامنے کھڑے انجان شخص کو پہچاننے کی کوشش کررہی تھی۔۔۔

جبکہ آبان کا چہرہ اس کے غصے کو بخوبی ظاہر کررہا تھا۔۔۔

ک۔۔۔۔ک۔۔۔کون ہو تم؟؟؟ مشکل سے ہچکیوں کی دیوار کو ہلاتے انا نے الفاظ کی ادائیگی کی۔۔۔

انا کا بس اتنا ہی کہنا تھا کہ آبان کا ہاتھ اس کے چہرے کے قریب اٹھ سا گیا۔۔۔

انا نے آبان کا یہ رویہ دیکھا تو آنکھوں کو مضبوطی سے بھینچتے ہوئے اپنے چہروں کو ہاتھوں سے چھپا لیا۔۔۔

آبان کا چہرہ سرخ پر گیا تھا غصے پر کھویا ہوا قابو اچانک پا لیا۔۔۔

ہاتھ کو مٹھی میں بدلا اور آہستگی سے اپنا ہاتھ پیچھے کر لیا۔۔

جبکہ انا ابھی بھی اسی حالت میں کھڑی چہرے کو چھپائے تھی۔۔۔

آبان نے اس کو ایک بار پھر بازوؤں سے دبوچا۔۔۔

اور اسے اپنے قریب کیا۔۔۔

جس سے دونوں ایک دوسرے قریب ہوئے۔۔۔

درد دونوں کے چہروں پر بخوبی عیاں تھا۔۔۔

اپنے باپ سے کہنا۔۔۔

دور رہے اب۔۔۔

اگر اب آنکھ اٹھا کر اکبر کی اولاد کی جانب دیکھا بھی۔۔۔

تو اکبر کی قسم آگ لگا دونگا۔۔۔

کچھ نہیں چھوڑو گا باقی۔۔۔

آنکھوں سے انگارے دہکاتا آبان سخت الفاظ بول رہا تھا۔۔۔

جبکہ انا ابھی بھی ناسمجھی سے اس کی باتوں کو حیرانگی سے سن رہی تھی۔۔۔

اب یہاں سے دفع ہوجاؤ۔۔۔

ہاتھ رک گیا تھا میرا۔۔۔

اگلی بار نہیں رکے گا۔۔۔

انگلی سے تنبیہہ کرتے آبان نے انا کو اپنے سے جھٹکے سے دور کیا۔۔۔۔

انا کو اپنے ہاتھوں سے آزاد کرتے ہوئے وہ واپس ہسپتال کی جانب بڑھا۔۔۔

جبکہ وہی مورت بنی انا اپنی بازوؤں کو ملتے سب کچھ سمجھنے کی کوشش کرنے لگی۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اپنا غصہ اور اندر کا غبار نکال کر وہ اب ہلکا محسوس کررہا تھا لیکن جو خالی پن وہ اکبر کے جانے کے بعد محسوس کررہا تھا وہ ابھی بھی اسے بے چین کیے رکھا تھا۔۔۔۔۔

ریسپشن کے پاس سے گزرتے ہوئے اچانک پیچھے سے کسی نے آواز نے دی۔۔۔۔

ایکسکیوزمی سر۔۔۔۔۔

آبان ایک دم رک گیا۔۔۔۔۔

مڑ کر دیکھا تو نرس کچھ پیپرز ہاتھ میں پکڑے کھڑی آبان کی جانب دیکھ رہی تھی۔۔۔۔

جی بولو۔۔۔۔

اب کیا مسئلہ ہے؟؟؟

وہ اکتاہٹ بھرے لہجے سے بولا۔۔۔۔

سر آپ کی ساری پیمنٹ کلئیر ہوگئی ہیں لیکن کچھ پیپرز ہے جو آپ سے سائن کروانا ہیں۔۔۔۔

کسطرح کے پیپرز ہے یہ؟؟؟

پیپرز کو ہاتھ میں تھامے وہ معائنہ کرتے بولا۔۔۔۔۔

سر یہ ڈیڈ باڈی رسیو کرنے کے پیپرز ہے اور ساتھ بےبی کی ذمہ داری کے پیپرز ہے۔۔۔

نرس نے پیپرز کی جانب اشارہ کرتے ہوئے کہا۔۔۔

پین؟؟؟

آبان نے سپاٹ چہرہ بناتے ہوئے کہا۔۔۔۔

سائن کیے اور وہاں سے چلتا بنا۔۔۔۔

کس قدر کھڑوس آدمی ہے ۔۔۔۔۔

آبان کے جاتے ساتھ ہی ایک نرس نے دوسری پاس کھڑی نرس کو کہنی ماری اور کہا۔۔۔

جس پر دونوں ہی بعد میں ہنس پڑی۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

انا کو کچھ سمجھ نہ آرہا تھا۔۔۔۔

سب صورتحال سمجھنے اور اس انجان شخص کے رویے کے بارے میں جاننے کیلئے انا واپس اندر کی جانب بڑھی۔۔۔۔

وہ کون ہوتا ہے مجھے ایسا کہنے والا۔۔۔

میری بہن تھی وہ۔۔۔۔

میں کیسے جاؤ چھوڑ کر اسے۔۔۔۔

خود سے بات کرتے ہوئے وہ واپس اندر کی جانب بڑھ گئی۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

باڈیز ہم نے ایمبولینس میں منتقل کردی ہے۔۔۔

بس کچھ ہی دیر میں اپکے بتائے ہوئے پتے پر ہماری ایمبولینس پہنچ جائے گی۔۔۔۔

سامنے کھڑا ڈاکٹر آبان کو تفصیل دے رہا تھا۔۔۔

جبکہ وہ ٹھوڑی پر ہاتھ سجائے خاموشی سے اس کی باتوں کو سن رہا تھا۔۔۔

کہ تبھی ایک نرس ہاتھ میں ایک سفید لحاف میں لپٹی ایک ننھی سی جان لے کر آبان کے سامنے آن کھڑی ہو گئی۔۔۔۔۔

آبان نے اسے اپنے سامنے دیکھا تو اس کی آنکھوں سے آنسوں جاری ہو گئے۔۔۔۔

یہ؟؟؟؟

وہ حیرانگی سے کھڑا نرس کی گود کو دیکھنے بولا۔۔۔۔

جی یہ بے بی بوائے ہے۔۔۔

پیشنٹ میں بہت ہمت تھی اپنی سانسیں تب تک نہ چھوڑی جب تک بچے کو جنم نہیں دے دیا ۔۔۔۔۔

اور جیسے ہی بچہ دنیا میں آیا وہ ایکسپائیرڈ ہوگئی۔۔۔

بہت ہی نایاب کیسسز میں ہوتا ہے ایسا۔۔

ڈاکٹر بول رہا تھا جبکہ آبان بس اس لحاف کو دیکھ رہا تھا جو آہستگی سے کسی ننھے وجود کی حرکت کی وجہ سے ہل رہا تھا۔۔۔۔۔

آبان نے اپنے دونوں بازوؤں کو آگے کی جانب بڑھایا۔۔۔

تو نرس نے اس فرشتے کو آبان کی گود میں رکھ دیا۔۔۔۔

آبان کا جسم کانپ رہا تھا۔۔۔۔

اپنے جگر کے ایک حصے کو ہاتھ میں تھامے اس کے چہرے پر ہلکی سی مسکراہٹ ابھری تھی۔۔۔۔

لحاف کو ہٹایا تو ننھی ننھی آنکھوں والا شہزادہ پٹر پٹر کرتا آبان کو دیکھنے لگ گیا۔۔۔۔۔

یہ آپکی امانت اب آپ کے پاس اگئی ہے۔۔۔

ڈاکٹر نے مسکراہٹ کر کہا تو آبان نے مصاحفہ کرتے ہوئے شکریہ ادا کیا۔۔۔

جس پر دونوں وہاں سے چلے گئے۔۔۔۔۔

بچے کو تھامے آبان آہستگی سے آگے کی جانب بڑھا۔۔۔۔۔

ایک طرف اپنے دوست کی موت کا غم تو دوسری جانب اس کے دوست کی زندگی کی سب سے بڑی خوشی۔۔۔۔

اس سے پہلے مزید آگے بڑھتا سامنے انا کو کھڑا پایا۔۔۔۔

سامنے اپنے دوست کی موت کی ذمہ دار کو دیکھ کر آنکھوں میں واپس غصہ ابھر آیا۔۔۔۔۔

آبان نے کوشش کی کہ اسے اگنور کرے اور وہاں سے نکل جائے۔۔۔

لیکن انا پہلے سے ہی اس کا راستہ روکے وہاں کھڑی ہوگئی۔۔۔

میرا راستہ چھوڑو۔۔۔۔۔۔

آبان نے آنکھوں سے گھورتے ہوئے کہا۔۔۔

نہیں۔۔۔۔۔

پہلے میرے سوالوں کے جوابات رکھوں میرے سامنے۔۔۔۔

تبھی۔۔۔۔

انا بھی دونوں ہاتھ پھیلائے ضد کی حدود کو چھوتے ہوئے ڈٹ کر بولی۔۔۔۔۔

میں تمہارے کسی بھی سوال کے جواب دینے کا پابند نہیں۔۔۔

اب راستہ چھوڑو۔۔۔۔۔

آبان نے انا کو دھکا دیتے ہوئے کہا۔۔۔۔۔

کیوں چھوڑو میں تمہارا راستہ؟؟؟

تم ہوتے کون ہو؟؟

مجھ سے اس طرح رویہ اختیار کرنے والے؟؟؟

انا آبان کے قریب ہوتے شیرنی بنتے بولی۔۔۔۔

تبھی اسے کسی کے رونے کی آواز آئی۔۔۔۔

انا نے بیگانگی سے آبان کی گود کی جانب دیکھا تو اس کی انکھیں حیرانگی سے آبان کی جانب اٹھی۔۔۔۔۔

جیسے اس وجود کی موجودگی کے متعلق سوال گو ہو۔۔۔۔

بیٹا ہوا ہے اکبر کا۔۔۔۔

آبان نے اس کی حیرانگی کو ختم کرتے ہوئے تلخ لہجے سے کہا۔۔۔۔۔

انا نے اس معصوم کی جانب جھکتے اس کو دیکھا تو پیار سے اپنا ہاتھ اس کی نرم گرم روئی مانند گالوں سے لگایا۔۔۔۔

انعم آپی جیسا ہے بلکل۔۔۔۔

آپی کی خوشبو بستی ہے اس میں۔۔۔۔

انا نے اپنے ہونٹ اس کے ماتھے سے لگائے۔۔۔

آنکھوں سے آنسوں چھلکتے ہوئے وہ اس کے ننھے چھوٹے نرم کاتھوں کو اپنے لبوں ساتھ لگ آتے بولی۔۔۔۔

آبان خاموشی سے کھڑا اسے دیکھ رہا تھا۔۔۔۔

کیا میں اسے پکڑ سکتی ہو؟؟؟؟انا نے معصومیت بھرے لہجے سے آبان کی جانب دیکھتے ہوئے کہا۔۔۔۔

اور اپنے ہاتھ آبان کے آگے پھیلا دئیے۔۔۔۔

آبان نے پہلے اس کی جانب دیکھا اور پھر نومولود کی جانب۔۔۔۔

نہیں۔۔۔۔۔

مجھے کسی پر بھی اعتبار نہیں۔۔۔۔

پیچھے ہو اور راستہ دو جانے کا۔۔۔۔

تدفین کا عمل بھی میرے ذمے ہیں۔۔۔۔

وقت نہیں اور تمہارے لیے تو بلکل بھی نہیں۔۔۔۔۔

آبان کا لہجہ سامنے والے کو چیڑ کر رکھ دینے والا تھا۔۔۔۔۔

آخر مسئلہ کیا ہے آپ کو؟؟؟

یہ میری بہن کا بیٹا ہے۔۔۔۔۔

اور آپ کو کوئی حق نہیں پہنچتا مجھے اس سے دور کرنے کا۔۔۔۔

انا سختی اپناتے بولے۔۔۔۔

مجھے پہنچتا ہے حق۔۔۔۔

میرے دوست نے دیا تھا حق مجھے۔۔۔۔۔

تم جیسوں نے اس کی جان لی اور اب اس کے بچے کے پیچھے ہو۔۔۔۔۔

دور ہٹو۔۔۔۔۔

آبان کی آنکھ ابھی بھی نم تھی اور ایک بار پھر اسے دھکیلتے ہوئے آگے کی جانب بڑھا۔۔۔۔

انا وہی کھڑی رہی جبکہ آبان بچے کو لیے آگے کی جانب بڑھا۔۔۔۔

کہ تبھی نومولود ننھی سی جان نے گلہ پھاڑ کر رونا شروع کردیا۔۔۔۔

آبان فورا رک گیا جیسے اس کی رونے کی وجوہ جانا چاہتا ہو۔۔۔۔۔

 انا نے آواز سنی تو سانس بھرتی اس کی جانب لپکی۔۔۔۔

میں نے کہا نہ اسے مجھے دو۔۔۔۔

انا نے لپک کر بچہ اپنی گود میں بھرا اور اسے سہلاتے ہوئے اپنی آغوش میں چھپا لیا۔۔۔۔

کچھ ہی دیر میں وہ چپ ہوگیا۔۔۔۔۔

جبکہ آبان وہی کھڑا اس کوبچے کو سہلاتے ہوئے دیکھاتا رہا۔۔۔۔۔۔

یہ ابھی صرف چند گھنٹوں کا ہے۔۔۔۔

جس کو معلوم بھی نہیں کہ اس کے سر سے شفقت کا سایہ اٹھ چکا ہے۔۔۔

انا کی بات سن کر آبان سے رہا نہ گیا۔۔۔۔۔

میں ابھی زندہ ہو۔۔۔۔

اس بچے کی ذمہ داری مجھ پر ہے۔۔۔۔

لہذا اب سوچ کر بولنا۔۔۔۔

دو اسے مجھے واپس۔۔۔۔

آبان نے انا سے واپس کہنے کی کوشش کی۔۔۔۔

یہ بہت چھوٹا ہے ماں کے بغیر رہنے کا تصور بھی نہ کرسکتا۔۔۔۔

آبان اب تک اس سے بچے کو لے چکا تھا۔۔۔۔

میں سنبھال سکتا ہو ۔۔۔۔

بس تم اور تمہارا خاندان دور رہو ہم سے۔۔۔۔

کوسوں دور۔۔۔۔

آبان نے ایک بار پھر انگلی سے تنبیہہ کی اور وہاں سے چلتا بنا۔۔۔۔

کیا کرو ؟؟؟

کیا کروں؟؟؟

مجھے معلوم ہے وہ نہیں سنبھال سکتا اسے۔۔۔۔

ایک ہی تو نشانی رہ گئی انعم کی وہ بھی دور جاتی نظر آرہی ہے۔۔۔ وہ روہانسی ہوتے سر پکڑے ایک جگہ سے دوسری جگہ چکر لگاتی بولی۔۔۔

نہیں نہیں میں ایسے کیسے ہونے دے سکتی ہو۔۔۔۔

میں آپی کے بچے کو یوں غیروں کے ہاتھوں جانے نہیں دے سکتی۔۔۔

باؤ جی ابھی بھی اسی تلاش میں ہے کہ کیںسے بھی انہیں انعم کی کوئی خبر مل جائے۔۔۔

اگر انہیں معلوم ہوگیا کہ بچہ زندہ ہے تو وہ۔۔۔۔

نہیں نہیں۔۔۔

انا سوچتے ساتھ ہی آبان کے پیچھے بھاگی۔۔۔

لیکن تب تک وہ گاڑی میں بیٹھ کر گاڑی کو بھگا رہا تھا۔۔۔

انا نے اسے جاتا دیکھا تو فورا اپنے گاڑی میں سوار ہوئی۔۔۔

اور آبان کے پیچھے اپنی گاڑی لگا دی۔۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی کے ایک روپوش علاقے کی جانب بڑھتی آبان کی گاڑی اچانک ایک بنگلے کے سامنے رکی۔۔۔۔

جس کے باہر پہلے سے ہی ایک ایمبولینس موجود تھی۔۔۔۔۔

آبان اپنی گاڑی کو گیراج میں پارک کرنے کے بعد بچے کو تھامے اندر کی جانب بڑھا۔۔۔۔۔

انا جو کہ اس کے پیچھے پیچھے تھی۔۔۔۔

گاڑی کو روکے باہر نکلی۔۔۔

اور گیٹ کی جانب بڑھی۔۔۔۔۔۔۔

مجھے اسے بتانا ہوگا۔۔۔۔

بچے کو یہاں رکھنا محفوظ نہیں۔۔۔

مار دے گے وہ اسے بھی اور ’اسے بھی۔۔۔

لیکن اب میں کچھ غلط ہونے نہیں دونگی۔۔۔۔

انعم آپی کو تو کھو چکی میں کچھ نہ کر سکی۔۔۔

لیکن ان کی نشانی کو کچھ ہونے نہیں دونگی۔۔۔۔

وہ پختہ عزم اپناتے ہوئے اندر کی جانب بڑھی۔۔۔۔۔

لاؤن کاحصہ پار کرتے ہوئے وہ گھر کی دہلیز پر پہنچی۔۔۔۔

جس کا دروازہ کھلا ہوا تھا۔۔۔

اندر سے چار آدمی اسٹریچر تھامے باہر کو نکلے۔۔۔۔

انا مزید اندر کی جانب بڑھی۔۔۔۔

تو اسے دو میتیں کفن میں لپٹی نظر آئی۔۔۔۔

انا سمجھ گئی کہ وہ دونوں میتیں کس کی تھی۔۔۔

بھاری قدموں کے ساتھ وہ اندر کی جانب جھکتے دل کو سنبھالتی ہوئی بڑھی ۔۔۔۔۔۔

بچپن کی چند مخصوص یادیں آنکھوں سے ناچ کرتی گزری۔۔۔۔

جنازے کے پاس پہنچتے ہی انا نے مشکل سے اپنا ہاتھ میت کی جانب بڑھایا۔۔۔۔

کفن ہٹایا تو اپنی بہن کو بے سود پڑا پایا۔۔۔۔

آپی۔۔۔۔۔۔۔۔۔

انا نے ایک زور دار چیخ ماری اور گرنے کے اندازہ میں میت کے ساتھ لپٹ گئی۔۔۔۔۔

 آپی۔۔۔۔

یہ سب کیا ہوگیا؟؟؟؟

 آپ چلی کیوں نہ گئی یہاں سے؟؟؟

کتنا کہا تھا آپ کو میں نے۔۔۔۔۔

نہیں مانی۔۔۔

انہوں ہر یقین نے مار دیا آپ کو۔۔۔۔

وہ روتے ہوئے بول رہی تھی۔۔۔

جبکہ انا کی آواز سن کر اب آبان بھی وہاں اگیا تھا۔۔۔۔

یہ لڑکی یہاں بھی اگئی اس کو تو میں ۔۔۔۔۔۔

کہتے ساتھ ہی آبان آستینیں چڑھائے انا کی جانب بڑھا۔۔۔

اس سے پہلے وہ کچھ بولتا۔۔۔

انا اس کو دیکھ کر مشکل سے اٹھتے ہوئے اس کی جانب بڑھی۔۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جاری ہے