Way Main Teri Ho Gai Epi 8

ناول: وے_میں_تیری_ہوگئی_آں

از: رابعہ_بخاری

قسط_نمبر_08

زراب لالہ۔۔۔۔

زراب لالہ۔۔۔۔

ایک شخص تیزی سے بھاگتا ہوا زراب کی جانب بڑھا۔۔۔

جو انا سے بات کرنے کے بعد اس کی کڑوی کڑوی باتوں کو سوچ رہا تھا۔۔۔

کیا ہوا؟؟؟

ایسے بھاگتے ہوئے کیوں آرہے ہو جیسے قیامت ٹوٹ پڑی ہو۔۔۔۔

زراب جو پہلے سے ہی بد مزاجی اپنائے کھڑا تھا بول اٹھا۔۔۔

لالہ۔۔

جو بات ہم تم کو بتانے آیا ہے وہ کسی قیامت سے کم نہیں نہ۔۔۔

سانس پھولائے وہ بہت مشکل سے لفظوں کی ادائیگی کرتے بول رہا تھا۔۔۔

ایسا کرو تم بیٹھو یہاں سانس بھرو اور پھر بتاؤ کیا بات ہے؟؟؟

زراب نے اسے بیٹھ جانے کا اشارہ دیا۔۔۔۔

وہ باؤ جی نے اس کم ذات کے بچے کو ڈھونڈ کر مارنے کا کہا تھا۔۔۔ 

وہ مل گیا ہے۔۔۔ اس شخص نے بیٹھتے ہوئے زراب کو بات سے آگاہ کیا۔۔۔

کب؟؟؟

کیسے؟؟؟

زراب انکھیں پھاڑے پریشانی ظاہر کرتے بولا۔۔۔۔

معلوم نہیں لالہ۔۔۔

آپ کو باؤ جی نے بلایا ہے۔۔۔

ہم کو تو لگتا ہے باؤ جی خود جانے کا ارادہ رکھتا ہے۔۔۔

اور خود اس کو مارنا چاہتا ہے شاید تبھی وہ تم کو وہاں بلا رہا ہے۔۔۔ اس آدمی نے نے تیز دم تیز پٹھانی لہجہ آپناتے ہوئے کہا۔۔۔

زراب نے جب سنا تو جیب میں موبائل ڈالے بھاگتے ہوئے وہاں سے چلا گیا۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

انا جو سر جھکائے بیٹھی تھی۔۔۔

اجمل صاحب کے اندر آنے پر وہ چونک سی گئی۔۔

اور جلدی سے اپنے آنسوں صاف کرتے ہوئے خود کو نارمل کیے عائز کی جانب بڑھ گئی۔۔۔

کیا ہوا ہے انا بیٹا؟؟؟

آبان نے کچھ کہا ہے اپکو؟؟؟ اجمل صاحب اسے آنسوں صاف کرتے دیکھ چکے تھے۔۔

بیٹا اس کی باتوں کا برا نہ مانا کرو۔۔۔

زبان کا کڑوا ضرور ہے لیکن دل کا برا نہیں۔۔۔

اجمل صاحب آگے بڑھتے بولے جبکہ انا ان کی باتوں کو سمجھ نہ پا رہی تھی۔۔۔

انکل آبان نے مجھے کیا کہنا؟؟؟؟

اور میں نے ان کی باتوں کا برا کیوں ماننا ہے؟؟؟.

انا انجان بنتے بولی۔۔۔

کیا مطلب؟؟؟

آبان کی وجہ سے تم نہیں رو رہی تھی کیا؟؟؟

مجھے لگا آبان نے تمہیں کچھ کہا ہے شاید تبھی تم رو رہی تھی۔۔

اسے جاتے دیکھا تھا تمہارے کمرے سے ابھی۔۔۔ تو شاید تبھی۔۔۔۔

اجمل صاحب بھی حیرانگی سے لفظ بہ لفظ بولتے جارہے تھے۔۔۔

جبکہ انا منہ کھولے کھڑی سن رہی تھی۔۔۔

کیا وہ یہاں آیا تھا کب؟؟؟

انا نے خود سے کہا لیکن. جب اجمل صاحب کو کھڑے پایا تو بولی۔۔۔

نہیں انکل وہ یہاں نہیں آئے اور نہ ہی مجھے کچھ کہا انہوں۔۔۔

اچھا خیر چھوڑے۔۔۔

آپ بتائیں کوئی کام تھا آپ کو؟؟؟

ہاں بیٹا میں نے سوچا آپ کو اور عائز کو لے جاؤ اس کی پیدائشی پرچی بنوانے۔۔۔

اجمل صاحب نے کہا تو انا نے حامی میں سر ہلایا۔۔۔

ٹھیک ہے انکل آپ چلے میں آتی ہو۔۔۔

ٹھیک ہے میں آبان سے کہتا ہو وہ بھی ساتھ چلے ہمارے۔۔۔

اجمل صاحب کہہ کر چلے گئے جبکہ انا وہی کھڑی آبان کے بارے میں سوچنے لگی۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جی باؤ جی آپ نے بلایا مجھے؟؟؟

زراب تیز تیز قدم بڑھاتے ہوئے باؤ جی کے کمرے میں داخل ہوا۔۔۔۔

جہاں فیض خان اپنی بندوق کو ہاتھ میں تھامے اسے صاف کررہے تھے۔۔۔

ہاں برخودار ہم نے تم کو یاد کیا ہے۔۔۔

فیض خان جو اپنے روایت سے عکاسی کرتے کمرے میں موجود روایتی چوغے میں ملبوس بندوق سنبھالے کھڑے تھے۔۔۔

ایک شکار کرنا ہے۔۔۔

بچھڑے کا شکار۔۔۔

ہم چاہتا ہے کہ تم یہ کام کرو اور اچھے سے کرو۔۔۔

فیض خان اپنی بندوق کو مختلف زایوں سے دیکھتے ہوئے اپنی کرسی پر بیٹھتے بولے۔۔۔

کیا مطلب باؤ جی میں سمجھا نہیں آپکی بات؟؟؟

زراب نے جواب دیا۔۔۔

ایک تو تم پڑھے لکھے لوگوں کو کچھ سمجھ نہیں آتا۔۔۔

تم اچھے سے جانتا ہے ہم کس مردود کی بات کررہا ہے۔۔۔

اس کم ذات اکبر کا بچہ جو ابھی بھی سانسیں لے رہا ہے اس روح زمین پر۔۔۔

اس کو اس کے ماں باپ کے پاس پہنچانا ہے۔۔۔

اور یہ کام تم کرے گا اب۔۔۔۔

فیض خان نے اپنے ہاتھ میں موجود بندوق زراب کی جانب بڑھائی۔۔۔

جسے زراب خاموشی سے دیکھتا رہا۔۔۔

کیا ہوا؟؟؟

شیر کا بچہ بکرے کے مینے سے ڈر گیا ہے؟؟؟

فیض خان طنزیہ مسکراہٹ دیتے ہوئے بولے۔۔۔۔

باؤ جی۔۔۔

بس کردے یہ خون خرابا۔۔۔

اس معصوم کی کیا غلطی ہے۔۔۔

جو سزا کے حقدار تھے وہ اب منوں من مٹی تلے سو رہے ہیں۔۔۔

تو اب کس بات کی دشمنی۔۔۔

زراب فیض خان کے سامنے التجا کرتے بولا۔۔۔

ہم کو کتابی باتیں نہ سمجھاؤ زراب خان۔۔۔

فیض خان کے تیور غصے میں بدل گئے۔۔۔

ہماری ناک کٹی ہے برادری میں۔۔۔

اس خبیث کے بچے کو تو ہم اپنے ہاتھ سے نہ مار سکا۔۔

لیکن اس کی نشانی کو ہم اپنے ہی خون کے ہاتھوں مارنا چاہتا ہے۔۔۔

تبھی ہماری عزت بڑھے گے۔۔۔

طاقت بڑھے گی۔۔۔

فیض خان نے زراب کو بندوق تھماتے ہوئے فخریہ انداز اپناتے کہا۔۔۔

کیا ایک معصوم کی موت سے شیروں کی طاقت بڑھتی ہے باؤ جی؟؟؟

اب میں اتنا ظرف نہیں کہ اپنی طاقت کو ایک بے زبان کمزور ناتواں بچے کو مار کر بڑھاؤ۔۔۔۔

زراب کی بات سن کر فیض خان طیش میں اگئے۔۔۔

زراب ۔۔۔۔۔۔

بلند سخت ترین الفاظ سے بولتے ہوئے کرسی کو دھکیلتے ہوئے اٹھ کھڑے ہوئے۔۔۔۔

اگر تم ہمارے مرحوم بھائی کی اولاد نہ ہوتا تو یہاں زندہ درگور ہوتا۔۔۔۔

زراب فیض خان کی جانب دیکھتے ہوئے سر جھکائے کھڑے ہوگیا۔۔۔۔

اگر تم سے یہ کام نہیں ہوگا تو ہم۔خود بھی کر سکتا ہے۔۔۔

لیکن اسے مرنا ہوگا۔۔۔

فیض خان حتمی فیصلہ سناتے بولے۔۔۔۔

جبکہ زراب وہی کھڑا فیض خان کو دیکھنے لگ گیا۔۔۔

کر لونگا میں خود۔۔۔

زراب نے بندوق ہاتھ میں پکڑے کندھے پر لٹکائی۔۔۔

ہم جانتا ہے تم ہم سے بہت محبت کرتا ہے۔۔۔

خدا کی پناہ میں جاؤ۔۔۔

ہمارا بندہ کراچی میں موجود ہے تمہاری مکمل راہنمائی کرے گا وہ۔۔۔

جی باؤ جی۔۔۔

زراب نے سر جھکاتے ہوئے کہا اور وہاں سے حکم کی تکمیل کرنے کو چلتا بنا۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

آبان نے ساتھ جانے سے انکار کردیا تھا۔۔۔

اور اب انا اجمل صاحب کے ساتھ عائز کو سنبھالے نادرہ آفیس جانے کیلئے گاڑی میں سوار ہوگئی۔۔۔

آبان ٹیریس پر کھڑا ان دونوں کو جاتا دیکھ رہا تھا۔۔۔

اور ان دونوں کے جانے بعد وہ بھی اپنے کمرے کی جانب بڑھ گیا۔۔۔

اجمل صاحب خاموشی سے گاڑی چلا رہے تھے۔۔۔

جبکہ انا عائز سے میٹھی میٹھی باتیں کرنے میں مصروف تھی۔۔۔

انکل ایک بات پوچھو؟؟؟؟

انا نے اجمل صاحب کی جانب دیکھتے کہا۔۔۔

ہاں پوچھا بیٹا کیا بات پوچھنی؟؟؟ اجمل صاحب نے سامنے کی جانب نظریں مرکوز کرتے کہا۔۔۔

انکل پوچھنی تو نہیں چاہیے لیکن پھر بھی پوچھ رہی ہو۔۔۔

معلوم نہیں کہ آپ کو یہ بات اچھی لگتی ہے کہ بری؟؟؟۔۔۔۔۔ انا ہچکچاتے بولی۔۔

نہیں بیٹا آپ پوچھا۔۔۔

انکل آبان آپ کا بیٹا ہے کیا؟؟؟؟ انا نے سوالیہ نظروں سے پوچھا۔۔۔

کیونکہ وہ آپ کو اجی کہتا ہے۔۔

ہاہاہاہاہاہا نہیں بیٹا وہ میرا بیٹا نہیں لیکن ہاں بیٹے جیسا ضرور ہے۔۔۔۔

میرے جگری دوست کا اکلوتا بیٹا جس کو میں نے اپنی اولاد سے بھر کر پالا۔۔۔۔

اجمل صاحب نے مسکراہٹ دیتے ہوئے کہا۔۔۔

یعنی کہ وہ اپکا بیٹا نہیں؟؟؟ انا نے کہا۔۔۔

نہیں آبان میرا بیٹا نہیں۔۔۔

آبان بہت چھوٹا تھا جب اس کے والدین جہاز کریش میں مارے گئے۔۔۔

باہر اسٹریلیا سے میں اسے یہی لے آیا ہمیشہ ہمیشہ کیلئے۔۔۔

اور اکبر بھی اسکا بچپن کا ہیں دوست تھا ۔۔۔۔

دونوں جان تھے ایک دوسرے کی۔۔۔

اجمل صاحب بتا رہے تھے جبکہ انا خاموشی سے سن رہی تھی۔۔۔۔

تو انکل آپکی فیملی؟؟؟ انا نے پھر سے سوال گارا۔۔۔۔

میری فیملی؟؟؟ اجمل صاحب کے کہنے پر انا نے حامی میں سر ہلایا۔۔۔۔

میرے دو بچے ہیں۔۔۔

دونوں ہی بیٹے ہیں۔۔۔

میری بیوی کو آبان کا ساتھ رہنا پسند نہ تھا۔۔۔

تو میں اسے یہاں کے یا اپناتے ساتھ تاکہ اسے اکیلا پن محسوس نہ ہو۔۔۔۔

اجمل صاحب کی بات سن کر انا کا منہ کھلے کا کھلا رہ گیا۔۔۔

مطلب آپ نے اپنی فیملی چھوڑ دی؟؟؟

اجمل صاحب نے انا تو کچھ لمحے خاموش رہے۔۔۔۔

چہرے پر درد کے چند تاثرات سجائے اور آنکھوں میں نمی کی لہر دوڑی۔۔۔

نہیں۔۔۔۔

انہوں نے چھوڑ دیا مجھے۔۔۔

شاید میری شراکت پسند نہ تھی یا مجھ پر شک تھا کہ میں ان کی خواہشات اور حقوا کو آبان کے فرق سے کم سمجھو گا۔۔۔۔

انا نے اجمل صاحب کی جانب دیکھا جو ان کے سامنے ایک زندہ دلی کی بڑی مثذل قئم کیے موجود تھے۔۔۔

آنکھوں سے نکلتے آنسوں کو چھپذتے ہوئے وہ اچانک مسکراہٹ دیے۔۔۔

آبان نے مجھے ہمیشہ اپنے والد کی جگہ دی ہے۔۔۔

کبھی میری کسی بات سے انکار نہیں کیا۔۔۔

اور مجھے فخر ہے کہ وہ میرا بیٹا ہے۔۔۔

اجمل صاحب کے چہرے پر ایک فخریہ خوشی عیاں تھی جیسے وہ اپنے کیے گئے فیصلے پر آج بہت مطمئن تھے۔۔۔

انا اس سے پہلے مزید کچھ بولتی اس کا فون بجنے لگ گیا۔۔۔۔

فورا کان کے ساتھ فون لگایا۔۔۔۔

جی پیو خالہ۔۔۔۔

کیسی ہو آپ؟؟؟؟

انو۔۔۔۔

تیرے باؤ نے بندے بھیجے ہیں انعم کے لڑکے کو مارنے کیلئے۔۔۔۔

پاہ مارا نے خود سے بھرے لہجے سے بولتے ہوئے کہا۔۔۔

کیا ؟؟؟؟

پیو خالہ آپ کو کس نے بتایا یہ سب؟؟؟

اور انہیں کیسے پتہ چلا عائز کا؟؟؟

انا کے چہرے پر خود عیاں تھے جبکہ آواز میں بھی لرزش اگئی تھی۔۔۔۔

کیا ہوا انا بیٹا؟؟؟ سب خیریت۔۔۔؟؟؟

پاس بیٹھے اجمل صاحب نے اس کی پریشانی دیکھتے ہوئے گاڑی کو روک دیا۔۔۔۔

ایک منٹ انکل۔۔۔۔۔ انا نے اشارہ دیتے ہوئے کہا۔۔۔

پیو خالہ کون آرہا ہے اب؟؟؟

کس کو بیٹھا اب جنازے کو کندھا دینے کیلئے؟؟؟؟

انا نے طنزیہ لہجے سے کہا۔۔

زراب کو؟؟؟

وہی تو بتا کر گیا میرے کو۔۔۔۔

دیکھ انو۔۔۔

باؤ کو پتہ لگا نہ تو تجھے بھی زندہ درگور کردے گا۔۔۔

ابھی بھی کہہ رہی میں تجھے چھوڑ یہ سب اور واپس آ۔۔۔۔

ماہ پارا نے سمجھاتے ہوئے اسے تنبیہہ کرتے ہوئے کہا۔۔۔۔

دیکھ لے گے پیو ۔۔۔۔

مجھے موت سے ڈر نہیں لگتا۔۔۔۔

میں بھی اسی خون سے ہو اور میں انعم نہیں۔۔۔۔

انا نے فون بند کردیا۔۔۔۔

اجمل صاحب ابھی بھی کچھ سمجھ نہ پا رہے تھے۔۔۔۔

انکل گاڑی گھومائے فورا۔۔۔۔

انا نے سر پر ہاتھ پھیرتے ہوئے کچھ سوچا اور کہا۔۔۔۔

ہوا کیا ہے ؟؟؟؟

کچھ تو بتاؤ؟؟؟

انکل وہ لوگ آرہے ہیں عائز کو ڈھونڈ لیا انہوں نے۔۔۔۔

بس جلدی چلے اب ہمیں نکلنا ہوگا یہاں سے۔۔۔۔

جلدی چلے۔۔۔۔

انا نے تیزی سے بولتے کہا اور فون ملا دیا۔۔۔۔۔

اب کس کو کال کر رہی ہو۔۔۔۔؟؟؟

اجمل صاحب گاڑی کو تیز بھگا رہے تھے۔۔۔۔

بتاتی ہو سب انکل بس ایک منٹ۔۔۔۔

انا نے تیزی سے کہا۔۔۔۔

ہیلو۔۔۔۔

کہاں ہو آپ زراب؟؟؟؟

انا نے تیزی سے بولتے کہا۔۔۔۔

نہیں وہ بس یونہی۔۔۔۔

اگر آپ مناسب سمجھے تو مجھے بتا سکتے آپ۔۔۔۔

وہ میں واپس آرہی ہو۔۔۔

تو مجھے لینے ائیر پورٹ پر آجائے ۔۔۔

بس آدھے گھنٹے میں آرہی میں۔۔۔

جی ٹھیک ہے اللہ حافظ۔۔۔

انا نے بات کرتے ساتھ ہی کال کاٹ دی۔۔۔

اب کچھ ٹائم مل جائے گا مجھے ۔۔۔۔

اجمل صاحب اسے دیکھ کر پھر سے بول اٹھے۔۔۔۔

اب بتاؤ گی کچھ؟؟؟؟

یہ سب کیا ہورہا ہے؟؟؟

انکل ان کو پتہ لگ گیا ہے عائز کا۔۔۔۔

اور وہ بس آرہے ہیں اس کے پیچھے۔۔۔

میں نے بھی تو ان سب کو گمراہ کردیا ہے لیکن وقت کم ہے۔۔۔۔

انا نے اجمل صاحب کے سامنے تفصیلات رکھی۔۔۔

جسے سن کر اجمل صاحب خاموش ہوگئے۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

آپ دونوں اتنی جلدی واپس؟؟؟

آبان جو لاؤنچ میں ہی بیٹھا تھا ان دونوں کو اندر آتے دیکھ کر حیرانگی سے بولا۔۔۔۔

آبان بیٹا ان لوگوں کو عائز کا پتہ چل گیا ہے۔۔۔

اجمل صاحب نے جاتے ساتھ ہی اسے اس بات سے آگاہ کیا۔۔۔۔

کیسے؟؟؟

ان کو کیسے پتہ چلا؟؟؟

آبان نے اجمل صاحب کی جانب دیکھتے پوچھا۔۔۔

معلوم نہیں مجھے انا کو کال آئی تھی تبھی پتہ چلا۔۔۔

اب جلدی نکلنے کی تیاری کرو آپ دونوں۔۔۔۔

آبان نے سنا تو اندر آتی انا کی جانب بڑھ پڑا۔۔۔

یہ سب اسی کی کرنی ہے اجی۔۔۔۔

آبان نے انا کی بازو پکڑی اور جھنجھوڑتے ہوئے کہا۔۔۔

چھوڑو مجھے آبان مجھے تکلیف ہو رہی ہے۔۔۔۔

انا نے تکلیف کی شدت کو مد نظر رکھتے ہوئے اپنی بازو چھڑانے کی کوشش کی۔۔۔

آبان چھوڑو اسے۔۔۔۔

کیا کرتے ہو۔۔۔۔

اس میں اس کی کوئی غلطی نہیں۔۔۔۔

اگر یہ آج نہ ہوتی تو ہمیں خبر تک نہ ہوتی آنے والی قیامت کی۔۔۔

اجمل صاحب نے آبان کو انا سے پیچھے کرتے ہوئے کہا۔۔۔۔

آپ نہیں جانتے اسے اجی۔۔۔۔

یہی ہے وہ جس نے انہیں بلایا۔۔۔

یہی مارنا چاہتی ہے عائز کو۔۔۔

دو اسے مجھے۔۔۔

آبان انا کی جانب بڑھا تاکہ عائز کو اس سے چھین سکے۔۔۔۔

وقت ذیادہ نہیں ہے آبان۔۔۔

انا عائز کو سینے سے لگائے پیچھے کو ہوئی اور چلا اٹھی۔۔۔

وہ مار ڈالے گے اسے۔۔۔۔

پلیز۔۔۔۔

یہ سب بعد میں۔۔۔۔

مجھے بچانا ہے اسے آبان۔۔۔

انا اب رو پڑی اور عائز کی جانب دیکھتے ہوئے جھنجھلا اٹھی۔۔۔

آبان خاموش کھڑا اس کے قریب کو دیکھ رہا تھا اور کچھ سوچ رہا تھا۔۔۔

اب کچھ کرے گے یا یونہی دیکھتے رہے گے مجھے؟؟؟

انا نے آبان کو دیکھتے ہوئے اکتاہٹ بھرے لہجے سے کہا۔۔۔

آبان آگے کی جانب بڑھا اور انا کا ہاتھ تھاما۔۔۔۔

چلوں چلے۔۔۔۔

کہتے ساتھ وہ انا کو کھینچتے ہوئے گاڑی کی جانب لے گیا۔۔۔

جبکہ اکبر صاحب عائز کا بیگ پکڑے اور انا کا سامان تھامے بھاگتے ہوئے آئے۔۔۔۔

انکل آپ؟؟؟؟

انا نے اجمل صاحب کی جانب دیکھتے کہا۔۔۔

تم لوگوں کے جانے کے بعد میں اسٹریلیا کیلئے نکل جاؤ گا۔۔۔۔

اجی آپ نکلے تو مجھے فون کرنا۔۔۔۔

آبان نے اجمل صاحب کی جانب دیکھتے کہا جس پر انہوں نے حامی بھری۔۔۔

لیکن انکل؟؟؟

انا نے اجمل صاحب کی جانب دیکھا۔۔۔

کچھ نہیں ہوگا انہیں یقین رکھو انا۔۔۔۔

آبان نے کہتے ساتھ ہی گاڑی چلا دی۔۔۔

جبکہ اجمل صاحب کھڑے انہیں جاتے دیکھتے رہے۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جاری ہے اور رائے ضرور دیں😊