┄┅════❁ ﷽ ❁════┅┄
ناول: آب_حیات
از: عمیرہ_احمد
قسط_نمبر_18
” ﺍﻣﺎﻣﮧ ! ﺗﻢ ﻣﺠﮭﮯ ﺍﭘﻨﮯ ﻣﻨﮧ ﺳﮯ ﺍﭘﻨﯽ ﺗﻌﺮﯾﻒ ﮐﺮﻧﮯ ﮐﮯ ﻟﯿﮯ ﮐﮩﮧ ﺭﮨﯽ ﮨﻮ۔ ” ﺍﺱ ﻧﮯ ﮨﻨﺴﺘﮯ ﮨﻮﺋﮯ ﮐﮩﺎ۔ ﯾﮧ ﺟﯿﺴﮯ ﺍﺱ ﮐﮯ ﻟﯿﮯ ﻣﺬﺍﻕ ﺗﮭﺎ۔ ﻭﮦ ﺑﺮﯼ ﻃﺮﺡ ﺟﮭﯿﻨﭗ ﮔﺌﯽ۔
” ﻣﺖ ﮐﺮﻭ، ﻣﯿﮟ ﻧﮯ ﮐﺐ ﮐﮩﺎ ﮨﮯ۔ ”
” ﻧﮩﯿﮟ، ﯾﻮ ﺁﺭ ﺭﺍﺋﭧ۔ ﻣﯿﮟ ﻧﮯ ﻭﺍﻗﻌﯽ ﺍﺑﮭﯽ ﺗﮏ ﺗﻤﮩﯿﮟ ﮐﺴﯽ ﺑﮭﯽ ﭼﯿﺰ ﮐﮯ ﻟﯿﮯ ﻧﮩﯿﮟ ﺳﺮﺍﮨﺎ۔ ﻣﺠﮭﮯ ﮐﺮﻧﺎ ﭼﺎﮨﯿﮯ ﺗﮭﺎ۔ ” ﻭﮦ ﯾﮏ ﺩﻡ ﺳﻨﺠﯿﺪﮦ ﮨﻮ ﮔﯿﺎ۔ ﺍﺱ ﻧﮯ ﺍﻣﺎﻣﮧ ﮐﯽ ﺷﺮﻣﻨﺪﮔﯽ ﻣﺤﺴﻮﺱ ﮐﺮ ﻟﯽ ﺗﮭﯽ۔
ﺍﺱ ﮐﮯ ﮐﻨﺪﮬﮯ ﭘﺮ ﺑﺎﺯﻭ ﭘﮭﯿﻼﺗﮯ ﮨﻮﺋﮯ ﺍﺱ ﻧﮯ ﺍﻣﺎﻣﮧ ﮐﻮ ﺍﭘﻨﮯ ﻗﺮﯾﺐ ﮐﯿﺎ۔ﺍ ﺱ ﺑﺎﺭ ﺍﻣﺎﻣﮧ ﻧﮯ ﺍﺱ ﮐﺎ ﮨﺎﺗﮫ ﻧﮩﯿﮟ ﺟﮭﭩﮑﺎ ﺗﮭﺎ۔ ﺍﺱ ﮐﮯ ﺁﻧﺴﻮ ﺍﺏ ﺗﮭﻢ ﭼﮑﮯ ﺗﮭﮯ۔ ﺳﺎﻻﺭ ﻧﮯ ﺩﻭﺳﺮﮮ ﮨﺎﺗﮫ ﺳﮯ ﺍﺱ ﮐﺎ ﮨﺎﺗﮫ ﺍﭘﻨﮯ ﮨﺎﺗﮫ ﻣﯿﮟ ﻟﮯ ﻟﯿﺎ۔ ﻭﮦ ﺍﺱ ﮐﮯ ﮨﺎﺗﮫ ﮐﻮ ﺑﮍﯼ ﻧﺮﻣﯽ ﮐﮯ ﺳﺎﺗﮫ ﺳﮩﻼﺗﮯ ﮨﻮﺋﮯ ﺑﻮﻻ۔
” ﺍﯾﺴﯽ ﺷﮑﺎﯾﺘﯿﮟ ﻭﮨﺎﮞ ﮨﻮﺗﯽ ﮨﯿﮟ ﺟﮩﺎﮞ ﺻﺮﻑ ﭼﻨﺪ ﺩﻥ ﮐﮯ ﺳﺎﺗﮫ ﮨﻮ ﻟﯿﮑﻦ ﺟﮩﺎﮞ ﺯﻧﺪﮔﯽ ﺑﮭﺮ ﮐﯽ ﺑﺎﺕ ﮨﻮ، ﻭﮨﺎﮞ ﯾﮧ ﺳﺐ ﮐﭽﮫ ﺑﮩﺖ ﺳﯿﮑﻨﮉﺭﯼ ﮨﻮ ﺟﺎﺗﺎ ﮨﮯ۔ ” ﺍﺳﮯ ﺍﭘﻨﮯ ﺳﺎﺗﮫ ﻟﮕﺎﺋﮯ ﻭﮦ ﺑﮩﺖ ﻧﺮﻣﯽ ﺳﮯ ﺳﻤﺠﮭﺎ ﺭﮨﺎ ﺗﮭﺎ۔
” ﺗﻢ ﺳﮯ ﺷﺎﺩﯼ ﻣﯿﺮﮮ ﻟﯿﮯ ﺑﮩﺖ ﻣﻌﻨﯽ ﺭﮐﮭﺘﯽ ” ﺗﮭﯽ ” ﺍﻭﺭ ﻣﻌﻨﯽ ﺭﮐﮭﺘﯽ ” ﮨﮯ …” ﻟﯿﮑﻦ ﺁﺋﻨﺪﮦ ﺑﮭﯽ ﮐﭽﮫ ﻣﻌﻨﯽ ﺭﮐﮭﮯ ” ﮔﯽ ” ﺍﺱ ﮐﺎ ﺍﻧﺤﺼﺎﺭ ﺗﻢ ﭘﺮ ﮨﮯ۔ ﻣﺠﮫ ﺳﮯ ﺟﻮ ﮔﻠﮧ ﮨﮯ ﺍﺳﮯ ﻣﺠﮫ ﺳﮯ ﮐﺮﻭ، ﺩﻭﺳﺮﻭﮞ ﺳﮯ ﻧﮩﯿﮟ۔ ﻣﯿﮟ ﺻﺮﻑ ﺗﻢ ﮐﻮ ﺟﻮﺍﺏ ﺩﮦ ﮨﻮﮞ ﺍﻣﺎﻣﮧ ! ﮐﺴﯽ ﺍﻭﺭ ﮐﮯ ﺳﺎﻣﻨﮯ ﻧﮩﯿﮟ۔ ” ﺍﺱ ﻧﮯ ﺑﮯ ﺣﺪ ﻧﭙﮯ ﺗﻠﮯ ﻟﻔﻈﻮﮞ ﻣﯿﮟ ﺍﺳﮯ ﺑﮩﺖ ﮐﭽﮫ ﺳﻤﺠﮭﺎﻧﮯ ﮐﯽ ﮐﻮﺷﺶ ﮐﯽ ﺗﮭﯽ۔
” ﮨﻢ ﮐﺒﮭﯽ ﺩﻭﺳﺖ ﻧﮩﯿﮟ ﺗﮭﮯ ﻟﯿﮑﻦ ﺩﻭﺳﺘﻮﮞ ﺳﮯ ﺯﯾﺎﺩﮦ ﺑﮯ ﺗﮑﻠﻔﯽ ﺍﻭﺭ ﺻﺎﻑ ﮔﻮﺋﯽ ﺭﮨﯽ ﮨﮯ ﮨﻤﺎﺭﮮ ﺗﻌﻠﻖ ﻣﯿﮟ۔ ﺷﺎﺩﯼ ﮐﺎ ﺭﺷﺘﮧ ﺍﺳﮯ ﮐﻤﺰﻭﺭ ﮐﯿﻮﮞ ﮐﺮ ﺭﮨﺎ ﮨﮯ؟ ”
ﺍﻣﺎﻣﮧ ﻧﮯ ﻧﻈﺮ ﺍﭨﮭﺎ ﮐﺮ ﺍﺱ ﮐﮯ ﭼﮩﺮﮮ ﮐﻮ ﺩﯾﮑﮭﺎ۔ ﺍﺳﮯ ﺍﺱ ﮐﯽ ﺁﻧﮑﮭﻮﮞ ﻣﯿﮟ ﺑﮭﯽ ﻭﮨﯽ ﺳﻨﺠﯿﺪﮔﯽ ﻧﻈﺮ ﺁﺋﯽ ﺟﻮ ﺍﺱ ﮐﮯ ﻟﻔﻈﻮﮞ ﻣﯿﮟ ﺗﮭﯽ۔ ﺍﺱ ﻧﮯ ﺍﯾﮏ ﺑﺎﺭ ﭘﮭﺮ ﺳﺮ ﺟﮭﮑﺎ ﻟﯿﺎ۔ ” ﻭﮦ ﻏﻠﻂ ﻧﮩﯿﮟ ﮐﮩﮧ ﺭﮨﺎ ﺗﮭﺎ ” ﺍﺱ ﮐﮯ ﺩﻝ ﻧﮯ ﺍﻋﺘﺮﺍﻑ ﮐﯿﺎ۔
” ﺗﻢ ﻣﯿﺮﯼ ﺯﻧﺪﮔﯽ ﻣﯿﮟ ﮨﺮ ﺷﺨﺺ ﺍﻭﺭ ﮨﺮ ﭼﯿﺰ ﺳﮯ ﺑﮩﺖ ﺯﯾﺎﺩﮦ ﺍﻣﭙﻮﺭﭨﯿﻨﺲ ﺭﮐﮭﺘﯽ ﮨﻮ۔ ” ﺳﺎﻻﺭ ﻧﮯ ﺍﭘﻨﮯ ﻟﻔﻈﻮﮞ ﭘﺮ ﺯﻭﺭ ﺩﯾﺘﮯ ﮨﻮﺋﮯ ﮐﮩﺎ۔ ” ﻟﯿﮑﻦ ﯾﮧ ﺍﯾﮏ ﺟﻤﻠﮧ ﻣﯿﮟ ﺗﻤﮩﯿﮟ ﮨﺮ ﺭﻭﺯ ﻧﮩﯿﮟ ﮐﮩﮧ ﭘﺎﺅﮞ ﮔﺎ۔ ﺍﺱ ﮐﺎ ﻣﻄﻠﺐ ﯾﮧ ﻧﮩﯿﮟ ﮐﮧ ﻣﯿﺮﮮ ﻟﺌﮯ ﺗﻤﮩﺎﺭﯼ ﺍﻣﭙﻮﺭﭨﻨﺲ ﮐﻢ ﮨﻮ ﮔﺌﯽ ﮨﮯ۔ ﻣﯿﺮﯼ ﺯﻧﺪﮔﯽ ﻣﯿﮟ ﺗﻤﮩﺎﺭﯼ ﺍﻣﭙﻮﺭﭨﻨﺲ ﺍﺏ ﻣﯿﺮﮮ ﮨﺎﺗﮫ ﻣﯿﮟ ﻧﮩﯿﮟ، ﺗﻤﮩﺎﺭﮮ ﮨﺎﺗﮫ ﻣﯿﮟ ﮨﮯ۔ ﯾﮧ ﺗﻤﮩﯿﮟ ﻃﮯ ﮐﺮﻧﺎ ﮨﮯ ﮐﮧ ﻭﻗﺖ ﮔﺰﺭﻧﮯ ﮐﮯ ﺳﺎﺗﮫ ﺗﻢ ﺍﺱ ﺍﻣﭙﻮﺭﭨﻨﺲ ﮐﻮ ﺑﮍﮬﺎﺅ ﮔﯽ ﯾﺎ ﮐﻢ ﮐﺮ ﺩﻭ ﮔﯽ۔ ” ﺍﺱ ﮐﯽ ﺑﺎﺕ ﺳﻨﺘﮯ ﮨﻮﺋﮯ ﺍﻣﺎﻣﮧ ﮐﯽ ﻧﻈﺮ ﺍﺱ ﮐﮯ ﺍﺱ ﮨﺎﺗﮫ ﮐﯽ ﭘﺸﺖ ﭘﺮ ﭘﮍﯼ ﺟﺲ ﺳﮯ ﻭﮦ ﺍُﺱ ﮐﺎ ﮨﺎﺗﮫ ﺳﮩﻼ ﺭﮨﺎ ﺗﮭﺎ۔ ﺍﺱ ﮐﮯ ﮨﺎﺗﮫ ﮐﯽ ﭘﺸﺖ ﺑﮯ ﺣﺪ ﺻﺎﻑ ﺳﺘﮭﺮﯼ ﺗﮭﯽ۔ ﮨﺎﺗﮫ ﮐﯽ ﭘﺸﺖ ﺍﻭﺭ ﮐﻼﺋﯽ ﭘﺮ ﺑﺎﻝ ﻧﮧ ﮨﻮﻧﮯ ﮐﮯ ﺑﺮﺍﺑﺮ ﺗﮭﮯ۔ ﮨﺎﺗﮫ ﮐﯽ ﺍﻧﮕﻠﯿﺎﮞ ﮐﺴﯽ ﻣﺼﻮﺭ ﮐﯽ ﺍﻧﮕﻠﯿﻮﮞ ﮐﯽ ﻃﺮﺡ ﻟﻤﺒﯽ ﺍﻭﺭ ﻋﺎﻡ ﻣﺮﺩﻭﮞ ﮐﮯ ﮨﺎﺗﮭﻮﮞ ﮐﯽ ﻧﺴﺒﺖ ﭘﺘﻠﯽ ﺗﮭﯿﮟ۔ ﺍﺱ ﮐﮯ ﮨﺎﺗﮭﻮﮞ ﮐﯽ ﭘﺸﺖ ﭘﺮ ﺳﺒﺰ ﺍﻭﺭ ﻧﯿﻠﯽ ﺭﮔﯿﮟ ﺑﮩﺖ ﻧﻤﺎﯾﺎﮞ ﻃﻮﺭ ﭘﺮ ﻧﻈﺮ ﺁﺭﮨﯽ ﺗﮭﯿﮟ۔ ﺍﺱ ﮐﯽ ﮐﻼﺋﯽ ﭘﺮ ﺭﯾﺴﭧ ﻭﺍﭺ ﮐﺎ ﮨﻠﮑﺎ ﺳﺎ ﻧﺸﺎﻥ ﺗﮭﺎ۔ ﻭﮦ ﯾﻘﯿﻨﺎ ﺑﮩﺖ ﺑﺎﻗﺎﻋﺪﮔﯽ ﺳﮯ ﺭﺳﭧ ﻭﺍﭺ ﭘﮩﻨﺘﺎ ﺗﮭﺎ۔ ﻭﮦ ﺁﺝ ﭘﮩﻠﯽ ﺑﺎﺭ ﺍﺱ ﮐﮯ ﮨﺎﺗﮫ ﮐﻮ ﺍﺗﻨﮯ ﻏﻮﺭ ﺳﮯ ﺩﯾﮑﮫ ﺭﮨﯽ ﺗﮭﯽ۔ ﺍﺳﮯ ﺍﺱ ﮐﮯ ﮨﺎﺗﮫ ﺑﮩﺖ ﺍﭼﮭﮯ ﻟﮕﮯ۔ ﺍﺱ ﮐﺎ ﺩﻝ ﮐﭽﮫ ﺍﻭﺭ ﻣﻮﻡ ﮨﻮﺍ۔
ﺍﺱ ﮐﯽ ﺗﻮﺟﮧ ﮐﮩﺎﮞ ﺗﮭﯽ، ﺳﺎﻻﺭ ﮐﻮ ﺍﻧﺪﺍﺯﮦ ﻧﮩﯿﮟ ﮨﻮ ﺳﮑﺎ۔ ﻭﮦ ﺍﺳﮯ ﺍﺳﯽ ﻃﺮﺡ ﺳﻨﺠﯿﺪﮔﯽ ﺳﮯ ﺳﻤﺠﮭﺎ ﺭﮨﺎ ﺗﮭﺎ۔
” ﻣﺤﺒﺖ ﯾﺎ ﺷﺎﺩﯼ ﮐﺎ ﻣﻄﻠﺐ ﯾﮧ ﻧﮩﯿﮟ ﮨﻮﺗﺎ ﮐﮧ ﺩﻭﻧﻮﮞ ﭘﺎﺭﭨﻨﺮﺯ ﺍﯾﮏ ﺩﻭﺳﺮﮮ ﮐﻮ ﺍﭘﻨﮯ ﺍﭘﻨﮯ ﮨﺎﺗﮫ ﮐﯽ ﻣﭩﮭﯽ ﻣﯿﮟ ﺑﻨﺪ ﮐﺮ ﮐﮯ ﺭﮐﮭﻨﺎ ﺷﺮﻭﻉ ﮐﺮﺩﯾﮟ۔ ﺍﺱ ﺳﮯ ﺭﺷﺘﮯ ﻣﻀﺒﻮﻁ ﻧﮩﯿﮟ ﮨﻮﺗﮯ، ﺩﻡ ﮔﮭﭩﻨﮯ ﻟﮕﺘﺎ ﮨﮯ۔ ﺍﯾﮏ ﺩﻭﺳﺮﮮ ﮐﻮ ﺍﺳﭙﯿﺲ ﺩﯾﻨﺎ، ﺍﯾﮏ ﺩﻭﺳﺮﮮ ﮐﯽ ﺍﻧﻔﺮﺍﺩﯼ ﺣﯿﺜﯿﺖ ﮐﻮ ﺗﺴﻠﯿﻢ ﮐﺮﻧﺎ، ﺍﯾﮏ ﺩﻭﺳﺮﮮ ﮐﯽ ﺁﻭﺍﺯ ﮐﮯ ﺣﻖ ﮐﺎ ﺍﺣﺘﺮﺍﻡ ﮐﺮﻧﺎ ﺑﮩﺖ ﺿﺮﻭﺭﯼ ﮨﮯ۔ ” ﺍﻣﺎﻣﮧ ﻧﮯ ﮔﺮﺩﻥ ﻣﻮﮌ ﮐﺮ ﺍﺱ ﮐﺎ ﭼﮩﺮﮦ ﺩﯾﮑﮭﺎ، ﻭﮦ ﺍﺏ ﺑﮯ ﺣﺪ ﺳﻨﺠﯿﺪﮦ ﺗﮭﺎ۔
” ﮨﻢ ﺩﻭﻧﻮﮞ ﺍﮔﺮ ﺻﺮﻑ ﺍﯾﮏ ﺩﻭﺳﺮﮮ ﮐﮯ ﻋﯿﺐ ﺍﻭﺭ ﮐﻮﺗﺎﮨﯿﺎﮞ ﮈﮬﻮﻧﮉﺗﮯ ﺭﮨﯿﮟ ﮔﮯ ﺗﻮ ﺑﮩﺖ ﺟﻠﺪ ﮨﻤﺎﺭﮮ ﺩﻝ ﺳﮯ ﺍﯾﮏ ﺩﻭﺳﺮﮮ ﮐﮯ ﻟﯿﮯ ﻋﺰﺕ ﺍﻭﺭ ﻟﺤﺎﻅ ﺧﺘﻢ ﮨﻮ ﺟﺎﺋﮯ ﮔﺎ۔ ﮐﺴﯽ ﺭﺷﺘﮯ ﮐﻮ ﮐﺘﻨﯽ ﺑﮭﯽ ﻣﺤﺒﺖ ﺳﮯ ﺑﺎﻧﺪﮬﺎ ﮔﯿﺎ ﮨﻮ، ﺍﮔﺮ ﻋﺰﺕ ﺍﻭﺭ ﻟﺤﺎﻅ ﭼﻼ ﺟﺎﺋﮯ ﺗﻮ ﻣﺤﺒﺖ ﺑﮭﯽ ﭼﻠﯽ ﺟﺎﺋﮯ … ﯾﮧ ﺩﻭﻧﻮﮞ ﭼﯿﺰﯾﮟ ﻣﺤﺒﺖ ﮐﮯ ﮔﮭﺮ ﮐﯽ ﭼﺎﺭ ﺩﯾﻮﺍﺭﯼ ﺧﺘﻢ ﮨﻮ ﺟﺎﺋﮯ ﺗﻮ ﮔﮭﺮ ﮐﻮ ﺑﭽﺎﻧﺎ ﻣﺸﮑﻞ ﮨﻮ ﺟﺎﺗﺎ ﮨﮯ۔ ”
ﺍﻣﺎﻣﮧ ﻧﮯ ﺑﮍﯼ ﺣﯿﺮﺍﻧﯽ ﺳﮯ ﺍﺳﮯ ﺩﯾﮑﮭﺎ۔ ﻭﮦ ﺍﺱ ﮐﯽ ﺁﻧﮑﮭﻮﮞ ﻣﯿﮟ ﺣﯿﺮﺍﻧﯽ ﺩﯾﮑﮫ ﮐﺮ ﻣﺴﮑﺮﺍﯾﺎ۔
” ﺍﭼﮭﯽ ﻓﻼﺳﻔﯽ ﮨﮯ ﻧﺎ؟ ”
ﺍﻣﺎﻣﮧ ﮐﯽ ﺁﻧﮑﮭﻮﮞ ﻣﯿﮟ ﻧﻤﯽ ﺍﻭﺭ ﮨﻮﻧﭩﻮﮞ ﭘﺮ ﻣﺴﮑﺮﺍﮨﭧ ﺑﯿﮏ ﻭﻗﺖ ﺁﺋﯽ ﺗﮭﯽ۔ ﺍﺱ ﻧﮯ ﺍﺛﺒﺎﺕ ﻣﯿﮟ ﺳﺮ ﮨﻼﯾﺎ۔
ﺳﺎﻻﺭ ﻧﮯ ﺍﺳﮯ ﺍﭘﻨﮯ ﮐﭽﮫ ﺍﻭﺭ ﻗﺮﯾﺐ ﮐﺮﺗﮯ ﮨﻮﺋﮯ ﮐﮩﺎ۔
” ﻣﯿﮟ ﺍﻟﻠﮧ ﮐﺎ ﭘﺮﻓﯿﮑﭧ ﺑﻨﺪﮦ ﻧﮩﯿﮟ ﮨﻮﮞ ﺗﻮ ﺗﻤﮩﺎﺭﺍ ﭘﺮﻓﯿﮑﭧ ﺷﻮﮨﺮ ﮐﯿﺴﮯ ﺑﻦ ﺳﮑﺘﺎ ﮨﻮﮞ ﺍﻣﺎﻣﮧ ! ﺷﺎﯾﺪ ﺍﻟﻠﮧ ﻣﯿﺮﯼ ﮐﻮﺗﺎﮨﯿﺎﮞ ﻧﻈﺮ ﺍﻧﺪﺍﺯ ﮐﺮﺩﮮ، ﺗﻮ ﺗﻢ ﺑﮭﯽ ﻣﻌﺎﻑ ﮐﺮ ﺩﯾﺎ ﮐﺮﻭ۔ ” ﻭﮦ ﺣﯿﺮﺍﻧﯽ ﺳﮯ ﺍﺱ ﮐﺎ ﭼﮩﺮﮦ ﺩﯾﮑﮭﺘﯽ ﺭﮨﯽ، ﻭﮦ ﻭﺍﻗﻌﯽ ﺍﺱ ﺳﺎﻻﺭ ﺳﮑﻨﺪﺭ ﺳﮯ ﻧﺎﻭﺍﻗﻒ ﺗﮭﯽ۔ ﺳﺎﻻﺭ ﻧﮯ ﺑﮍﯼ ﻧﺮﻣﯽ ﮐﮯ ﺳﺎﺗﮫ ﺍﺱ ﮐﯽ ﺁﻧﮑﮭﻮﮞ ﮐﮯ ﺳﻮﺟﮯ ﮨﻮﺋﮯ ﭘﭙﻮﭨﻮﮞ ﮐﻮ ﺍﭘﻨﯽ ﭘﻮﺭﻭﮞ ﺳﮯ ﭼﮭﻮﺍ۔
” ﮐﯿﺎ ﺣﺎﻝ ﮐﺮ ﻟﯿﺎ ﮨﮯ ﺗﻢ ﻧﮯ ﺍﭘﻨﯽ ﺁﻧﮑﮭﻮﮞ ﮐﺎ … ؟ﺗﻤﮩﯿﮟ ﻣﺠﮫ ﭘﺮ ﺗﺮﺱ ﻧﮩﯿﮟ ﺁﺗﺎ؟ ”
ﻭﮦ ﺑﮍﯼ ﻣﻼﺋﻤﺖ ﺳﮯ ﮐﮩﮧ ﺭﮨﺎ ﺗﮭﺎ۔
ﺍﻣﺎﻣﮧ ﻧﮯ ﺟﻮﺍﺏ ﺩﯾﻨﮯ ﮐﮯ ﺑﺠﺎﺋﮯ ﺍﺱ ﮐﮯ ﺳﯿﻨﮯ ﭘﺮ ﺳﺮ ﺭﮐﮫ ﺩﯾﺎ۔ ﻭﮦ ﺍﺏ ﭘُﺮﺳﮑﻮﻥ ﺗﮭﯽ۔ ﺍﺱ ﮐﮯ ﮔﺮﺩ ﺍﭘﻨﺎ ﺍﯾﮏ ﺑﺎﺯﻭ ﺣﻤﺎﺋﻞ ﮐﺮﺗﮯ ﮨﻮﺋﮯ ﺍﻭﺭ ﺩﻭﺳﺮﮮ ﮨﺎﺗﮫ ﺳﮯ ﺍﺱ ﮐﮯ ﭼﮩﺮﮮ ﺍﻭﺭ ﮔﺮﺩﻥ ﭘﺮ ﺁﺋﮯ ﮨﻮﺋﮯ ﺑﺎﻟﻮﮞ ﮐﻮ ﮨﭩﺎﺗﮯ ﮨﻮﺋﮯ ﺍﺱ ﻧﮯ ﭘﮩﻠﯽ ﺑﺎﺭ ﻧﻮﭨﺲ ﮐﯿﺎ ﮐﮧ ﻭﮦ ﺭﻭﻧﮯ ﮐﮯ ﺑﻌﺪ ﺯﯾﺎﺩﮦ ﺍﭼﮭﯽ ﻟﮕﺘﯽ ﮨﮯ ﻟﯿﮑﻦ ﺍﺱ ﺳﮯ ﯾﮧ ﺑﺎﺕ ﮐﮩﻨﺎ، ﺍﭘﻨﮯ ﭘﺎﺅﮞ ﭘﺮ ﮐﻠﮩﺎﮌﯼ ﻣﺎﺭﻧﮯ ﻭﺍﻟﯽ ﺑﺎﺕ ﺗﮭﯽ۔ ﻭﮦ ﺍﺱ ﮐﯽ ﻃﺮﻑ ﻣﺘﻮﺟﮧ ﻧﮩﯿﮟ ﺗﮭﯽ۔ ﻭﮦ ﺍﺱ ﮐﮯ ﻧﺎﺋﭧ ﮈﺭﯾﺲ ﮐﯽ ﺷﺮﭦ ﭘﺮ ﺑﻨﮯ ﭘﯿﭩﺮﻥ ﭘﺮ ﻏﯿﺮ ﻣﺤﺴﻮﺱ ﺍﻧﺪﺍﺯ ﻣﯿﮟ ﺍﻧﮕﻠﯿﺎﮞ ﭘﮭﯿﺮ ﺭﮨﯽ ﺗﮭﯽ۔
” ﻣﻮﻭ ﮐﻠﺮ ﺍﭼﮭﺎ ﻟﮕﺘﺎ ﮨﮯ ﺗﻢ ﭘﺮ۔ ” ﺍﺱ ﻧﮯ ﺑﮯ ﺣﺪ ﺭﻭﻣﺎﻧﭩﮏ ﺍﻧﺪﺍﺯ ﻣﯿﮟ ﺍﺱ ﮐﮯ ﮐﭙﮍﻭﮞ ﭘﺮ ﺍﯾﮏ ﻧﻈﺮ ﮈﺍﻟﺘﮯ ﮨﻮﺋﮯ ﮐﮩﺎ۔
ﺍﺱ ﮐﮯ ﺳﯿﻨﮯ ﭘﺮ ﺣﺮﮐﺖ ﮐﺮﺗﺎ ﺍﺱ ﮐﺎ ﮨﺎﺗﮫ ﺍﯾﮏ ﺩﻡ ﺭﮐﺎ۔ ﺍﻣﺎﻣﮧ ﻧﮯ ﺳﺮ ﺍﭨﮭﺎ ﮐﺮ ﺍﺳﮯ ﺩﯾﮑﮭﺎ۔ ﺳﺎﻻﺭﻧﮯ ﺍﺱ ﮐﯽ ﺁﻧﮑﮭﻮﮞ ﻣﯿﮟ ﺧﻔﮕﯽ ﺩﯾﮑﮭﯽ، ﻭﮦ ﻣﺴﮑﺮﺍﯾﺎ۔
” ﺗﻌﺮﯾﻒ ﮐﺮ ﺭﮨﺎ ﮨﻮﮞ ﺗﻤﮩﺎﺭﯼ۔ ”
” ﯾﮧ ﭨﯽ ﭘﻨﮏ ﮨﮯ۔ ”
” ﺍﻭﮦ ! ﺍﭼﮭﺎ۔ ” ﺳﺎﻻﺭ ﻧﮯ ﮔﮍ ﺑﮍﺍ ﮐﺮ ﺍﺱ ﮐﮯ ﮐﭙﮍﻭﮞ ﮐﻮ ﺩﻭﺑﺎﺭﮦ ﺩﯾﮑﮭﺎ۔
” ﯾﮧ ﭨﯽ ﭘﻨﮏ ﮨﮯ؟ ﻣﯿﮟ ﻧﮯ ﺍﺻﻞ ﻣﯿﮟ ﻣﻮﻭ ﮐﻠﺮ ﺑﮩﺖ ﻋﺮﺻﮯ ﺳﮯ ﮐﺴﯽ ﮐﻮ ﭘﮩﻨﮯ ﻧﮩﯿﮟ ﺩﯾﮑﮭﺎ۔ ” ﺳﺎﻻﺭ ﻧﮯ ﻭﺿﺎﺣﺖ ﮐﯽ۔
” ﮐﻞ ﻣﻮﻭ ﭘﮩﻨﺎ ﮨﻮﺍ ﺗﮭﺎ ﻣﯿﮟ ﻧﮯ۔ ” ﺍﻣﺎﻣﮧ ﮐﯽ ﺁﻧﮑﮭﻮﮞ ﮐﯽ ﺧﻔﮕﯽ ﺑﮍﮬﯽ۔
” ﻟﯿﮑﻦ ﻣﯿﮟ ﺗﻮ ﺍﺳﮯ ﭘﺮﭘﻞ ﺳﻤﺠﮭﺎ ﺗﮭﺎ۔ ” ﺳﺎﻻﺭ ﻣﺰﯾﺪ ﮔﮍﺑﮍﺍﯾﺎ۔
” ﻭﮦ ﺟﻮ ﺳﺎﻣﻨﮯ ﺩﯾﻮﺍﺭ ﭘﺮ ﭘﯿﻨﭩﻨﮓ ﮨﮯ ﻧﺎ، ﺍﺱ ﻣﯿﮟ ﮨﯿﮟ ﭘﺮﭘﻞ ﻓﻼﻭﺭﺯ۔ ” ﺍﻣﺎﻣﮧ ﻧﮯ ﮐﭽﮫ ﺗﺤﻤﻞ ﮐﺎ ﻣﻈﺎﮨﺮﮦ ﮐﺮﻧﮯ ﮐﯽ ﮐﻮﺷﺶ ﮐﯽ۔
ﺳﺎﻻﺭ ﺍﺱ ﭘﯿﻨﭩﻨﮓ ﮐﻮ ﮔﮭﻮﺭﺗﮯ ﮨﻮﺋﮯ ﺍﺳﮯ ﯾﮧ ﻧﮩﯿﮟ ﺑﺘﺎ ﺳﮑﺎ ﮐﮧ ﻭﮦ ﺍﻥ ﻓﻼﻭﺭﺯ ﮐﻮ ﺑﻠﯿﻮ ﮐﻠﺮ ﮐﺎ ﮐﻮﺋﯽ ﺷﯿﮉ ﺳﻤﺠﮫ ﮐﺮ ﻻﯾﺎ ﺗﮭﺎ۔ ﺍﻣﺎﻣﮧ ﺍﺏ ﺍﺱ ﮐﺎ ﭼﮩﺮﮦ ﺩﯾﮑﮫ ﺭﮨﯽ ﺗﮭﯽ۔ ﺳﺎﻻﺭ ﻧﮯ ﮐﭽﮫ ﺑﮯ ﭼﺎﺭﮔﯽ ﮐﮯ ﺍﻧﺪﺍﺯ ﻣﯿﮟ ﮔﮩﺮﺍ ﺳﺎﻧﺲ ﻟﯿﺎ۔
” ﻣﯿﺮﺍ ﺧﯿﺎﻝ ﮨﮯ، ﺍﺱ ﺷﺎﺩﯼ ﮐﻮ ﮐﺎﻣﯿﺎﺏ ﮐﺮﻧﮯ ﮐﮯ ﻟﯿﮯ ﻣﺠﮭﮯ ﺍﭘﻨﯽ ﺟﯿﺐ ﻣﯿﮟ ﺍﯾﮏ ﺷﯿﮉ ﮐﺎﺭﮈﺯ ﺭﮐﮭﻨﺎ ﭘﮍﮮ ﮔﺎ۔ ” ﻭﮦ ﭘﯿﻨﭩﻨﮓ ﮐﻮ ﺩﯾﮑﮭﺘﮯ ﮨﻮﺋﮯ ﺑﮍﺑﮍﺍﯾﺎ ﺗﮭﺎ۔
٭٭٭٭
ﻭﮦ ﭘﮩﻠﯽ ﺻﺒﺢ ﺗﮭﯽ ﺟﺐ ﺍﺱ ﮐﯽ ﺁﻧﮑﮫ ﺳﺎﻻﺭ ﺳﮯ ﭘﮩﻠﮯ ﮐﮭﻠﯽ ﺗﮭﯽ، ﺍﻻﺭﻡ ﺳﯿﭧ ﭨﺎﺋﻢ ﺳﮯ ﺑﮭﯽ ﺩﺱ ﻣﻨﭧ ﭘﮩﻠﮯ۔ ﭼﻨﺪ ﻣﻨﭧ ﻭﮦ ﺍﺳﯽ ﻃﺮﺡ ﺑﺴﺘﺮ ﻣﯿﮟ ﭘﮍﯼ ﺭﮨﯽ۔ ﺍﺳﮯ ﺍﻧﺪﺍﺯﮦ ﻧﮩﯿﮟ ﮨﻮ ﺭﮨﺎ ﺗﮭﺎ ﮐﮧ ﺭﺍﺕ ﮐﺎ ﮐﻮﻥ ﺳﺎ ﭘﮩﺮ ﮨﮯ۔ ﺑﯿﮉ ﺳﺎﺋﯿﮉ ﭨﯿﺒﻞ ﭘﺮ ﭘﮍﺍ ﺍﻻﺭﻡ ﮐﻼﮎ ﺍﭨﮭﺎ ﮐﺮ ﺍﺱ ﻧﮯ ﭨﺎﺋﻢ ﺩﯾﮑﮭﺎ ﭘﮭﺮ ﺳﺎﺗﮫ ﮨﯽ ﺍﻻﺭﻡ ﺁﻑ ﮐﺮ ﺩﯾﺎ۔ ﺑﮍﯼ ﺍﺣﺘﯿﺎﻁ ﺳﮯ ﻭﮦ ﺍﭨﮫ ﮐﺮ ﺑﺴﺘﺮ ﻣﯿﮟ ﺑﯿﭩﮭﯽ۔ ﺳﺎﺋﯿﮉ ﭨﯿﺒﻞ ﮐﺎ ﻟﯿﻤﭗ ﺑﮍﯼ ﺍﺣﺘﯿﺎﻁ ﺳﮯ ﺁﻥ ﮐﺮﺗﮯ ﮨﻮﺋﮯ ﺍﺱ ﻧﮯ ﺳﻠﯿﭙﺮﺯ ﮈﮬﻮﻧﮉﮮ، ﭘﮭﺮ ﺍﺱ ﻧﮯ ﮐﮭﮍﮮ ﮨﻮﺗﮯ ﮨﻮﺋﮯ ﺳﺎﺋﯿﮉ ﭨﯿﺒﻞ ﮐﺎ ﻟﯿﻤﭗ ﺁﻑ ﮐﯿﺎ۔ ﺗﺐ ﺍﺱ ﻧﮯ ﺳﺎﻻﺭ ﮐﯽ ﺳﺎﺋﯿﮉ ﮐﮯ ﻟﯿﻤﭗ ﮐﻮ ﺁﻥ ﮨﻮﺗﮯ ﺩﯾﮑﮭﺎ۔ ﻭﮦ ﮐﺲ ﻭﻗﺖ ﺑﯿﺪﺍﺭ ﮨﻮﺍ ﺗﮭﺎ، ﺍﻣﺎﻣﮧ ﮐﻮ ﺍﻧﺪﺍﺯﮦ ﻧﮩﯿﮟ ﮨﻮﺍ ﺗﮭﺎ۔
” ﻣﯿﮟ ﺳﻤﺠﮭﯽ ﺗﻢ ﺳﻮ ﺭﮨﮯ ﮨﻮ۔ ” ﺍﺱ ﻧﮯ ﺳﺎﻻﺭ ﮐﮯ ﺳﻼﻡ ﮐﺎ ﺟﻮﺍﺏ ﺩﯾﺘﮯ ﮨﻮﺋﮯ ﮐﮩﺎ۔
” ﻣﯿﮟ ﺍﺑﮭﯽ ﺍﭨﮭﺎ ﮨﻮﮞ، ﮐﻤﺮﮮ ﻣﯿﮟ ﺁﮨﭧ ﮐﯽ ﻭﺟﮧ ﺳﮯ۔ ”
ﻭﮦ ﺍﺳﯽ ﻃﺮﺡ ﻟﯿﭩﮯ ﻟﯿﭩﮯ ﺍﺏ ﺍﭘﻨﺎ ﺳﯿﻞ ﻓﻮﻥ ﺩﯾﮑﮫ ﺭﮨﺎ ﺗﮭﺎ۔
” ﻟﯿﮑﻦ ﻣﯿﮟ ﻧﮯ ﺗﻮ ﮐﻮﺋﯽ ﺁﻭﺍﺯ ﻧﮩﯿﮟ ﮐﯽ۔ ﻣﯿﮟ ﺗﻮ ﮐﻮﺷﺶ ﮐﺮ ﺭﮨﯽ ﺗﮭﯽ ﮐﮧ ﺗﻢ ﮈﺳﭩﺮﺏ ﻧﮧ ﮨﻮ۔ ” ﺍﻣﺎﻣﮧ ﮐﭽﮫ ﺣﯿﺮﺍﻥ ﮨﻮﺋﯽ ﺗﮭﯽ۔
” ﻣﯿﺮﯼ ﻧﯿﻨﺪ ﺯﯾﺎﺩﮦ ﮔﮩﺮﯼ ﻧﮩﯿﮟ ﮨﮯ ﺍﻣﺎﻣﮧ ! ﮐﻤﺮﮮ ﻣﯿﮟ ﮨﻠﮑﯽ ﺳﮯ ﮨﻠﮑﯽ ﺁﮨﭧ ﺑﮭﯽ ﮨﻮ ﺗﻮ ﻣﯿﮟ ﺟﺎﮒ ﺟﺎﺗﺎ ﮨﻮﮞ۔ ” ﺍﺱ ﻧﮯ ﮔﮩﺮﺍ ﺳﺎﻧﺲ ﻟﯿﺘﮯ ﮨﻮﺋﮯ ﺳﯿﻞ ﺳﺎﺋﯿﮉ ﭨﯿﺒﻞ ﭘﺮ ﺭﮐﮭﺎ۔
” ﻣﯿﮟ ﺁﺋﻨﺪﮦ ﺍﺣﺘﯿﺎﻁ ﮐﺮﻭﮞ ﮔﯽ۔ ” ﺍﺱ ﻧﮯ ﮐﭽﮫ ﻣﻌﺬﺭﺕ ﺧﻮﺍﻧﮧ ﺍﻧﺪﺍﺯ ﻣﯿﮟ ﮐﮩﺎ۔
” ﺿﺮﻭﺭﺕ ﻧﮩﯿﮟ، ﻣﺠﮭﮯ ﻋﺎﺩﺕ ﮨﮯ ﺍﺳﯽ ﻃﺮﺡ ﮐﯽ ﻧﯿﻨﺪ ﮐﯽ۔ ﻣﺠﮭﮯ ﺍﺏ ﻓﺮﻕ ﻧﮩﯿﮟ ﭘﮍﺗﺎ۔ ” ﺍﺱ ﻧﮯ ﺑﯿﮉ ﭘﺮ ﭘﮍﺍ ﺍﯾﮏ ﺍﻭﺭ ﺗﮑﯿﮧ ﺍﭨﮭﺎ ﮐﺮ ﺍﭘﻨﮯ ﺳﺮ ﮐﮯ ﻧﯿﭽﮯ ﺭﮐﮭﺎ ﺍﻭﺭ ﺁﻧﮑﮭﯿﮟ ﺑﻨﺪ ﮐﺮ ﻟﯿﮟ۔ ﻭﮦ ﻭﺍﺵ ﺭﻭﻡ ﻣﯿﮟ ﺟﺎﻧﮯ ﺳﮯ ﭘﮩﻠﮯ ﭼﻨﺪ ﻟﻤﺤﮯ ﺍﺳﮯ ﺩﯾﮑﮭﺘﯽ ﺭﮨﯽ۔ ﮨﺮ ﺍﻧﺴﺎﻥ ﺍﯾﮏ ﮐﺘﺎﺏ ﮐﯽ ﻃﺮﺡ ﮨﻮﺗﺎ ﮨﮯ۔ ﮐﮭﻠﯽ ﮐﻠﺘﺎﺏ ﺟﺴﮯ ﮐﻮﺋﯽ ﺑﮭﯽ ﭘﮍﮪ ﺳﮑﺘﺎﮨﮯ۔ ﺳﺎﻻﺭ ﺑﮭﯽ ﺍﺱ ﮐﮯ ﻟﯿﮯ ﺍﯾﮏ ﮐﮭﻠﯽ ﮐﺘﺎﺏ ﺗﮭﺎ ﻟﯿﮑﻦ ﭼﺎﺋﻨﯿﺰ ﺯﺑﺎﻥ ﻣﯿﮟ ﻟﮑﮭﯽ ﮨﻮﺋﯽ ﮐﺘﺎﺏ۔
ﺍﺱ ﺩﻥ ﺍﺱ ﻧﮯ ﺍﻭﺭ ﺳﺎﻻﺭ ﻧﮯ ﺳﺤﺮﯼ ﺍﮐﭩﮭﮯ ﮐﯽ ﺍﻭﺭ ﮨﺮ ﺭﻭﺯ ﮐﯽ ﻃﺮﺡ ﺳﺎﻻﺭ، ﻓﺮﻗﺎﻥ ﮐﮯ ﺳﺎﺗﮫ ﻧﮩﯿﮟ ﮔﯿﺎ۔ ﻭﮦ ﺷﺎﯾﺪ ﭘﭽﮭﻠﮯ ﮐﭽﮫ ﺩﻧﻮﮞ ﮐﯽ ﺷﮑﺎﯾﺘﻮﮞ ﮐﺎ ﺍﺯﺍﻟﮧ ﮐﺮﻧﮯ ﮐﯽ ﮐﻮﺷﺶ ﮐﺮ ﺭﮨﺎ ﺗﮭﺎ۔ ﺍﻣﺎﻣﮧ ﮐﺎ ﻣﻮﮈ ﺭﺍﺕ ﮐﻮ ﮨﯽ ﺑﮩﺖ ﺍﭼﮭﺎ ﮨﻮ ﮔﯿﺎ ﺗﮭﺎ ﺍﻭﺭ ﺍﺱ ﻣﯿﮟ ﻣﺰﯾﺪ ﺑﮩﺘﺮﯼ ﺍﺱ ﮐﯽ ﺍﺱ ” ﺗﻮﺟﮧ ” ﻧﮯ ﮐﯽ۔
ﻣﺴﺠﺪ ﻣﯿﮟ ﺟﺎﻧﮯ ﺳﮯ ﭘﮩﻠﮯ ﺁﺝ ﭘﮩﻠﯽ ﺑﺎﺭ ﺍﺱ ﻧﮯ ﺍﺳﮯ ﻣﻄﻠﻊ ﮐﯿﺎ۔
” ﺍﻣﺎﻣﮧ ! ﺗﻢ ﻣﯿﺮﺍ ﺍﻧﺘﻈﺎﺭ ﻣﺖ ﮐﺮﻧﺎ۔ ﻧﻤﺎﺯ ﭘﮍﮪ ﮐﺮ ﺳﻮ ﺟﺎﻧﺎ، ﻣﯿﮟ ﮐﺎﻓﯽ ﻟﯿﭧ ﺁﺅﮞ ﮔﺎ۔ ”
ﺍﺱ ﻧﮯ ﺟﺎﺗﮯ ﮨﻮﺋﮯ ﺍﺳﮯ ﺗﺎﮐﯿﺪ ﮐﯽ ﻟﯿﮑﻦ ﻭﮦ ﺍﺱ ﮐﯽ ﺗﺎﮐﯿﺪ ﮐﻮ ﻧﻈﺮ ﺍﻧﺪﺍﺯ ﮐﺮﺗﮯ ﮨﻮﺋﮯ ﺍﺱ ﮐﮯ ﺍﻧﺘﻈﺎﺭ ﻣﯿﮟ ﺑﯿﭩﮭﯽ ﺭﮨﯽ۔
ﻭﮦ ﺳﺎﮌﮬﮯ ﺁﭨﮫ ﺑﺠﮯ ﺍﺱ ﮐﮯ ﺁﻓﺲ ﺟﺎﻧﮯ ﮐﮯ ﺑﻌﺪ ﺳﻮﺋﯽ ﺗﮭﯽ۔ ﺩﻭﺑﺎﺭﮦ ﺍﺱ ﮐﯽ ﺁﻧﮑﮫ ﮔﯿﺎﺭﮦ ﺑﺠﮯ ﮈﻭﺭ ﺑﯿﻞ ﮐﯽ ﺁﻭﺍﺯ ﭘﺮ ﮐﮭﻠﯽ۔ ﻧﯿﻨﺪ ﻣﯿﮟ ﺍﭘﻨﯽ ﺁﻧﮑﮭﯿﮟ ﻣﺴﻠﺘﮯ ﮨﻮﺋﮯ، ﺍﺱ ﻧﮯ ﺑﯿﮉ ﺭﻭﻡ ﺳﮯ ﺑﺎﮨﺮ ﻧﮑﻞ ﮐﺮ ﺍﭘﺎﺭﭨﻤﻨﭧ ﮐﺎ ﺩﺍﺧﻠﯽ ﺩﺭﻭﺍﺯﮦ ﮐﮭﻮﻻ۔ ﭼﺎﻟﯿﺲ، ﭘﯿﻨﺘﺎﻟﯿﺲ ﺳﺎﻟﮧ ﺍﯾﮏ ﻋﻮﺭﺕ ﻧﮯ ﺍﺳﮯ ﺑﮯ ﺣﺪ ﭘُﺮﺗﺠﺴﺲ ﻧﻈﺮﻭﮞ ﺳﮯ ﺩﯾﮑﮭﺘﮯ ﮨﻮﺋﮯ ﺳﻼﻡ ﮐﯿﺎ۔
” ﻣﺠﮭﮯ ﻧﻮﺷﯿﻦ ﺑﺎﺟﯽ ﻧﮯ ﺑﮭﯿﺠﺎ ﮨﮯ۔ ” ﺍﺱ ﻧﮯ ﺍﭘﻨﺎ ﺗﻌﺎﺭﻑ ﮐﺮﻭﺍﯾﺎ۔
ﺍﻣﺎﻣﮧ ﮐﻮ ﺍﯾﮏ ﺩﻡ ﯾﺎﺩ ﺁﯾﺎ ﮐﮧ ﺍﺱ ﻧﮯ ﻧﻮﺷﯿﻦ ﮐﻮ ﺻﻔﺎﺋﯽ ﮐﮯ ﻟﯿﮯ ﻣﻼﺯﻣﮧ ﮐﻮ ﮐﻞ ﮐﮯ ﺑﺠﺎﺋﮯ ﺍﮔﻠﮯ ﺩﻥ ﺑﮭﯿﺠﻨﮯ ﮐﮯ ﻟﯿﮯ ﮐﮩﺎ ﺗﮭﺎ۔ ﻭﮦ ﺍﺳﮯ ﺭﺍﺳﺘﮧ ﺩﯾﺘﯽ ﮨﻮﺋﯽ ﺩﺭﻭﺍﺯﮮ ﺳﮯ ﮨﭧ ﮔﺌﯽ۔
” ﺍﺗﻨﯽ ﺧﻮﺷﯽ ﮨﻮﺋﯽ ﺟﺐ ﻧﻮﺷﯿﻦ ﺑﺎﺟﯽ ﻧﮯ ﻣﺠﮭﮯ ﺑﺘﺎﯾﺎ ﮐﮧ ﺳﺎﻻﺭ ﺻﺎﺣﺐ ﮐﯽ ﺑﯿﻮﯼ ﺁﮔﺌﯽ ﮨﮯ۔ ﻣﺠﮭﮯ ﺗﻮ ﭘﺘﺎ ﮨﯽ ﻧﮩﯿﮟ ﭼﻼ ﮐﮧ ﮐﺐ ﺷﺎﺩﯼ ﮐﺮ ﻟﯽ ﺳﺎﻻﺭ ﺻﺎﺣﺐ ﻧﮯ۔ ” ﺍﻣﺎﻣﮧ ﮐﮯ ﭘﯿﭽﮭﮯ ﺍﻧﺪﺭ ﺁﺗﮯ ﮨﻮﺋﮯ ﻣﻼﺯﻣﮧ ﮐﯽ ﺑﺎﺗﻮﮞ ﮐﺎ ﺁﻏﺎﺯ ﮨﻮ ﮔﯿﺎ ﺗﮭﺎ۔
” ﮐﮩﺎﮞ ﺳﮯ ﺻﻔﺎﺋﯽ ﺷﺮﻭﻉ ﮐﺮﻧﯽ ﮨﮯ ﺗﻢ ﻧﮯ؟ ”
” ﺍﻣﺎﻣﮧ ﮐﯽ ﻓﻮﺭﯼ ﻃﻮﺭ ﭘﺮ ﺳﻤﻤﺠﮫ ﻣﯿﮟ ﻧﮩﯿﮟ ﺁﯾﺎ ﮐﮧ ﺍﺳﮯ ﺻﻔﺎﺋﯽ ﮐﮯ ﺑﺎﺭﮮ ﻣﯿﮟ ﮐﯿﺎ ﮨﺪﺍﯾﺎﺕ ﺩﮮ۔
” ﺑﺎﺟﯽ ! ﺁﭖ ﻓﮑﺮ ﻧﮧ ﮐﺮﯾﮟ۔ ﻣﯿﮟ ﮐﺮ ﻟﻮﮞ ﮔﯽ، ﺁﭖ ﭼﺎﮨﮯ ﺁﺭﺍﻡ ﺳﮯ ﺳﻮ ﺟﺎﺅ۔ ” ﻣﻼﺯﻣﮧ ﻧﮯ ﺍﭘﻨﮯ ﻓﻮﺭﯼ ﺁﻓﺮ ﮐﯽ۔ ﯾﮧ ﺷﺎﯾﺪ ﺍﺱ ﻧﮯ ﺍﺱ ﮐﯽ ﻧﯿﻨﺪ ﺳﮯ ﺑﮭﺮﯼ ﮨﻮﺋﯽ ﺁﻧﮑﮭﻮﮞ ﮐﻮ ﺩﯾﮑﮫ ﮐﺮ ﮐﮩﺎ ﺗﮭﺎ۔
” ﻧﮩﯿﮟ، ﺗﻢ ﻻﺅﻧﺞ ﺳﮯ ﺻﻔﺎﺋﯽ ﺷﺮﻭﻉ ﮐﺮﻭ، ﻣﯿﮟ ﺍﺑﮭﯽ ﺁﺗﯽ ﮨﻮﮞ۔ ”
ﺁﻓﺮ ﺑﺮﯼ ﻧﮩﯿﮟ ﺗﮭﯽ، ﺍﺳﮯ ﻭﺍﻗﻌﯽ ﻧﯿﻨﺪ ﺁﺭﮨﯽ ﺗﮭﯽ ﻟﯿﮑﻦ ﻭﮦ … ﺍﺱ ﻃﺮﺡ ﺍﺳﮯ ﮔﮭﺮ ﻣﯿﮟ ﮐﺎﻡ ﮐﺮﺗﺎ ﭼﮭﻮﮌ ﮐﺮ ﺳﻮ ﻧﮩﯿﮟ ﺳﮑﺘﯽ ﺗﮭﯽ۔
ﻭﺍﺵ ﺭﻭﻡ ﻣﯿﮟ ﺁﮐﺮ ﺍﺱ ﻧﮯ ﻣﻨﮧ ﭘﺮ ﭘﺎﻧﯽ ﮐﮯ ﭼﮭﯿﻨﭩﮯ ﻣﺎﺭﮮ، ﮐﭙﮍﮮ ﺗﺒﺪﯾﻞ ﮐﺮ ﮐﮯ ﺑﺎﻝ ﺳﻤﯿﭩﮯ ﺍﻭﺭ ﻻﺅﻧﺞ ﻣﯿﮟ ﻧﮑﻞ ﺁﺋﯽ۔ ﻣﻼﺯﻣﮧ ﮈﺳﭩﻨﮓ ﻣﯿﮟ ﻣﺼﺮﻭﻑ ﺗﮭﯽ۔ ﻻﺅﻧﺞ ﮐﯽ ﮐﮭﮍﮐﯿﻮﮞ ﮐﮯ ﺑﻼﺋﻨﮉﺯ ﺍﺏ ﮨﭩﮯ ﮨﻮﺋﮯ ﺗﮭﮯ۔ ﺳﻮﺭﺝ ﺍﺑﮭﯽ ﭘﻮﺭﯼ ﻃﺮﺡ ﻧﮩﯿﮟ ﻧﮑﻼ ﺗﮭﺎ ﻟﯿﮑﻦ ﺍﺏ ﺩﮬﻨﺪ ﻧﮧ ﮨﻮﻧﮯ ﮐﮯ ﺑﺮﺍﺑﺮ ﺗﮭﯽ۔ ﻻﺅﻧﺞ ﮐﯽ ﮐﮭﮍﮐﯿﻮﮞ ﺳﮯ ﺑﺎﮨﺮ ﭘﻮﺩﮮ ﺩﯾﮑﮫ ﮐﺮ ﺍﺳﮯ ﺍﻧﮩﯿﮟ ﭘﺎﻧﯽ ﺩﯾﻨﮯ ﮐﺎ ﺧﯿﺎﻝ ﺁﯾﺎ۔
ﻣﻼﺯﻣﮧ ﺍﯾﮏ ﺑﺎﺭ ﭘﮭﺮ ﮔﻔﺘﮕﻮ ﮐﺎ ﺁﻏﺎﺯ ﮐﺮﻧﺎ ﭼﺎﮨﺘﯽ ﺗﮭﯽ ﻟﯿﮑﻦ ﻭﮦ ﺍﺳﮯ ﺑﺎﻟﮑﻮﻧﯽ ﮐﯽ ﻃﺮﻑ ﺟﺎﺗﮯ ﺩﯾﮑﮫ ﮐﺮ ﭼﭗ ﮨﻮ ﮔﺌﯽ۔
ﺟﺐ ﻭﮦ ﭘﻮﺩﻭﮞ ﮐﻮ ﭘﺎﻧﯽ ﺩﮮ ﮐﺮ ﻓﺎﺭﻍ ﮨﻮﺋﯽ ﺗﻮ ﻣﻼﺯﻣﮧ ﻻﺅﻧﺞ ﺻﺎﻑ ﮐﺮﻧﮯ ﮐﮯ ﺑﻌﺪ ﺍﺏ ﺳﺎﻻﺭ ﮐﮯ ﺍﺱ ﮐﻤﺮﮮ ﻣﯿﮟ ﺟﺎ ﭼﮑﯽ ﺗﮭﯽ ﺟﺴﮯ ﻭﮦ ﺍﺳﭩﮉﯼ ﺭﻭﻡ ﮐﯽ ﻃﺮﺡ ﺍﺳﺘﻌﻤﺎﻝ ﮐﺮﺗﺎ ﺗﮭﺎ۔
’” ﺳﺎﻻﺭ ﺻﺎﺣﺐ ﺑﮍﮮ ﺍﭼﮭﮯ ﺁﺩﻣﯽ ﺍﻧﺴﺎﻥ ﮨﯿﮟ۔ ”
ﺗﻘﺮﯾﺒﺎً ﮈﯾﮍﮪ ﮔﮭﻨﭩﮯ ﻣﯿﮟ ﺍﭘﺎﺭﭨﻤﻨﭧ ﮐﯽ ﺻﻔﺎﺋﯽ ﮐﺮﻧﮯ ﮐﮯ ﺑﻌﺪ ﺍﻣﺎﻣﮧ ﻧﮯ ﺍﺱ ﺳﮯ ﭼﺎﺋﮯ ﮐﺎ ﭘﻮﭼﮭﺎ ﺗﮭﺎ۔ ﭼﺎﺋﮯ ﭘﯿﺘﮯ ﮨﻮﺋﮯ ﻣﻼﺯﻣﮧ ﻧﮯ ﺍﯾﮏ ﺑﺎﺭ ﭘﮭﺮ ﺍﺱ ﺳﮯ ﺑﺎﺗﻮﮞ ﮐﺎ ﺳﻠﺴﻠﮧ ﺷﺮﻭﻉ ﮐﺮ ﺩﯾﺎ۔ ﺍﻣﺎﻣﮧ ﺍﺱ ﮐﮯ ﺗﺒﺼﺮﮮ ﭘﺮ ﺻﺮﻑ ﻣﺴﮑﺮﺍ ﮐﺮ ﺧﺎﻣﻮﺵ ﮨﻮ ﮔﺌﯽ۔
” ﺁﭖ ﺑﮭﯽ ﺍﻥ ﮐﯽ ﻃﺮﺡ ﺑﻮﻟﺘﯽ ﻧﮩﯿﮟ ﮨﯿﮟ؟ ” ﻣﻼﺯﻣﮧ ﻧﮯ ﺍﺱ ﮐﮯ ﺑﺎﺭﮮ ﻣﯿﮟ ﺍﭘﻨﺎ ﭘﮩﻼ ﺍﻧﺪﺍﺯﮦ ﻟﮕﺎﯾﺎ۔
” ﺍﭼﮭﺎ، ﺳﺎﻻﺭ ﺑﮭﯽ ﻧﮩﯿﮟ ﺑﻮﻟﺘﺎ۔ ” ﺍﻣﺎﻣﮧ ﻧﮯ ﺟﺎﻥ ﺑﻮﺟﮫ ﮐﺮ ﺍﺳﮯ ﻣﻮﺿﻮﻉ ﮔﻔﺖ ﮔﻮﺑﻨﺎﯾﺎ۔
” ﮐﮩﺎﮞ ﺟﯽ۔ ﺣﻤﯿﺪ ﺑﮭﯽ ﯾﮩﯽ ﮐﮩﺘﺎ ﮨﮯ ﺻﺎﺣﺐ ﮐﮯ ﺑﺎﺭﮮ ﻣﯿﮟ۔ ”
ﻣﻼﺯﻣﮧ ﻧﮯ ﺷﺎﯾﺪ ﺳﺎﻻﺭ ﮐﮯ ﻣﻼﺯﻡ ﮐﺎ ﻧﺎﻡ ﻟﯿﺎ ﺗﮭﺎ۔
” ﻟﯿﮑﻦ ﺑﺎﺟﯽ ! ﺑﮍﯼ ﺣﯿﺎ ﮨﮯ ﺁﭖ ﮐﮯ ﺁﺩﻣﯽ ﮐﯽ ﺁﻧﮑﮫ ﻣﯿﮟ۔ ”
ﺍﺱ ﻧﮯ ﻣﻼﺯﻣﮧ ﮐﮯ ﺟﻤﻠﮯ ﭘﺮ ﺟﯿﺴﮯ ﺑﮯ ﺣﺪ ﺣﯿﺮﺍﻥ ﮨﻮ ﮐﺮ ﺍﺱ ﮐﺎ ﭼﮩﺮﮦ ﺩﯾﮑﮭﺎ ﺗﮭﺎ۔ ﻣﻼﺯﻣﮧ ﺑﮍﯼ ﺳﻨﺠﯿﺪﮔﯽ ﺳﮯ ﺑﺎﺕ ﮐﺮ ﺭﮨﯽ ﺗﮭﯽ۔
” ﺟﯿﺴﮯ ﻓﺮﻗﺎﻥ ﺻﺎﺣﺐ ﮨﯿﮟ ﻭﯾﺴﯽ ﮨﯽ ﻋﺎﺩﺕ ﺳﺎﻻﺭ ﺻﺎﺣﺐ ﮐﯽ ﮨﮯ۔ ﻓﺮﻗﺎﻥ ﺻﺎﺣﺐ ﺗﻮ ﺧﯿﺮ ﺳﮯ ﺑﺎﻝ ﺑﭽﻮﮞ ﻭﺍﻟﮯ ﮨﯿﮟ ﻟﯿﮑﻦ ﺳﺎﻻﺭ ﺻﺎﺣﺐ ﺗﻮ ﺍﮐﯿﻠﮯ ﺭﮨﺘﮯ ﺗﮭﮯ ﺍﺩﮬﺮ۔ ﻣﯿﮟ ﺗﻮ ﮐﺒﮭﯽ ﺑﮭﯽ ﺍﺱ ﻃﺮﺡ ﺍﮐﯿﻠﮯ ﻣﺮﺩﻭﮞ ﻭﺍﻟﮯ ﮔﮭﺮﻭﮞ ﻣﯿﮟ ﺻﻔﺎﺋﯽ ﻧﮧ ﮐﺮﻭﮞ۔ ﺑﮍﯼ ﺩﻧﯿﺎ ﺩﯾﮑﮭﯽ ﮨﮯ ﺟﯽ ﻣﯿﮟ ﻧﮯ، ﻟﯿﮑﻦ ﯾﮩﺎﮞ ﮐﺎﻡ ﮐﺮﺗﮯ ﮨﻮﺋﮯ ﮐﺒﮭﯽ ﻧﻈﺮ ﺍﭨﮭﺎ ﮐﺮ ﻧﮩﯿﮟ ﺩﯾﮑﮭﺎ ﺻﺎﺣﺐ ﻧﮯ ﻣﺠﮭﮯ۔ ﻣﯿﮟ ﮐﺌﯽ ﺑﺎﺭ ﺳﻮﭼﺘﯽ ﺗﮭﯽ ﮐﮧ ﺑﮍﮮ ﮨﯽ ﻧﺼﯿﺐ ﻭﺍﻟﯽ ﻋﻮﺭﺕ ﮨﻮ ﮔﯽ، ﺟﻮ ﺍﺱ ﮔﮭﺮ ﻣﯿﮟ ﺁﺋﮯ ﮔﯽ۔ ”
ﻣﻼﺯﻣﮧ ﻓﺮﺍﭨﮯ ﺳﮯ ﺑﻮﻝ ﺭﮨﯽ ﺗﮭﯽ۔
ﮨﯿﭩﺮ ﮐﮯ ﺳﺎﻣﻨﮯ ﺻﻮﻓﮯ ﭘﺮ ﻧﯿﻢ ﺩﺭﺍﺯ ﺯﻣﺎﻣﮧ ﺍﺱ ﮐﯽ ﺑﺎﺗﯿﮟ ﺳﻨﺘﯽ ﮐﺴﯽ ﺳﻮﭺ ﻣﯿﮟ ﮔﻢ ﺭﮨﯽ۔ ﻣﻼﺯﻣﮧ ﮐﻮ ﺣﯿﺮﺕ ﮨﻮﺋﯽ ﺗﮭﯽ ﮐﮧ ﺑﺎﺟﯽ ﺍﭘﻨﮯ ﺷﻮﮨﺮ ﮐﯽ ﺗﻌﺮﯾﻒ ﭘﺮ ﺧﻮﺵ ﮐﯿﻮﮞ ﻧﮩﯿﮟ ﮨﻮﺋﯽ۔ ” ﺑﺎﺟﯽ ” ﮐﯿﺎ ﺧﻮﺵ ﮨﻮﺗﯽ، ﮐﻢ ﺍﺯ ﮐﻢ ﺍﺳﮯ ﺍﺗﻨﯽ ﺗﻮﻗﻊ ﺗﻮ ﺗﮭﯽ ﺍﺱ ﺳﮯ ﮐﮧ ﻭﮦ ﮔﮭﺮ ﻣﯿﮟ ﮐﺎﻡ ﮐﺮﻧﮯ ﻭﺍﻟﯽ ﮐﺴﯽ ﻋﻮﺭﺕ ﮐﮯ ﺳﺎﺗﮫ ﺑﮭﯽ ﺍﻧﻮﺍﻟﻮ ﻧﮩﯿﮟ ﮨﻮ ﺳﮑﺘﺎ۔ ﻭﮦ ﻣﺮﺩﻭﮞ ﮐﯽ ﮐﻮﺋﯽ ﺑﺮﯼ ﮨﯽ ﺑﺪ ﺗﺮﯾﻦ ﻗﺴﻢ ﮨﻮﺗﯽ ﮨﻮ ﮔﯽ، ﺟﻮ ﮔﮭﺮ ﻣﯿﮟ ﮐﺎﻡ ﮐﺮﻧﮯ ﻭﺍﻟﯽ ﻡ
ﻻﺯﻣﮧ ﭘﺮ ﺑﮭﯽ ﻧﻈﺮ ﺭﮐﮭﺘﮯ ﮨﻮﮞ ﮔﮯ ﺍﻭﺭ ﺳﺎﻻﺭ ﮐﻢ ﺍﺯ ﮐﻢ ﺍﺱ ﻗﺴﻢ ﮐﮯ ﻣﺮﺩﻭﮞ ﻣﯿﮟ ﺷﻤﺎﺭ ﻧﮩﯿﮟ ﮨﻮ ﺳﮑﺘﺎ ﺗﮭﺎ۔
ﻣﻼﺯﻣﮧ ﺍﺱ ﮐﯽ ﻣﺴﻠﺴﻞ ﺧﺎﻣﻮﺷﯽ ﺳﮯ ﮐﭽﮫ ﺑﮯ ﺯﺍﺭ ﮨﻮ ﮐﺮ ﺟﻠﺪﯼ ﭼﺎﺋﮯ ﭘﯽ ﮐﺮ ﻓﺎﺭﻍ ﮨﻮ ﮔﺌﯽ۔ ﺍﻣﺎﻣﮧ ﺍﺱ ﮐﮯ ﭘﯿﭽﮭﮯ ﺩﺭﻭﺍﺯﮦ ﺑﻨﺪ ﮐﺮﻧﮯ ﮔﺌﯽ ﺗﻮ ﻣﻼﺯﻣﮧ ﻧﮯ ﺑﺎﮨﺮ ﻧﮑﻠﻨﮯ ﺳﮯ ﭘﮩﻠﮯ ﻣﮍ ﮐﺮ ﺍﺱ ﺳﮯ ﮐﮩﺎ۔
” ﺑﺎﺟﯽ ! ﮐﻞ ﺫﺭﺍ ﺟﻠﺪﯼ ﺁﺟﺎﺅﮞ ﺁﭖ ﮐﮯ ﮔﮭﺮ؟ ”
ﺍﻣﺎﻣﮧ ﭨﮭﭩﮏ ﮐﺮ ﺭﮎ ﮔﺌﯽ۔ ﺍﺱ ﮐﮯ ﭼﮩﺮﮮ ﭘﺮ ﯾﻘﯿﻨﺎ ﮐﻮﺋﯽ ﺍﯾﺴﺎ ﺗﺎﺛﺮ ﺗﮭﺎ ﺟﺲ ﻧﮯ ﻣﻼﺯﻣﮧ ﮐﻮ ﮐﭽﮫ ﺑﻮﮐﮭﻼ ﺩﯾﺎ ﺗﮭﺎ۔
” ﺑﺎﺟﯽ ! ﻣﺠﮭﮯ ﭼﮭﻮﭨﮯ ﺑﭽﮯ ﮐﻮ ﮨﺴﭙﺘﺎﻝ ﻟﮯ ﮐﺮ ﺟﺎﻧﺎ ﮨﮯ، ﺍﺱ ﻟﯿﮯ ﮐﮩﮧ ﺭﮨﯽ ﺗﮭﯽ۔ ” ﺍﺱ ﻧﮯ ﺟﻠﺪﯼ ﺳﮯ ﮐﮩﺎ۔
” ﮨﺎﮞ، ﭨﮭﯿﮏ ﮨﮯ۔ ” ﺍﻣﺎﻣﮧ ﻧﮯ ﺑﮧ ﻣﺸﮑﻞ ﺟﯿﺴﮯ ﺧﻮﺩ ﭘﺮ ﻗﺎﺑﻮ ﭘﺎﺗﮯ ﮨﻮﺋﮯ ﮐﮩﺎ ﺍﻭﺭ ﺩﺭﻭﺍﺯﮦ ﺑﻨﺪ ﮐﺮ ﺩﯾﺎ۔ ﮐﻞ ﺟﻠﺪﯼ ﺁﻧﮯ ﮐﮯ ﻣﻄﺎﻟﺒﮯ ﻧﮯ ﺍﺳﮯ ﺳﺎﮐﺖ ﻧﮩﯿﮟ ﮐﯿﺎ ﺗﮭﺎ ﺑﻠﮑﮧ ﺍﺳﮯ ﺳﺎﮐﺖ ﮐﯿﺎ ﺗﮭﺎ ﺍﺱ ﮐﮯ ﺗﯿﻦ ﻟﻔﻈﻮﮞ ﻧﮯ … ” ﺁﭖ ﮐﮯ ﮔﮭﺮ ” ﯾﮧ ” ﺍﺱ ﮐﺎ ﮔﮭﺮ ” ﺗﮭﺎ ﺟﺲ ﮐﮯ ﻟﯿﮯ ﻭﮦ ﺍﺗﻨﯽ ﺳﺎﻟﻮﮞ ﺳﮯ ﺧﻮﺍﺭ ﮨﻮﺗﯽ ﭘﮭﺮ ﺭﮨﯽ ﺗﮭﯽ۔ ﺟﺲ ﮐﯽ ﺁﺱ ﻣﯿﮟ ﻭﮦ ﮐﺘﻨﯽ ﺑﺎﺭ ﺟﻼﻝ ﺍﻧﺼﺮ ﮐﮯ ﭘﯿﭽﮭﮯ ﮔﮍﮔﮍﺍﻧﮯ ﮔﺌﯽ ﺗﮭﯽ۔ ﻭﮦ ﺑﮯ ﯾﻘﯿﻨﯽ ﺳﮯ ﻻﺅﻧﺞ ﻣﯿﮟ ﺁﮐﺮ ﺍﻥ ﺩﯾﻮﺍﺭﻭﮞ ﮐﻮ ﺩﯾﮑﮫ ﺭﮨﯽ ﺗﮭﯽ ﺟﻨﮩﯿﮟ ﺩﻧﯿﺎ ” ﺍﺱ ﮐﮯ ﮔﮭﺮ ” ﮐﮯ ﻧﺎﻡ ﺳﮯ ﺷﻨﺎﺧﺖ ﮐﺮ ﺭﮨﯽ ﺗﮭﯽ، ﻭﮦ ﻭﺍﻗﻌﯽ ﺍﺱ ﮐﺎ ﮔﮭﺮ ﺗﮭﺎ۔ ﻭﮦ ﭘﻨﺎﮦ ﮔﺎﮨﯿﮟ ﻧﮩﯿﮟ ﺗﮭﯿﮟ ﺟﮩﺎﮞ ﻭﮦ ﺍﺗﻨﮯ ﺳﺎﻝ ﺳﺮﺟﮭﮑﺎ ﮐﺮ ﻣﻤﻨﻮﻥ ﻭ ﺍﺣﺴﺎﻥ ﻣﻨﺪ ﺑﻦ ﮐﺮ ﺭﮨﯽ ﺗﮭﯽ۔ ﺁﻧﺴﻮﺅﮞ ﮐﺎ ﺍﯾﮏ ﺭﯾﻼ ﺁﯾﺎ ﺗﮭﺎ ﺍﺱ ﮐﯽ ﺁﻧﮑﮭﻮﻥ ﻣﯿﮟ … ﺑﻌﺾ ﺍﻭﻗﺎﺕ ﺍﻧﺴﺎﻥ ﺳﻤﺠﮫ ﻧﮩﯿﮟ ﭘﺎﺗﺎ ﮐﮧ ﻭﮦ ﺭﻭﺋﮯ ﯾﺎ ﮨﻨﺴﮯ … ﺭﻭﺋﮯ ، ﺗﻮ ﮐﺘﻨﺎ ﺭﻭﺋﮯ … ﮨﻨﺴﮯ، ﺗﻮ ﮐﺘﻨﺎ ﮨﻨﺴﮯ … ﻭﮦ ﺑﮭﯽ ﮐﭽﮫ ﺍﯾﺴﯽ ﮨﯽ ﮐﺴﯽ ﮐﯿﻔﯿﺖ ﺳﮯ ﮔﺰﺭ ﺭﮨﯽ ﺗﮭﯽ۔ ﻭﮦ ﺑﭽﻮﮞ ﮐﯽ ﻃﺮﺡ ﮨﺮ ﮐﻤﺮﮮ ﮐﺎ ﺩﺭﻭﺍﺯﮦ ﮐﮭﻮﻝ ﮐﮭﻮﻝ ﮐﺮ ﺍﯾﮏ ﺟﮕﮧ ﺳﮯ ﺩﻭﺳﺮﯼ ﺟﮕﮧ ﺟﺎ ﺭﮨﯽ ﺗﮭﯽ۔ ﻭﮦ ﺟﺎ ﺳﮑﺘﯽ ﺗﮭﯽ ﻭﮨﺎﮞ … ﺟﻮ ﭼﺎﮨﮯ ﮐﺮ ﺳﮑﺘﯽ ﺗﮭﯽ … ﯾﮧ ﺍﺱ ﮐﺎ ﮔﮭﺮ ﺗﮭﺎ۔ ﯾﮩﺎﮞ ﮐﻮﺋﯽ ﺟﮕﮧ ﺍﺱ ﮐﮯ ﻟﯿﮯ ” ﻋﻼﻗﮧ ﻏﯿﺮ ” ﻧﮩﯿﮟ ﺟﺘﮭﯽ۔ ﺍﺳﮯ ﺑﺲ ﺍﺗﻨﯽ ﺳﯽ ﺩﻧﯿﺎ ﮨﯽ ﭼﺎﮨﯿﮯ ﺗﮭﯽ ﺍﭘﻨﮯ ﻟﯿﮯ … ﮐﻮﺋﯽ ﺍﯾﺴﯽ ﺟﮕﮧ ﺟﮩﺎﮞ ﻭﮦ ﺍﺳﺘﺤﻘﺎﻕ ﮐﮯ ﺳﺎﺗﮫ ﺭﮦ ﺳﮑﺘﯽ ﮨﻮ … ﺳﺎﻻﺭ ﯾﮏ ﺩﻡ ﺟﯿﺴﮯ ﮐﮩﯿﮟ ﭘﯿﭽﮭﮯ ﭼﻼ ﮔﯿﺎ ﺗﮭﺎ۔ ﮔﮭﺮ ﮐﮯ ﻣﻌﺎﻣﻠﮯ ﻣﯿﮟ ﻋﻮﺭﺕ ﮐﮯ ﻟﯿﮯ ﮨﺮ ﻣﺮﺩ ﭘﯿﭽﮭﮯ ﺭﮦ ﺟﺎﺗﺎ ﮨﮯ۔
ﺳﺎﻻﺭ ﻧﮯ ﺍﺳﮯ ﺩﻭﺑﺎﺭ ﻭﻗﻔﮯ ﻭﻗﻔﮯ ﺳﮯ ﺳﯿﻞ ﭘﺮ ﮐﺎﻝ ﮐﯽ ﻟﯿﮑﻦ ﺍﻣﺎﻣﮧ ﻧﮯ ﺭﯾﺴﯿﻮ ﻧﮩﯿﮟ ﮐﯽ … ﺳﺎﻻﺭ ﻧﮯ ﺗﯿﺴﺮﯼ ﺑﺎﺭ ﭘﮭﺮ ﭘﯽ ﭨﯽ ﺳﯽ ﺍﯾﻞ ﭘﺮ ﮐﺎﻝ ﮐﯽ، ﺍﺱ ﺑﺎﺭ ﺍﻣﺎﻣﮧ ﻧﮯ ﺭﯾﺴﯿﻮ ﮐﯽ ﻟﯿﮑﻦ ﺍﺱ ﮐﯽ ﺁﻭﺍﺯ ﺳﻨﺘﮯ ﮨﯽ ﺳﺎﻻﺭ ﮐﻮ ﺍﻧﺪﺍﺯﮦ ﮨﻮ ﮔﯿﺎ ﺗﮭﺎ ﮐﮧ ﻭﮦ ﺭﻭ ﺭﮨﯽ ﺗﮭﯽ۔ ﺍﺳﮯ ﺍﺱ ﮐﯽ ﺁﻭﺍﺯ ﺑﮭﺮ ﺁﺋﯽ ﮨﻮﺋﯽ ﻟﮕﯽ۔ ﻭﮦ ﺑﮩﺖ ﭘﺮﯾﺸﺎﻥ ﮨﻮﺍ۔
” ﮐﯿﺎ ﮨﻮﺍ؟ ”
” ﮐﭽﮫ ﻧﮩﯿﮟ۔ ”
ﻭﮦ ﺩﻭﺳﺮﯼ ﻃﺮﻑ ﺟﯿﺴﮯ ﺍﭘﻨﮯ ﺁﻧﺴﻮﺅﮞ ﺍﻭﺭ ﺁﻭﺍﺯ ﭘﺮ ﻗﺎﺑﻮ ﭘﺎﻧﮯ ﮐﯽ ﮐﻮﺷﺶ ﮐﺮ ﺭﮨﯽ ﺗﮭﯽ۔
” ﮐﯿﻮﮞ ﺭﻭ ﺭﮨﯽ ﮨﻮ؟ ”
ﺳﺎﻻﺭ ﮐﯽ ﻭﺍﻗﻌﯽ ﮐﭽﮫ ﺳﻤﺠﮫ ﻣﯿﮟ ﻧﮩﯿﮟ ﺁﯾﺎ ﮐﮧ ﻭﮦ ﮐﯿﻮﮞ ﺭﻭ ﺭﮨﯽ ﮨﮯ۔ ﺭﺍﺕ ﮨﺮ ﺟﮭﮕﮍﮮ ﮐﺎ ﺍﺧﺘﺘﺎﻡ ﺑﮯ ﺣﺪ ﺧﻮﺷﮕﻮﺍﺭ ﺍﻧﺪﺍﺯ ﻣﯿﮟ ﮨﻮﺍ ﺗﮭﺎ۔ ﻭﮦ ﺻﺒﺢ ﺩﺭﻭﺍﺯﮮ ﺗﮏ ﻣﺴﮑﺮﺍ ﮐﺮ ﺍﺳﮯ ﺭﺧﺼﺖ ﮐﺮﻧﮯ ﺁﺋﯽ ﺗﮭﯽ۔ ﭘﮭﺮ ﺍﺏ … ؟ ﻭﮦ ﺍُﻟﺠﮫ ﺭﮨﺎ ﺗﮭﺎ۔
ﺩﻭﺳﺮﯼ ﻃﺮﻑ ﺍﻣﺎﻣﮧ ﮐﯽ ﺳﻤﺠﮫ ﻣﯿﮟ ﻧﮩﯿﮟ ﺁﺭﮨﺎ ﺗﮭﺎ ﮐﮧ ﻭﮦ ﺍﺳﮯ ﺍﭘﻨﮯ ﺭﻭﻧﮯ ﮐﺎ ﮐﯿﺎ ﺟﻮﺍﺯ ﭘﯿﺶ ﮐﺮﮮ۔ ﺍﺱ ﺳﮯ ﯾﮧ ﺗﻮ ﻧﮩﯿﮟ ﮐﮩﮧ ﺳﮑﺘﯽ ﺗﮭﯽ ﮐﮧ ﻭﮦ ﺍﺱ ﻟﯿﮯ ﺭﻭ ﺭﮨﯽ ﮨﮯ ﮐﮧ ﮐﺴﯽ ﻧﮯ ﺍﺳﮯ ” ﮔﮭﺮ ﻭﺍﻟﯽ ” ﮐﮩﺎ ﮨﮯ۔ ﺳﺎﻻﺭ ﯾﮧ ﺑﺎﺕ ﻧﮩﯿﮟ ﺳﻤﺠﮫ ﺳﮑﺘﺎ ﺗﮭﺎ … ﮐﻮﺋﯽ ﺑﮭﯽ ﻣﺮﺩ ﻧﮩﯿﮟ ﺳﻤﺠﮫ ﺳﮑﺘﺎ۔
” ﻣﺠﮭﮯ ﺍﻣﯽ ﺍﻭﺭ ﺍﺑﻮ ﯾﺎﺩ ﺁﺭﮨﮯ ﺭﮨﯿﮟ۔ ” ﺳﺎﻻﺭ ﻧﮯ ﺑﮯ ﺍﺧﺘﯿﺎﺭ ﺍﯾﮏ ﮔﮩﺮﺍ ﺳﺎﻧﺲ ﻟﯿﺎ۔
ﯾﮧ ﻭﺟﮧ ﺳﻤﺠﮫ ﻣﯿﮟ ﺁﺗﯽ ﺗﮭﯽ … ﻭﮦ ﯾﮏ ﺩﻡ ﭘﺮ ﺳﮑﻮﻥ ﮨﻮﺍ۔ ﺍﺩﮬﺮ ﻭﮦ ﺑﺎﻟﮑﻞ ﺧﺎﻣﻮﺵ ﺗﮭﯽ۔ ﻣﺎﮞ ﺑﺎﭖ ﮐﺎ ﺫﮐﺮ ﮐﯿﺎ ﺗﮭﺎ، ﺟﮭﻮﭦ ﺑﻮﻻ ﺗﮭﺎ ﻟﯿﮑﻦ ﺍﺏ ﺭﻭﻧﮯ ﮐﯽ ﺟﯿﺴﮯ ﺍﯾﮏ ﺍﻭﺭ ﻭﺟﮧ ﻣﻞ ﮔﺌﯽ ﺗﮭﯽ۔ ﺟﻮ ﺁﻧﺴﻮ ﭘﮩﻠﮯ ﺗﮭﻢ ﺭﮨﮯ ﺗﮭﮯ، ﻭﮦ ﺍﯾﮏ ﺑﺎﺭ ﭘﮭﺮ ﺳﮯ ﺑﺮﺳﻨﮯ ﻟﮕﮯ ﺗﮭﮯ۔ ﮐﭽﮫ ﺩﯾﺮ ﻭﮦ ﭼﭗ ﭼﺎﭖ ﻓﻮﻥ ﭘﺮ ﺍﺱ ﮐﯽ ﺳﺴﮑﯿﺎﮞ ﺍﻭﺭ ﮨﭽﮑﯿﺎﮞ ﺳﻨﺘﺎ ﺭﮨﺎ۔
ﻭﮦ ﺍﺱ ﻏﯿﺮ ﻣﻠﮑﯽ ﺑﯿﻨﮏ ﻣﯿﮟ ﺍﻧﻮﯾﺴﭩﻤﻨﭧ ﺑﯿﻨﮑﻨﮓ ﮐﻮ ﮨﯿﮉ ﮐﺮﺗﺎ ﺗﮭﺎ۔ ﭼﮭﻮﭨﮯ ﺳﮯ ﭼﮭﻮﭨﺎ ﺍﻧﻮﯾﺴﭩﻤﻨﭧ scam ﭘﮑﮍ ﺳﮑﺘﺎ ﺗﮭﺎ، ﺧﺴﺎﺭﮮ ﻣﯿﮟ ﺟﺎﺗﯽ ﺑﮍﯼ ﺳﮯ ﺑﮍﯼ ﮐﻤﭙﻨﯽ ﮐﮯ ﻟﯿﮯ ﺑﯿﻞ ﺁﺅﭦ ﭘﻼﻥ ﺗﯿﺎﺭ ﮐﺮ ﺳﮑﺘﺎ ﺗﮭﺎ۔ ﮐﻤﭙﻨﯿﺰ ﮐﮯ ﻣﺮﺟﺮ ﭘﯿﮑﺠﺰ ﺗﯿﺎﺭ ﮐﺮﻧﺎ ﺍﺱ ﮐﮯ ﺑﺎﺋﯿﮟ ﮨﺎﺗﮫ ﮐﺎ ﮐﺎﻡ ﺗﮭﺎ۔ ﻭﮦ ﭘﻮﺍﺋﻨﭧ ﺩﻥ ﭘﺮﺳﻨﭧ ﮐﺮ ﭘﺮﯾﺴﯿﺸﻦ ﮐﮯ ﺳﺎﺗﮫ ﻭﺭﻟﮉ ﺍﺳﭩﺎﮎ ﻣﺎﺭﮐﯿﭩﯿﮟ ﮐﮯ ﭨﺮﯾﻨﮉﺯ ﮐﯽ ﭘﯿﺶ ﺑﯿﻨﯽ ﮐﺮ ﺳﮑﺘﺎ ﺗﮭﺎ۔ ﻣﺸﮑﻞ ﺳﮯ ﻣﺸﮑﻞ ﺳﺮﻣﺎﯾﮧ ﮐﺎﺭ ﮐﮯ ﺳﺎﺗﮫ ﺳﻮﺩﺍ ﻃﮯ ﮐﺮﻧﮯ ﻣﯿﮟ ﺍﺳﮯ ﻣﻠﮑﮧ ﺣﺎﺻﻞ ﺗﮭﺎ ﻟﯿﮑﻦ ﺷﺎﺩﯼ ﮐﮯ ﺍﺱ ﺍﯾﮏ ﮨﻔﺘﮯ ﮐﮯ ﺩﻭﺭﺍﻥ ﮨﯽ ﺍﺳﮯ ﯾﮧ ﺍﻧﺪﺍﺯﮦ ﮨﻮ ﮔﯿﺎ ﺗﮭﺎ ﮐﮧ ﻭﮦ ﺍﻣﺎﻣﮧ ﮐﻮ ﺭﻭﺗﮯ ﮨﻮﺋﮯ ﭼﭗ ﻧﮩﯿﮟ ﮐﺮﺍ ﺳﮑﺘﺎ، ﻧﮧ ﻭﮦ ﺍﻥ ﺁﻧﺴﻮﺅﮞ ﮐﯽ ﻭﺟﮧ ﮈﮬﻮﻧﮉ ﺳﮑﺘﺎ ﺗﮭﺎ، ﻧﮧ ﺍﻧﮩﯿﮟ ﺭﻭﮐﻨﮯ ﮐﮯ ﻃﺮﯾﻘﮯ ﺍﺳﮯ ﺁﺗﮯ ﺗﮭﮯ۔ ﻭﮦ ﮐﻢ ﺍﺯ ﮐﻢ ﺍﺱ ﻣﯿﺪﺍﻥ ﻣﯿﮟ ﺑﺎﻟﮑﻞ ﺍﻧﺎﮌﯼ ﺗﮭﺎ۔
” ﻣﻼﺯﻣﮧ ﻧﮯ ﮔﮭﺮ ﺻﺎﻑ ﮐﯿﺎ ﺗﮭﺎ ﺁﺝ؟ ” ﺍﯾﮏ ﻟﻤﺒﯽ ﺧﺎﻣﻮﺷﯽ ﮐﮯ ﺑﻌﺪ ﺍﺱ ﻧﮯ ﺍﻣﺎﻣﮧ ﮐﯽ ﺗﻮﺟﮧ ﺭﻭﻧﮯ ﺳﮯ ﮨﭩﺎﻧﮯ ﮐﮯ ﻟﯿﮯ ﺟﺲ ﻣﻮﺿﻮﻉ ﺍﻭﺭ ﺟﻤﻠﮯ ﮐﺎ ﺍﻧﺘﺨﺎﺏ ﮐﯿﺎ ﻭﮦ ﺍﺣﻤﻘﺎﻧﮧ ﺗﮭﺎ۔ ﺍﻣﺎﻣﮧ ﮐﻮ ﺟﯿﺴﮯ ﯾﻘﯿﻦ ﻧﮩﯿﮟ ﺁﯾﺎ ﮐﮧ ﯾﮧ ﺑﺘﺎﻧﮯ ﭘﺮ ﮐﮧ ﺍﺳﮯ ﺍﭘﻨﮯ ﻣﺎﮞ ﺑﺎﭖ ﯾﺎﺩ ﺁﺭﮨﮯ ﮨﯿﮟ، ﺳﺎﻻﺭ ﻧﮯ ﺍﺱ ﺳﮯ ﯾﮧ ﭘﻮﭼﮭﺎ ﮨﮯ۔ ﭘﭽﮭﻠﯽ ﺭﺍﺕ ﮐﮯ ﺳﺎﻻﺭ ﮐﮯ ﺳﺎﺭﮮ ﻟﯿﮑﭽﺮﺯ ﮐﻮ ﺑﺎﻻﺋﮯ ﻃﺎﻕ ﺭﮐﮭﺘﮯ ﮨﻮﺋﮯ ﺍﺱ ﻧﮯ ﺭﯾﺴﯿﻮﺭ ﮐﺮﯾﮉﻝ ﭘﺮ ﭘﭩﮏ ﺩﯾﺎ ﺍﻭﺭ ﻓﻮﻥ ﻣﻨﻘﻄﻊ ﮨﻮﺗﮯ ﮨﯽ ﺳﺎﻻﺭ ﮐﻮ ﺍﭘﻨﮯ ﺍﻟﻔﺎﻅ ﮐﮯ ﻏﻠﻂ ﺍﻧﺘﺨﺎﺏ ﮐﺎ ﺍﺣﺴﺎﺱ ﮨﻮ ﮔﯿﺎ ﺗﮭﺎ۔ ﺍﭘﻨﮯ ﺳﯿﻞ ﮐﯽ ﺗﺎﺭﯾﮏ ﺍﺳﮑﺮﯾﻦ ﮐﻮ ﺩﯾﮑﮭﺘﮯ ﮨﻮﺋﮯ ﺍﺱ ﻧﮯ ﺑﮯ ﺍﺧﺘﯿﺎﺭ ﮔﮩﺮﺍ ﺳﺎﻧﺲ ﻟﯿﺎ۔
ﺍﮔﻠﮯ ﭘﺎﻧﭻ ﻣﻨﭧ ﻭﮦ ﺳﯿﻞ ﮨﺎﺗﮫ ﻣﯿﮟ ﻟﯿﮯ ﺑﯿﭩﮭﺎ ﺭﮨﺎ۔ ﺍﺳﮯ ﭘﺘﺎ ﺗﮭﺎ ﺍﺱ ﻧﮯ ﺍﺏ ﮐﺎﻝ ﮐﯽ ﺗﻮ ﻭﮦ ﺭﯾﺴﯿﻮ ﻧﮩﯿﮟ ﮐﺮﮮ ﮔﯽ۔ ﭘﺎﻧﭻ ﻣﻨﭧ ﮐﮯ ﺑﻌﺪ ﺍﺱ ﻧﮯ ﺩﻭﺑﺎﺭﮦ ﮐﺎﻝ ﮐﯽ۔ ﺧﻼﻑ ﺗﻮﻗﻊ ﺍﻣﺎﻣﮧ ﻧﮯ ﮐﺎﻝ ﺭﯾﺴﯿﻮ ﮐﯽ۔ ﺍﺱ ﺑﺎﺭ ﺍﺱ ﮐﯽ ﺁﻭﺍﺯ ﻣﯿﮟ ﺧﻔﮕﯽ ﺗﮭﯽ ﻟﯿﮑﻦ ﻭﮦ ﺑﮭﺮﺍﺋﯽ ﮨﻮﺋﯽ ﻧﮩﯿﮟ ﺗﮭﯽ۔ ﻭﮦ ﯾﻘﯿﻨﺎ ﺭﻭﻧﺎ ﺑﻨﺪ ﮐﺮ ﭼﮑﯽ ﺗﮭﯽ۔
” ﺁﺋﯽ ﺍﯾﻢ ﺳﻮﺭﯼ ! ؟ ” ﺳﺎﻻﺭ ﻧﮯ ﺍﺱ ﮐﯽ ﺁﻭﺍﺯ ﺳﻨﺘﮯ ﮨﯽ ﮐﮩﺎ۔
ﺍﻣﺎﻣﮧ ﻧﮯ ﺟﻮﺍﺏ ﻧﮩﯿﮟ ﺩﯾﺎ۔ ﻭﮦ ﺍُﺱ ﻭﻗﺖ ﺍﺱ ﮐﯽ ﻣﻌﺬﺭﺕ ﻧﮩﯿﮟ ﺳﻦ ﺭﮨﯽ ﺗﮭﯽ۔ ﻭﮦ ﺻﺮﻑ ﺍﯾﮏ ﮨﯽ ﺑﺎﺕ ﮐﺎ ﺟﻮﺍﺏ ﮈﮬﻮﻧﮉﻧﮯ ﮐﯽ ﮐﻮﺷﺶ ﮐﺮ ﺭﮨﯽ ﺗﮭﯽ، ﺍﺳﮯ ﺳﺎﻻﺭ ﭘﺮ ﻏﺼﮧ ﮐﯿﻮﮞ ﺁﺟﺎﺗﺎ ﺗﮭﺎ … ؟ ﯾﻮﮞ ﭼﮭﻮﭨﯽ ﭼﮭﻮﭨﯽ ﺑﺎﺗﻮﮞ ﭘﺮ … ﺍﺗﻨﮯ ﺳﺎﻟﻮﮞ ﻣﯿﮟ ﺟﺲ ﺍﯾﮏ ﺍﺣﺴﺎﺱ ﮐﻮ ﻭﮦ ﻣﮑﻤﻞ ﻃﻮﺭ ﭘﺮ ﺑﮭﻮﻝ ﮔﺌﯽ ﺗﮭﯽ، ﻭﮦ ﻏﺼﮯ ﮐﺎ ﺍﺣﺴﺎﺱ ﮨﯽ ﺗﮭﺎ۔ ﯾﮧ ﺍﺣﺴﺎﺱ ﺍﺱ ﮐﮯ ﻟﯿﮯ ﺍﺟﻨﺒﯽ ﮨﻮ ﭼﮑﺎ ﺗﮭﺎ۔ ﺍﺗﻨﮯ ﺳﺎﻟﻮﮞ ﺳﮯ ﺍﺱ ﻧﮯ ﺍﻟﻠﮧ ﮐﮯ ﻋﻼﻭﮦ ﮐﺴﯽ ﺳﮯ ﺑﮭﯽ ﮐﻮﺋﯽ ﮔﻠﮧ، ﮐﻮﺋﯽ ﺷﮑﺎﯾﺖ ﻧﮩﯿﮟ ﮐﯽ ﺗﮭﯽ۔ ﮐﺴﯽ ﺳﮯ ﻧﺎﺭﺍﺽ ﮨﻮﻧﺎ ﯾﺎ ﮐﺴﯽ ﮐﻮ ﺧﻔﮕﯽ ﺩﮐﮭﺎﻧﺎ ﺗﻮ ﺑﮩﺖ ﺩﻭﺭ ﮐﯽ ﺑﺎﺕ ﮨﮯ، ﭘﮭﺮ ﺍﺏ ﯾﮧ ﺍﺣﺴﺎﺱ ﺍﺱ ﮐﮯ ﺍﻧﺪﺭ ﮐﯿﻮﮞ ﺟﺎﮒ ﺍﭨﮭﺎ ﺗﮭﺎ۔ ﺳﻌﯿﺪﮦ ﺍﻣﺎﮞ، ﮈﺍﮐﭩﺮ ﺳﺒﻂ ﻋﻠﯽ ﺍﻭﺭ ﺍﻥ ﮐﯽ ﻓﯿﻤﻠﯽ … ﺍﺱ ﮐﮯ ﮐﻼﺱ ﻓﯿﻠﻮﺯ … ﮐﻮﻟﯿﮕﺰ … ﺍﻥ ﻣﯿﮟ ﺳﮯ ﮐﺒﮭﯽ ﮐﺴﯽ ﭘﺮ ﺍﺳﮯ ﻏﺼﮧ ﻧﮩﯿﮟ ﺁﯾﺎ ﺗﮭﺎ۔ ﮨﺎﮞ، ﮐﺒﮭﯽ ﮐﺒﮭﺎﺭ ﺷﮑﺎﯾﺖ ﮨﻮﺗﯽ ﺗﮭﯽ ﻟﯿﮑﻦ ﻭﮦ ﺷﮑﺎﯾﺖ ﮐﺒﮭﯽ ﻟﻔﻈﻮﮞ ﮐﯽ ﺷﮑﻞ ﺍﺧﺘﯿﺎﺭ ﻧﮩﯿﮟ ﮐﺮ ﺳﮑﯽ، ﭘﮭﺮ ﺍﺏ ﮐﯿﺎ ﮨﻮ ﺭﮨﺎ ﺗﮭﺎ ﺍﺳﮯ؟
” ﺍﻣﺎﻣﮧ ﭘﻠﯿﺰ ﺑﻮﻟﻮ … ﮐﭽﮫ ﮐﮩﻮ۔ ” ﻭﮦ ﭼﻮﻧﮑﯽ۔
” ﻧﻤﺎﺯ ﮐﺎ ﻭﻗﺖ ﻧﮑﻞ ﺭﮨﺎ ﮨﮯ، ﻣﺠﮭﮯ ﻧﻤﺎﺯ ﭘﮍﮬﻨﯽ ﮨﮯ۔ ” ﺍﺱ ﻧﮯ ﺍﺳﯽ ﺍﻟﺠﮭﮯ ﮨﻮﺋﮯ ﺍﻧﺪﺍﺯ ﻣﯿﮟ ﺍﺱ ﺳﮯ ﮐﮩﺎ۔
” ﺗﻢ ﺧﻔﺎ ﻧﮩﯿﮟ ﮨﻮ؟ ” ﺳﺎﻻﺭ ﻧﮯ ﺍﺱ ﺳﮯ ﭘﻮﭼﮭﺎ۔
” ﻧﮩﯿﮟ۔ ” ﺍﺱ ﻧﮯ ﻣﺪﮬﻢ ﺁﻭﺍﺯ ﻣﯿﮟ ﮐﮩﺎ۔
ﻭﮦ ﻧﻤﺎﺯ ﮐﮯ ﺑﻌﺪ ﺩﯾﺮ ﺗﮏ ﺍﺳﯽ ﺍﯾﮏ ﺳﻮﺍﻝ ﮐﺎ ﺟﻮﺍﺏ ﮈﮬﻮﻧﮉﺗﯽ ﺭﮨﯽ ﺍﻭﺭ ﺍﺳﮯ ﺟﻮﺍﺏ ﻣﻞ ﮔﯿﺎ … ﻧﻮ ﺳﺎﻝ ﻣﯿﮟ ﺍﺱ ﻧﮯ ﭘﮩﻠﯽ ﺑﺎﺭ ﺍﭘﻨﮯ ﻟﯿﮯ ﮐﺴﯽ ﮐﯽ ﺯﺑﺎﻥ ﺳﮯ ﻣﺤﺒﺖ ﮐﺎ ﺍﻇﮩﺎﺭ ﺳﻨﺎ ﺗﮭﺎ۔ ﻭﮦ ﺍﺣﺴﺎﻥ ﮐﺮﻧﮯ ﻭﺍﻟﻮﮞ ﮐﮯ ﮨﺠﻮﻡ ﻣﯿﮟ ﺗﮭﯽ، ﭘﮩﻠﯽ ﺑﺎﺭ ﮐﺴﯽ ﻣﺤﺒﺖ ﮐﺮﻧﮯ ﻭﺍﻟﮯ ﮐﮯ ﺣﺼﺎﺭ ﻣﯿﮟ ﺁﺋﯽ ﺗﮭﯽ۔ ﮔﻠﮧ، ﺷﮑﻮﮦ، ﻧﺎﺯ، ﻧﺨﺮﺍ، ﻏﺼﮧ، ﺧﻔﮕﯽ ﯾﮧ ﺳﺐ ﮐﯿﺴﮯ ﻧﮧ ﮨﻮﺗﺎ، ﺍﺳﮯ ” ﭘﺘﺎ ” ﺗﮭﺎ ﮐﮧ ﺟﺐ ﻭﮦ ﺭﻭﭨﮭﮯ ﮔﯽ ﺗﻮ ﻭﮦ ﺍﺳﮯ ﻣﻨﺎ ﻟﮯ ﮔﺎ، ﺧﻔﺎ ﮨﻮ ﮔﯽ ﺗﻮ ﻭﮦ ﺍﺳﮯ ﻭﺿﺎﺣﺘﯿﮟ ﺩﮮ ﮔﺎ، ﻣﺎﻥ ﺗﮭﺎ ﯾﺎ ﮔﻤﺎﻥ … ﻟﯿﮑﻦ ﺟﻮ ﮐﭽﮫ ﺑﮭﯽ ﺗﮭﺎ، ﻏﻠﻂ ﻧﮩﯿﮟ ﺗﮭﺎ۔ ﺍﺗﻨﮯ ﺳﺎﻟﻮﮞ ﻣﯿﮟ ﺟﻮ ﮐﭽﮫ ﺍﺱ ﮐﮯ ﺍﻧﺪﺭ ﺟﻤﻊ ﮨﻮ ﮔﯿﺎ ﺗﮭﺎ، ﻭﮦ ﮐﺴﯽ ﻻﻭﮮ ﮐﯽ ﻃﺮﺡ ﻧﮑﻞ ﺭﮨﺎ ﺗﮭﺎ۔ ﺁﮨﺴﺘﮧ ﺁﮨﺴﺘﮧ ﻭﮦ ﻧﺎﺭﻣﻞ ﮨﻮ ﺭﮨﯽ ﺗﮭﯽ۔
٭٭٭٭
ﺷﺎﻡ ﮐﻮ ﺳﺎﻻﺭ ﺍﺳﮯ ﺧﻮﺵ ﮔﻮﺍﺭ ﻣﻮﮈ ﻣﯿﮟ ﺩﯾﮑﮫ ﮐﺮ ﺣﯿﺮﺍﻥ ﮨﻮﺍ۔
(جاری ہے).......
─━•<☆⊰✿❣✿⊱☆>•━─
