Zaat E ishq Epi 39

┄┅════❁ ﷽ ❁════┅┄

ناول: ذت_عشق

از: رابعہ_بخاری

قسط_نمبر_39

صبح کا اجالا جب بھی آتا ہے تو نئی امیدوں اور امنگوں کا دامن اپنے ساتھ تھامے لے کر آتا ہے۔۔۔

لیکن یہ اجالا صرف ان لوگوں کیلئے تھا جو بے خبر سوئے اپنی پریشانیوں کو کوس رہے تھے۔۔۔

فجر کا وقت عفہ جائے نماز بچھائے نماز کی ادائیگی کو تیار تھی۔۔۔

کانپتی ہوئی حالت میں مشکل سے نماز کی ادائیگی کیلئے کھڑی ہوئی۔۔۔

بیماری سے تو نکل چکی تھی لیکن کمزوری حد درجہ عروج پر تھی۔۔۔۔

رکوع کیلئے جیسے ہی جھکی وہی زمین پر لڑکھڑاتے ہوئے گر گئی۔۔۔۔

کمرے میں عفہ کے علاؤہ اور کوئی موجود نہ تھا جسے وہ آواز دے پاتی۔۔۔

گرتے ہوئے منہ سے کڑاہتے ہوئے بس ایک نام نکلا۔۔۔

عصار۔۔۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

رات بھر نیٹ پر بیٹھا عصار مسلسل کبھی کسی مولانا کے تو کبھی کسی مفتی کے درس سن رہا تھا۔۔۔۔

کبھی امید کا دامن جگمگا اٹھتا تو کبھی اس روشنی کو سیاہی پھر جاتی۔۔۔

اس کشمکش میں رات کے تین بج گئے۔۔۔

اور وہ وہی لیپ ٹاپ پر سر رکھے نیند کی وادی میں گم ہو گیا ۔۔۔۔۔

خواب کی چادر میں ہر طرف اندھیرا پھیلا ہوا تھا۔۔۔

ایک جانب سے روشنی کی ایک ننھی سی کرن نمایاں ہوئی ۔۔۔

کرن کی شدت اس قدر تھی کہ آنکھیں کھلنے سے قاصر تھی۔۔۔

منہ پر اپنے ہاتھ سے چھاؤں دیتے ہوئے وہ بلآخر اس روشنی کی جانب بڑھنے لگ گیا۔۔۔

جیسے ہی بڑھا تو سامنے ایک باغ کا منظر موجود تھا۔۔۔۔

اس قدر حسین باغ کے اس کی آنکھیں چنیا سی گئی۔۔۔

اس سے پہلے وہ اپنی نظر پورے باغ میں گھوماتا۔۔۔۔۔

ایک لڑکی سر پر سفید رنگ کا حجاب ٹکائے۔۔۔

ایک ایک پھول کو اپنے چہرے کے ساتھ چھو رہی تھی۔۔۔

نظر آئی۔۔۔۔

پہلے تو عصار گھبرا سا گیا۔۔۔

لیکن پھر اچانک سب الجھن آسان ہوگئی۔۔۔

کیونکہ وہ کوئی اور نہیں بلکہ عفہ ہی تھی جو خوبصورت رنگ برنگے پھولوں اور تتلیوں کے جھرمٹ میں ہنس کھیل رہی تھی۔۔۔۔

مسکراہٹ سجائے وہ عنقریب بھاگتا ہوا عفہ کے قریب پہنچا۔۔۔۔

آگئے آپ؟؟۔۔۔۔۔۔ بنا پلٹے وہ بولی۔۔

جیسے اسی کا انتظار کررہی ہو اور اس کے آنے کی خبر اس مل چکی ہو۔۔۔

کب سے انتظار کررہی تھی آپکا میں۔۔۔۔

آپ کی آنے کی خبر مجھے ان تتلیوں نے دی۔۔۔۔

عفہ جو کے حجاب میں بہت خوبصورت لگ رہی تھی۔۔۔

تتلیوں کی جانب انگلی کرتے ہوئے بولی۔۔۔۔

جبکہ عصار کی نظر ابھی بھی عفہ کے چہرے پر ٹکی تھی۔۔۔۔

اپنی جانب ایسے دیکھتے عصار کو دیکھ کر عفہ شرما سی گئی۔۔۔

بس بھی کرے ایسے ہی دیکھتے جائے گے اب کیا؟؟؟

دل تو یہی ہے کہ وقت یہی تھم جائے اور صدیوں تک تمہیں ایسے ہی دیکھتا رہوں ۔۔۔۔۔

عصار بناء نظر ہٹائے سنجیدگی سے دیکھتے ہوئے بولا ۔۔۔۔

اس بات پر عفہ کھلکھلا کر ہنس پڑی۔۔۔

ہمممممممم۔۔۔۔

مطلب ڈائیلاگ اچھے آتے ہیں آپکو۔۔۔۔

آہستگی سے آگے کی جانب قدم بڑھاتے ہوئے بولی۔۔۔

ڈائیلاگ نہیں حقیقت۔۔۔۔

اب یہ میری غلطی نہیں کہ ڈائیلاگ کے قریب تر ہو تم۔۔۔۔۔

عصار بھی اس کے پیچھے پیچھے چلتے ہوئے بولا۔۔۔۔

کچھ دیر دونوں پھولوں اور تتلیوں کے جھرمٹ میں یونہی خاموشی سے چہل قدمی کرتے رہے۔۔۔۔

عصار کی سوچ ابھی بھی ذات پر اٹکی کشمکشِ کا شکار تھی جس کی سرسراہٹ سے دماغ گونج رہا تھا اور وہ خود کو اس عذاب سے نکالنے کیلئے آگے کو بڑھا۔۔۔۔

تم کیوں نہیں ہورہی میری؟؟؟؟

عصار اب آگے کی جانب بڑھا اور خاموشی کی دیوار کو دھیرے سے گراتے ہوئے اس کے سامنے کھڑا ہوگیا۔۔۔۔

عفہ کا چہرہ مانند پڑ گیا۔۔۔۔

بولوں بھی کیوں نہیں ہورہی میری تم؟؟؟

تم جانتی ہو کس قدر تڑپ رہا ہو میں تمہارے لیے ۔۔

کیا کیا کھو دیا ہے اور کیا کیا کھو رہا ہو؟؟؟

جانتی بھی ہو کیا؟؟؟؟؟

عصار نے اب اسے بازوؤں سے پکڑ کر اپنے قریب کیا اور سنجیدگی سجائے محبت سے لبریز لہجے سے بولا۔۔۔۔

عفہ مسلسل اس کی آنکھوں میں جلتی محبت کی آگ کو دیکھ رہی تھی جس کی شدت لمحہ بہ لمحہ بڑھتی جارہی تھی۔۔۔۔

بہت مشکل ہے۔۔۔۔

ناممکن سا۔۔۔۔

عفہ ہونٹوں کے دھاگوں کو توڑتے ہوئے اس کی آنکھوں میں آنکھیں ڈالے بولی۔۔۔

میں یہ سب نہیں جانتا ہو۔۔۔۔

تم میری ہو۔۔۔۔

ذات پات اللہ پاک کے بنائے اصول نہیں۔۔۔۔

سب برابر ہے رب کعبہ کے مقام میں۔۔۔۔

عصار اس کے چہرے کے قریب ہوتے بولا۔۔۔۔

ٹھیک کہا۔۔۔۔

لیکن قبیلوں اور آل کا تو کہا ہے جس سے انسان اپنی پہچان بتاتا ہے۔۔۔

عفہ تھوڑا سے پیچھے کو ہٹ کر بولی۔۔۔۔

پیچھے کیوں ہٹ رہی ہو مجھے سے ۔۔۔۔۔

کیوں کر رہی ہو ایسا میرے ساتھ۔۔۔

نہ دن میں سکون نہ رت کو چین خواب کو بھی عذاب بنا دیا تم نے۔۔۔۔

عصار نے گرفت مضبوط کرتے ہوئے کہا۔۔۔

مجھے درد ہورہا ہے عصار۔۔۔۔۔

عفہ کا چہرہ دباؤ اور درد کی وجہ سے سرخ ہوگیا۔۔۔

میرا درد۔۔۔

میری تکلیف وہ کون سمجھے گا پھر۔۔۔۔

عصار مزید وحشیت سے بولا۔۔۔۔

چھوڑے مجھے ۔۔۔۔۔

مجھے درد ہورہا ہے۔۔۔۔۔

بازوؤں کو عصار کی گرفت سے ناکام کوشش کرتے ہوئے روہانسی ہوتے بولی۔۔۔۔

نہیں چھوڑوں گا۔۔۔۔

کبھی بھی نہیں۔۔۔۔

جہاں عصار وہاں عفہ۔۔۔۔

عصار نہیں تو عفہ بھی نہیں۔۔۔۔

عصار کی جنونیت عروج پر تھی۔۔۔

جسے دیکھتے ہوئے عفہ نے عصار کو دھکا دیا۔۔۔

لیکن عصار کی گرفت سے نکلتے ہوئے وہ خود ایک اندھے کنویں میں جا گری۔۔۔۔

جس کی گہرائی کا اندازہ عصار سے لگانا ناممکن تھا۔۔۔

عصار نے عفہ کو یوں گرتے دیکھا تو چلا اٹھا۔۔۔۔۔

عفہ۔۔۔۔۔۔

اور اسی طرح چلاتے ہوئے نیند سے اٹھ بیٹھا۔۔۔۔

ماتھے پر پسینے کے ننھے قطرے نمایاں تھے ۔۔۔

پریشانی سے چور جیسے جان نکل کر ہتھیلی پر بیٹھ گئی ہو۔۔۔۔

اردگرد دیکھتے ہوئے خود کو نارمل کیا کہ اس نے جو بھی دیکھا وہ بس ایک بیگانہ خواب تھا جسکا حقیقت سے دور دور تک کوئی تعلق نہ تھا۔۔۔۔

ہاتھ سے پسینہ پونچھا اور گھڑی کی جانب دیکھا اور ایک گہرا ٹھنڈا سانس بھرا۔۔۔

اذان ہوچکی تھی نجانے دل میں کیا آیا اٹھا وضو کیا اور نماز کو کھڑا ہوگیا۔۔۔۔

نماز کی ادائیگی کے بعد دعا کیلئے ہاتھ اٹھایا۔۔۔

کچھ سمجھ نہ آیا کیا کیا مانگوں اور کس طرح مانگوں بناء دعا مانگے وہ کافی دیر ہاتھ کی خالی ہتھیلی کو دیکھتا رہا اور پھر بناء دعا مانگے اٹھ گیا۔۔۔۔

اور واپس لیپ ٹاپ پر بیٹھ گیا۔۔۔۔

تاکہ خود کو ریلیکس کر سکے۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سمرا نے جب سے عصار اور مشتاق صاحب کی باتیں سنی تھی اس کی سوچ مسلسل گھوڑے کی رفتار سے بھاگ رہی تھی۔۔۔۔

مسلسل سوچنے کے بعد فون اٹھایا اور سہیل کو کال ملا دی۔۔۔۔۔

دو چار بیل کے بعد فون اٹھا لیا گیا۔۔۔۔۔

السلام علیکم۔۔۔۔۔

سمرا نے کہا۔۔

وعلیکم السلام۔۔۔۔

زہے نصیب دشمن کی کال وہ بھی صبح سویرے ۔۔۔۔۔

لگتا ہے آج خیر کا دن نہیں میرا۔۔۔۔

سہیل سمرا کی آواز سنتے ساتھ ہی اسے چٹاتے ہوئے بولا۔۔۔۔۔

بکواس نہ کرو زیادہ۔۔۔۔

رہتے نہیں کہیں کہ مجنوں۔۔۔۔

تم اور میرے دشمن شکل دیکھی کبھی آئینے میں اپنی۔۔۔۔۔

سمرا نے سینٹ کا جواب پتھر سے دیا۔۔۔۔۔

سہیل نے جب سنا تو بھاگتے ہوئے شیشے کے سامنے جا کھڑا ہوا اور غور سے معائنہ کرنے لگا۔۔۔۔

لگتا ہے چہرہ ہی دیکھ رہے ہو شیشے میں ورنہ ابھی تک جواب دے چکے ہوتے ہو تم۔۔۔۔

سمرا نے طنزیہ انداز سے مسکراتے ہوئے کہا۔۔۔۔۔

سہیل نے تیزی سے منہ شیشے سے پھیرا اور کاٹ کھانے کو پڑا۔۔۔۔

چپ رہو۔۔۔۔

چڑیل۔۔۔۔

یہ بتاؤ میرا دن خراب کرنے کی وجہ کیا ہے؟؟؟؟

کیوں کال کی مجھے تم نے؟؟؟؟

سہیل چڑتے ہوئے کہا۔۔۔۔

ہاں وہ۔۔۔۔

کہنا یہ تھا کہ۔۔۔۔

سمرا رکتے رکتے بولی۔۔۔۔

بولو بھی کیوں اپنا اور میرا وقت ضائع کررہی ہو۔۔۔۔

اور بھی بہت سے کام مجھے جلدی بولو۔۔۔۔

سہیل نے اس کی رکاوٹ بھری آواز کو سنتے ہوئے کہا۔۔۔۔

مجھے بھی کوئی شوق نہی تم سے بات کرنی کی۔۔۔

بس اپنے دوست کو سمجھاؤ۔۔۔۔

ذات پات اور عشق معشوق میں نہ خود پھسے نہ عفہ کو پھنسائے۔۔۔۔

جس قدر منہ اٹھا کر کہہ کرایا ہے ناں وہ۔۔۔۔

اسی طرح منہ کے بل گرے گا۔۔۔

اور دھمک اتنی ہوگی کہ اٹھنے میں عرصہ لگ جائے گا۔۔۔۔۔

سمرا سختی سے بولتے ہوئے فون بند کر کے بیٹھ گئی۔۔۔۔

جبکہ سہیل بھی اس کی بات پر پریشان ہوگیا ۔۔۔۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سہیل ایک گھنٹہ ہوگیا ہے ابھی تک کیوں نہیں آیا تو ۔۔۔۔

عصار فون پر بات کرتے بولا۔۔۔۔

یار بس کچھ کام آگیا تھا وہاں بزی ہو۔۔۔۔

یار مجھ سے بھی زیادہ ضروری کوئی کام ہے کیا تجھے۔۔۔۔

تجھے پتہ ہے ناں آج ہم نے کہاں کہاں جانا ہے۔۔۔

پھر بھی وقت کی قدر نہ کی تو نے۔۔۔۔

عصار نے کہا۔۔۔۔

جانتا ہو یار لیکن بس۔۔۔

خیر آرہا ہو تھوڑا اور انتظار کر لے۔۔۔۔۔

سہیل نے جواب دیا۔۔۔۔

اچھا ٹھیک ہے جلدی پہنچوں۔۔۔۔۔

عصار نے کہتے ساتھ کال کاٹ دی۔۔۔۔۔

اور سہیل کا انتظار کرنے لگ گیا۔۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بیڈ پر بیٹھی عفہ غنودگی کی حالت میں سر جھکائے بیٹھی تھی۔۔۔۔۔

کمرے کے دروازے پر دستک کی آواز سن کر سیدھی ہو کر مشکل سے بیٹھ گئی۔۔۔۔۔

اندر کی جانب بڑھتے قدموں چاپ سے واضح تھا کہ وہ مشتاق صاحب تھے۔۔۔۔۔

السلام علیکم ابو۔۔۔۔۔۔

عفہ نے مشتاق صاحب کی جانب مسکراہٹ دیتے کہا۔۔۔۔

وعلیکم السلام۔۔۔۔۔

مشتاق صاحب کہتے ساتھ ہی بیڈ کی جانب آنے کی بجائے صوفے پر ہی بیٹھ گئے۔۔۔۔۔

عفہ کو انکا ایسا رویہ دیکھ کر تھوڑا عجیب سا لگا لیکن اسے زیادہ تعجب نہ ہوا۔۔۔۔

کیونکہ وہ اچھے سے واقف تھی۔۔۔۔۔

آپ کیوں آئے ا و مجھے بلا لیتے آپ میں آجاتی آپ کے پاس خود۔۔۔۔۔

عفہ نے مشتاق صاحب کی آنکھوں میں اپنے لیے وہی پیار ڈھونڈنے کی کوشش کی جو اس نے ہمیشہ دیکھا تھا۔۔۔۔۔۔۔

نہیں ضرورت نہیں۔۔۔۔

مجھے بات کرنی تھی لہٰذا میں خود ہی آگیا۔۔۔۔۔

مشتاق صاحب بے رخی سے بولے۔۔۔۔۔

جی ابو بولے سن رہی ہو میں۔۔۔

وہ ڈوپٹہ سیدھا کرتے بولی۔۔۔۔۔

ایک بات یاد رکھنا۔۔۔۔۔

ہم سید ہے۔۔۔

یہ نہیں کہتا میں کہ ہمیں ہر گناہ معاف ہے۔۔۔

ہم سب سے اعلیٰ ہے۔۔۔

لیکن اس بات کو ذہن میں رکھوں نسل اور آپ سب کو جان سے پیاری ہوتی ہیں۔۔۔۔

مجھے بھی ہے اور شاید تمہیں بھی ہوگی۔۔۔۔

عفہ بناء کچھ بولے خاموشی سے سر جھکائے سن رہی تھی۔۔۔۔۔

لہذا اپنی نسل کو مت بھولنا جو سیکھایا گیا اس علم سے منہ مت پھیرنا۔۔۔۔

تم بہتر جانتی ہو۔۔۔۔

عصار اس علم سے ناواقف ہیں۔۔۔۔

مشتاق صاحب بولتے ساتھ آٹھ کھڑے ہوئے۔۔۔۔۔

عفہ کی نظریں بھی ان کے ساتھ اٹھ گئی۔۔۔۔۔

لہذا اپنی دل کی امنگوں کو وہی دفن کردو جہاں سے انہوں نے جنم لیا ہے۔۔۔۔

میں نہیں چاہتا قیامت کے روز تم کسی بوجھ کے تلے دبی ہو۔۔۔۔

اور اس کا زمہ دار میں خود ہو۔۔۔۔

کہتے ساتھ وہ بناء نظریں ملائے وہاں سے چلے گئے۔۔۔

جب کہ کب سے سیدھی بیٹھی عفہ وآپس مرجھاتے ہوئے بیڈ پر گر گئی۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

صبح سے شام ہوگئی ہیں۔۔۔

کب سے سڑکوں پر فضول گاڑی بھگاگا رہا ہو۔۔۔۔

بتاؤ بھی۔۔۔

اب کہاں جانا ہے؟؟؟

سہیل خوار ہوتے تھک گیا تھا۔۔۔۔

بس اب ایک جگہ جانا باقی ہے۔۔۔

عصار سوچتے ہوئے بولا ۔۔

کونسی جگہ؟؟؟

سہیل نے گاڑی کو بریک لگاتے کہا۔۔۔۔

وہ جگہ جہاں مجھے سب سے پہلے جانا چاہیے تھا۔۔۔۔۔

مطلب؟؟؟؟

مطلب یہ کہ ان سب مولویوں سے ملنے سے پہلے مجھے ان کے پاس ہی جانا چاہیے تھا۔۔۔۔

جنھوں نے مجھے اس راستے پر پھینکا۔۔۔۔

عصار کا اشارہ سمجھتے ہوئے اس نے گاڑی بخاری ہاؤس کی جانب موڑ لی۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جاری ہے اور رائے ضرور دیں 😊

     ─━•<☆⊰✿❣✿⊱☆>•━─