Zaat E ishq Epi 16

┄┅════❁ ﷽ ❁════┅┄

ناول: ذت_عشق

از: رابعہ_بخاری

قسط_نمبر_16

سمرا مجھے اماں کے صبح سے اتنے کالز آچکے ہیں۔ کہ جیسے پتہ نہیں میں چھپ کر بینکاک آگئی ہو اور اب پورا پاکستان مل کر اجتماعی شکل اختیار کیے مجھے کونہ کونہ ڈھونڈ رہا ہے۔۔۔۔۔۔۔عفہ پریشانی سے ہاتھ میں موبائل تھامے فیصل آبادی جگتے لگاتے ہوئے سمرا کی جانب بڑھتے ہوئی بولی۔۔۔

ہاہاہاہا ہوسکتا ہے اب تمہارا رشتہ آگیا ہو کوئی جو اب گھر والوں کو تمہاری یاد ستانے لگ گئی ہیں۔۔۔۔۔۔ لیکن پھر بھی کوئی خاص وجہ؟؟؟ اماں سے پوچھنا تو تھا۔۔۔۔۔۔ عفہ کی بات سن کر سمرا بھی بات گو ہوئی۔۔۔۔  

بس کرو سمرا رشتہ جو آنا میرا ابھی کوئی دور دور تک چانس نہیں وہ تو بس اماں پوچھ رہی تھی کہ اب پاکستان کب تک واپس آؤ گی؟؟؟ 

کیوں وہ کیوں اتنا پوچھ رہی ہے؟؟مان جاؤ میری بات لڑکی تم کہ تمہارے ہاتھ پیلے ہونے کو ہیں۔۔۔۔۔۔۔ سمرا عفہ کے کندھے پر تھپکی دیتے بولی۔۔۔۔۔

 نہیں یار وہ بات نہیں تمہیں تو پتہ ہے بھائی کی شادی میری وجہ سے اٹکی ہوئی ہے کہ میری واپسی کا کنفرم ہو تو پھر کوئی تاریخ فکس ہو۔۔۔۔۔۔

اچھا پھر تو ٹھیک ہے میں سمجھی شاید ہماری لڑکی کو سولی پر چڑھایا جائے گا تبھی بکری سے پتہ کر رہے ہیں کہ وہ قربانی کیلئے تیار ہے کہ نہیں۔۔۔۔ سمرا عفہ کو تنگ کرتے ہوئے بولی ۔۔۔۔۔۔

کونسی لڑکی؟؟؟؟؟؟۔کونسی بکری؟؟؟۔۔۔ انجان بنتے بولی۔۔۔۔

ارے تمہاری بات کررہی ہو. لڑکی نما بکری... کہ شاید تمہارا کوئی رشتہ آگیا ہو۔۔۔۔۔۔ لیکن تم سے کوئی بات کرنا ایسے ہے جیسے بال سے کھال نکال کر الگ کرنا۔۔۔۔۔ سمرا بولتے جارہی تھی جبکہ عفہ کمر پر ہاتھ ٹکائے اسے بکری بولنے پر گھور رہی تھی۔

کہ تبھی اس کے فون پر جو اس کے ہاتھ میں تھا زور زور سے بجنے لگ گیا۔۔۔

 عصار کا نمبر اپنی موبائل سکرین پر چمکتے ہوئے دیکھا تو سمرا کو ہاتھ کے اشارے سے چپ رہنے کا کہا اور فون کان پر لگا لیا۔۔۔۔

جی السلام علیکم۔۔۔۔ 

وعلیکم السلام۔۔۔ کیسی ہے آپ عفہ؟؟؟ عصار گرمجوشی ظاہر کرتے بولا۔۔۔

بلکل ٹھیک الحمدللہ آپ سنائے اور فون کرنے کے نیک مقصد سے بھی آگاہ کرے مجھے۔۔۔۔۔

میں بھی ٹھیک ہو اور فون کرنے کا نیک تو نہیں لیکن مقصد یہ کہ ایک تو دل کیا آپکی نرم میٹھی آواز سن لو اور یہ بھی کہ۔۔۔۔۔۔ عصار کہتے کہتے رک گیا۔۔۔۔

عفہ کو عصار کی باتوں پر مسلسل ہنسی آرہی تھی اور اب اس نے سپیکر بھی آن کر دیا تھا تاکہ سمرا کو بھی سنا سکے اور اسے بھی ہنسنے کا موقع دے سکے۔۔۔۔۔۔۔

کہ سے آگے بھی بولے گے کہ میں اس کہ پر ہی گزارا کرلوں۔۔۔۔۔۔۔۔۔ عفہ نےعصار کو ٹونٹ دیتے ہوئے کہا ۔۔۔

ہاہاہاہا نہیں نہیں میں اپکو ایسے رہنے کیسے دے سکتا ہو بلکل بھی نہیں ۔۔۔۔۔۔ 

اس کہ کے آگے یہی کہ میں نے سوچا کیوں نہ آج میں اپنا حساب برابر کردو۔۔۔۔ عصار دلچسپی سے بولا۔۔۔۔۔۔

عفہ کو اچانک عصار کی اس دن کی بات یاد آگئی جو اس نے ہوٹل میں اس سے کہی تھی فورا انکار کو اپناتے ہوئے نفی میں سر ہلا کر بولی۔۔۔۔۔۔

جی نہیں میرا کوئی بھی ارادہ نہیں کہ میں اپنا حساب برابر کرواؤ آپ سے آپکی سوچ کو سلام اور آپ کا شکریہ۔۔۔۔۔ عفہ ٹھنڈے لہجے سے بولی جس سے عصار کو اپنے منصوبے پر اوس پڑتے ہوئے محسوس ہوئی فورا اس اوس کو ہاتھ سے جھاڑتے ہوئے وہ عفہ کو اپنی بات پر آمادہ کرنے کیلئے رجوع ہوا۔۔۔۔۔۔

لیکن یہ کیا بات ہوئی محترمہ آپ اپنی بات سے مکر گئی یہ تو ایک سیدہ کی زبان نہ ہوئی۔۔۔۔ عصار شکوہ کناں ہوا۔۔اور جان کر ایسی بات کرنے لگ گیا کہ عفہ اسے اپنے انا کا مسئلہ بنا لے۔۔

بلکل سیدہ پر یہ بھی اچھا نہیں لگتا کہ وہ منہ اٹھائے نگر نگر پھرتی رہے وہ بھی انجان انسان اور نامحرم کے ساتھ بحرحال۔دیکھیے میرے پاس زیادہ وقت نہیں اور نہ ہی مجھے آپ کےس آٹھ کیں بھی جانے میں کوئی دلچسپی تو معزرت۔۔۔۔۔۔ عفہ کا لہجہ کانٹے دار پودے کے مانندِ ہوگیا تھا جو اس وقت عصار کی سوچ کو چھلنی کرنے پر تلا ہوا تھا۔۔۔۔

وقت ؟؟؟ کس چیز کا وقت؟؟؟ کیا مطلب آپکا؟؟؟؟ سمجھا نہیں میں کچھ؟؟؟ بھنویں ماتھے پر سجائے وہ کرسی پر براجمان ہوتے بولا۔۔۔۔۔

جی بلکل وقت بس اب ایک مہینہ بینکاک میں اور پھر واپس اپنے وطن۔۔۔۔ عفہ خوش دلی سے بولی ۔۔۔

کیا مطلب آپ ایک مہینہ؟؟؟ سمجھا نہیں میں کچھ ۔۔۔۔۔ عصار کے حواس بے قابو ہورہے تھے جب اس نے عفہ کی یہ بات سنی۔۔۔۔۔ 

سیدھی بات سمجھ نہیں پا رہے آپ حیرت ہے ویسے۔۔۔۔۔ جی بلکل ایک مہینہ میری تعلیم کا آخری مہینہ اس کے بعد میں پاکستان اور بینکاک سے ہر تعلق آپ سمیت ختم۔۔۔۔۔۔۔۔ 

بہت افسوس ہوا سن کے کہ ہم ملے ہی تب جب آپ بنکاک میں اپنے آخری ایام گزار رہی ہیں خیر کوئی بڑا مسئلہ نہیں۔۔۔۔۔ گہرا سانس لیتے ہوئے بولا کیونکہ اس بات نے عصار کو بے چین کر ڈالا تھا لیکن وہ ایسے خود کو ظاہر کر ے کی کوشش کررہا تھا جیسے بظاہر کچھ ہوا ہی نہ ہو۔۔۔۔۔۔۔

دونوں کی جانب سے کچھ دیر یونہی خاموشی کی شیشے کی دیوار بنی رہی جسے عصار کی جانب سے بہت ہی باہمت طریقے سے توڑی گئی۔۔۔۔

چلے خیر اس کا مطلب آج تو ہم مل کر ہی رہے گے بلکہ جب تک آپ بینکاک میں ہے ہم روز ملے گے اور آپ کو جانے سے پہلے بہت سی اچھی اور خوبصورت یادوں کا تحفہ دونگا۔۔۔۔ اور میں کوئی ناں فناں نہیں سنوں گا آپ اور سمرا آرہے ہو بلکہ میں آتا ہوں آپ کے ہوسٹل پھر آپ کو پورا بینکاک دیکھاؤ گا ۔۔۔۔۔۔۔ کہتے ساتھ فون کاٹ دیا۔۔۔۔۔

عفہ نے سمرا کی جانب دیکھا جو ایک عجیب سی مسکراہٹ سجائے عفہ کو دیکھ رہی تھی۔۔۔۔

 کیا ہے ایسے کیوں دیکھ رہی ہو لڑکی تم مجھ کو ؟؟؟؟؟ عفہ اس کی نظروں کو دیکھتے بولی۔۔۔۔۔

ان آنکھوں کی مستی کے مستانے ہزاروں۔۔۔۔۔۔۔ سمرا ہنستی ہوئی دوپٹہ لہراتے ہوئے بولی۔۔۔

پاس پڑے تکیہ کو عفہ نے گنگناتی سمرا کے منہ پر دے مارا اور اس طرح دونوں کے درمیان ایک مکمل پلو فائیٹ کا آغاز ہوگیا۔۔۔۔۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

عفہ کا فون کاٹتے ساتھ ہی عصار نے زریس کو اگلی کال ملا دی۔۔۔۔۔۔

ہاتھ میں سگار سلگائے وہ کرسی پر ٹیک لگاتے ہوئے مزے سے کش پر کش بھرتے بیٹھ گیا۔۔۔۔۔

جبکہ دوسری جانب زریس اپنے بستر پر ایک حسینہ کے ساتھ خواب خرگوش کے مزے لوٹ رہا تھا۔۔۔۔۔

موبائل کی آواز سنتے ساتھ ہی ہاتھ بڑھا سلیپنگ سائیڈ ٹیبل سے فون اٹھاتے ہی کان کے ساتھ لگا لیا۔۔۔۔

دوسری جانب سے آنے والی آواز اس کیلئے ہر بار ایک جھٹکا ہی کے کر آتی تھی اسی سوچ کو پڑکھتے ہوئے وہ اپنے بیڈ سے اٹھ کھڑا ہوا اور نائیٹی باندھتے ہوئے کھڑکی جانب بڑھ گیا۔۔۔۔

بولوں اب کونسا نیا دھماکا کرنے کیلئے مجھے کال کی ہے؟؟؟ زریس اپنے نشیلے انداز سے چہکتے ہوئے بولا شاید رات بھر نشے کو خود میں اتارا تھا یا نشہ اس میں اترا تھا۔۔۔۔

میری بات سنو زریس ایک مہینے میں عفہ واپس پاکستان چلے جائے گی تو بہتر ہے جب تک میں تمہیں خود نہ بلا لو اس سے ملنے کی کوشش بھی نہ کرنا۔۔۔۔۔۔ یہ ناں ہو میرا سارا بنا بنایا کھیل تمہاری بےوقوفی کی نذر ہو جائے ۔۔۔۔۔۔۔۔

لیکن کیوں ؟؟؟؟ کیوں نہ ملوں میں اس سے؟؟؟؟ زریس نے سوالیہ انداز اپناتے ہوئے کہا۔۔۔۔۔

زریس اس کے سوال پر خاموش عصار نے کش لگانا زیادہ بہتر سمجھا اور کوئی جواب نہ دیا ۔۔۔۔۔ خاموشی سن کر زریس اپنی عادت کے ہاتھوں مجبور بول ہی پڑا۔۔۔۔۔

کہیں تم مجھے ڈبل کراس تو نہیں کررہے ہو۔۔۔۔ میری بات یاد رکھنا عصار مجھے دھوکہ دینے کی کوشش بھی نہ کرنا میں چھوڑو گا نہیں تمہیں اگر عفہ مجھ سے دور ہوئی تو ۔۔۔۔ عفہ تو مجھے جیسے بھی کر کے مل جائے گی لیکن تم فضول میں میرے ساتھ دشمنی موڑ ہوں گے یاد رکھنا۔۔۔۔۔ کہتے ساتھ ہی کال کٹ گئی۔۔۔۔

جبکہ اسی انداز میں بیٹھا عصار اپنی سوچ کی دنیا میں گم ایک سنگین منصوبہ بندی بنانے میں مصروف تھا چونکہ اسے خود ہر کچھ زیادہ ہی یقین تھا اور اسے اس بات سے قطعاً فرق نہیں محسوس ہورہا تھا کہ زریس کی دشمنی اسے کتنی مہنگی پڑ سکتی ہیں۔۔۔ لہذا کش بھرتے ہوئے وہ مسلسل چھت پر نظریں ٹھکائے بیٹھا رہا۔۔۔۔۔۔

حماد کو معلوم نہ تھا کہ عصار آفس میں موجود ہیں اپنے ہی ہوش میں گم اندر کی جانب بڑھا تو عصار کو بیٹھا دیکھ کر دنک سا رہ گیا اور وہی ٹھٹک کر عصار کو دیکھنے لگ گیا۔۔۔۔۔۔

عصار نے حماد کےچہرے پر سے ہوایاں اڑے دیکھی تو عقاب اور کاٹ کھانے کی نظروں سے حماد کو دیکھنے لگ گیا۔۔۔۔۔

خود کو سنبھالتے ہوئے حماد نے خود کو نارمل ظاہر کرنے کی کوشش کی۔۔۔۔۔۔۔

سر آپ آج آفس میں؟؟؟؟ گلہ کھنگالتے ہوئے بولا جیسے آواز کہیں پھنس سی گئی ہو۔۔۔۔۔

کیوں میں نہیں آ سکتا کیا اپنے ہی آفس؟؟؟ میرے آنے پر پابندی ہے کیا؟؟؟؟ عصار نے عقابی نظروں سے دیکھتے ہوئے پوچھا۔۔۔۔۔۔

نہیں سر میرا وہ مطلب نہیں تھا۔۔۔۔ وہ بس اپنے دھیان میں ہونے کی وجہ سے ذرا چونک سا گیا تھا۔۔۔۔۔ 

اچھا ٹھیک ہے خیر یہ بتاؤ پراجیکٹ کیسا جارہا ہے ؟؟؟ آج کل کچھ مصروفیات ہے جس کی وجہ سے دھیان نہیں دے پارہا ہو لیکن جلد سنبھال لوں گا تب تک سب اچھے سے ہینڈل کروں تم ۔۔۔۔۔۔ عصار نے دوٹوک کہتے ہوئے کہا۔۔۔۔۔۔

جی سر ۔۔۔۔۔ بہت ٹھیک جارہا ہے پراجیکٹ آپ کہے تو فائلز دیکھا دو۔ اپکو۔۔۔ باہرکی جانب بڑھتے ہوئے حماد نے کہا۔۔۔۔۔

نہیں ابھی رہنے دو مجھے ابھی بہت ضروری کام ہے اور جب تک میں فری نہیں ہوتا پراجیکٹ پر صیحح سے دھیان دینا آئی سمجھ میں نہیں چاہتا میرے کلائینٹ کہیں اور کا رخ کرے ۔۔۔۔۔۔ کہتے ساتھ ہی چابی اٹھائی کوٹ جھاڑتا ہوا کیبن سے باہر کو نکل گیا۔۔۔۔۔

جبکہ حماد کو اب تک ٹھنڈے پسینے چھوٹ چکے تھے ۔۔۔۔۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

عفہ اور سمرا کو آج دس دن ہو چکے تھے کہ وہ عصار کے ساتھ بینکاک کی وہ تمام جگہوں پر جارہی تھی جہاں وہ کبھی نہیں گئی تھی اور اب عفہ اور سمرا دونوں کا عصار پر مکمل یقین بندھ چکا تھا۔۔۔ 

دن ہو یا رات ہو دوپہر ہو یا شام عصار مسلسل عفہ سے یا تو میسج پر یا کالز پر کنٹکٹ بنائے رکھتا تھا ۔۔۔۔۔۔ 

اب وہ اپنی ہر چھوٹی سے چھوٹی بات بھی عصار سے آسانی سے شیئر کر لیتی تھی اور اس پر اپنا یقین مضبوط کر رہی تھی۔۔۔۔۔۔۔

جبکہ اگر کبھی بھی دونوں کو کوئی بھی مسئلہ سامنے آتا تو وہ اسکا ذکر عصار سے ضرور کرتی۔۔۔ عصار بھی دونوں کے یقین کو پختہ کرنے کیلئے ان کی ہرممکن مدد کرنے کیلئے پیش پیش رہتا۔۔۔۔۔

بینکاک سے رخصتی میں اب صرف بیس دن رہ چکے تھے اور عفہ نے اب تک اتنی یادیں اکھٹی کر لی تھی کہ وہ کسی کو بھی جا کر بتا سکتی تھی کہ ہاں اسنے بینکاک میں بہت مزا کیا اور بہت خوبصورت یادیں بنائی۔۔۔۔۔

معمول کے مطابق عفہ اور سمرا عصار کے ساتھ پاکستانی ایجنسی کی جانب گئی دونوں اپنی ٹکٹ کو کنفرم کروانے کیلئے اور کنفرم تاریخ معلوم کرنے کیلئے کاغذات کے ہمراہ ایجنسی کا رخ لیا۔۔۔۔۔

عفہ اپنے کاغذات کنفرم کروا کر باہر آگئی جبکہ سمرا کو ابھی بھی مزید وقت لگنا تھا لہذا عصار نے اسے اچھا موقع سمجھا اور عفہ کو اپنے ساتھ باتوں میں لگا کر باہر کی جانب لے گیا۔۔۔۔۔۔۔

مجھے لگتا ہے سمرا کو وقت لگے گا تو کیوں نہ کہیں کی سیر ہو جائے ۔۔۔۔۔۔ عصار اپنا پتہ پھینکتے ہوئے بولا ۔۔

عصار میرے خیال سے سمرا کو آنے دیتے ہیں پھر وہ پریشان ہوجائے گی کہ ہم اسے چھوڑ کر چلے گئے۔۔۔۔۔۔ عفہ نے عصار کی جانب دیکھتے ہوئے کہا۔۔۔۔

میں اسے میسج کر دیتا ہو کہ ہم کسی کام سے جارہے ہیں اور وہ ہوسٹل ہی چلی جائیں۔۔۔۔۔۔ عصار نے عفہ کی پریشانی کو دیکھا تو بولا۔ اور گاڑی کا دروازے کھولتے ہوئے اندر بیٹھنے کا اشارہ دیا۔۔۔

عفہ کے ذہن میں ابھی بھی جھجھک موجود تھی لہذا عصار کے ساتھ اکیلے جاتے ہوئے وہ تھوڑی لڑکھڑا سی رہی تھی اور وہی کھڑی دوبارہ ایجنسی کی جانب دیکھنے لگ گئی کہ کہیں سے اسے سمرا کی جھلک نظر آجائے ۔۔۔

بیٹھو بھی اندر عفہ یقین نہیں مجھ پر کیا ؟؟؟؟ عصار نے اپنی گہری نظریں عفہ کی آنکھوں میں گھورتے ہوئے پوچھا عدی اس کشمکش میں پھنسی گاڑی کی جانب بڑھ گئی اور بنا کچھ پوچھے خاموشی سے بیٹھ گئی ۔۔۔۔

عفہ کے بیٹھتے ساتھ ہی عصار ایک لمحہ بھی گنوائے گاڑی کی سیٹ کو سنبھال کر بیٹھ گیا اور گاڑی کو آنکھوں سے اوجھل کرنے کے انداز سے بھاگانا شروع کردیا

پہلے پہر عفہ کو سب نارمل سا ہی لگا لیکن جب عصار اسے کسی سنسان علاقے کی جانب لے گیا تو اسے گھبراہٹ سی محسوس ہونے لگ گئی۔۔۔۔ خود ہر کنٹرول کیے بیٹھی عفہ کو عجیب عجیب سے خیال آتے جارہے تھے۔۔۔۔

عصار یہ کونسی جگہ ؟؟؟؟ اور مجھے کیوں لائے یہاں؟؟؟؟ بالآخر گھبراہٹ سے بھری عفہ کی زبان پر اب سوالات کی بارش ہونے لگ گئی تھی۔۔۔۔

آپ بول کیوں نہیں رہے کچھ ؟؟؟؟ ہم یہاں کیوں آئے ہیں ؟؟؟؟ یہاں کونسا کام تھا؟؟؟ بولے بھی۔۔۔۔ اب کی بار عفہ نے عصار کی جانب گھبرائی ہوئی نظروں سے دیکھتے ہوئے پوچھا۔۔۔۔۔

جبکہ عصار ابھی بھی اپنی زبان پر تالا لگائے سامنے کی جانب نظر جمائے پتھر بنے بیٹھا تھا۔۔۔۔۔

عصار مجھے اب ڈر لگ رہا ہے آپ مجھے واپس چھوڑ آئے ہوسٹل مجھے گھر جانا ہے ۔۔۔۔۔۔ میری بات سن رہے ہیں ناں آپ.۔۔۔۔۔۔۔۔ 

عفہ کو عصار کی خاموشی سے اب خوف سا محسوس ہورہا تھا۔۔۔ دل میں ہزاروں وسوسے جنم لے رہے تھے۔۔۔

جبکہ عصار ابھی بھی منہ میں چنے دبائے گاڑی کو بھاگا رہا تھا۔۔۔ جیسے آج وہ کچھ بڑا کرنے کا سوچ کر ہی آیا ہے۔۔۔۔۔

عفہ نے دروازے کے لاک کھولنے کی کوشش کی لیکن وہ بھی لاک تھا کھڑکی کر ہاتھ رکھتے ہوئے عفہ نے ایک بار پھر عصار کی جانب دیکھا جو سپاٹ چہرہ لیے سامنے کی جانب نظریں جمائے مرکوز تھا ۔۔۔۔۔۔

عصار اگر یہ مذاق ہے تو یقین جانے بہت ہی بھدا اور گندہ مذاق ہے گاڑی روکے ابھی۔۔۔۔ عفہ کے چہرے پر اب غصہ اور ڈر دونوں کی صاف صاف نمایاں تھا۔۔۔۔

کھڑکی پر ہاتھ مارتی عفہ کو اچانک عصار کے ہنسنے کی آواز آئی جو شاید اس کی بے بسی کو دیکھتے ہوئے ہنس رہا تھا ۔۔۔۔ 

ویسے حیرت ہوتی ہیں تم لڑکیوں پر اتنا کم دماغ کیسے رکھ لیتی ہو عقل سے باہر میرے ۔۔۔ 

عصار کی باتیں سن کر عفہ کا دل جیسے بند سا ہوگیا تھا ۔۔۔۔۔۔ 

کیا ؟؟؟؟ کیا م.....مطلب آپکا؟؟؟؟ کیا کہنا چاہتے آپ۔۔۔۔ ڈر اور خوف کے ملے جلے تاثرات آواز سے ظاہر کرتی عفہ عصار کو دیکھتے بولی۔۔۔۔۔

مطلب۔۔۔۔۔۔ ابھی سمجھا دیتا میری پیاری عفہ جی۔۔۔۔ عفہ کی جانب ہاتھ بڑھاتے ہوئے عصار نے کہا جسے عفہ نے اپنے ہاتھ سے جھٹکتے ہوئے دوبارہ دروازہ کھولنے کی کوشش کرنے لگ گئی۔۔۔۔۔

عصار کو عفہ کی بے چینی اور ڈر دیکھ کر بہت مزا آرہا تھا شاید جس خوف اور ڈر کو دیکھنے کیلئے وہ اپنے وقت کا ضیاع کررہا تھا اب اسے دیکھنا نصیب ہورہا تھا۔۔۔۔۔

نہیں کھلے گا دروازہ جب تک میں میں نہیں چاہوں گا۔۔۔۔۔ تب تکا چاہے کتنی بار ہاتھ شیشے پر مار لوں یا سر سوائے خون کے کچھ نہیں ہوگا ۔۔۔۔۔۔ عصار کے چہرے پر ایک شیطانی مسکراہٹ سجائے چکی تھی۔۔۔۔۔

عفہ کا دماغ ب سن ہورہا تھا اسے وہی رات آنکھوں کے گرد گھوم رہی تھی جب زریس اسے دھوکے سے ڈرنک میں نشہ آور چیزیں پلا کر اپنے ساتھ زبردستی کسی روم میں لے کر جانے کی کوشش کر رہا تھا۔۔۔۔۔۔۔

تب وہ کمزور تھی لیکن آج وہ کمزور نہ تھی لہذا وہ سوچ بیٹھی کہ اپنے والدین کیلئے شرمندگی کا سبب بنے سے پہلے وہ خود کو ختم کردے گی ۔۔۔۔

آنکھوں میں بھر بھر آنسوں کیے وہ عصار کی جانب دیکھتے ہوئے بولی۔۔۔۔۔۔

بہت یقین کیا تھا آپ ہر میں نے عصار شاید اسی کی سزا مل رہی مجھے لیکن آپ جسطرح کے ارادے رکھتے ہیں باخدا مر جاؤ گی پورے ہونے کو خواں توڑ کے جاؤ گی۔۔۔۔۔۔۔ 

فضول مت بکوں تم جیسی لڑکی پر کوئی مرد اپنی پاکیزگی کیوں ضائع کرے جس کو ہر دو روز بعد ایک نیا شکار چاہیے ہوتا آج میں ہوں کل زریس تھا اور یوں ہی نقاب اور چادر کو اوڑھے پاک باز بنی مزید مردوں کو اپنے جانب راغب کرتی پھرتی ہوں۔۔۔۔۔۔ عصار اپنا اندر کا زہر اگلتے ہوئے بولا جبکہ عفہ کی سوچ زریس کا نام سنتے ساتھ ہی رک گئی اسے اب اپنے آنے والے پل پر بھی بھروسا نہ رہا وہ کبھی عصار کی نفرت انگیز باتوں کے بارے میں سوچتی تو کبھی زریس کی جانب سے کی جانے والی زیادتیوں کو یاد کرتی اور اپنے نصیب کو کوستی کہ کیوں اس نے بینکاک آنے کا سوچا اور کیوں زریس پر یقین کر کے وہ یہاں تک پہنچ گئی کیونکہ اتنا وہ بھی سمجھ چکی تھی کہ اب تک جو بھی اس کے ساتھ ہو رہا تھا وجہ زریس ہی تھا۔۔۔۔۔

عصار میری بات سنے میں نہیں جانتی کہ زریس نے آپ سے میرے بارے میں کیا کہا اور مجھے کوئی دلچسپی بھی نہیں کیوں کہ میں اپنے آپ کو زیادہ بہتر جانتی ہو اور میرا اللہ بھی اچھے سے جانتا ہے مجھے کہ میں ایسی نہیں جیسے آپ الزام لگا رہے ہو پلیز مجھے جانے دے دروازہ کھولے پلیز گاڑی کا۔۔۔۔۔۔۔۔ عفہ کی آواز میں اب گڑگڑاہٹ سی ابھر آئی جیسے اپنے بارے میں ایسی باتیں سن کر اس کو مرنے کا دل کررہا ہو۔۔۔۔۔۔۔

میرے سے زیادہ فضول بات نہیں آئی سمجھ اپنی چکنی چپڑی باتوں اور نرم لہجوں سے ان کو پھنسانا جن کو لڑکیاں بدلنے کی عادت ہو۔۔۔۔۔۔ عصار کا زہر عفہ کو پل پل کی موت دے رہا تھا۔۔۔۔۔

اچانک اردگرد اپنی نظروں کو دھوراتے ہوئے عفہ کو ایسا لگا کہ جس جگہ سے وہ اسے لے کر جارہا ہے وہ اس نے پہلے بھی دیکھی تھی کہ تبھی ایک کلب کے سامنے عصار نے اپنی گاڑی روکی۔۔۔۔۔

کلب کی جانب دیکھتے ہی عفہ کا دماغ ٹھٹک سا گیا اسے ایسا لگا جیسے وہ اپنے ماضی کے دہرائے ہوئے لمحوں کو سامنے کھڑا دیکھ رہی ہیں کہ کیسے وہ زریس کے ساتھ وہاں پہلی بار آئی تھی اور پھر کیسے وہاں سے بھاگی تھی۔۔۔۔ اپنے دونوں ہاتھوں سے سیٹ کو مضبوطی سے پکڑتے ہوئے بیٹھ گئی جبکہ عصار اس کی پریشانی کو بھانپ گیا تھا کہ اب اسکا سارا کھیل تماشا ختم ہوجائے گا۔۔۔۔۔

تیزی سے گاڑی سے باہر کی جانب نکلا ایک فاتحانہ مسکراہٹ ہونٹوں پر سجاتے ہوئے اس نے عفہ کی جانب کا دروازہ کھولا اور باہر آنے کا اشارہ دیا۔۔۔۔۔۔

عفہ نے نفی میں سر ہلاتے ہوئے جواب دیا۔۔۔۔

میں کہہ رہا ہو باہر آؤ۔۔۔۔ عصار نے کاٹ کھانے کی نظروں سے عفہ کو دیکھا اور چلاتے ہوئے بولا۔۔۔۔

مجھے نہیں آنا باہر پلیز عصار مجھے جانے دینے مجھے نہیں جانا کہیں بھی مجھے گھر جانا پلیز عصار ۔۔۔۔۔۔۔۔ عفہ کی نظریں ان لڑکیوں پر پڑی جو غیر مناسب لباس پہنے ہر آتے جاتے شخص کی گندی نظروں کا شکار بنے بت بنے کھڑی تھی ۔جبجہ ان کو اس سے کسی بھی قام کا کوئی فرق نہیں پڑ رہا تھا۔۔ ان کی جانب دیکھتے ساتھ ہی وہ ایک بار پھر التجائی نظروں سے عصار کی جانب راغب ہوئی۔۔۔۔

کہ تبھی عصار نے عفہ کا ہاتھ مضبوطی سے پکڑا اور اسے عنقریب گھسیٹتا ہوا کلب کے اندر لے گیا۔۔۔۔

عفہ اپنا ہاتھ چھڑوانے کی ہر ممکن کوشش کرتی رہی خود کو پیچھے کی جانب دھکیلتی رہی لیکن عصار کو اس کی قوت سے ردی برابر بھی فرق نہ پڑا۔۔۔۔۔۔۔۔ وہ تو بس اپنی فاتح ہونے کے جنون میں اور ایک لڑکی کو سبق سکھانے کے جوش میں مست اسے گھسیٹتا ہوا لیے جارہا تھا ۔۔۔۔۔۔۔۔۔۔۔۔۔ 

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جاری ہے اور رائے ضرور دیں 😊 

     ─━•<☆⊰✿❣✿⊱☆>•━─