┄┅════❁ ﷽ ❁════┅┄
ناول: آب_حیات
از: عمیرہ_احمد
قسط_نمبر_19
ﺷﺎﻡ ﮐﻮ ﺳﺎﻻﺭ ﺍﺳﮯ ﺧﻮﺵ ﮔﻮﺍﺭ ﻣﻮﮈ ﻣﯿﮟ ﺩﯾﮑﮫ ﮐﺮ ﺣﯿﺮﺍﻥ ﮨﻮ ﺍ ﺗﮭﺎ۔ ﯾﮧ ﺧﻼﻑ ﺗﻮﻗﻊ ﺗﮭﺎ، ﺧﺎﺹ ﻃﻮﺭ ﭘﺮ ﺩﻭﭘﮩﺮ ﻭﺍﻟﮯ ﻭﺍﻗﻌﮧ ﮐﮯ ﺑﻌﺪ … ﻟﯿﮑﻦ … ﺍﺱ ﺭﺍﺕ ﻭﮦ ﺍﺳﮯ ﮈﻧﺮ ﮐﮯ ﻟﯿﮯ ﺑﺎﮨﺮ ﻟﮯ ﮔﯿﺎ۔ ﻭﮦ ﺑﮯ ﺣﺪ ﻧﺮﻭﺱ ﺗﮭﯽ، ﻟﯿﮑﻦ ﺑﮯ ﺣﺪ ﺍﯾﮑﺴﺎﺋﯿﭩﮉ ﺑﮭﯽ۔ ﻭﮦ ﮐﺘﻨﮯ ﺳﺎﻟﻮﮞ ﮐﮯ ﺑﻌﺪ ﯾﻮﮞ ﮐﺴﯽ ﺭﯾﺴﭩﻮﺭﻧﭧ ﮐﮯ ﺍﻭﭘﻦ ﺍﯾﺌﺮ ﺣﺼﮧ ﻣﯿﮟ ﺑﯿﭩﮭﯽ ﺑﺎﺭﺑﯽ ﮐﯿﻮ ﮐﮭﺎ ﺭﮨﯽ ﺗﮭﯽ۔
ﮐﮭﺎﻧﮯ ﮐﮯ ﺑﻌﺪ ﻭﮦ ﺩﻭﻧﻮﮞ ﻭﻧﮉﻭ ﺷﺎﭘﻨﮓ ﮐﯽ ﻧﯿﺖ ﺳﮯ ﻣﺎﺭﮐﯿﭧ ﭼﻠﮯ ﺁﺋﮯ۔ ﺳﺎﻻﺭ ﻧﮯ ﺑﮍﯼ ﻧﺮﻣﯽ ﺍﻭﺭ ﺗﻮﺟﮧ ﺳﮯ ﺍﺳﮯ ﺧﻮﺩ ﮐﻮ ﺳﻨﺒﮭﻼﻧﮯ ﮐﺎ ﻣﻮﻗﻊ ﺩﯾﺎ ﺗﮭﺎ۔ ﻭﮦ ﺍﺱ ﺳﮯ ﮨﻠﮑﯽ ﭘﮭﻠﮑﯽ ﺑﺎﺗﯿﮟ ﮐﺮﺗﺎ ﺭﮨﺎ ﮐﮭﺎﻧﺎ ﺧﺘﻢ ﮐﺮﻧﮯ ﺗﮏ ﻭﮦ ﻧﺎﺭﻣﻞ ﮨﻮ ﭼﮑﯽ ﺗﮭﯽ۔
ﻋﯿﺪ ﮐﯽ ﺧﺮﯾﺪﺍﺭﯼ ﮐﯽ ﻭﺟﮧ ﺳﮯ ﻣﺎﺭﮐﯿﭧ ﻣﯿﮟ ﺍﺱ ﻭﻗﺖ ﺑﮭﯽ ﺑﮍﯼ ﮔﮩﻤﺎ ﮔﮩﻤﯽ ﺗﮭﯽ۔ ﻭﮦ ﺑﮩﺖ ﻋﺮﺻﮧ ﮐﮯ ﺑﻌﺪ ﻭﮨﺎﮞ ﺁﺋﯽ ﺗﮭﯽ، ﻣﺎﺭﮐﯿﭧ ﮐﯽ ﺷﮑﻞ ﮨﯽ ﺑﺪﻝ ﭼﮑﯽ ﺗﮭﯽ۔ ﻭﮦ ﺑﮯ ﺣﺪ ﺣﯿﺮﺕ ﺳﮯ ﺍﻥ ﻧﯿﻮ ﺑﺮﺍﻧﮉﺯ ﺍﻭﺭ ﺩﻭﮐﺎﻧﻮﮞ ﮐﻮ ﺩﯾﮑﮭﺘﮯ ﮨﻮﺋﮯ ﮔﺰﺭ ﺭﮨﯽ ﺗﮭﯽ ﺟﻮ ﺁﭨﮫ ﻧﻮ ﺳﺎﻝ ﭘﮩﻠﮯ ﻭﮨﺎﮞ ﻧﮩﯿﮟ ﺗﮭﯿﮟ۔ ﮈﺍﮐﭩﺮ ﺳﺒﻂ ﻋﻠﯽ ﮐﯽ ﺑﯿﭩﯿﺎﮞ ﯾﺎ ﺳﻌﯿﺪﮦ ﺍﻣﺎﮞ ﮐﮯ ﺑﯿﭩﮯ ﺍﭘﻨﯽ ﻓﯿﻤﻠﯿﺰ ﮐﮯ ﺳﺎﺗﮫ ﺟﺐ ﺑﮭﯽ ﺁﺅﭨﻨﮓ ﮐﮯ ﻟﯿﮯ ﺑﺎﮨﺮ ﻧﮑﻠﺘﮯ، ﻭﮦ ﺍﺳﮯ ﺑﮭﯽ ﺳﺎﺗﮫ ﻟﮯ ﺟﺎﻧﮯ ﮐﯽ ﮐﻮﺷﺶ ﮐﺮﺗﮯ، ﻟﯿﮑﻦ ﺍﻥ ﮐﮯ ﺳﺎﺗﮫ ﺑﺎﮨﺮ ﻧﮧ ﺟﺎﻧﮯ ﮐﺎ ﻓﯿﺼﻠﮧ ﺍﺱ ﮐﺎ ﺍﭘﻨﺎ ﮨﻮﺗﺎ ﺗﮭﺎ۔ ﻭﮦ ﺍﻥ ﻣﯿﮟ ﺳﮯ ﮐﺴﯽ ﮐﮯ ﻟﯿﮯ ﻣﺰﯾﺪ ﮐﺴﯽ ﻣﺼﯿﺒﺖ ﮐﺎ ﺑﺎﻋﺚ ﻧﮩﯿﮟ ﺑﻨﻨﺎ ﭼﺎﮨﺘﯽ ﺗﮭﯽ۔ ﺷﺎﺩﯼ ﮐﻮ ﻭﮦ ﺻﺮﻑ ﺭﮨﻨﮯ ﮐﯽ ﺟﮕﮧ ﮐﯽ ﺗﺒﺪﯾﻠﯽ ﺳﻤﺠﮫ ﺭﮨﯽ ﺗﮭﯽ، ﺣﺎﻻﺕ ﮐﯽ ﺗﺒﺪﯾﻠﯽ ﮐﮯ ﺑﺎﺭﮮ ﻣﯿﮟ ﺍﺱ ﻧﮯ ﮐﺒﮭﯽ ﻧﮩﯿﮟ ﺳﻮﭼﺎ ﺗﮭﺎ۔ ﻟﯿﮑﻦ ﻣﻌﺠﺰﺍﺕ ﮨﻮﺗﮯ ﮨﯿﮟ … ﺷﺎﺯﻭ ﻧﺎﺩﺭ ﺳﮩﯽ ﻟﯿﮑﻦ ﮨﻮﺗﮯ ﺿﺮﻭﺭ ﮨﯿﮟ۔
” ﮐﭽﮫ ﻟﻮ ﮔﯽ؟ ” ﺳﺎﻻﺭ ﮐﯽ ﺁﻭﺍﺯ ﭘﺮ ﻭﮦ ﺑﮯ ﺍﺧﺘﯿﺎﺭ ﭼﻮﻧﮑﯽ۔
” ﮨﺎﮞ … ﮐﺎﻓﯽ۔ ” ﺍﺱ ﻧﮯ ﺟﮭﺠﮏ ﮐﺮ ﮐﮩﺎ۔
” ﻣﯿﮟ ﺷﺎﭘﻨﮓ ﮐﯽ ﺑﺎﺕ ﮐﺮ ﺭﮨﺎﺗﮭﺎ۔ ” ﺍﺱ ﻧﮯ ﮐﮩﺎ۔
” ﻧﮩﯿﮟ، ﻣﯿﺮﮮ ﭘﺎﺱ ﺳﺐ ﮐﭽﮫ ﮨﮯ۔ ” ﺍﻣﺎﻣﮧ ﻧﮯ ﻣﺴﮑﺮﺍ ﮐﺮ ﮐﮩﺎ۔
” ﻭﮦ ﺗﻮ ﺍﺏ ﻣﯿﺮﮮ ﭘﺎﺱ ﺑﮭﯽ ﮨﮯ۔ ” ﺍﺱ ﮐﮯ ﭼﮩﺮﮮ ﭘﺮ ﺑﮯ ﺍﺧﺘﯿﺎﺭ ﺳﺮﺧﯽ ﺩﻭﮌﯼ ﺗﮭﯽ۔
” ﺗﻤﮩﯿﮟ ﻣﯿﺮﯼ ﺗﻌﺮﯾﻒ ﺍﭼﮭﯽ ﻟﮕﯽ … ؟ ”
” ﺳﺎﻻﺭ ! ﺑﺎﺯﺁﺅ، ﻣﯿﮟ ﻧﮯ ﺗﻤﮩﯿﮟ ﯾﮩﺎﮞ ﺗﻌﺮﯾﻒ ﮐﺮﻧﮯ ﮐﻮ ﮐﮩﺎ ﺗﮭﺎ؟ ” ﻭﮦ ﺑﮯ ﺳﺎﺧﺘﮧ ﺟﮭﯿﻨﭙﯽ۔
” ﺗﻢ ﻧﮯ ﺟﮕﮧ ﻧﮩﯿﮟ ﺑﺘﺎﺋﯽ ﺗﮭﯽ، ﺻﺮﻑ ﯾﮧ ﮐﮩﺎ ﺗﮭﺎ ﮐﮧ ﻣﺠﮭﮯ ﺗﻤﮩﺎﺭﯼ ﺗﻌﺮﯾﻒ ﮐﺮﻧﯽ ﭼﺎﮨﯿﮯ۔ ” ﻭﮦ ﺍﺳﮯ ﭼﮭﯿﮍﺗﮯ ﮨﻮﺋﮯ ﻣﺤﻔﻮﻅ ﮨﻮ ﺭﮨﺎ ﺗﮭﺎ۔
ﺍﻣﺎﻣﮧ ﻧﮯ ﺍﺱ ﺑﺎﺭ ﮔﺮﺩﻥ ﻣﻮﮌ ﮐﺮ ﺍﺳﮯ ﻧﻈﺮ ﺍﻧﺪﺍﺯ ﮐﯿﺎ۔ ﺍﺱ ﮐﮯ ﺳﺎﺗﮫ ﭼﻠﺘﮯ ﭼﻠﺘﮯ ﺍﯾﮏ ﺷﻮ ﮐﯿﺲ ﻣﯿﮟ ﮈﺳﭙﻠﮯ ﭘﺮ ﻟﮕﯽ ﺍﯾﮏ ﺳﺎﮌﮬﯽ ﺩﯾﮑﮫ ﮐﺮ ﻭﮦ ﺑﮯ ﺳﺎﺧﺘﮧ ﺭﮐﯽ۔ ﮐﭽﮫ ﺩﯾﺮ ﺳﺘﺎﺋﺸﯽ ﻧﻈﺮﻭﮞ ﺳﮯ ﺍﺱ ﮐﺎﮨﯽ ﺭﻧﮓ ﮐﯽ ﺳﺎﮌﮬﯽ ﮐﻮ ﺩﯾﮑﮭﺘﯽ ﺭﮨﯽ۔ـ ﻭﮨﺎﮞ ﺷﻮﮐﯿﺲ ﻣﯿﮟ ﻟﮕﯽ ﯾﮩﯽ ﻭﮦ ﺷﮯ ﺗﮭﯽ، ﺟﺲ ﮐﮯ ﺳﺎﻣﻨﮯ ﻭﮦ ﯾﻮﮞ ﭨﮭﭩﮏ ﮐﺮ ﺭﮎ ﮔﺌﯽ ﺗﮭﯽ۔ ﺳﺎﻻﺭ ﻧﮯ ﺍﯾﮏ ﻧﻈﺮ ﺍﺱ ﺳﺎﮌﮬﯽ ﮐﻮ ﺩﯾﮑﮭﺎ ﭘﮭﺮ ﺍﺱ ﮐﮯ ﭼﮩﺮﮮ ﮐﻮ ﺍﻭﺭ ﺑﮍﯼ ﺳﮩﻮﻟﺖ ﮐﮯ ﺳﺎﺗﮫ ﮐﮩﺎ۔
ﻣﺠﮭﮯ ﻟﮕﺘﺎ ﮨﮯ، ﯾﮧ ﺳﺎﮌﮬﯽ ﺗﻢ ﭘﺮ ﺑﮩﺖ ﺍﭼﮭﯽ ﻟﮕﮯ ﮔﯽ، ﺁﺅ ﻟﯿﺘﮯ ﮨﯿﮟ۔ ” ﻭﮦ ﮔﻼﺱ ﮈﻭﺭ ﮐﮭﻮﻟﺘﮯ ﮨﻮﺋﮯ ﺑﻮﻻ۔
” ﻧﮩﯿﮟ، ﻣﯿﺮﮮ ﭘﺎﺱ ﺑﮩﺖ ﺳﮯ ﻓﯿﻨﺴﯽ ﮐﭙﮍﮮ ﮨﯿﮟ۔ ” ﺍﻣﺎﻣﮧ ﻧﮯ ﺍﺱ ﮐﮯ ﺑﺎﺯﻭ ﭘﺮ ﮨﺎﺗﮫ ﺭﮐﮭﺘﮯ ﮐﺮ ﺍﺳﮯ ﺭﻭﮐﺎ۔
” ﻟﯿﮑﻦ ﻣﯿﮟ ﻧﮯ ﺗﻮ ﮐﭽﮫ ﻧﮩﯿﮟ ﺩﯾﺎ ﺗﻤﮩﯿﮟ ﺷﺎﺩﯼ ﭘﺮ، ﺍﺱ ﻟﯿﮯ ﮐﭽﮫ ﺩﯾﻨﺎ ﭼﺎﮨﺘﺎ ﮨﻮﮞ۔ ”
ﻭﮦ ﺍﺱ ﺑﺎﺭ ﺑﻮﻝ ﻧﮩﯿﮟ ﺳﮑﯽ۔ ﻭﮦ ﺳﺎﮌﮬﯽ ﺍﺳﮯ ﻭﺍﻗﻌﯽ ﺑﮩﺖ ﺍﭼﮭﯽ ﻟﮕﯽ ﺗﮭﯽ۔
ﺍﺱ ﺑﻮﺗﯿﮏ ﺳﮯ ﺍﻧﮩﻮﮞ ﻧﮯ ﺻﺮﻑ ﻭﮦ ﺳﺎﮌﮬﯽ ﮨﯽ ﻧﮩﯿﮟ ﺧﺮﯾﺪﯼ ﺑﻠﮑﮧ ﭼﻨﺪ ﺍﻭﺭ ﺳﻮﭦ ﺑﮭﯽ ﻟﯿﮯ ﺗﮭﮯ۔ ﺩﻭﺳﺮﯼ ﺑﻮﺗﯿﮏ ﺳﮯ ﮔﮭﺮ ﻣﯿﮟ ﭘﮩﻨﻨﮯ ﮐﮯ ﻟﯿﮯ ﮐﭽﮫ ﺭﯾﮉﯼ ﻣﯿﮉ ﻣﻠﺒﻮﺳﺎﺕ، ﮐﭽﮫ ﺳﻮﯾﭩﺮ ﺯﺍﻭﺭ ﺟﻮﺗﮯ۔
” ﻣﺠﮭﮯ ﭘﺘﺎ ﮨﮯ، ﺗﻤﮩﺎﺭﮮ ﭘﺎﺱ ﮐﭙﮍﮮ ﮨﯿﮟ ﻟﯿﮑﻦ ﺗﻢ ﻣﯿﺮﮮ ﺧﺮﯾﺪﮮ ﮨﻮﺋﮯ ﭘﮩﻨﻮ ﮔﯽ ﺗﻮ ﻣﺠﮭﮯ ﺯﯾﺎﺩﮦ ﺍﭼﮭﺎ ﻟﮕﮯ ﮔﺎ۔ ﯾﮧ ﺳﺐ ﻣﯿﮟ ﺍﭘﻨﯽ ﺧﻮﺷﯽ ﮐﮯ ﻟﯿﮯ ﮐﺮ ﺭﮨﺎ ﮨﻮﮞ، ﺗﻤﮩﯿﮟ ﺧﻮﺵ ﮐﺮﻧﮯ ﮐﯽ ﮐﻮﺷﺶ ﻧﮩﯿﮟ ﮐﺮ ﺭﮨﺎ۔ ”
ﺍﺱ ﮐﮯ ﭘﮩﻠﮯ ﺍﻋﺘﺮﺍﺽ ﭘﺮ ﺳﺎﻻﺭ ﻧﮯ ﺑﮯ ﺣﺪ ﺭﺳﺎﻧﯿﺖ ﺳﮯ ﮐﮩﺎ ﺗﮭﺎ۔
ﺍﻣﺎﻣﮧ ﻧﮯ ﺍﺱ ﮐﮯ ﺑﻌﺪ ﺍﻋﺘﺮﺍﺽ ﻧﮩﯿﮟ ﮐﯿﺎ۔ ﺍﺳﮯ ﮐﭽﮫ ﺟﮭﺠﮏ ﺗﮭﯽ ﻟﯿﮑﻦ ﺗﮭﻮﮌﯼ ﺩﯾﺮ ﻣﯿﮟ ﯾﮧ ﺟﮭﺠﮏ ﺑﮭﯽ ﺧﺘﻢ ﮨﻮ ﮔﺌﯽ۔ ﭘﮭﺮ ﺍﺱ ﻧﮯ ﺳﺎﺭﯼ ﭼﯿﺰﯾﮟ ﺍﭘﻨﯽ ﭘﺴﻨﺪ ﺳﮯ ﻟﯽ ﺗﮭﯿﮟ۔
” ﻣﺠﮭﮯ ﺗﻢ ﭘﺮ ﮨﺮ ﭼﯿﺰ ﺍﭼﮭﯽ ﻟﮕﺘﯽ ﮨﮯ۔ ﺳﻮ ﺗﻢ ﻣﺠﮫ ﺳﮯ ﻣﺖ ﭘﻮﭼﮭﻮ۔ ” ﺍﺱ ﻧﮯ ﺳﺎﻻﺭ ﮐﯽ ﭘﺴﻨﺪ ﭘﻮﭼﮭﯽ ﺗﻮ ﻭﮦ ﻣﺴﮑﺮﺍﺗﮯ ﮨﻮﺋﮯ ﺑﻮﻻ۔
” ﻻﺅﻧﺞ ﮐﯽ ﮐﮭﮍﮐﯿﻮﮞ ﭘﺮ curtains ﻟﮕﺎ ﻟﯿﮟ۔ ” ﺍﻣﺎﻣﮧ ﮐﻮ ﯾﺎﺩ ﺁﯾﺎ۔
” ﺑﻼﺋﻨﮉ ﺳﮯ ﮐﯿﺎ ﺍﯾﺸﻮ ﮨﮯ ﺗﻤﮩﯿﮟ؟ ” ﻭﮦ ﭼﻮﻧﮑﺎ۔
” ﮐﻮﺋﯽ ﻧﮩﯿﮟ ﻟﯿﮑﻦ ﻣﺠﮭﮯ curtains ﺍﭼﮭﮯ ﻟﮕﺘﮯ ﮨﯿﮟ۔ ﺧﻮﺏ ﺻﻮﺭﺕ ﮨﮯ۔ ”
” ﮐﯿﻮﮞ ﻧﮩﯿﮟ۔ ” ﺳﺎﻻﺭ ﻧﮯ ﺍﭘﻨﯽ ﺩﻟﯽ ﺗﺎﺛﺮ ﭼﮭﭙﺎﺗﮯ ﮨﻮﺋﮯ ﻣﺴﮑﺮﺍ ﮐﺮ ﮐﮩﺎ۔ ﻭﮦ ﺍﺱ ﺳﮯ ﮐﮩﮧ ﻧﮩﯿﮟ ﺳﮑﺎ ﮐﮧ ﺍﺳﮯ ﭘﺮﺩﻭﮞ ﺳﮯ ﭼﮍ ﺗﮭﯽ۔
ﺭﺍﺕ ﭘﻮﻧﮯ ﺑﺎﺭﮦ ﺑﺠﮯ ﺍﯾﮏ ﮐﯿﻔﮯ ﻣﯿﮟ ﮐﺎﻓﯽ ﺍﻭﺭ tiramisu ﮐﮭﺎﻧﮯ ﮐﮯ ﺑﻌﺪ ﻭﮦ ﺗﻘﺮﯾﺒﺎً ﺳﺎﮌﮬﮯ ﺑﺎﺭﮦ ﺑﺠﮯ ﮔﮭﺮ ﻭﺍﭘﺲ ﺁﺋﮯ۔ ﻻﮨﻮﺭ ﺗﺐ ﺗﮏ ﺍﯾﮏ ﺑﺎﺭ ﭘﮭﺮ ﺩﮬﻨﺪ ﻣﯿﮟ ﮈﻭﺏ ﭼﮑﺎ ﺗﮭﺎ ﻟﯿﮑﻦ ﺯﻧﺪﮔﯽ ﮐﮯ ﺭﺍﺳﺘﮯ ﺳﮯ ﺩﮬﻨﺪ ﭼﮭﭩﻨﮯ ﻟﮕﯽ ﺗﮭﯽ۔
ﮔﮭﺮ ﺁﻧﮯ ﮐﮯ ﺑﻌﺪ ﺑﮭﯽ ﻭﮦ ﺑﮯ ﻣﻘﺼﺪ ﺍﻥ ﭼﯿﺰﻭﮞ ﮐﻮ ﮐﮭﻮﻝ ﮐﺮ ﺻﻮﻓﮯ ﭘﺮ ﺑﯿﭩﮫ ﮔﺌﯽ۔ ﮐﺘﻨﮯ ﺳﺎﻟﻮﮞ ﺑﻌﺪ ﻭﮦ ﻣﻠﻨﮯ ﻭﺍﻟﯽ ﮐﺴﯽ ﭼﯿﺰ ﮐﻮ ﺗﺸﮑﺮ ﺍﻭﺭ ﺍﺣﺴﺎﻥ ﻣﻨﺪﯼ ﮐﮯ ﺑﻮﺟﮫ ﮐﮯ ﺳﺎﺗﮫ ﻧﮩﯿﮟ ﺑﻠﮑﮧ ﺍﺳﺘﺤﻘﺎﻕ ﮐﮯ ﺍﺣﺴﺎﺱ ﮐﮯ ﺳﺎﺗﮫ ﺩﯾﮑﮫ ﺭﮨﯽ ﺗﮭﯽ۔
ﻋﻮﺭﺕ ﮐﮯ ﻟﯿﮯ ﺑﮩﺖ ﺳﺎﺭﯼ ﻧﻌﻤﺘﻮﮞ ﻣﯿﮟ ﺳﮯ ﺍﯾﮏ ﻧﻌﻤﺖ ﺍﺱ ﮐﮯ ﺷﻮﮨﺮ ﮐﺎ ﺍﺱ ﮐﯽ ﺫﺍﺕ ﭘﺮ ﭘﯿﺴﮧ ﺧﺮﭺ ﮐﺮﻧﺎ ﺑﮭﯽ ﮨﮯ ﺍﻭﺭ ﯾﮧ ﻧﻌﻤﺖ ﮐﯿﻮﮞ ﺗﮭﺎ، ﻭﮦ ﺍﺳﮯ ﺁﺝ ﺳﻤﺠﮫ ﭘﺎﺋﯽ ﺗﮭﯽ۔
ﮈﺍﮐﭩﺮ ﺳﺒﻂ ﻋﻠﯽ ﺍﻭﺭ ﺍﻥ ﮐﯽ ﺑﯿﻮﯼ ﮨﺮ ﺳﯿﺰﻥ ﮐﮯ ﺁﻏﺎﺯ ﻣﯿﮟ ﺍﺳﮯ ﮐﭙﮍﮮ ﺍﻭﺭ ﺩﻭﺳﺮﯼ ﭼﯿﺰﯾﮟ ﺧﺮﯾﺪ ﮐﺮ ﺩﯾﺘﮯ ﺗﮭﮯ۔ ﺳﻌﯿﺪﮦ ﺍﻣﺎﮞ ﺑﮭﯽ ﺍﺱ ﮐﮯ ﻟﯿﮯ ﮐﭽﮫ ﻧﮧ ﮐﭽﮫ ﻻﺗﯽ ﺭﮨﺘﯽ ﺗﮭﯿﮟ۔ ﺍﻥ ﮐﮯ ﺑﯿﭩﮯ ﺍﻭﺭ ﮈﺍﮐﭩﺮ ﺳﺒﻂ ﻋﻠﯽ ﮐﯽ ﺑﯿﭩﯿﺎﮞ ﺑﮭﯽ ﺍﺳﮯ ﮐﭽﮫ ﻧﮧ ﮐﭽﮫ ﺑﮭﯿﺠﺘﯽ ﺭﮨﺘﯽ ﺗﮭﯿﮟ ﻟﯿﮑﻦ ﺍﻥ ﻣﯿﮟ ﺳﮯ ﮐﺴﯽ ﭼﯿﺰ ﮐﻮ ﮨﺎﺗﮫ ﻣﯿﮟ ﻟﯿﺘﮯ ﮨﻮﺋﮯ ﺍﺱ ﻧﮯ ﺍﯾﺴﯽ ﺧﻮﺷﯽ ﯾﺎ ﺳﮑﻮﻥ ﻣﺤﺴﻮﺱ ﻧﮩﯿﮟ ﮐﯿﺎ ﺗﮭﺎ۔ ﻭﮦ ﺧﯿﺮﺍﺕ ﻧﮩﯿﮟ ﺗﮭﯽ ﻟﯿﮑﻦ ﻭﮦ ﺣﻖ ﺑﮭﯽ ﻧﮩﯿﮟ ﺗﮭﺎ، ﻭﮦ ﺍﺣﺴﺎﻥ ﺗﮭﺎ ﺍﻭﺭ ﻭﮦ ﺍﺗﻨﮯ ﺳﺎﻟﻮﮞ ﻣﯿﮟ ﺑﮭﯽ ﺍﭘﻨﮯ ﻭﺟﻮﺩ ﮐﻮ ﺍﺣﺴﺎﻧﻮﮞ ﮐﺎ ﻋﺎﺩﯼ ﻧﮩﯿﮟ ﺑﻨﺎ ﺳﮑﯽ ﺗﮭﯽ۔ ﺑﮯ ﺷﮏ ﻭﮦ ﺍﺱ ﮐﯽ ﺯﻧﺪﮔﯽ ﮐﺎ ﺣﺼﮧ ﺿﺮﻭﺭ ﺑﻦ ﮔﺌﮯ ﺗﮭﮯ۔
ﯾﮧ ﮐﯿﺴﺎ ﺍﺣﺴﺎﺱ ﺗﮭﺎ ﺟﻮ ﺍﻥ ﭼﯿﺰﻭﮞ ﮐﻮ ﮔﻮﺩ ﻣﯿﮟ ﻟﯿﮯ ﺍﺳﮯ ﮨﻮ ﺭﮨﺎ ﺗﮭﺎ۔ ﺧﻮﺷﯽ؟ ﺁﺯﺍﺩﯼ؟ ﺍﻃﻤﯿﻨﺎﻥ؟ ﺳﮑﻮﻥ … ؟ ﯾﺎ ﮐﻮﺋﯽ ﺍﯾﺴﯽ ﺷﮯ ﺗﮭﯽ ﺟﺲ ﮐﮯ ﻟﯿﮯ ﺍﺱ ﮐﮯ ﭘﺎﺱ ﻟﻔﻆ ﻧﮩﯿﮟ ﺗﮭﮯ۔
” ﮐﯿﺎ ﺩﯾﮑﮫ ﺭﮨﯽ ﮨﻮ ﺗﻢ؟ ” ﺳﺎﻻﺭ ﮐﭙﮍﮮ ﺗﺒﺪﯾﻞ ﮐﺮ ﻭﺍﺵ ﺭﻭﻡ ﺳﮯ ﻧﮑﺎﻝ ﺗﮭﺎ ﺍﻭﺭ ﮈﺭﯾﺴﻨﮓ ﺭﻭﻡ ﮐﯽ ﻻﺋﭧ ﺁﻑ ﮐﺮ ﮐﮯ ﮐﻤﺮﮮ ﻣﯿﮟ ﺁﺗﮯ ﮨﻮﺋﮯ ﺍﺱ ﻧﮯ ﺍﻣﺎﻣﮧ ﮐﻮ ﺍﺳﯽ ﻃﺮﺡ ﺻﻮﻓﮯ ﭘﺮ ﻭﮦ ﺳﺎﺭﯼ ﭼﯿﺰﯾﮟ ﭘﮭﯿﻼﺋﮯ ﺑﯿﭩﮭﮯ ﺩﯾﮑﮭﺎ۔ ﻭﮦ ﺣﯿﺮﺍﻥ ﺳﺎ ﮨﻮﺍ۔ ﻭﮦ ﺟﺐ ﺳﮯ ﺁﺋﯽ ﺗﮭﯽ، ﺍﺱ ﻭﻗﺖ ﺳﮯ ﺍﻥ ﭼﯿﺰﻭﮞ ﮐﻮ ﻟﮯ ﮐﺮ ﺑﯿﭩﮭﯽ ﮨﻮﺋﯽ ﺗﮭﯽ۔
” ﮐﭽﮫ ﺑﮭﯽ ﻧﮩﯿﮟ ﻣﯿﮟ ﺑﺲ ﺭﮐﮭﻨﮯ ﮨﯽ ﻟﮕﯽ ﺗﮭﯽ۔ ” ﺍﻣﺎﻣﮧ ﻧﮯ ﺍﻥ ﭼﯿﺰﻭﮞ ﮐﻮ ﺳﻤﯿﭩﻨﺎ ﺷﺮﻭﻉ ﮐﺮ ﺩﯾﺎ۔
” ﺍﯾﮏ ﻭﺍﺭﮈ ﺭﻭﺏ ﻣﯿﮟ ﻧﮯ ﺧﺎﻟﯽ ﮐﺮ ﺩﯼ ﮨﮯ، ﺗﻢ ﺍﭘﻨﮯ ﮐﭙﮍﮮ ﺍﺱ ﻣﯿﮟ ﺭﮐﮫ ﻟﻮ۔ ﺍﮔﺮ ﮐﭽﮫ ﺍﻭﺭ ﺟﮕﮧ ﮐﯽ ﺿﺮﻭﺭﺕ ﮨﻮ ﺗﻮ ﮔﯿﺴﭧ ﺭﻭﻡ ﮐﯽ ﺍﯾﮏ ﻭﺍﺭﮈ ﺭﻭﺏ ﺑﮭﯽ ﺧﺎﻟﯽ ﮨﮯ۔ ﺗﻢ ﺍﺳﮯ ﺍﺳﺘﻌﻤﺎﻝ ﮐﺮ ﺳﮑﺘﯽ ﮨﻮ۔ ”
ﻭﮦ ﺍﭘﻨﮯ ﮐﻤﺮﮮ ﺳﮯ ﮐﭽﮫ ﮈﮬﻮﻧﮉﺗﺎ ﮨﻮﺍ ﺍﺱ ﺳﮯ ﮐﮩﮧ ﺭﮨﺎ ﺗﮭﺎ۔
” ﻣﺠﮭﮯ ﺳﻌﯿﺪﮦ ﺍﻣﺎﮞ ﮐﮯ ﮔﮭﺮ ﺳﮯ ﺍﭘﻨﺎ ﺳﺎﻣﺎﻥ ﻻﻧﺎ ﮨﮯ۔ ” ﺍﻣﺎﻣﮧ ﻧﮯ ﺳﺎﺭﯼ ﭼﯿﺰﻭﮞ ﮐﻮ ﺩﻭﺑﺎﺭﮦ ﮈﺑﻮﮞ ﺍﻭﺭ ﺑﯿﮕﺰ ﻣﯿﮟ ﮈﺍﻟﺘﮯ ﮨﻮﺋﮯ ﮐﮩﺎ۔
” ﮐﯿﺴﺎ ﺳﺎﻣﺎﻥ؟ ” ﻭﮦ ﺍﺑﮭﯽ ﺗﮏ ﺩﺭﺍﺯ ﻣﯿﮟ ﮐﭽﮫ ﮈﮬﻮﻧﮉ ﺭﮨﺎ ﺗﮭﺎ۔
” ﻣﯿﺮﮮ ﺟﮩﯿﺰ ﮐﺎ ﺳﺎﻣﺎﻥ۔ ” ﺍﻣﺎﻣﮧ ﻧﮯ ﺑﮍﯼ ﺭﺳﺎﻧﯿﺖ ﺳﮯ ﮐﮩﺎ۔
” ﻣﺜﻼً؟ ” ﻭﮦ ﺩﺭﺍﺯ ﺳﮯ ﻧﮑﺎﻟﮯ ﮔﺌﮯ ﮐﭽﮫ ﭘﯿﭙﺮﺯ ﺩﯾﮑﮭﺘﮯ ﮨﻮﺋﮯ ﭼﻮﻧﮑﺎ۔
” ﺑﺮﺗﻦ ﮨﯿﮟ، ﺍﻟﯿﮑﭩﺮﻭﻧﮑﺲ ﮐﯽ ﭼﯿﺰﯾﮟ ﮨﯿﮟ۔ ﻓﺮﻧﯿﭽﺮ ﺑﮭﯽ ﮨﮯ ﻟﯿﮑﻦ ﻭﮦ ﺷﻮ ﺭﻭﻡ ﭘﺮ ﮨﮯ ﺍﻭﺭ ﺑﮭﯽ ﮐﭽﮫ ﭼﮭﻮﭨﯽ ﭼﮭﻮﭨﯽ ﭼﯿﺰﯾﮟ ﮨﯿﮟ۔ ”
ﻭﮦ ﺍﻥ ﭘﯿﭙﺮﺯ ﮐﻮ ﺩﺭﺍﺯ ﻣﯿﮟ ﺭﮐﮫ ﮐﺮ ﺍﺱ ﮐﯽ ﺑﺎﺕ ﺳﻨﺘﺎ ﺭﮨﺎ۔
” ﺗﻤﮩﺎﺭﮮ ﺫﺍﺗﯽ ﺍﺳﺘﻌﻤﺎﻝ ﮐﯽ ﮐﻮﺋﯽ ﭼﯿﺰ ﮨﮯ ﻭﮨﺎﮞ؟ ” ﺍﺱ ﻧﮯ ﭘﻮﭼﮭﺎ۔
” ﻭﮦ ﺳﺐ ﻣﯿﺮﯼ ﺫﺍﺗﯽ ﭼﯿﺰﯾﮟ ﮨﯿﮟ۔ ” ﺍﺱ ﻧﮯ ﺑﮯ ﺳﺎﺧﺘﮧ ﮐﮩﺎ۔
” ﻭﮦ ﺟﮩﯿﺰ ﮐﺎ ﺳﺎﻣﺎﻥ ﮨﮯ۔ ” ﺳﺎﻻﺭ ﻧﮯ ﺍﺳﮯ ﺟﺘﺎﻧﮯ ﻭﺍﻟﮯ ﺍﻧﺪﺍﺯ ﻣﯿﮟ ﮐﮩﺎ۔
” ﺍﺏ ﺗﻢ ﮐﮩﻮ ﮔﮯ، ﺗﻤﮩﯿﮟ ﺟﮩﯿﺰ ﻧﮩﯿﮟ ﭼﺎﮨﯿﮯ۔ ” ﻭﮦ ﮐﭽﮫ ﺟﺰﺑﺰ ﮨﻮ ﮐﺮ ﺑﻮﻟﯽ۔
” ﻣﺠﮭﮯ ﮐﺴﯽ ﺑﮭﯽ ﻗﺴﻢ ﮐﺎ ﺳﺎﻣﺎﻥ ﻧﮩﯿﮟ ﭼﺎﮨﯿﮯ۔ ” ﺳﺎﻻﺭ ﻧﮯ ﺩﻭ ﭨﻮﮎ ﺍﻧﺪﺍﺯ ﻣﯿﮟ ﮐﮩﺎ۔ ” ﺗﻤﮩﯿﮟ ﻟﮕﺘﺎ ﮨﮯ ﺍﺱ ﺍﭘﺎﺭﭨﻤﻨﭧ ﻣﯿﮟ ﭘﮩﻠﮯ ﮨﯽ ﮐﺴﯽ ﭼﯿﺰ ﮐﯽ ﮐﻤﯽ ﮨﮯ؟ ﺗﻢ ﭼﺎﮨﺘﯽ ﮨﻮ، ﯾﮩﺎﮞ ﮨﺮ ﭼﯿﺰ ﺩﻭ، ﺩﻭ ﮐﯽ ﺗﻌﺪﺍﺩ ﻣﯿﮟ ﮨﻮ۔ ﺭﮐﮭﯿﮟ ﮔﮯ ﮐﮩﺎﮞ؟ ” ﻭﮦ ﭘﻮﭼﮫ ﺭﮨﺎ ﺗﮭﺎ۔ ﺍﻣﺎﻣﮧ ﺳﻮﭺ ﻣﯿﮟ ﭘﮍ ﮔﺌﯽ۔
” ﺍﺗﻨﮯ ﺳﺎﻟﻮﮞ ﺳﮯ ﭼﯿﺰﯾﮟ ﻣﯿﮟ ﺧﺮﯾﺪﺗﯽ ﺭﮨﯽ ﮨﻮﮞ ﺍﭘﻨﮯ ﻟﯿﮯ، ﻟﯿﮑﻦ ﺯﯾﺎﺩﮦ ﺳﺎﻣﺎﻥ ﺍﺑﻮ ﮐﮯ ﭘﯿﺴﻮﮞ ﺳﮯ ﺁﯾﺎ ﮨﮯ۔ ﻭﮦ ﻧﺎﺭﺍﺽ ﮨﻮﮞ ﮔﮯ۔ ” ﻭﮦ ﺍﺏ ﺑﮭﯽ ﺗﯿﺎﺭ ﻧﮩﯿﮟ ﺗﮭﯽ۔
ﮈﺍﮐﭩﺮ ﺻﺎﺣﺐ ﻧﮯ ﺍﭘﻨﯽ ﺗﯿﻨﻮﮞ ﺑﯿﭩﯿﻮﮞ ﮐﻮ ﺟﮩﯿﺰ ﺩﯾﺎ؟ ” ﻭﮦ ﺍﺏ ﭘﻮﭼﮫ ﺭﮨﺎ ﺗﮭﺎ۔ ” ﻧﮩﯿﮟ ﺩﯾﺎ ﻧﺎ؟ ”
” ﺗﻤﮩﯿﮟ ﮐﯿﺴﮯ ﭘﺘﺎ؟ ” ﻭﮦ ﭼﻨﺪ ﻟﻤﺤﮯ ﺑﻮﻝ ﻧﮩﯿﮟ ﺳﮑﯽ۔
” ﺍﻧﮩﻮﮞ ﻧﮯ ﮨﻤﯿﮟ ﺧﻮﺩ ﺑﺘﺎﯾﺎ ﺗﮭﺎ۔ ” ﺍﺱ ﻧﮯ ﮐﮩﺎ۔
” ﺍﻥ ﮐﯽ ﺗﯿﻨﻮﮞ ﺑﯿﭩﯿﻮﮞ ﮐﯽ ﺷﺎﺩﯾﺎﮞ ﻓﯿﻤﻠﯽ ﻣﯿﮟ ﮨﻮﺋﯽ ﮨﯿﮟ ﺍﺱ ﻟﯿﮯ۔ ” ﺍﻣﺎﻣﮧ ﻧﮯ ﮐﮩﺎ۔
” ﭨﺮﺳﭧ ﻣﯽ … ﻣﯿﮟ ﺑﮭﯽ ﺟﮩﯿﺰ ﻟﮯ ﮐﺮ ﻧﮧ ﺁﻧﮯ ﭘﺮ ﺗﻢ ﺳﮯ ﺑﺮﺍ ﺳﻠﻮﮎ ﻧﮩﯿﮟ ﮐﺮﻭﮞ ﮔﺎ۔ ﯾﮧ ﮈﺍﮐﭩﺮ ﺻﺎﺣﺐ ﮐﺎ ﺗﺤﻔﮧ ﮨﻮﺗﺎ ﺗﻮ ﻣﯿﮟ ﺿﺮﻭﺭ ﺭﮐﮭﺘﺎ ﻟﯿﮑﻦ ﯾﮧ ﺍﻧﮩﻮﮞ ﻧﮯ ﺗﻤﮩﺎﺭﯼ ﺳﯿﮑﯿﻮﺭﭨﯽ ﮐﮯ ﻟﯿﮯ ﺩﯾﺎ ﺗﮭﺎ، ﮐﯿﻮﻧﮑﮧ ﺗﻤﮩﺎﺭﯼ ﺷﺎﺩﯼ ﮐﺴﯽ ﺍﯾﺴﯽ ﻓﯿﻤﻠﯽ ﻣﯿﮟ ﮨﻮ ﺭﮨﯽ ﺗﮭﯽ ﺟﻦ ﮐﮯ ﺑﺎﺭﮮ ﻣﯿﮟ ﻭﮦ ﻣﮑﻤﻞ ﻃﻮﺭ ﭘﺮ ﻧﮩﯿﮟ ﺟﺎﻧﺘﮯ ﺗﮭﮯ۔ ﻟﯿﮑﻦ ﻣﯿﺮﮮ ﺑﺎﺭﮮ ﻣﯿﮟ ﺗﻮ ﻭﮦ ﺑﮭﯽ ﺟﺎﻧﺘﮯ ﮨﯿﮟ ﺍﻭﺭ ﺗﻢ ﺑﮭﯽ۔ ” ﺳﺎﻻﺭ ﻧﮯ ﺍﺱ ﺳﮯ ﮐﮩﺎ۔
” ﻣﯿﺮﮮ ﺑﺮﺗﻦ، ﺑﯿﮉ ﺷﯿﭩﺲ ﺍﻭﺭ ﮐﭙﮍﮮ ﮨﯿﮟ۔ ﭼﮭﻮﭨﯽ ﭼﮭﻮﭨﯽ ﮐﺘﻨﯽ ﭼﯿﺰﯾﮟ ﮨﯿﮟ ﺟﻮ ﻣﯿﮟ ﺍﺗﻦ ﺳﺎﻟﻮﮞ ﺳﮯ ﺟﻤﻊ ﮐﺮ ﺭﮨﯽ ﮨﻮﮞ۔ ﺍﺏ ﮐﯿﺴﮯ ﺩﮮ ﺩﻭﮞ ﯾﮧ ﺳﺐ ﮐﭽﮫ؟ ” ﻭﮦ ﻧﺎﺧﻮﺵ ﺗﮭﯽ۔
” ﺍﻭﮐﮯ، ﺟﻮ ﭼﯿﺰ ﺗﻢ ﻧﮯ ﺍﭘﻨﯽ ﭘﮯ ﺳﮯ ﻟﯽ ﮨﮯ، ﻭﮦ ﻟﮯ ﺁﺅ، ﺑﺎﻗﯽ ﭼﮭﻮﮌ ﺩﻭ ﺳﺐ ﮐﭽﮫ۔ ﻭﮦ ﮐﺴﯽ ﺧﯿﺮﺍﺗﯽ ﺍﺩﺍﺭﮮ ﮐﻮ ﺩﮮ ﺩﯾﮟ ﮔﮯ۔ ” ﺳﺎﻻﺭ ﻧﮯ ﺍﯾﮏ ﺍﻭﺭ ﺣﻞ ﻧﮑﺎﻻ۔ ﻭﮦ ﺍﺱ ﺑﺎﺭ ﮐﭽﮫ ﺳﻮﭼﻨﮯ ﻟﮕﯽ۔
” ﻣﯿﮟ ﺻﺒﺢ ﺁﻓﺲ ﺟﺎﺗﮯ ﮨﻮﺋﮯ ﺗﻤﮩﯿﮟ ﺳﻌﯿﺪﮦ ﺍﻣﺎﮞ ﮐﯽ ﻃﺮﻑ ﭼﮭﻮﮌ ﺩﻭﮞ ﮔﺎ ﺍﻭﺭ ﺁﻓﺲ ﺳﮯ ﺁﺝ ﺫﺭﺍ ﺟﻠﺪﯼ ﺁﺟﺎﺅﮞ ﮔﺎ۔ ﺗﻤﮩﺎﺭﯼ ﭘﯿﮑﻨﮓ ﺑﮭﯽ ﮐﺮﻭﺍ ﺩﻭﮞ ﮔﺎ۔ ”
ﻭﮦ ﮨﺎﺗﮫ ﻣﯿﮟ ﮐﭽﮫ ﭘﯿﭙﺮﺯ ﻟﯿﮯ ﮨﻮﺋﮯ ﺍﺱ ﮐﯽ ﻃﺮﻑ ﺁﯾﺎ۔ ﺻﻮﻓﮯ ﭘﺮ ﺍﺱ ﮐﮯ ﭘﺎﺱ ﭘﮍﯼ ﭼﯿﺰﻭﮞ ﮐﻮ ﺍﯾﮏ ﻃﺮﻑ ﮐﺮﺗﮯ ﮨﻮﺋﮯ ﻭﮦ ﺍﺱ ﮐﮯ ﭘﺎﺱ ﺑﯿﭩﮫ ﮔﯿﺎ۔
” ﯾﮧ ﺟﺲ ﺟﮕﮧ ﭘﺮ ﮐﺮﺍﺱ ﮐﺎ ﻧﺸﺎﻥ ﮨﮯ، ﺍﺱ ﭘﺮ ﺍﭘﻨﮯ ﺳﺎﺋﻦ ﮐﺮ ﺩﻭ۔ ”
ﺍﺱ ﻧﮯ ﮐﭽﮫ ﭘﯿﭙﺮﺯ ﺍﺱ ﮐﯽ ﻃﺮﻑ ﺑﮍﮬﺎﺗﮯ ﮨﻮﺋﮯ ﺍﯾﮏ ﭘﯿﻦ ﺍﺳﮯ ﺗﮭﻤﺎﯾﺎ۔
” ﯾﮧ ﮐﯿﺎ ﮨﮯ؟ ” ﺍﺱ ﻧﮯ ﮐﭽﮫ ﺣﯿﺮﺍﻥ ﮨﻮ ﮐﺮ ﺍﻥ ﭘﯿﭙﺮﺯ ﮐﻮ ﺩﯾﮑﮭﺎ۔
” ﻣﯿﮟ ﺍﭘﻨﮯ ﺑﯿﻨﮏ ﻣﯿﮟ ﺗﻤﮩﺎﺭﺍ ﺍﮐﺎﺅﻧﭧ ﮐﮭﻠﻮﺍ ﺭﮨﺎ ﮨﻮﮞ۔ ”
” ﻟﯿﮑﻦ ﻣﯿﺮﺍ ﺍﮐﺎﺅﻧﭧ ﺗﻮ ﭘﮩﻠﮯ ﮨﯽ ﮐﮭﻼ ﮨﻮﺍ ﮨﮯ۔ ”
” ﭼﻠﻮ، ﺍﯾﮏ ﺍﮐﺎﺅﻧﭧ ﻣﯿﺮﮮ ﺑﯿﻨﮏ ﻣﯿﮟ ﺑﮭﯽ ﺳﮩﯽ۔ ﺑﺮﮮ ﻧﮩﯿﮟ ﮨﯿﮟ ﮨﻢ، ﺍﭼﮭﯽ ﺳﺮﻭﺱ ﺩﯾﺘﮯ ﮨﯿﮟ۔ ” ﺍﺱ ﻧﮯ ﻣﺬﺍﻕ ﮐﯿﺎ۔ ﺍﻣﺎﻣﮧ ﻧﮯ ﭘﯿﭙﺮﺯ ﭘﺮ ﺳﺎﺋﻦ ﮐﺮﻧﺎ ﺷﺮﻭﻉ ﮐﺮ ﺩﯾﺎ۔
” ﭘﮭﺮ ﻭﮦ ﺍﮐﺎﺅﻧﭧ ﺑﻨﺪ ﮐﺮ ﺩﻭﮞ؟ ” ﺍﻣﺎﻣﮧ ﻧﮯ ﺳﺎﺋﻦ ﮐﺮﻧﮯ ﮐﮯ ﺑﻌﺪ ﮐﮩﺎ۔
” ﻧﮩﯿﮟ، ﺍﺳﮯ ﺭﮨﻨﮯ ﺩﻭ۔ ” ﺳﺎﻻﺭ ﻧﮯ ﭘﯿﭙﺮﺯ ﺍﺱ ﺳﮯ ﻟﯿﺘﮯ ﮨﻮﺋﮯ ﮐﮩﺎ
” ﺗﻤﮩﯿﮟ ﺍﮐﺎﺅﻧﭧ ﮐﮭﻮﻟﻨﮯ ﮐﮯ ﻟﯿﮯ ﮐﺘﻨﯽ ﺭﻗﻢ ﮐﺎ ﭼﯿﮏ ﺩﻭﮞ؟ ” ﺍﻣﺎﻣﮧ ﮐﺎ ﺧﯿﺎﻝ ﺗﮭﺎ ﮐﮧ ﻭﮦ ﻏﯿﺮ ﻣﻠﮑﯽ ﺑﯿﻨﮏ ﮨﮯ۔ ﯾﻘﯿﻨﺎ ﺍﮐﺎﺅﻧﭧ ﮐﮭﻮﻟﻨﮯ ﮐﮯ ﻟﯿﮯ ﻣﻠﮑﯽ ﺑﯿﻨﮏ ﮐﯽ ﻧﺴﺒﺖ ﮐﭽﮫ ﺯﯾﺎﺩﮦ ﺭﻗﻢ ﮐﯽ ﺿﺮﻭﺭﺕ ﮨﻮ ﮔﯽ۔
” ﺗﻤﮩﺎﺭﺍ ﺣﻖ ﻣﮩﺮ ﭘﮯ ﮐﺮﻧﺎ ﮨﮯ ﻣﺠﮭﮯ، ﺍﺳﯽ ﺭﻗﻢ ﺳﮯ ﮐﮭﻮﻝ ﺩﻭﮞ ﮔﺎ۔ ﺳﺎﻻﺭ ﻧﮯ ﭘﯿﭙﺮﺯ ﺍﯾﮏ ﻟﻔﺎﻓﮯ ﻣﯿﮟ ﺭﮐﮭﺘﮯ ﮨﻮﺋﮯ ﺍﺱ ﺳﮯ ﮐﮩﺎ۔
” ﺍﺱ ﭘﺮ ﺍﯾﮏ ﻓﮕﺮ ﻟﮑﮭﻮ۔ ”
ﺍﻣﺎﻣﮧ ﻧﮯ ﺣﯿﺮﺍﻧﯽ ﺳﮯ ﺍﺱ ﺭﺍﺋﭩﻨﮓ ﭘﯿﮉ ﮐﻮ ﺩﯾﮑﮭﺎ ﺟﻮ ﺍﺱ ﻧﮯ ﺍﺱ ﮐﯽ ﻃﺮﻑ ﺑﮍﮬﺎﯾﺎ ﺗﮭﺎ۔ ” ﮐﯿﺴﯽ ﻓﮕﺮ؟ ” ﻭﮦ ﺍﻟﺠﮭﯽ۔
” ﮐﻮﺋﯽ ﺑﮭﯽ ﻓﮕﺮ، ﺍﭘﻨﯽ ﻣﺮﺿﯽ ﮐﮯ ﮐﭽﮫ ”…digits ﺳﺎﻻﺭ ﻧﮯ ﮐﮩﺎ۔
” ﮐﯿﻮﮞ؟ ” ﻭﮦ ﻣﺰﯾﺪ ﺍﻟﺠﮭﯽ۔
ﺳﺎﻻﺭ ﻧﮯ ﺍﺱ ﮐﮯ ﮨﺎﺗﮫ ﻣﯿﮟ ﭘﯿﻦ ﺗﮭﻤﺎﯾﺎ۔ ﺍﺱ ﻧﮯ ﺩﻭﺑﺎﺭﮦ ﭘﯿﻦ ﭘﮑﮍ ﺗﻮ ﻟﯿﺎ ﻟﯿﮑﻦ ﺫﮨﻦ ﻣﮑﻤﻞ ﻃﻮﺭ ﭘﺮ ﺧﺎﻟﯽ ﺗﮭﺎ۔
” ﮐﺘﻨﮯ digits ﮐﺎ ﻓﮕﺮ۔ ” ﺍﻣﺎﻣﮧ ﻧﮯ ﭼﻨﺪ ﻟﻤﺤﮯ ﺑﻌﺪ ﺍﺱ ﮐﯽ ﻣﺪﺩ ﭼﺎﮨﯽ۔
” ﻭﮦ ﯾﮏ ﺩﻡ ﺳﻮﭺ ﻣﯿﮟ ﭘﮍ ﮔﯿﺎ۔ ” ﭘﮭﺮ ﺍﺱ ﻧﮯ ﮐﮩﺎ۔
” ﺍﮔﺮ ﺗﻢ ﺍﭘﻨﯽ ﻣﺮﺿﯽ ﺳﮯ ﮐﻮﺋﯽ ﻓﮕﺮ ﻟﮑﮭﻮ ﮔﯽ ﺗﻮ ﮐﺘﻨﮯ digits ﻟﮑﮭﻮ ﮔﯽ … ؟ ”
” Seven digits ”…
ﺍﻣﺎﻣﮧ ﺳﻮﭺ ﻣﯿﮟ ﭘﮍ ﮔﺌﯽ۔
…Alright”
ﻟﮑﮭﻮ ﭘﮭﺮ۔ ” ﺳﺎﻻﺭ ﮐﮯ ﭼﮩﺮﮮ ﭘﺮ ﺑﮯ ﺍﺧﺘﯿﺎﺭ ﻣﺴﮑﺮﺍﮨﭧ ﺁﺋﯽ۔
ﺍﻣﺎﻣﮧ ﭼﻨﺪ ﻟﻤﺤﮯ ﺍﺱ ﺻﺎﻑ ﮐﺎﻏﺬ ﮐﻮ ﺩﯾﮑﮭﺘﯽ ﺭﮨﯽ ﭘﮭﺮ ﺍﺱ ﻧﮯ ﻟﮑﮭﻨﺎ ﺷﺮﻭﻉ ﮐﯿﺎ۔ 3752960 ۔ ﺍﺱ ﻧﮯ ﺭﺍﺋﭩﻨﮓ ﭘﯿﮉ ﺳﺎﻻﺭ ﮐﯽ ﻃﺮﻑ ﺑﮍﮬﺎ ﺩﯾﺎ۔ ﮐﺎﻏﺬ ﭘﺮ ﻧﻈﺮ ﮈﺍﻟﺘﮯ ﮨﯽ ﻭﮦ ﭼﻨﺪ ﻟﻤﺤﻮﮞ ﮐﮯ ﻟﯿﮯ ﺟﯿﺴﮯ ﺳﮑﺘﮧ ﻣﯿﮟ ﺁﯾﺎ۔ ﭘﮭﺮ ﮐﺎﻏﺬ ﮐﻮ ﭘﯿﮉ ﺳﮯ ﺍﻟﮓ ﮐﺮﺗﮯ ﮨﻮﺋﮯ ﺑﮯ ﺍﺧﺘﯿﺎﺭ ﮨﻨﺴﺎ۔
” ﮐﯿﺎ ﮨﻮﺍ؟ ” ﻭﮦ ﺍﺱ ﮐﮯ ﺭﺩ ﻋﻤﻞ ﺳﮯ ﮐﭽﮫ ﺍﻭﺭ ﺍﻟﺠﮭﯽ۔
” ﮐﭽﮫ ﻧﮩﯿﮟ … ﮐﯿﺎ ﮨﻮﻧﺎ ﺗﮭﺎ؟ ” ﮐﺎﻏﺬ ﮐﻮ ﺗﮩﮧ ﮐﺮﺗﮯ ﮨﻮﺋﮯ ﺍﺱ ﻧﮯ ﺍﻣﺎﻣﮧ ﮐﮯ ﭼﮩﺮﮮ ﮐﻮ ﻣﺴﮑﺮﺍﺗﮯ ﮨﻮﺋﮯ ﺑﮯ ﺣﺪ ﮔﮩﺮﯼ ﻟﯿﮑﻦ ﻋﺠﯿﺐ ﻧﻈﺮﻭﮞ ﺳﮯ ﺩﯾﮑﮭﺎ۔
” ﺍﺱ ﻃﺮﺡ ﮐﯿﻮﮞ ﺩﯾﮑﮫ ﺭﮨﮯ ﮨﻮ ﻣﺠﮭﮯ؟ ” ﻭﮦ ﺍﺱ ﮐﯽ ﻧﻈﺮﻭﮞ ﺳﮯ ﺍﻟﺠﮭﯽ۔
” ﺗﻤﮩﺎﺭﺍ ﺷﻮﮨﺮ ﮨﻮﮞ، ﺩﯾﮑﮫ ﺳﮑﺘﺎ ﮨﻮﮞ ﺗﻤﮩﯿﮟ۔ ”
ﺍﻣﺎﻣﮧ ﮐﻮ ﺍﺣﺴﺎﺱ ﻧﮩﯿﮟ ﮨﻮﺍ، ﻭﮦ ﺑﮍﯼ ﺻﻔﺎﺋﯽ ﺳﮯ ﺑﺎﺕ ﺑﺪﻝ ﺭﮨﺎ ﺗﮭﺎ۔ ﺍﺱ ﺳﮯ ﺑﺎﺕ ﮐﺮﺗﮯ ﮨﻮﺋﮯ ﻭﮦ ﻏﯿﺮ ﻣﺤﺴﻮﺱ ﺍﻧﺪﺍﺯ ﻣﯿﮟ ﮐﺎﻏﺬ ﭘﺮ ﺍﺱ ﻟﻔﺎﻓﮯ ﻣﯿﮟ ﮈﺍﻝ ﭼﮑﺎ ﺗﮭﺎ۔
” ﺗﻢ ﻧﮯ ﻣﺠﮭﮯ ﺳﺎﮌﮬﯽ ﭘﮩﻦ ﮐﺮ ﻧﮩﯿﮟ ﺩﮐﮭﺎﺋﯽ؟ ”
” ﺭﺍﺕ ﮐﮯ ﺍﺱ ﻭﻗﺖ ﻣﯿﮟ ﺗﻤﮩﯿﮟ ﺳﺎﮌﮬﯽ ﭘﮩﻦ ﮐﺮ ﺩﮐﮭﺎﺅﮞ؟ ” ﻭﮦ ﺑﮯ ﺍﺧﺘﯿﺎﺭ ﮨﻨﺴﯽ۔
ﻭﮦ ﺍﺱ ﮐﮯ ﭘﺎﺱ ﺳﮯ ﺍﭨﮭﺘﮯ ﺍﭨﮭﺘﮯ ﺭﮎ ﮔﯿﺎ۔ ﻭﮦ ﭘﮩﻠﯽ ﺑﺎﺭ ﺍﺱ ﻃﺮﺡ ﮐﮭﻠﮑﮭﻼ ﮐﺮ ﮨﻨﺴﯽ ﺗﮭﯽ ﯾﺎ ﭘﮭﺮ ﺷﺎﯾﺪ ﻭﮦ ﺍﺗﻨﮯ ﻗﺮﯾﺐ ﺳﮯ ﭘﮩﻠﯽ ﺑﺎﺭ ﺍﺳﮯ ﮨﻨﺴﺘﮯ ﺩﯾﮑﮫ ﺭﮨﺎ ﺗﮭﺎ۔ ﺍﯾﮏ ﺑﯿﮓ ﮐﮯ ﺍﻧﺪﺭ ﮈﺑﮯ ﺭﮐﮭﺘﮯ ﮨﻮﺋﮯ ﺍﻣﺎﻣﮧ ﻧﮯ ﺍﭘﻨﮯ ﭼﮩﺮﮮ ﭘﺮ ﺍﺱ ﮐﯽ ﻧﻈﺮﯾﮟ ﻣﺤﺴﻮﺱ ﮐﯿﮟ۔ ﺍﺱ ﻧﮯ ﺳﺮ ﺍﭨﮭﺎ ﮐﺮ ﺩﯾﮑﮭﺎ، ﻭﮦ ﻭﺍﻗﻌﯽ ﺍﺳﮯ ﺩﯾﮑﮫ ﺭﮨﺎ ﺗﮭﺎ۔
” ﺍﺏ ﮐﯿﺎ ﮨﮯ؟ ”
” ﻣﯿﮟ ﺍﯾﮏ ﺑﺎﺕ ﺳﻮﭺ ﺭﮨﺎ ﺗﮭﺎ۔ ” ﻭﮦ ﺳﻨﺠﯿﺪﮦ ﺗﮭﺎ۔
” ﮐﯿﺎ؟ ”
” ﮐﮧ ﺗﻢ ﺻﺮﻑ ﺭﻭﺗﮯ ﮨﻮﺋﮯ ﮨﯽ ﻧﮩﯿﮟ، ﮨﻨﺴﺘﮯ ﮨﻮﺋﮯ ﺑﮭﯽ ﺍﭼﮭﯽ ﻟﮕﺘﯽ ﮨﻮ۔ ”
ﺍﺱ ﮐﯽ ﺁﻧﮑﮭﻮﮞ ﻣﯿﮟ ﭘﮩﻠﮯ ﺣﯿﺮﺕ ﺁﺋﯽ، ﭘﮭﺮ ﭼﻤﮏ ﺍﻭﺭ ﭘﮭﺮ ﺧﻮﺷﯽ۔ ﺳﺎﻻﺭ ﻧﮯ ﮨﺮ ﺗﺎﺛﺮ ﮐﻮ ﭘﮩﭽﺎﻧﺎ ﺗﮭﺎ، ﯾﻮﮞ ﺟﯿﺴﮯ ﮐﺴﯽ ﻧﮯ ﺍﺳﮯ ﻓﻠﯿﺶ ﮐﺎﺭﮈﺯ ﮐﮭﺎﺋﮯ ﮨﻮﮞ … ﭘﮭﺮ ﺍﺱ ﻧﮯ ﺍﺳﮯ ﻧﻈﺮﯾﮟ ﭼﺮﺍﺗﮯ ﮨﻮﺋﮯ ﺩﯾﮑﮭﺎ … ﭘﮭﺮ ﺍﺱ ﮐﮯ ﭼﮩﺮﮮ ﮐﺎ ﺭﻧﮓ ﺑﺪﻟﺘﮯ ﺩﯾﮑﮭﺎ … ﭘﮩﻠﮯ ﺍﺱ ﮐﮯ ﮐﺎﻥ ﮐﯽ ﻟﻮﺋﯿﮟ ﺳﺮﺥ ﮨﻮﺋﯿﮟ ﭘﮭﺮ ﺍﺱ ﮐﮯ ﮔﺎﻝ، ﻧﺎﮎ … ﺍﻭﺭ ﺷﺎﯾﺪ ﺍﺱ ﮐﯽ ﮔﺮﺩﻥ ﺑﮭﯽ … ﺍﺱ ﻧﮯ ﺯﻧﺪﮔﯽ ﻣﯿﮟ ﮐﺒﮭﯽ ﮐﺴﯽ ﻋﻮﺭﺕ ﯾﺎ ﻣﺮﺩ ﮐﻮ ﺍﺗﻨﮯ ﻭﺍﺿﺢ ﻃﻮﺭ ﭘﺮ ﺭﻧﮓ ﺑﺪﻟﺘﮯ ﻧﮩﯿﮟ ﺩﯾﮑﮭﺎ ﺗﮭﺎ ﺟﺲ ﻃﺮﺡ ﺍﺳﮯ … ﻧﻮ ﺳﺎﻝ ﭘﮩﻠﮯ ﺑﮭﯽ ﺩﻭ ﺗﯿﻦ ﺑﺎﺭ ﺍﺱ ﻧﮯ ﺍﺳﮯ ﻏﺼﮯ ﻣﯿﮟ ﺍﺳﯽ ﻃﺮﺡ ﺳﺮﺥ ﮨﻮﺗﮯ ﺩﯾﮑﮭﺎ ﺗﮭﺎ۔ ﺍﺱ ﮐﮯ ﻟﯿﮯ ﻋﺠﯿﺐ ﺳﮩﯽ ﻟﯿﮑﻦ ﯾﮧ ﻣﻨﻈﺮ ﺩﻝ ﭼﺴﭗ ﺗﮭﺎ … ﺍﻭﺭ ﺍﺏ ﻭﮦ ﺍﺳﮯ ﻣﺤﻀﻮﺽ ﮨﻮﺗﮯ ﮨﻮﺋﮯ ﺑﮭﯽ ﺍﺳﯽ ﺍﻧﺪﺍﺯ ﻣﯿﮟ ﺳﺮﺥ ﮨﻮﺗﮯ ﺩﯾﮑﮫ ﺭﮨﺎ ﺗﮭﺎ، ﯾﮧ ﻣﻨﻈﺮ ﺍﺱ ﺳﮯ ﺯﯾﺎﺩﮦ ﺩﻝ ﭼﺴﭗ ﺗﮭﺎ۔ ” ﯾﮧ ﮐﺴﯽ ﺑﮭﯽ ﻣﺮﺩ ﮐﻮ ﭘﺎﮔﻞ ﮐﺮ ﺳﮑﺘﯽ ﮨﮯ۔ ” ﺍﺱ ﮐﮯ ﭼﮩﺮﮮ ﭘﺮ ﻧﻈﺮﯾﮟ ﺟﻤﺎﺋﮯ ﺍﺱ ﻧﮯ ﺍﻋﺘﺮﺍﻑ ﮐﯿﺎ، ﺍﺱ ﻧﮯ ﺍﭘﻨﯽ ﺯﻧﺪﮔﯽ ﻣﯿﮟ ﺁﻧﮯ ﻭﺍﻟﯽ ﮐﺴﯽ ﻋﻮﺭﺕ ﮐﻮ ﺍﺗﻨﮯ ” ﺑﮯ ﺿﺮﺭ ” ﺟﻤﻠﮯ ﭘﺮ ﺍﺗﻨﺎ ﺷﺮﻣﺎﺗﮯ ﮨﻮﺋﮯ ﻧﮩﯿﮟ ﺩﯾﮑﮭﺎ ﺗﮭﺎ ﺍﻭﺭ ﺍﺱ ﮐﻮ ﺷﮑﺎﯾﺖ ﺗﮭﯽ ﮐﮧ ﻭﮦ ﺍﺱ ﮐﯽ ﺗﻌﺮﯾﻒ ﻧﮩﯿﮟ ﮐﺮﺗﺎ۔ ﺳﺎﻻﺭ ﮐﺎ ﺩﻝ ﭼﺎﮨﺎ، ﻭﮦ ﺍﺳﮯ ﮐﭽﮫ ﺍﻭﺭ ﭼﮭﯿﮍﮮ۔ ﻭﮦ ﺑﮧ ﻇﺎﮨﺮ ﺑﮯ ﺣﺪ ﺳﻨﺠﯿﺪﮔﯽ ﺳﮯ ﺍﺳﮯ ﻧﻈﺮ ﺍﻧﺪﺍﺯ ﮐﯿﮯ ﮨﻮﺋﮯ ﭼﯿﺰﯾﮟ ﺑﯿﮓ ﻣﯿﮟ ﮈﺍﻝ ﺭﮨﯽ ﺗﮭﯽ ﻟﯿﮑﻦ ﺍﺱ ﮐﮯ ﮨﺎﺗﮭﻮﮞ ﻣﯿﮟ ﮨﻠﮑﯽ ﺳﯽ ﻟﺮﺯﺵ ﺗﮭﯽ۔ ﻭﮦ ﺍﺱ ﮐﯽ ﻧﻈﺮﻭﮞ ﺳﮯ ﯾﻘﯿﻨﺎ ﮐﻨﻔﯿﻮﺯ ﮨﻮ ﺭﮨﯽ ﺗﮭﯽ۔
ﮐﭽﮫ ﭼﯿﺰﯾﮟ ﺍﯾﺴﯽ ﮨﻮﺗﯽ ﮨﯿﮟ ﮐﮧ ﺍﻧﮩﯿﮟ ﮔﮭﺮ ﻣﯿﮟ ﻻﻧﮯ ﮐﮯ ﺑﻌﺪ ﺁﭖ ﮐﯽ ﺳﻤﺠﮫ ﻣﯿﮟ ﻧﮩﯿﮟ ﺁﺗﺎ ﮐﮧ ﺁﭖ ﺍﻧﮩﯿﮟ ﮐﮩﺎﮞ ﺭﮐﮭﯿﮟ، ﮐﯿﻮﻧﮑﮧ ﺁﭖ ﺍﻧﮩﯿﮟ ﺟﮩﺎﮞ ﺑﮭﯽ ﺭﮐﮭﺘﮯ ﮨﯿﮟ، ﺍﺱ ﭼﯿﺰ ﮐﮯ ﺳﺎﻣﻨﮯ ﻭﮦ ﺟﮕﮧ ﺑﮯ ﺣﺪ ﺑﮯ ﻣﺎﯾﮧ ﺳﯽ ﻟﮕﺘﯽ ﮨﮯ۔ ﮐﭽﮫ ﭼﯿﺰﯾﮟ ﺍﯾﺴﯽ ﮨﻮﺗﯽ ﮨﯿﮟ، ﺟﻨﮩﯿﮟ ﮔﮭﺮ ﻣﯿﮟ ﻻﻧﮯ ﮐﮯ ﺑﻌﺪ ﺍﻧﮩﯿﮟ ﺟﮩﺎﮞ ﺑﮭﯽ ﺭﮐﮭﯿﮟ، ﻭﮨﯽ ﺟﮕﮧ ﺳﺐ ﺳﮯ ﺍﻧﻤﻮﻝ ﺍﻭﺭ ﻗﯿﻤﺘﯽ ﮨﻮ ﺟﺎﺗﯽ ﮨﮯ۔ ﺍﺱ ﮐﯽ ﺳﻤﺠﮫ ﻣﯿﮟ ﻧﮩﯿﮟ ﺁﺭﮨﺎ ﺗﮭﺎ، ﺍﻣﺎﻣﮧ ﺍﺱ ﮐﮯ ﻟﯿﮯ ﺍﻥ ﭼﯿﺰﻭﮞ ﻣﯿﮟ ﺳﮯ ﮐﻮﻥ ﺳﯽ ﭼﯿﺰ ﺗﮭﯽ۔ ﺍﺱ ﮐﮯ ﭼﮩﺮﮮ ﮐﻮ ﺩﯾﮑﮭﺘﺎ ﻭﮦ ﮐﭽﮫ ﺑﮯ ﺍﺧﺘﯿﺎﺭ ﮨﻮ ﮐﺮ ﺍﺱ ﮐﯽ ﻃﺮﻑ ﺟﮭﮑﺎ ﺍﻭﺭ ﺍﺱ ﻧﮯ ﺑﮍﯼ ﻧﺮﻣﯽ ﮐﮯ ﺳﺎﺗﮫ ﺍﺱ ﮐﮯ ﺩﺍﺋﯿﮟ ﮔﺎﻝ ﮐﻮ ﭼﮭﻮﺍ، ﻭﮦ ﮐﭽﮫ ﺣﯿﺎ ﺳﮯ ﺳﻤﭩﯽ۔ ﺍﺱ ﻧﮯ ﺍﺳﯽ ﻧﺮﻣﯽ ﮐﮯ ﺳﺎﺗﮫ ﺍﺱ ﮐﺎ ﺩﺍﯾﺎﮞ ﮐﻨﺪﮬﺎ ﭼﻮﻣﺎ ﺍﻭﺭ ﭘﮭﺮ ﺍﻣﺎﻣﮧ ﻧﮯ ﺍﺳﮯ ﺍﯾﮏ ﮔﮩﺮﺍ ﺳﺎﻧﺲ ﻟﮯ ﮐﺮ ﺍﭨﮭﺘﮯ ﮨﻮﺋﮯ ﺩﯾﮑﮭﺎ۔ ﻭﮦ ﻭﮨﯿﮟ ﺑﯿﭩﮭﯽ ﺭﮨﯽ، ﺳﺎﻻﺭ ﻧﮯ ﭘﻠﭧ ﮐﺮ ﻧﮩﯿﮟ ﺩﯾﮑﮭﺎ۔ ﻭﮦ ﺍﻥ ﭘﯿﭙﺮﺯ ﮐﻮ ﺍﺏ ﺍﭘﻨﯽ ﺑﯿﮉ ﺳﺎﺋﯿﮉ ﭨﯿﺒﻞ ﮐﯽ ﺩﺭﺍﺯ ﻣﯿﮟ ﺭﮐﮫ ﺭﮨﺎ ﺗﮭﺎ۔ ﭘﻠﭧ ﮐﺮ ﺩﯾﮑﮭﺘﺎ ﺗﻮ ﺷﺎﯾﺪ ﺍﻣﺎﻣﮧ ﮐﯽ ﻧﻈﺮﯾﮟ ﺍﺳﮯ ﺣﯿﺮﺍﻥ ﮐﺮ ﺩﯾﺘﯿﮟ۔ ﺍﺱ ﻧﮯ ﭘﮩﻠﯽ ﺑﺎﺭ ﺍﺱ ﮐﮯ ﮐﻨﺪﮬﮯ ﮐﻮ ﭼﻮﻣﺎ ﺗﮭﺎ ﺍﻭﺭ ﺍﺱ ﻟﻤﺲ ﻣﯿﮟ ﻣﺤﺒﺖ ﻧﮩﯿﮟ ﺗﮭﯽ۔ ” ﺍﺣﺘﺮﺍﻡ ” ﺗﮭﺎ … ﺍﻭﺭ ﮐﯿﻮﮞ ﺗﮭﺎ، ﯾﮧ ﻭﮦ ﺳﻤﺠﮫ ﻧﮩﯿﮟ ﺳﮑﯽ۔
٭٭٭٭
ﻭﮦ ﺍﮔﻠﮯ ﺩﻥ ﺗﻘﺮﯾﺒﺎً ﺩﺱ ﺑﺠﮯ ﺳﻌﯿﺪﮦ ﺍﻣﺎﮞ ﮐﮯ ﮔﮭﺮ ﺁﺋﮯ۔ ﺍﻣﺎﻣﮧ ﮐﺎ ﻣﺴﮑﺮﺍﺗﺎ، ﻣﻄﻤﺌﻦ ﭼﮩﺮﮦ ﺩﯾﮑﮫ ﮐﺮ ﻓﻮﺭﯼ ﺭﺩﻋﻤﻞ ﯾﮧ ﮨﻮﺍ ﮐﮧ ﺍﻧﮩﻮﮞ ﻧﮯ ﻧﮧ ﺻﺮﻑ ﺳﺎﻻﺭ ﮐﮯ ﺳﻼﻡ ﮐﺎ ﺟﻮﺍﺏ ﺩﯾﺎ ﺑﻠﮑﮧ ﺍﺱ ﮐﮯ ﺳﺮ ﭘﺮ ﭘﯿﺎﺭ ﺩﯾﺘﮯ ﮨﻮﺋﮯ ﺍﺱ ﮐﺎ ﻣﺎﺗﮭﺎ ﺑﮭﯽ ﭼﻮﻣﺎ۔
” ﯾﮧ ﺳﺐ ﻟﮯ ﮐﺮ ﺟﺎﻧﺎ ﮨﮯ۔ ” ﻭﮦ ﺍﺳﮯ ﺍﭘﻨﮯ ﮐﻤﺮﮮ ﻣﯿﮟ ﻻﺋﯽ ﺗﮭﯽ ﻭﮨﺎﮞ ﮐﺘﺎﺑﻮﮞ ﮐﯽ ﺩﻭ ﺍﻟﻤﺎﺭﯾﺎﮞ ﺗﮭﯿﮟ ﺍﻭﺭ ﺍﻥ ﻣﯿﮟ ﺗﻘﺮﯾﺒﺎً ﺗﯿﻦ ﭼﺎﺭ ﺳﻮ ﮐﺘﺎﺑﯿﮟ ﺗﮭﯿﮟ۔
” ﯾﮧ ﺑﮑﺲ؟ ” ﺳﺎﻻﺭ ﻧﮯ ﮨﺎﺗﮫ ﮐﮯ ﺍﺷﺎﺭﮮ ﺳﮯ ﭘﻮﭼﮭﺎ۔
” ﻧﮩﯿﮟ، ﯾﮧ ﺍﯾﺰﻝ، ﮐﯿﻨﻮﺱ ﺍﻭﺭ ﭘﯿﭩﻨﮓ ﮐﺎ ﺳﺎﻣﺎﻥ ﺑﮭﯽ۔ ” ﺍﻣﺎﻣﮧ ﻧﮯ ﮐﻤﺮﮮ ﻣﯿﮟ ﺍﯾﮏ ﺩﯾﻮﺍﺭ ﮐﮯ ﺳﺎﺗﮫ ﭘﮍﮮ ﭘﯿﻨﭩﻨﮓ ﮐﮯ ﺳﺎﻣﺎﻥ ﺍﻭﺭ ﮐﭽﮫ ﺍﺩﮬﻮﺭﯼ ﭘﯿﻨﭩﻨﮕﺰ ﮐﯽ ﻃﺮﻑ ﺍﺷﺎﺭﮦ ﮐﯿﺎ۔
” ﯾﮧ ﺳﺐ ﮐﭽﮫ ﺯﯾﺎﺩﮦ ﻧﮩﯿﮟ ﮨﮯ، ﺑﮑﺲ ﮨﯽ ﺗﻘﺮﯾﺒﺎً ﺩﻭ ﮐﺎﺭﭨﻦ ﻣﯿﮟ ﺁﺋﯿﮟ ﮔﯽ۔ ” ﺳﺎﻻﺭ ﻧﮯ ﺍﻥ ﮐﺘﺎﺑﻮﮞ ﮐﻮ ﺩﯾﮑﮭﺘﮯ ﮨﻮﺋﮯ ﺍﻧﺪﺍﺯﮦ ﻟﮕﺎﯾﺎ۔
” ﻧﮩﯿﮟ، ﯾﮧ ﺍﺗﻨﯽ ﮨﯽ ﺑﮑﺲ ﻧﮩﯿﮟ ﮨﯿﮟ ﺍﻭﺭ ﺑﮭﯽ ﮨﯿﮟ۔ ” ﺍﻣﺎﻣﮧ ﻧﮯ ﮐﮩﺎ۔ ﺍﺱ ﻧﮯ ﺍﭘﻨﺎ ﺩﻭﭘﭩﺎ ﺍﺗﺎﺭ ﮐﺮ ﺑﯿﮉ ﭘﺮ ﺭﮐﮫ ﺩﯾﺎ ﺍﻭﺭ ﭘﮭﺮ ﮔﮭﭩﻨﻮﮞ ﮐﮯ ﺑﻞ ﮐﺎﺭﭘﭧ ﭘﺮ ﺑﯿﭩﮭﺘﮯ ﮨﻮﺋﮯ ﺑﯿﮉ ﮐﮯ ﻧﯿﭽﮯ ﺳﮯ ﺍﯾﮏ ﮐﺎﺭﭨﻦ ﮐﮭﯿﻨﭽﻨﺎ ﺷﺮﻭﻉ ﮐﯿﺎ۔
” ﭨﮭﮩﺮﻭ ! ﻣﯿﮟ ﻧﮑﺎﻟﺘﺎ ﮨﻮﮞ۔ ” ﺳﺎﻻﺭ ﻧﮯ ﺍﺳﮯ ﺭﻭﮐﺎ ﺍﻭﺭ ﺧﻮﺩ ﺟﮭﮏ ﮐﺮ ﺍﺱ ﮐﺎﺭﭨﻦ ﮐﻮ ﮐﮭﯿﻨﭽﻨﮯ ﻟﮕﺎ۔
” ﺑﯿﮉ ﮐﮯ ﻧﯿﭽﮯ ﺟﺘﻨﮯ ﺑﮭﯽ ﮈﺑﮯ ﮨﯿﮟ، ﻭﮦ ﺳﺎﺭﮮ ﻧﮑﺎﻝ ﻟﻮ۔ ﺍﻥ ﺳﺐ ﻣﯿﮟ ﺑﮑﺲ ﮨﯿﮟ۔ ” ﺍﻣﺎﻣﮧ ﻧﮯ ﺍﺳﮯ ﮨﺪﺍﯾﺖ ﺩﯼ۔
ﺳﺎﻻﺭ ﻧﮯ ﺟﮭﮏ ﮐﺮ ﺑﯿﮉ ﮐﮯ ﻧﯿﭽﮯ ﺩﯾﮑﮭﺎ۔ ﻭﮨﺎﮞ ﻣﺨﺘﻠﻒ ﺳﺎﺋﺰ ﮐﮯ ﮐﻢ ﺍﺯ ﮐﻢ ﺳﺎﺕ ﺁﭨﮫ ﮈﺑﮯ ﻣﻮﺟﻮﺩ ﺗﮭﮯ۔ ﻭﮦ ﺍﯾﮏ ﮐﮯ ﺑﻌﺪ ﺍﯾﮏ ﮈﺑﺎ ﻧﮑﺎﻟﺘﺎ ﮔﯿﺎ۔
” ﺑﺲ … ؟ ” ﺍﺱ ﻧﮯ ﮐﮭﮍﮮ ﮨﻮﺗﮯ ﮨﻮﺋﮯ ﺍﻭﺭ ﮨﺎﺗﮫ ﺟﮭﺎﮌﺗﮯ ﮨﻮﺋﮯ ﺍﻣﺎﻣﮧ ﺳﮯ ﭘﻮﭼﮭﺎ۔
ﻭﮦ ﺍﺱ ﮐﯽ ﻃﺮﻑ ﻣﺘﻮﺟﮧ ﻧﮩﯿﮟ ﺗﮭﯽ۔ ﻭﮦ ﮐﻤﺮﮮ ﻣﯿﮟ ﻣﻮﺟﻮﺩ ﮐﭙﮍﻭﮞ ﮐﯽ ﺍﻟﻤﺎﺭﯼ ﮐﮯ ﺍﻭﭘﺮ ﺍﯾﮏ ﺍﺳﭩﻮﻝ ﭘﺮ ﭼﮍﮬﯽ ﮐﭽﮫ ﮈﺑﮯ ﺍﺗﺎﺭﻧﮯ ﮐﯽ ﮐﻮﺷﺶ ﮐﺮ ﺭﮨﯽ ﺗﮭﯽ۔ ﺳﺎﻻﺭ ﻧﮯ ﺍﯾﮏ ﺑﺎﺭ ﭘﮭﺮ ﺍﺳﮯ ﮨﭩﺎ ﮐﺮ ﺧﻮﺩ ﻭﮦ ﮈﺑﮯ ﻧﯿﭽﮯ ﺍﺗﺎﺭﮮ۔ ﺍﺱ ﮐﺎ ﺧﯿﺎﻝ ﺗﮭﺎ ﮐﮧ ﯾﮧ ﮐﺘﺎﺑﻮﮞ ﮐﯽ ﺁﺧﺮﯼ ﮐﮭﯿﭗ ﮨﮯ ﮐﯿﻮﻧﮑﮧ ﮐﻤﺮﮮ ﻣﯿﮟ ﺍﺳﮯ ﮈﺑﺎ ﺭﮐﮭﻨﮯ ﮐﯽ ﮐﻮﺋﯽ ﺍﻭﺭ ﺟﮕﮧ ﻧﻈﺮ ﻧﮩﯿﮟ ﺁﺋﯽ، ﯾﮧ ﺍﺱ ﮐﯽ ﻏﻠﻂ ﻓﮩﻤﯽ ﺗﮭﯽ۔ ﻭﮦ ﺍﺏ ﺍﻟﻤﺎﺭﯼ ﮐﻮ ﮐﮭﻮﻟﮯ ﺍﺱ ﮐﮯ ﺍﻧﺪﺭ ﻣﻮﺟﻮﺩ ﺍﯾﮏ ﺧﺎﻧﮯ ﺳﮯ ﮐﺘﺎﺑﯿﮟ ﻧﮑﺎﻝ ﮐﺮ ﺑﯿﮉ ﭘﺮ ﺭﮐﮫ ﺭﮨﯽ ﺗﮭﯽ۔ ﻭﮦ ﮐﻢ ﺍﺯ ﮐﻢ ﺳﻮ ﮐﺘﺎﺑﯿﮟ ﺗﮭﯿﮟ ﺟﻮ ﺍﺱ ﻧﮯ ﺍﻟﻤﺎﺭﯼ ﺳﮯ ﻧﮑﺎﻟﯽ ﺗﮭﯽ، ﻭﮦ ﮐﮭﮍﺍ ﺩﯾﮑﮭﺘﺎ ﺭﮨﺎ۔ ﺍﻟﻤﺎﺭﯼ ﮐﮯ ﺑﻌﺪ ﺑﯿﮉ ﺳﺎﺋﯿﮉ ﭨﯿﺒﻠﺰ ﮐﯽ ﺩﺭﺍﺯﻭﮞ ﮐﯽ ﺑﺎﺭﯼ ﺗﮭﯽ، ﺍﻥ ﻣﯿﮟ ﺑﮭﯽ ﮐﺘﺎﺑﯿﮟ ﺗﮭﯿﮟ۔ ﺑﯿﮉ ﺳﺎﺋﯿﮉ ﭨﯿﺒﻠﺰ ﮐﮯ ﺑﻌﺪ ﮈﺭﯾﺴﻨﮓ ﭨﯿﺒﻞ ﮐﯽ ﺩﺭﺍﺯﻭﮞ ﺍﻭﺭ ﺧﺎﻧﻮﮞ ﮐﯽ ﺑﺎﺭﯼ ﺗﮭﯽ۔ ﮐﻤﺮﮮ ﻣﯿﮟ ﻣﻮﺟﻮﺩ ﮐﭙﮍﮮ ﮐﯽ ﺟﺲ ﺑﺎﺳﮑﭧ ﮐﻮ ﻭﮦ ﻻﻧﮉﺭﯼ ﺑﺎﺳﮑﭧ ﺳﻤﺠﮭﺎ ﺗﮭﺎ، ﻭﮦ ﺑﮭﯽ ﮐﺘﺎﺑﯿﮟ ﺍﺳﭩﻮﺭ ﮐﺮﻧﮯ ﮐﮯ ﻟﯿﮯ ﺍﺳﺘﻌﻤﺎﻝ ﮨﻮ ﺭﮨﯽ ﺗﮭﯽ۔
ﻭﮦ ﮐﻤﺮﮮ ﮐﮯ ﻭﺳﻂ ﻣﯿﮟ ﮐﮭﮍﺍ، ﺍﺳﮯ ﮐﻤﺮﮮ ﮐﯽ ﻣﺨﺘﻠﻒ ﺟﮕﮩﻮﮞ ﺳﮯ ﮐﺘﺎﺑﯿﮟ ﺑﺮﺁﻣﺪ ﮐﺮﺗﮯ ﮨﻮﺋﮯ ﺩﯾﮑﮫ ﺭﮨﺎ ﺗﮭﺎ۔ ﺑﯿﮉ ﭘﺮ ﻣﻮﺟﻮﺩ ﮐﺘﺎﺑﻮﮞ ﮐﺎ ﮈﮬﯿﺮ ﺍﺏ ﺷﯿﻠﻒ ﭘﺮ ﻟﮕﯽ ﮐﺘﺎﺑﻮﮞ ﺳﮯ ﺑﮭﯽ ﺯﯾﺎﺩﮦ ﮨﻮ ﭼﮑﺎ ﺗﮭﺎ ﻟﯿﮑﻦ ﻭﮦ ﺍﺏ ﺑﮭﯽ ﺑﮍﯼ ﺷﺪﻭﻣﺪ ﮐﮯ ﺳﺎﺗﮫ ﮐﻤﺮﮮ ﮐﯽ ﻣﺨﺘﻠﻒ ﺟﮕﮩﻮﮞ ﭘﺮ ﺭﮐﮭﯽ ﮨﻮﺋﯽ ﮐﺘﺎﺑﯿﮟ ﻧﮑﺎﻝ ﺭﮨﯽ ﺗﮭﯽ۔ ﺍﺱ ﻧﮯ ﺍﻥ ﮐﮭﮍﮐﯿﻮﮞ ﮐﮯ ﭘﺮﺩﮮ ﮨﭩﺎﺋﮯ ﺟﻮ ﺻﺤﻦ ﻣﯿﮟ ﮐﮭﻠﺘﯽ ﺗﮭﯿﮟ۔ ﺍﺱ ﮐﮯ ﺑﻌﺪ ﺳﺎﻻﺭ ﻧﮯ ﺍﺳﮯ ﺑﺎﺭﯼ ﺑﺎﺭﯼ ﺳﺎﺭﯼ ﮐﮭﮍﮐﯿﺎﮞ ﮐﮭﻮﻝ ﮐﺮ ﺍﻥ ﻣﯿﮟ ﺳﮯ ﺑﮭﯽ ﮐﺘﺎﺑﯿﮟ ﻧﮑﺎﻟﺘﮯ ﮨﻮﺋﮯ ﺩﯾﮑﮭﺎ۔ ﺟﻮ ﭘﻼﺳﭩﮏ ﮐﮯ ﺷﺎﭘﺮﺯ ﻣﯿﮟ ﺑﻨﺪ ﺗﮭﯿﮟ۔ ﺷﺎﯾﺪ ﯾﮧ ﺍﺣﺘﯿﺎﻁ ﮐﺘﺎﺑﻮﮞ ﮐﻮ ﻣﭩﯽ ﺍﻭﺭ ﻧﻤﯽ ﺳﮯ ﺑﭽﺎﻧﮯ ﮐﮯ ﻟﯿﮯ ﮐﯽ ﮔﺌﯽ ﺗﮭﯽ۔
” ﺑﺲ ﺍﺗﻨﯽ ﮨﯽ ﮐﺘﺎﺑﯿﮟ ﮨﯿﮟ۔ ” ﺍﺱ ﻧﮯ ﺑﺎﻵﺧﺮ ﺳﺎﻻﺭ ﮐﻮ ﻣﻄﻠﻊ ﮐﯿﺎ۔
ﺳﺎﻻﺭ ﻧﮯ ﮐﻤﺮﮮ ﻣﯿﮟ ﭼﺎﺭﻭﮞ ﻃﺮﻑ ﺑﮑﮭﺮﮮ ﮈﺑﻮﮞ ﺍﻭﺭ ﮈﺑﻞ ﺑﯿﮉ ﭘﺮ ﭘﮍﯼ ﮐﺘﺎﺑﻮﮞ ﮐﮯ ﮈﮬﯿﺮ ﭘﺮ ﺍﯾﮏ ﻧﻈﺮ ﮈﺍﻟﺘﮯ ﮨﻮﺋﮯ ﺑﮍﮮ ﺗﺤﻤﻞ ﺳﮯ ﭘﻮﭼﮭﺎ۔
” ﮐﻮﺋﯽ ﺍﻭﺭ ﺳﺎﻣﺎﻥ ﺑﮭﯽ ﮨﮯ … ؟ ”
” ﮨﺎﮞ ! ﻣﯿﺮﮮ ﮐﭽﮫ ﮐﯿﻨﻮﺱ ﺍﻭﺭ ﭘﯿﻨﭩﻨﮕﺰ ﺑﮭﯽ ﮨﯿﮟ، ﻣﯿﮟ ﻟﮯ ﮐﺮ ﺁﺗﯽ ﮨﻮﮞ۔ ” ﻭﮦ ﺍﺱ ﮐﮯ ﺟﻮﺍﺏ ﮐﺎ ﺍﻧﺘﻈﺎﺭ ﮐﯿﮯ ﺑﻐﯿﺮ ﮐﻤﺮﮮ ﺳﮯ ﻧﮑﻞ ﮔﺌﯽ۔
ﺳﺎﻻﺭ ﻧﮯ ﮈﺑﻞ ﺑﯿﮉ ﭘﺮ ﭘﮍﯼ ﮐﺘﺎﺑﻮﮞ ﮐﮯ ﮈﮬﯿﺮ ﺳﮯ ﺍﯾﮏ ﮐﺘﺎﺏ ﺍﭨﮭﺎﺋﯽ١ ﻭﮦ ﺍﯾﮏ ﻧﺎﻭﻝ ﺗﮭﺎ۔ ﮔﮭﭩﯿﺎ ﺭﻭﻣﺎﻧﺲ ﻟﮑﮭﻨﮯ ﻭﺍﻟﮯ ﺍﯾﮏ ﺑﮩﺖ ﮨﯽ ﻣﺸﮩﻮﺭ ﺍﻣﺮﯾﮑﻦ ﺭﺍﺋﭩﺮ ﮐﺎ ﻧﺎﻭﻝ … ﺍﺱ ﻧﮯ ﭨﺎﺋﭩﻞ ﭘﺮ ﻧﻈﺮ ﮈﺍﻟﯽ ﺍﻭﺭ ﺑﮯ ﺍﺧﺘﯿﺎﺭ ﺍﺱ ﮐﮯ ﭼﮩﺮﮮ ﭘﺮ ﺍﯾﮏ ﻣﺴﮑﺮﺍﮨﭧ ﺁﺋﯽ۔ ﺍﮔﺮ ﻭﮦ ﻧﺎﻭﻝ ﮐﺎ ﻧﺎﻡ ﺍﻣﺎﻣﮧ ﮐﮯ ﺳﺎﻣﻨﮯ ﻟﯿﺘﺎ ﺗﻮ ﻭﮦ ﺳﺮﺥ ﮨﻮ ﺟﺎﺗﯽ۔ ﺍﺱ ﻧﮯ ﻧﺎﻭﻝ ﮐﮭﻮﻻ۔ ﮐﺘﺎﺏ ﮐﮯ ﺍﻧﺪﺭ ﭘﮩﻠﮯ ﮨﯽ ﺧﺎﻟﯽ ﺻﻔﺤﮯ ﭘﺮ ﺍﻣﺎﻣﮧ ﻧﮯ ﺍﭘﻨﺎ ﻧﺎﻡ ﻟﮑﮭﺎ ﺗﮭﺎ۔ ﺟﺲ ﺗﺎﺭﯾﺦ ﮐﻮ ﻭﮦ ﮐﺘﺎﺏ ﺧﺮﯾﺪﯼ ﮔﺌﯽ، ﻭﮦ ﺗﺎﺭﯾﺦ … ﺟﺲ ﺟﮕﮧ ﺳﮯ ﺧﺮﯾﺪﯼ ﮔﺌﯽ ﻭﮦ ﺟﮕﮧ … ﺟﺲ ﺗﺎﺭﯾﺦ ﮐﻮ ﮐﺘﺎﺏ ﭘﮍﮬﻨﺎ ﺷﺮﻭﻉ ﮐﯿﺎ ﺍﻭﺭ ﺟﺲ ﺗﺎﺭﯾﺦ ﮐﻮ ﮐﺘﺎﺏ ﺧﺘﻢ ﮐﯽ۔ ﻭﮦ ﺣﯿﺮﺍﻥ ﮨﻮﺍ، ﺍﺱ ﻃﺮﺡ ﮐﮯ ﻧﺎﻭﻝ ﮐﻮ ﻭﮦ ﻓﻀﻮﻝ ﺳﻤﺠﮭﺘﺎ ﺗﮭﺎ۔ ﻭﮦ ﺷﺎﯾﺪ ﯾﮧ ﮐﺒﮭﯽ ﭘﺴﻨﺪ ﻧﮩﯿﮟ ﮐﺮﺗﺎ ﮐﮧ ﺍﺱ ﺭﺍﺋﭩﺮ ﮐﮯ ﮐﺴﯽ ﻧﺎﻭﻝ ﮐﻮ ﮐﻮﺋﯽ ﺍﺱ ﮐﮯ ﮨﺎﺗﮫ ﻣﯿﮟ ﺩﯾﮑﮭﺘﺎ ﻣﮕﺮ ﺍﺱ ﻧﮯ ﺍﺱ ﻧﺎﻭﻝ ﭘﺮ ﺍﺗﻨﯽ ﺳﻨﺠﯿﺪﮔﯽ ﺳﮯ ﺍﭘﻨﺎ ﻧﺎﻡ ﺍﻭﺭ ﮈﯾﭩﺲ ﻟﮑﮭﯽ ﮨﻮﺋﯽ ﺗﮭﯿﮟ۔۔ ﺟﯿﺴﮯ ﻭﮦ ﺑﮯ ﺣﺪ ﺍﮨﻢ ﮐﺘﺎﺏ ﮨﻮ۔ ﺍﺱ ﻧﮯ ﻧﺎﻭﻝ ﮐﮯ ﭼﻨﺪ ﺍﻭﺭ ﺻﻔﺤﮯ ﭘﻠﭩﮯ ﺍﻭﺭ ﭘﮭﺮ ﮐﭽﮫ ﺑﮯ ﯾﻘﯿﻨﯽ ﮐﮯ ﻋﺎﻟﻢ ﻣﯿﮟ ﭘﻠﭩﺘﺎ ﮨﯽ ﭼﻼ ﮔﯿﺎ۔ ﻧﺎﻭﻝ ﮐﮯ ﺍﻧﺪﺭ ﺟﮕﮧ ﺟﮕﮧ ﺭﻧﮕﯿﻦ ﻣﺎﺭﮐﺮﺯ ﮐﮯ ﺳﺎﺗﮫ ﻣﺨﺘﻠﻒ ﻻﺋﻨﺰ ﮨﺎﺋﯽ ﻻﺋﭧ ﮐﯽ ﮔﺌﯽ ﺗﮭﯿﮟ۔ ﺑﻌﺾ ﻻﺋﻨﺰ ﮐﮯ ﺳﺎﻣﻨﮯ ﺍﺳﭩﺎﺭ ﺍﻭﺭ ﺑﻌﺾ ﮐﮯ ﺳﺎﻣﻨﮯ ﮈﺑﻞ ﺍﺳﭩﺎﺭ ﺑﻨﺎﺋﮯ ﮔﺌﮯ ﺗﮭﮯ۔
ﻭﮦ ﺑﮯ ﺍﺧﺘﯿﺎﺭ ﺍﯾﮏ ﮔﮩﺮﺍ ﺳﺎ ﺳﺎﻧﺲ ﻟﮯ ﮐﺮ ﺭﮦ ﮔﯿﺎ۔
ﺍﻥ ﻻﺋﻨﺰ ﻣﯿﮟ ﺑﮯ ﮨﻮﺩﮦ ﺭﻭﻣﺎﻧﺲ، ﺑﮯ ﺣﺪ platonic ، ﺳﻮﭘﯽ ﺑﺎﺗﯿﮟ، ﺫﻭ ﻣﻌﻨﯽ ﮈﺍﺋﯿﻼﮔﺰ ﺗﮭﮯ۔ ﺍﻥ ﭘﺮ ﺍﺳﭩﺎﺭ ﺑﻨﮯ ﮨﻮﺋﮯ ﺗﮭﮯ ﺍﻭﺭ ﻭﮦ ﻧﺸﺎﻥ ﺯﺩﮦ ﺗﮭﮯ۔
ﺳﺎﻻﺭ ﻧﮯ ﻭﮦ ﻧﺎﻭﻝ ﺭﮐﮭﺘﮯ ﮨﻮﺋﮯ ﺩﻭﺳﺮﺍ ﻧﺎﻭﻝ ﺍﭨﮭﺎﯾﺎ … ﭘﮭﺮ ﺗﯿﺴﺮﺍ … ﭘﮭﺮ ﭼﻮﺗﮭﺎ … ﭘﺎﻧﭽﻮﺍﮞ … ﭼﮭﭩﺎ … ﺳﺎﺗﻮﺍﮞ … ﻭﮦ ﺳﺐ ﮐﮯ ﺳﺐ ﺭﻭﻣﺎﻧﭩﮏ ﺗﮭﮯ۔ ﺍﯾﮏ ﮨﯽ ﻃﺮﺡ ﮐﮯ ﺭﻭﻣﺎﻧﭩﮏ ﻧﺎﻭﻟﺰ ﺍﻭﺭ ﻭﮦ ﺳﺐ ﺑﮭﯽ ﺍﺳﯽ ﻃﺮﺡ ﮨﺎﺋﯽ ﻻﺋﯿﭩﮉ ﺗﮭﮯ۔ ﻭﮦ ﺯﻧﺪﮔﯽ ﻣﯿﮟ ﭘﮩﻠﯽ ﺑﺎﺭ ﺭﻭﻣﺎﻧﭩﮏ ﺍﻭﺭ ﻭﮦ ﺑﮭﯽ ﻣﻠﺰ ﺍﯾﻨﮉ ﺑﻮﻧﺰ ﺍﻭﺭ ﺑﺎﺭﺑﺮﺍ ﮐﺎﺭﭦ ﻟﯿﻨﮉ ﮐﯽ ﭨﺎﺋﭗ ﮐﮯ ﺭﻭﻣﺎﻧﺲ ﮐﮯ ﺍﺗﻨﮯ ” ﺳﻨﺠﯿﺪﮦ ﻗﺎﺭﯼ ” ﺳﮯ ﻣﻞ ﺭﮨﺎ ﺗﮭﺎ ﺍﻭﺭ ﮐﺘﺎﺑﻮﮞ ﮐﮯ ﺍﺱ ﮈﮬﯿﺮ ﮐﻮ ﺩﯾﮑﮭﺘﮯ ﮨﻮﺋﮯ ﺍﺱ ﭘﺮ ﯾﮧ ﺍﻧﮑﺸﺎﻑ ﺑﮭﯽ ﮨﻮﺍ ﮐﮧ ﻭﮦ ” ﮐﺘﺎﺑﯿﮟ ” ﻧﮩﯿﮟ ﭘﮍﮬﺘﯽ ﺗﮭﯽ ﺑﻠﮑﮧ ﺻﺮﻑ ﯾﮩﯽ ﻧﺎﻭﻟﺰ ﭘﮍﮬﺘﯽ ﺗﮭﯽ۔ ﮐﻤﺮﮮ ﻣﯿﮟ ﻣﻮﺟﻮﺩ ﺍﻥ ﮈﯾﮍﮪ ﺩﻭ ﮨﺰﺍﺭ ﮐﺘﺎﺑﻮﮞ ﻣﯿﮟ ﺍﺳﮯ ﺻﺮﻑ ﭼﻨﺪ ﭘﯿﻨﭩﻨﮕﺰ ، ﮐﮑﺮﯼ ﺍﻭﺭ ﺷﺎﻋﺮﯼ ﮐﯽ ﮐﺘﺎﺑﯿﮟ ﻧﻈﺮ ﺁﺋﯽ ﺗﮭﯿﮟ، ﺑﺎﻗﯽ ﺳﺐ ﺍﻧﮕﻠﺶ ﻧﺎﻭﻟﺰ ﺗﮭﮯ۔
” ﺍﻭﺭ ﯾﮧ ﻟﮯ ﮐﺮ ﺟﺎﻧﯽ ﮨﯿﮟ۔ ” ﺍﯾﮏ ﻧﺎﻭﻝ ﺩﯾﮑﮭﺘﮯ ﮨﻮﺋﮯ ﻭﮦ ﺍﻣﺎﻣﮧ ﮐﯽ ﺁﻭﺍﺯ ﭘﺮ ﺑﮯ ﺍﺧﺘﯿﺎﺭ ﭼﻮﻧﮑﺎ۔
ﻭﮦ ﮐﻤﺮﮮ ﻣﯿﮟ ﺩﻭ ﺗﯿﻦ ﭼﮑﺮﻭﮞ ﮐﮯ ﺩﻭﺭﺍﻥ ﮐﭽﮫ ﻣﮑﻤﻞ ﺍﻭﺭ ﮐﭽﮫ ﺍﺩﮬﻮﺭﯼ ﭘﯿﻨﭩﻨﮕﺰ ﮐﺎ ﺍﯾﮏ ﭼﮭﻮﭨﺎ ﺳﺎ ﮈﮬﯿﺮ ﺑﮭﯽ ﺑﻨﺎﭼﮑﺘﯽ ﺗﮭﯽ۔ ﺳﺎﻻﺭ ﺍﺱ ﺩﻭﺭﺍﻥ ﺍﻥ ﮐﺘﺎﺑﻮﮞ ﮐﮯ ﺟﺎﺋﺰﮮ ﻣﯿﮟ ﻣﺼﺮﻭﻑ ﺭﮨﺎ ﺗﮭﺎ۔ ﺍﺱ ﻧﮯ ﮨﺎﺗﮫ ﻣﯿﮟ ﭘﮑﮍﺍ ﮨﻮﺍ ﻧﺎﻭﻝ ﻭﺍﭘﺲ ﮐﺘﺎﺑﻮﮞ ﮐﮯ ﺍﺱ ﮈﮬﯿﺮ ﭘﺮ ﺭﮐﮫ ﺩﯾﺎ ﺟﻮ ﺑﯿﮉ ﭘﺮ ﭘﮍﺍ ﺗﮭﺎ۔ ﮐﺎﺭﭘﭧ ﭘﺮ ﭘﮍﯼ ﺍﻥ ﭘﯿﻨﭩﻨﮕﺰ ﭘﺮ ﻧﻈﺮ ﮈﺍﻟﺘﮯ ﮨﻮﺋﮯ ﺳﺎﻻﺭ ﮐﻮ ﺍﺣﺴﺎﺱ ﮨﻮﺍ ﮐﮧ ﺳﻌﯿﺪﮦ ﺍﻣﺎﮞ ﮐﮯ ﮔﮭﺮ ﻣﯿﮟ ﺟﺎ ﺑﺠﺎ ﻟﮕﯽ ﮨﻮﺋﯽ ﭘﯿﻨﭩﻨﮕﺰ ﺑﮭﯽ ﺍﺱ ﮐﮯ ﮨﺎﺗﮫ ﮐﯽ ﺑﻨﯽ ﮨﻮﺋﯽ ﮨﯿﮟ ﺍﻭﺭ ﯾﻘﯿﻨﺎ ﺍﻥ ﭘﯿﻨﭩﻨﮕﺰ ﮐﮯ ﮐﺴﯽ ﺩﯾﻮﺍﺭ ﭘﺮ ﻟﭩﮑﺎ ﻧﮧ ﮨﻮﻧﮯ ﮐﺎ ﺳﺒﺐ ﻣﺰﯾﺪ ﺧﺎﻟﯽ ﺟﮕﮧ ﮐﺎ ﺩﺳﺘﯿﺎﺏ ﻧﮧ ﮨﻮﻧﺎ ﺗﮭﺎ۔
” ﺑﯿﭩﺎ ! ﯾﮧ ﺳﺎﺭﺍ ﮐﺎﭨﮫ ﮐﺒﺎﮌ ﮐﯿﻮﮞ ﺍﮐﭩﮭﺎ ﮐﺮ ﻟﯿﺎ، ﯾﮧ ﻟﮯ ﮐﺮ ﺟﺎﺅ ﮔﯽ ﺳﺎﺗﮫ؟ ” ﺳﻌﯿﺪﮦ ﺍﻣﺎﮞ ﮐﻤﺮﮮ ﻣﯿﮟ ﺁﺗﮯ ﮨﯽ ﮐﻤﺮﮮ ﮐﯽ ﺣﺎﻟﺖ ﺩﯾﮑﮫ ﮐﺮ ﭼﻮﻧﮑﯿﮟ۔
” ﺍﻣﺎﮞ ! ﯾﮧ ﺿﺮﻭﺭﯼ ﭼﯿﺰﯾﮟ ﮨﯿﮟ ﻣﯿﺮﯼ۔ ” ﺍﻣﺎﻣﮧ، ﺳﺎﻻﺭ ﮐﮯ ﺳﺎﻣﻨﮯ ﺍﺱ ﺳﺎﻣﺎﻥ ﮐﻮ ﮐﺎﭨﮫ ﮐﺒﺎﮌ ﻗﺮﺍﺭ ﺩﯾﮯ ﺟﺎﻧﮯ ﭘﺮ ﮐﭽﮫ ﺟﺰﺑﺰ ﮨﻮﺋﯽ۔
” ﮐﯿﺎ ﺿﺮﻭﺭﯼ ﮨﮯ ﺍﻥ ﻣﯿﮟ، ﯾﮧ ﮐﺘﺎﺑﯿﮟ ﺗﻮ ﺭﺩﯼ ﻣﯿﮟ ﺩﮮ ﺩﯾﺘﯿﮟ۔ ﺍﺗﻨﺎ ﮈﮬﯿﺮ ﻟﮕﺎ ﻟﯿﺎ ﮨﮯ ﺍﻭﺭ ﺗﺼﻮﯾﺮﯾﮟ ﻭﮨﯿﮟ ﺭﮨﻨﮯ ﺩﯾﮟ، ﺟﮩﺎﮞ ﭘﮍﯼ ﺗﮭﯿﮟ۔ ﭼﮭﻮﭨﺎ ﺳﺎ ﮔﮭﺮ ﮨﮯ ﺗﻢ ﻟﻮﮔﻮﮞ ﮐﺎ، ﻭﮨﺎﮞ ﮐﮩﺎﮞ ﭘﻮﺭﺍ ﺁﺋﮯ ﮔﺎ ﯾﮧ ﺳﺐ ﮐﭽﮫ۔ ” ﺳﻌﯿﺪﮦ ﺍﻣﺎﮞ ﮐﺘﺎﺑﻮﮞ ﮐﮯ ﺍﺱ ﮈﮬﯿﺮ ﮐﻮ ﺩﯾﮑﮫ ﮐﺮ ﻣﺘﻮﺣﺶ ﮨﻮ ﺭﮨﯽ ﺗﮭﯿﮟ۔ ﯾﻘﯿﻨﺎ ﺍﻧﮩﻮﮞ ﻧﮯ ﺑﮭﯽ ﺍﻣﺎﻣﮧ ﮐﯽ ﺳﺎﺭﯼ ﮐﺘﺎﺑﻮﮞ ﮐﻮ ﭘﮩﻠﯽ ﺑﺎﺭ ﺍﮐﭩﮭﺎ ﺩﯾﮑﮭﺎ ﺗﮭﺎ ﺍﻭﺭ ﯾﮧ ﺍﻥ ﮐﮯ ﻟﺌﮯ ﮐﻮﺋﯽ ﺧﻮﺵ ﮔﻮﺍﺭ ﻧﻈﺎﺭﮦ ﻧﮩﯿﮟ ﺗﮭﺎ۔
” ﻧﮩﯿﮟ، ﺁﺟﺎﺋﮯ ﮔﺎ ﭘﻮﺭﺍ، ﯾﮧ ﺳﺐ ﮐﭽﮫ۔ ﺗﯿﻦ ﺑﯿﮉ ﺭﻭﻣﺰ ﮨﯿﮟ، ﺍﻥ ﻣﯿﮟ ﺳﮯ ﺍﯾﮏ ﮐﻮ ﺍﺳﺘﻌﻤﺎﻝ ﮐﺮﯾﮟ ﮔﮯ۔ ﯾﮧ ﺳﺎﻣﺎﻥ ﺭﮐﮭﻨﮯ ﮐﮯ ﻟﯿﮯ، ﻟﯿﮑﻦ ﺩﻭﺳﺮﯼ ﭼﯿﺰﻭﮞ ﮐﻮ ﯾﮩﯿﮟ ﺭﮐﮭﻨﺎ ﭘﮍﮮ ﮔﺎ۔ ﮐﻤﺒﻞ، ﮐﻮﺋﻠﭩﺲ، ﺭﮔﺰ ﺍﻭﺭ ﮐﺸﻨﺰ ﻭﻏﯿﺮﮦ ﮐﻮ۔ ” ﻭﮦ ﺍﯾﮏ ﺳﯿﮑﻨﮉ ﻣﯿﮟ ﺗﯿﺎﺭ ﮨﻮ ﮔﺌﯽ ﺗﮭﯽ۔
” ﻟﯿﮑﻦ ﺑﯿﭩﺎ ! ﯾﮧ ﺳﺎﺭﺍ ﺳﺎﻣﺎﻥ ﺗﻮ ﮐﺎﻡ ﮐﺎ ﮨﮯ۔ ﮔﮭﺮ ﺳﺠﺎﻧﺎ ﺍﺱ ﺳﮯ … ﯾﮧ ﮐﺘﺎﺑﻮﮞ ﮐﮯ ﮈﮬﯿﺮ ﺍﻭﺭ ﺗﺼﻮﯾﺮﻭﮞ ﮐﺎ ﮐﯿﺎ ﮐﺮﻭ ﮔﯽ ﺗﻢ؟ ” ﺳﻌﯿﺪﮦ ﺍﻣﺎﮞ ﺍﺏ ﺑﮭﯽ ﻣﻌﺘﺮﺽ ﺗﮭﯿﮟ۔
” ﮐﻮﺋﯽ ﺑﺎﺕ ﻧﮩﯿﮟ، ﺍﻥ ﮐﯽ ﮐﺘﺎﺑﯿﮟ ﺿﺮﻭﺭﯼ ﮨﯿﮟ۔ ﺍﺑﮭﯽ ﮐﭽﮫ ﺍﻭﺭ ﮐﺎﺭﭨﻦ ﯾﺎ ﺷﺎﭘﺮﺯ ﮨﯿﮟ ﺟﻨﮩﯿﮟ ﭘﯿﮏ ﮐﺮﻧﺎ ﮨﮯ۔ ” ﺳﺎﻻﺭ ﻧﮯ ﺍﭘﻨﮯ ﺳﻮﺋﯿﭩﺮ ﮐﯽ ﺁﺳﺘﯿﻨﻮﮞ ﮐﻮ ﻣﻮﮌﺗﮯ ﮨﻮﺋﮯ ﺁﺧﺮﯼ ﺟﻤﻠﮧ ﺍﻣﺎﻣﮧ ﺳﮯ ﮐﮩﺎ۔
ﺗﯿﻦ ﺑﺠﮯ ﮐﮯ ﻗﺮﯾﺐ ﻭﮦ ﺳﺎﺭﺍ ﺳﺎﻣﺎﻥ ﺍﻥ ﮐﮯ ﮔﮭﺮ ﭘﺮ ﮔﯿﺴﭧ ﺭﻭﻡ ﻣﯿﮟ ﺑﮑﮭﺮﺍ ﮨﻮﺍ ﺗﮭﺎ۔ ﻓﺮﻗﺎﻥ ﻧﮯ ﺍﺱ ﺩﻥ ﺑﮭﯽ ﺍﻧﮩﯿﮟ ﺍﻓﻄﺎﺭﯼ ﮐﮯ ﻟﯿﮯ ﺍﭘﻨﯽ ﻃﺮﻑ ﻣﺪﻋﻮ ﮐﯿﺎ ﮨﻮﺍ ﺗﮭﺎ ﻟﯿﮑﻦ ﺳﺎﻻﺭ ﻧﮯ ﻣﻌﺬﺭﺕ ﮐﺮ ﻟﯽ۔ ﻓﯽ ﺍﻟﺤﺎﻝ ﺍﺱ ﺳﺎﻣﺎﻥ ﮐﻮ ﭨﮭﮑﺎﻧﮯ ﻟﮕﺎﻧﺎ ﺯﯾﺎﺩﮦ ﺍﮨﻢ ﺗﮭﺎ۔
(جاری ہے).....
─━•<☆⊰✿❣✿⊱☆>•━─
