┄┅════❁ ﷽ ❁════┅┄
ناول: آب_حیات
از: عمیرہ_احمد
قسط_نمبر_08
” ﻣﺠﮭﮯ ﮨﺎﺗﮫ ﺩﮐﮭﺎﻧﮯ ﻣﯿﮟ ﮐﻮﺋﯽ ﺩﻟﭽﺴﭙﯽ ﻧﮩﯿﮟ ﮨﮯ۔ “ ﺍﺱ ﻧﮯ ﺩﻭ ﭨﻮﮎ ﺍﻧﮑﺎﺭ ﮐﺮﺗﮯ ﮨﻮﮰ ﮐﮩﺎ۔
” ﻟﯿﮑﻦ ﻣﺠﮭﮯ ﮨﮯ۔ “ ﻭﮦ ﺍﺻﺮﺍﺭ ﮐﺮ ﺭﮨﯽ ﺗﮭﯽ۔
” ﯾﮧ ﺳﺐ ﺟﮭﻮﭦ ﮨﻮﺗﺎ ﮨﮯ “ ﺍﺱ ﻧﮯ ﺑﭽﻮﮞ ﮐﯽ ﻃﺮﺡ ﺍﺳﮯ ﺑﮩﻼﯾﺎ۔
” ﮐﻮﺋﯽ ﺑﺎﺕ ﻧﮩﯿﮟ ﺩﮐﮭﺎﻧﮯ ﻣﯿﮟ ﮐﯿﺎ ﺣﺮﺝ ﮨﮯ۔ “ ﺍﺳﮑﮯﺍﻧﺪﺍﺯ ﻣﯿﮟ ﮐﻮﺋﯽ ﺗﺒﺪﯾﻠﯽ ﻧﮩﯿﮟ ﮨﻮﺋﯽ ﺗﮭﯽ۔
” ﺗﻢ ﮐﯿﺎ ﺟﺎﻧﻨﺎ ﭼﺎﮨﺘﯽ ﮨﻮ ﺍﭘﻨﮯ ﻣﺴﺘﻘﺒﻞ ﮐﮯ ﺑﺎﺭﮮ ﻣﯿﮟ۔۔۔ﻣﺠﮫ ﺳﮯ ﭘﻮﭼﮫ ﻟﻮ “
ﻭﮦ ﺍﺳﮯﺍﺱ ﭘﺎﻣﺴﭧ ﮐﮯ ﭘﺎﺱ ﻟﮯ ﺟﺎﻧﮯ ﮐﮯ ﻣﻮﮈ ﻣﯿﮟ ﻧﮩﯿﮟ ﺗﮭﺎ۔ﺟﻮ ﺍﺱ ﻓﺎﺋﯿﻮﺍﺳﭩﺎﺭ ﮐﯽ ﻻﺑﯽ ﻣﯿﮟ ﺗﮭﺎ،ﺟﮩﺎﮞ ﻭﮦ ﮐﭽﮫ ﺩﯾﺮ ﭘﮩﻠﮯ ﮐﮭﺎﻧﺎ ﮐﮭﺎﻧﮯ ﮐﮯ ﻟﯿﮯ ﺁﮰ ﺗﮭﮯ ﺍﻭﺭ ﮐﮭﺎﻧﮯ ﮐﮯ ﺑﻌﺪ ﺍﺳﮑﯽ ﺑﯿﻮﯼ ﮐﻮ ﭘﺘﺎ ﻧﮩﯿﮟ ﮐﮩﺎﮞ ﺳﮯ ﻭﮦ ﭘﺎﻣﺴﭧ ﯾﺎﺩ ﺁﮔﯿﺎ ﺗﮭﺎ۔
” ﻭﯾﺮﯼ ﻓﻨﯽ “ ﺍﺱ ﻧﮯ ﻣﺬﺍﻕ ﺍﮌﺍﯾﺎﺗﮭﺎ۔ ” ﺍﭘﻨﮯ ﻣﺴﺘﻘﺒﻞ ﮐﺎ ﺗﻮ ﺗﻤﮩﯿﮟ ﭘﺘﺎ ﻧﮩﯿﮟ،ﻣﯿﺮﮮ ﮐﺎ ﮐﯿﺴﮯ ﮨﻮﮔﺎ؟ “
” ﮐﯿﻮﮞ ﺗﻤﮩﺎﺭﺍ ﺍﻭﺭ ﻣﯿﺮﺍ ﻣﺴﺘﻘﺒﻞ ﺳﺎﺗﮫ ﺳﺎﺗﮫ ﻧﮩﯿﮟ ﮨﮯ ﮐﯿﺎ؟ “ ﺍﺱ ﻧﮯ ﻣﺴﮑﺮﺍ ﮐﺮ ﺍﺳﮯ ﺟﺘﺎﯾﺎ ﺗﮭﺎ۔
” ﺍﺳﯽ ﻟﯿﮯ ﺗﻮ ﮐﮩﮧ ﺭﮨﯽ ﮨﻮﮞ،ﭘﺎﻣﺴﭧ ﮐﮯ ﭘﺎﺱ ﭼﻠﺘﮯ ﮨﯿﮟ،ﺍﺱ ﺳﮯ ﭘﻮﭼﮭﺘﮯ ﮨﯿﮟً“ﺍﺳﮑﺎ ﺍﺻﺮﺍﺭ ﺑﮍﮬﺎ ﺗﮭﺎ۔
” ﺩﯾﮑﮭﻮ ! ﮨﻤﺎﺭﺍ۔ ” ﺁﺝ “ ﭨﮭﯿﮏ ﮨﮯ۔ ﯾﮧ ﮐﺎﻓﯽ ﮨﮯ۔ ”“ ﺗﻤﮩﯿﮟ ﮐﻞ ﮐﺎ ﻣﺴﺌﻠﮧ ﮐﯿﻮﮞ ﮨﻮ ﺭﮨﺎ ﮨﮯ؟ “ ﻭﮦ ﺍﺏ ﺑﮭﯽ ﺭﺿﺎﻣﻨﺪ ﻧﮩﯿﮟ ﮨﻮ ﺭﮨﺎ ﺗﮭﺎ۔
” ﻣﺠﮭﮯ ﮨﮯ ﮐﻞ ﮐﺎ ﻣﺴﺌﻠﮧ۔۔۔ “ ﻭﮦ ﺟﮭﻼ ﮐﮯ ﺑﻮﻟﯽ ﺗﮭﯽ،ﺍﺳﯽ ﺷﺎﯾﺪ ﯾﮧ ﺗﻮﻗﻊ ﻧﮩﯿﮟ ﺗﮭﯽ ﮐﮧ ﻭﮦ ﺍﺳﮑﯽ ﻓﺮﻣﺎﺋﺶ ﭘﺮ ﺍﺱ ﻃﺮﺡ ﮐﮯ ﺭﺩﻋﻤﻞ ﮐﺎ ﺍﻇﮩﺎﺭ ﮐﺮﮮﮔﺎ۔
” ﮐﺘﻨﮯ ﻟﻮﮒ ﮨﺎﺗﮫ ﺩﮐﮭﺎ ﮐﺮ ﺟﺎﺭﮨﮯ ﮨﯿﮟ ﺍﺱ ﭘﺎﻣﺴﭧ ﮐﻮ۔۔۔ﺗﻤﮩﯿﮟ ﭘﺘﺎﮨﮯ۔ﻣﯿﺮﯼ ﮐﻮﻟﯿﮕﺰ ﮐﻮ ﺍﺱ ﻧﮯ ﺍﻥ ﮐﮯ ﻓﯿﻮﭼﺮ ﮐﮯ ﺑﺎﺭﮮ ﻣﯿﮟ ﮐﺘﻨﺎ ﮐﭽﮫ ﭨﮭﯿﮏ ﺑﺘﺎﯾﺎﺗﮭﺎ۔ﺑﮭﺎﺑﮭﯽ ﮐﯽ ﺑﮭﯽ ﮐﺘﻨﯽ ﮐﺰﻧﺰ ﺁﺋﯿﮟ ﺗﮭﯿﮟ ﺍﺳﮑﮯ ﺑﺎﺭﮮ ﻣﯿﮟ۔۔۔۔۔ “
ﻭﮦ ﺍﺳﮯ ﺍﺏ ﻗﺎﺋﻞ ﮐﺮﻧﮯ ﮐﮯ ﻟﯿﮯ ﻣﺜﺎﻟﯿﮟ ﺩﮮ ﺭﮨﯽ ﺗﮭﯽ۔
” ﺑﮭﺎﺑﮭﯽ ﺁﺋﯿﮟ ﺗﮭﯽ ﺍﺳﮑﮯ ﭘﺎﺱ؟ “ ﺍﺱ ﻧﮯ ﭼﻮﻧﮏ ﮐﺮ ﭘﻮﭼﮭﺎ۔
” ﻧﮩﯿﮟ “ ﻭﮦ ﺍﭨﮑﯽ۔
” ﺗﻮ؟ “
” ﺗﻮ ﯾﮧ ﮐﮯ ﺍﻧﮑﻮ ﺍﻧﭩﺮﺳﭧ ﻧﮩﯿﮟ ﮨﻮ ﮔﺎ۔۔ﻣﺠﮭﮯ ﺗﻮ ﮨﮯ۔۔ﺍﻭﺭ ﺗﻢ ﻧﮩﯿﮟ ﻟﮯ ﮐﺮ ﺟﺎٶ ﮔﮯ ﺗﻮ ﻣﯿﮟ ﺧﻮﺩ ﭼﻠﯽ ﺟﺎٶﮞ ﮔﯽ “ ﻭﮦ ﺍﯾﮏ ﺩﻡ ﺳﻨﺠﯿﺪﮦ ﮨﻮ ﮔﺌﯽ ﺗﮭﯽ۔
” ﮐﺐ؟ “
” ﺍﺑﮭﯽ۔ “
ﻭﮦ ﺑﮯﺍﺧﺘﯿﺎﺭ ﮨﻨﺴﺎ ﺍﻭﺭ ﺍﺱ ﻧﮯ ﮨﺘﮭﯿﺎﺭ ﮈﺍﻟﺘﮯ ﮨﻮﮰ ﮐﮩﺎ۔
” ﭘﺎﻣﺴﭧ ﮐﻮ ﮨﺎﺗﮫ ﺩﮐﮭﺎﻧﺎ ﺩﻧﯿﺎ ﮐﯽ ﺳﺐ ﺳﮯ ﺑﮍﯼ ﺣﻤﺎﻗﺖ ﮨﮯ، ﺍﻭﺭ ﻣﯿﮟ ﺗﻢ ﺳﮯ ﺍﯾﺴﯽ ﮐﺴﯽ ﺣﻤﺎﻗﺖ ﮐﯽ ﺗﻮﻗﻊ ﻧﮩﯿﮟ ﮐﺮﺗﺎ ﺗﮭﺎ۔ “
ﻟﯿﮑﻦ ” ﺍﺏ ﺗﻢ ﺿﺪ ﮐﺮ ﺭﮨﯽ ﮨﻮ ﺗﻮ ﭨﮭﯿﮏ ﮨﮯ۔۔۔ﺗﻢ ﺩﮐﮭﺎ ﻟﻮ ﮨﺎﺗﮫ۔ “
” ﺗﻢ ﻧﮩﯿﮟ ﺩﮐﮭﺎٶﮔﮯ؟ “ ﺍﺳﮑﮯ ﺳﺎﺗﮫ ﻻﺑﯽ ﮐﯽ ﻃﺮﻑ ﺟﺎﺗﮯ ﮨﻮﮰ ﺍﺱ ﻧﮯ ﮐﮩﺎ۔
” ﻧﮩﯿﮟ۔ “ ﺍﺱ ﻧﮯ ﺩﻭ ﭨﻮﮎ ﺍﻧﺪﺍﺯ ﻣﯿﮟ ﮐﮩﺎ۔
” ﭼﻠﻮ ﮐﻮﺋﯽ ﺑﺎﺕ ﻧﮩﯿﮟ۔۔۔ﺧﻮﺩ ﮨﯽ ﺗﻮ ﮐﮩﮧ ﺭﮨﮯ ﮨﻮ ﮐﮯ ﮐﮧ ﻣﯿﺮﺍ ﺍﻭﺭ ﺗﻤﮩﺎﺭﺍ ﻣﺴﺘﻘﺒﻞ ﺍﯾﮏ ﮨﮯ ﺗﻮ ﺟﻮ ﮐﭽﮫ ﻣﯿﺮﮮ ﺑﺎﺭﮮ ﻣﯿﮟ ﺑﺘﺎﮰ ﮔﺎ ﭘﺎﻣﺴﭧ،ﻭﮦ ﺗﻤﮩﺎﺭﮮ ﺑﺎﺭﮮ ﻣﯿﮟ ﺑﮭﯽ ﺗﻮ ﮨﻮﮔﺎ۔ “ ﻭﮦ ﺍﺏ ﺍﺳﮯ ﭼﮭﯿﮍ ﺭﮨﯽ ﺗﮭﯽ۔
” ﻣﺜﻼً ؟ “ ﺍﺱ ﻧﮯ ﺑﮭﻨﻮﯾﮟ ﺍﭼﮑﺎﺗﮯ ﮨﻮﮰ ﺍﺱ ﺳﮯ ﭘﻮﭼﮭﺎ۔
” ﻣﺜﻼً۔۔ﺍﭼﮭﯽ ﺧﻮﺷﮕﻮﺍﺭ ﺍﺯﻭﺍﺟﯽ ﺯﻧﺪﮔﯽ ﺍﮔﺮ ﻣﯿﺮﯼ ﮨﻮ ﮔﯽ ﺗﻮ ﺗﻤﮩﺎﺭﯼ ﺑﮭﯽ ﮨﻮﮔﯽ۔ “
” ﺿﺮﻭﺭﯼ ﻧﮩﯿﮟ ﮨﮯ “ ﻭﮦ ﺍﺳﮯ ﭼﮭﯿﮍ ﺭﮨﺎ ﺗﮭﺎ۔
” ﮨﻮﺳﮑﺘﺎ ﮨﮯ ﺷﻮﮨﺮ ﮐﮯ ﻃﻮﺭ ﭘﺮ ﻣﯿﺮﯼ ﺯﻧﺪﮔﯽ ﺑﺮﯼ ﮔﺰﺭﮮ ﺗﻤﮩﺎﺭﮮ ﺳﺎﺗﮫ “
” ﺗﻮ ﻣﺠﮭﮯ ﮐﯿﺎ؟۔ﻣﯿﺮﯼ ﺗﻮ ﺍﭼﮭﯽ ﮔﺰﺭ ﺭﮨﯽ ﮨﻮﮔﯽ۔ “ ﺍﺱ ﺍﺱ ﻧﮯ ﮐﻨﺪﮬﮯ ﺍﭼﮑﺎ ﮐﺮ ﺍﭘﻨﯽ ﺑﮯ ﻧﯿﺎﺯﯼ ﺩﮐﮭﺎﺋﯽ۔
” ﺗﻢ ﻋﻮﺭﺗﯿﮟ ﮐﺘﻨﯽ ﺳﯿﻠﻔﺶ ( ﺧﻮﺩﻏﺮﺽ ) ﮨﻮﺗﯽ ﮨﻮ۔ “ ﺍﺱ ﻧﮯ ﺳﺎﺗﮫ ﭼﻠﺘﮯ ﮨﻮﮰ ﺟﯿﺴﮯ ﺍﺳﮑﮯ ﺭﻭﯾﮯ ﮐﯽ ﻣﺰﻣﺖ ﮐﯽ۔
” ﺗﻮ ﻧﮧ ﮐﯿﺎ ﮐﺮﻭ،ﭘﮭﺮ ﮨﻢ ﺳﮯ ﺷﺎﺩﯼ۔۔۔ﻧﮧ ﮐﯿﺎ ﮐﺮﻭ،ﮨﻢ ﺳﮯ ﻣﺤﺒﺖ۔۔ﮨﻢ ﮐﻮﻥ ﺳﺎ ﻣﺮﯼ ﺟﺎﺭﮨﯽ ﮨﻮﺗﯽ ﮨﯿﮟ ﺗﻢ ﻣﺮﺩﻭﮞ ﮐﮯ ﻟﯿﮯ؟ “ ﺍﺱ ﻧﮯ ﻣﺬﺍﻕ ﺍﮌﺍﻧﮯ ﻭﺍﻟﮯ ﺍﻧﺪﺍﺯ ﻣﯿﮟ ﮐﮩﺎﺗﮭﺎ۔ﻭﮦ ﮨﻨﺲ ﭘﮍﺍ ” ﭼﻨﺪ ﻟﻤﺤﻮﮞ ﮐﮯ ﻟﯿﮯ ﻭﮦ ﻭﺍﻗﻌﯽ ﻻﺟﻮﺍﺏ ﮨﻮ ﮔﯿﺎ ﺗﮭﺎ۔ “
” ﮨﺎﮞ۔۔ﮨﻢ ﮨﯽ ﻣﺮﮮﺟﺎ ﺭﮨﮯ ﮨﻮﺗﮯ ﮨﯿﮟ ﺗﻢ ﻟﻮﮔﻮﮞ ﭘﺮ۔۔ﻋﺰﺕ ﮐﯽ ﺯﻧﺪﮔﯽ ﺭﺍﺱ ﻧﮩﯿﮟ ﺁﺗﯽ،ﺷﺎﯾﺪ ﺍﺱ ﻟﯿﮯ۔۔ “ ﻭﮦ ﭼﻨﺪ ﻟﻤﺤﻮﮞ ﺑﻌﺪ ﺑﮍﺑﮍﺍﯾﺎ۔
” ﺗﻤﮩﺎﺭﺍ ﻣﻄﻠﺐ ﮨﮯ ﺗﻢ ﺷﺎﺩﯼ ﺳﮯ ﭘﮩﻠﮯ ﻋﺰﺕ ﮐﯽ ﺯﻧﺪﮔﯽ ﮔﺰﺍﺭ ﺭﮨﮯ ﺗﮭﮯ۔ “ ﻭﮦ ﯾﮑﺪﻡ ﺑﺮﺍ ﻣﺎﻥ ﮔﺌﯽ۔
” ﮨﻢ ﺷﺎﯾﺪ ﺟﻨﺮﻻﺋﺰ ﮐﺮ ﺭﮨﮯ ﺗﮭﮯ۔ “ ﻭﮦ ﺍﺳﮑﺎ ﺑﺪﻟﺘﺎ ﻣﻮﮈ ﺩﯾﮑﮫ ﮐﮯ ﮔﮍﺑﮍﺍﯾﺎ۔
” ﻧﮩﯿﮟ۔۔ﺗﻢ ﺻﺮﻑ ﺍﭘﻨﯽ ﺑﺎﺕ ﮐﺮﻭ۔ “
” ﺗﻢ ﺍﮔﺮ ﻧﺎﺭﺍﺽ ﮨﻮ ﺭﮨﯽ ﮨﻮ ﺗﻮ ﭼﻠﻮ ﭘﮭﺮ ﭘﺎﻣﺴﭧ ﮐﮯ ﭘﺎﺱ ﻧﮩﯿﮟ ﺟﺎﺗﮯ۔ “ ﺍﺱ ﻧﮯ ﺑﮍﯼ ﺳﮩﻮﻟﺖ ﺳﮯ ﺍﺳﮯ ﻣﻮﺿﻮﻉ ﺳﮯ ﮨﭩﺎﯾﺎ ﺗﮭﺎ۔
” ﻧﮩﯿﮟ،ﻣﯿﮟ ﮐﺐ ﻧﺎﺭﺍﺽ ﮨﻮﮞ،ﻭﯾﺴﮯ ﮨﯽ ﭘﻮﭼﮫ ﺭﮨﯽ ﺗﮭﯽ۔ “ ﺍﺳﮑﺎ ﻣﻮﮈ ﺍﯾﮏ ﻟﻤﺤﮯ ﻣﯿﮟ ﺑﺪﻻ ﺗﮭﺎ۔
” ﻭﯾﺴﮯ ﺗﻢ ﭘﻮﭼﮭﻮ ﮔﯽ ﮐﯿﺎ ﭘﺎﻣﺴﭧ ﺳﮯ؟ “ ﺍﺱ ﻧﮯ ﺑﺎﺕ ﮐﻮﻣﺰﯾﺪ ﮔﮭﻤﺎﯾﺎ۔
” ﺑﮍﯼ ﭼﯿﺰﯾﮟ ﮨﯿﮟ۔ “ ﺍﺱ ﻧﮯ ﺑﮍﯼ ﺳﻨﺠﯿﺪﮔﯽ ﺳﮯ ﺟﻮﺍﺏ ﺩﯾﺎ ۔ﻭﮦ ﺍﺳﮯ ﮐﭽﮫ ﮐﮩﻨﺎ ﭼﺎﮦ ﺭﮬﺎ ﺗﮭﺎ۔ﻣﮕﺮ ﺗﺐ ﺗﮏ ﻭﮦ ﭘﺎﻣﺴﭧ ﮐﮯ ﭘﺎﺱ ﭘﮩﻨﭻ ﭼﮑﮯ ﺗﮭﮯ۔
ﺍﯾﮏ ﻃﺮﻑ ﺭﮐﮭﯽ ﮐﺮﺳﯽ ﭘﺮ ﺑﯿﭩﮭﺎ ﻭﮦ ﻏﯿﺮ ﺩﻟﭽﺴﭙﯽ ﺳﮯ ﺍﭘﻨﯽ ﺑﯿﻮﯼ ﺍﻭﺭ ﭘﺎﻣﺴﭧ ﮐﯽ ﮔﻔﺘﮕﻮ ﺳﻨﺘﺎ ﺭﮨﺎ ﻟﯿﮑﻦ ” ﺍﺳﮯ ﺍﭘﻨﯽ ﺑﯿﻮﯼ ﮐﯽ ﺩﻟﭽﺴﭙﯽ ﺍﻭﺭ ﺳﻨﺠﯿﺪﮔﯽ ﺩﯾﮑﮫ ﮐﺮ ﺣﯿﺮﺕ ﮨﻮﺋﯽ ﺗﮭﯽ۔ “
ﭘﺎﻣﺴﭧ ﺍﺏ ﺍﺱ ﮐﺎ ﮨﺎﺗﮫ ﭘﮑﮍﮮ ﻋﺪﺳﮯ ﮐﯽ ﻣﺪﺩ ﺳﮯ ﺍﺱ ﮐﯽ ﻟﮑﯿﺮﻭﮞ ﮐﺎ ﺟﺎﺋﺰﮦ ﻟﮯ ﺭﮨﺎ ﺗﮭﺎ۔ﭘﮭﺮ ﺍﺱ ﻧﮯ ﺑﮍﯼ ﺳﻨﺠﯿﺪﮔﯽ ﺳﮯ ﮐﮩﻨﺎ ﺷﺮﻭﻉ ﮐﯿﺎ۔
” ﻟﮑﯿﺮﻭﮞ ﮐﺎ ﻋﻠﻢ ﻧﺎ ﺗﻮ ﺣﺘﻤﯽ ﮨﻮﺗﺎ ﮨﮯ ﻧﺎ ﮨﯽ ﺍﻟﮩﺎﻣﯽ۔ﮨﻢ ﺻﺮﻑ ﻭﮨﯽ ﺑﺘﺎﺗﮯ ﮨﯿﮟ ﺟﻮ ﻟﮑﯿﺮﯾﮟ ﺑﺘﺎ ﺭﮨﯽ ﮨﻮﺗﯽ ﮨﯿﮟ۔ﺑﮩﺮﺣﺎﻝ ﻣﻘﺪﺭ ﺑﺘﺎﻧﺎ ﺳﻨﻮﺍﺭﺗﺎ ﺍﻭﺭ ﺑﮕﺎﮌﺗﺎ ﺻﺮﻑ ﺍﻟﻠﮧ ﮨﮯ۔ “
ﻭﮦ ﺑﺎﺕ ﮐﺮﺗﮯ ﮐﺮﺗﮯ ﭼﻨﺪ ﻟﻤﺤﮯ ﮐﮯ ﻟﯿﮯ ﺭﮐﺎ۔ﭘﮭﺮ ﺍﺱ ﻧﮯ ﺍﺱ ﮐﮯ ﮨﺎﺗﮫ ﭘﺮ ﺣﯿﺮﺍﻧﯽ ﺳﮯ ﺩﯾﮑﮭﺘﮯ ﮨﻮﺋﮯ ﺍﺱ ﮐﮯ ﭼﮩﺮﮮ ﮐﻮ ﺩﯾﮑﮭﺎ ﭘﮭﺮ ﺑﺮﺍﺑﺮ ﮐﯽ ﮐﺮﺳﯽ ﭘﺮ ﺑﯿﭩﮭﮯ ﺍﺱ ﮐﮯ ﺷﻮﮨﺮ ﮐﻮ ﺟﻮ ﺍﺱ ﻭﻗﺖ ﺍﭘﻨﮯ ﺑﻠﯿﮏ ﺑﯿﺮﯼ ﭘﺮ ﻣﯿﺴﯿﺠﺰ ﺩﯾﮑﮭﻨﮯ ﻣﯿﮟ ﻣﺼﺮﻭﻑ ﺗﮭﺎ۔
” ﺑﮍﯼ ﺣﯿﺮﺍﻧﯽ ﮐﯽ ﺑﺎﺕ ﮨﮯ .“ ﭘﺎﻣﺴﭧ ﻧﮯ ﺩﻭﺑﺎﺭﻩ ﮨﺎﺗﮫ ﺩﯾﮑﮭﺘﮯ ﮨﻮﺋﮯ ﮐﮩﺎ۔
” ﮐﯿﺎ “ ؟ﺍﺱ ﻧﮯ ﮐﭽﮫ ﺑﮯ ﺗﺎﺏ ﮨﻮﮐﺮ ﭘﺎﻣﺴﭧ ﺳﮯ ﭘﻮﭼﮭﺎ۔
” ﺁﭖ ﮐﯽ ﯾﮧ ﭘﮩﻠﯽ ﺷﺎﺩﯼ ﮨﮯ؟ “
ﺑﻠﯿﮏ ﺑﯿﺮﯼ ﭘﺮ ﺍﭘﻨﮯ ﻣﯿﺴﺞ ﺩﯾﮑﮭﺘﮯ ﮨﻮﺋﮯ ﺍﺱ ﻧﮯ ﭘﺎﻣﺴﭧ ﮐﻮ ﭼﻮﻧﮏ ﮐﺮ ﺩﯾﮑﮭﺎ۔ﺍﺱ ﮐﺎ ﺧﯿﺎﻝ ﺗﮭﺎ۔ﯾﮧ ﺳﻮﺍﻝ ﺍﺱ ﮐﯽ ﻟﯿﮯ ﺗﮭﺎ۔ﻟﯿﮑﻦ ﭘﺎﻣﺴﭧ ﮐﯽ ﻣﺨﺎﻃﺐ ﺍﺱ ﮐﯽ ﺑﯿﻮﯼ ﺗﮭﯽ۔
” ﮨﺎﮞ۔ “ ﺍﺱ ﮐﯽ ﺑﯿﻮﯼ ﻧﮯ ﮐﭽﮫ ﺣﯿﺮﺍﻥ ﮨﻮ ﮐﺮ ﭘﮩﻠﮯ ﭘﺎﻣﺴﭧ ﮐﻮ ﭘﮭﺮ ﺍﺳﮯ ﺩﯾﮑﮭﺎ۔
” ﺍﻭﮦ ! ﺍﭼﮭﺎ۔۔۔۔ “ ﭖﺍﻣﺴﭧ ﭘﮭﺮ ﮐﺴﯽ ﻏﻮﺭﻭﻏﻮﺹ ﻣﯿﮟ ﻣﺒﺘﻼ ﮨﻮﮔﯿﺎ ﺗﮭﺎ۔
” ﺁﭖ ﮐﮯ ﮨﺎﺗﮫ ﭘﺮ ﺩﻭﺳﺮﯼ ﺷﺎﺩﯼ ﮐﯽ ﻟﮑﯿﺮ ﮨﮯ۔ﺍﯾﮏ ﻣﻀﺒﻮﻁ ﻟﮑﯿﺮ۔ﺍﯾﮏ ﺧﻮﺵ ﮔﻮﺍﺭ ﮐﺎﻣﯿﺎﺏ ﺩﻭﺳﺮﯼ ﺷﺎﺩﯼ۔ “
ﭘﺎﻣﺴﭧ ﻧﮯ ﺍﺱ ﮐﺎ ﮨﺎﺗﮫ ﺩﯾﮑﮭﺘﮯ ﮨﻮﺋﮯ ﺟﯿﺴﮯ ﺣﺘﻤﯽ ﺍﻧﺪﺍﺯ ﻣﯿﮟ ﮐﮩﺎ۔ﺍﺱ ﮐﺎ ﺭﻧﮓ ﺍﮌ ﮔﯿﺎ ﺗﮭﺎ۔ﺍﺱ ﻧﮯ ﺍﭘﻨﮯ ﺷﻮﮨﺮ ﮐﻮ ﻣﮍ ﮐﺮ ﺩﯾﮑﮭﺎ۔ﻭﮦ ﺍﭘﻨﯽ ﺟﮕﮧ ﭘﺮ ﺑﺎﻟﮑﻞ ﺳﺎﮐﺖ ﺗﮭﺎ
********************
ﺟﺎﺭﯼ ﮨﮯ ۔۔۔۔۔۔۔۔۔۔۔۔۔۔۔
