┄┅════❁ ﷽ ❁════┅┄
ناول: آب_حیات
از: عمیرہ_احمد
قسط_نمبر_15
ﭨﯿﮑﺴﭧ ﻣﯿﺴﺞ ﻣﯿﮟ ﺍﺳﮑﮯ ﻟﯿﮯ ﺍﯾﮏ ﺭﯼ ﻟﻮﮈ ﮐﺎﺭﮈ ﻧﻤﺒﺮ ﺗﮭﺎ ﺍﻭﺭ ﺍﺳﮑﮯ ﻧﯿﭽﮯ ﺩﻭ ﻟﻔﻆ۔۔ ” ﮔﮉﻧﺎﺋﯿﭧ ﺳﻮﯾﭧ ﮨﺎﺭﭦ “!
ﭘﮩﻠﮯ ﺍﺳﮯ ﺷﺪﯾﺪ ﻏﺼﮧ ﺁﯾﺎ ﭘﮭﺮ ﺑﺮﯼ ﻃﺮﺡ ﺭﻭﻧﺎ۔ﺍﺳﮯ ﭘﮩﻠﮯ ﺑﮭﯽ ﺯﻧﺪﮔﯽ ﻣﯿﮟ ﺳﺎﻻﺭ ﺳﮯ ﺑﺮﺍ ﮐﻮﺋﯽ ﻧﮩﯿﮟ ﻟﮕﺎ ﺗﮭﺎ ﺍﻭﺭ ﺁﺝ ﺑﮭﯽ ﺍﺱ ﺳﮯ ﺑﺮﺍ ﮐﻮﺋﯽ ﻧﮩﯿﮟ ﻟﮓ ﺭﮨﺎ ﺗﮭﺎ۔
**********
” ﺁﻣﻨﮧ ﺳﮯ ﺑﺎﺕ ﮐﺮﻭﺍ ﺩﻭ۔۔۔ ﻣﯿﮟ ﺍﻭﺭ ﻃﯿﺒﮧ ﺑﮭﯽ ﺍﺱ ﺳﮯ ﺑﺎﺕ ﮐﺮ ﻟﯿﮟ ۔۔ﺷﺎﺩﯼ ﮐﺮﻟﯽ۔۔۔ﺍﺳﮯ ﮔﮭﺮ ﺑﮭﯽ ﻟﮯ ﺁٶ۔۔ﺍﺏ ﮐﺴﯽ ﮐﺎﻡ ﻣﯿﮟ ﮨﻤﺎﺭﺍ ﺑﮭﯽ ﮐﻮﺋﯽ ﺣﺼﮧ ﮨﮯ ﯾﺎ ﻧﮩﯿﮟ۔ “ ﺳﮑﻨﺪﺭ ﺍﺑﺘﺪﺍﺋﯽ ﺳﻼﻡ ﺩﻋﺎ ﮐﮯ ﺳﺎﺗﮫ ﭼﮭﻮﭨﺘﮯ ﮨﯽ ﺍﺱ ﺳﮯ ﮐﮩﺎ۔
” ﻭﮦ ﺁﺝ ﺍﭘﻨﮯ ﻣﯿﮑﮯ ﻣﯿﮟ ﮨﮯ۔ “ ﺳﺎﻻﺭ ﻧﮯ ﮐﭽﮫ ﺳﻮﭺ ﮐﺮ ﮐﮩﺎ۔ﻭﮦ ﺍﺑﮭﯽ ﮐﭽﮫ ﺩﯾﺮ ﭘﮩﻠﮯ ﮨﯽ ﺳﻌﯿﺪﮦ ﺍﻣﺎﮞ ﮐﮯ ﮔﮭﺮ ﺳﮯ ﻭﺍﭘﺲ ﺁﯾﺎ ﺗﮭﺎ۔ “
” ﺗﻮ ﺑﺮﺧﻮﺩﺍﺭ ! ﺗﻢ ﺑﮭﯽ ﺍﭘﻨﮯ ﺳﺴﺮﺍﻝ ﻣﯿﮟ ﮨﯽ ﭨﮭﮩﺮﺗﮯ،ﺗﻢ ﻣﻨﮧ ﺍُﭨﮭﺎﮐﺮ ﺍﭘﻨﮯ ﺍﭘﺎﺭﭨﻤﻨﭧ ﻣﯿﮟ ﺁﮔﺌﮯ۔ “ ﺳﮑﻨﺪﺭ ﻧﮯ ﺍﺳﮯ ﮈﺍﻧﭩﺎ،ﻭﮦ ﺟﻮﺍﺑﺎً ﮨﻨﺴﺎ۔
” ﻣﻤﯽ ﭘﺎﺱ ﮨﯽ ﮨﯿﮟ؟ “ ﺍﺱ ﻧﮯ ﻣﻮﺿﻮﻉ ﺑﺪﻻ۔
” ﮨﺎﮞ۔۔ﮐﯿﻮﮞ ﺑﺎﺕ ﮐﺮﻧﯽ ﮨﮯ؟ “
” ﻧﮩﯿﮟ،ﻓﯽ ﺍﻟﺤﺎﻝ ﺗﻮ ﺁﭖ ﺳﮯ ﮨﯽ ﺑﺎﺕ ﮐﺮﻧﯽ ﮨﮯ۔۔ﺑﻠﮑﮧ ﺯﯾﺎﺩﮦ ﺳﯿﺮﯾﺲ ﺑﺎﺕ ﮐﺮﻧﯽ ﮨﮯ۔ “
ﺳﮑﻨﺪﺭ ﯾﮑﺪﻡ ﺳﯿﺪﮬﮯ ﮨﻮ ﮐﺮ ﺑﯿﭩﮭﮯ۔ﯾﮧ ﺳﺎﻻﺭ ﺳﮑﻨﺪﺭ ” ﺗﮭﺎ “ ﻭﮦ ﺍﮔﺮ ﺳﯿﺮﯾﺲ ﮐﮩﮧ ﺭﮨﺎ ﺗﮭﺎ ﺗﻮ ﯾﻘﯿﻨﺎً ﺑﺎﺕ ﺑﮩﺖ ” ﺳﯿﺮﯾﺲ ﺗﮭﯽ۔ “
” ﮐﯿﺎ ﺑﺎﺕ ﮨﮯ؟ “
” ﻣﺠﮭﮯ ﺍﺻﻞ ﻣﯿﮟ ﺁﻣﻨﮧ ﮐﮯ ﺑﺎﺭﮮ ﻣﯿﮟ ﺁﭘﮑﻮ ﮐﭽﮫ ﺑﺘﺎﻧﺎ ﮨﮯ۔ “
ﺳﮑﻨﺪﺭ ﺍﻟﺠﮫ ﮔﺌﮯ۔ﻭﮦ ﺁﻣﻨﮧ ﮐﮯ ﺑﺎﺭﮮ ﻣﯿﮟ ﺍﻧﮩﯿﮟ ﻧﮑﺎﺡ ﮐﮯ ﺑﻌﺪ ﮨﯽ ﺑﺘﺎ ﭼﮑﺎ ﺗﮭﺎ۔ﮈﺍﮐﭩﺮ ﺳﺒﻂ ﻋﻠﯽ ﮐﯽ ﺑﯿﭩﯽ ﺟﺴﮑﮯ ﺳﺎﺗﮫ ﺍﺱ ﻧﮯ ﺍﭘﻨﯽ ﮐﭽﮫ ﺫﺍﺗﯽ ﻭﺟﻮﮨﺎﺕ ﮐﯽ ﺑﻨﺎﭘﺮ ﺍﯾﻤﺮﺟﻨﺴﯽ ﻣﯿﮟ ﻧﮑﺎﺡ ﮐﯿﺎ ﺗﮭﺎ۔ﺳﮑﻨﺪﺭ ﻋﺜﻤﺎﻥ ﮈﺍﮐﭩﺮ ﺳﺒﻂ ﻋﻠﯽ ﮐﻮ ﺟﺎﻧﺘﮯ ﺗﮭﮯﺍﻭﺭ ﺳﺎﻻﺭ ﮐﮯ ﺗﻮﺳﻂ ﺳﮯ ﺩﻭ ﺗﯿﻦ ﺑﺎﺭ ﻣﻞ ﺑﮭﯽ ﭼﮑﮯ ﺗﮭﮯ۔ﻭﮦ ﮈﺍﮐﭩﺮ ﺳﺒﻂ ﻋﻠﯽ ﮐﯽ ﺑﯿﭩﯽ ﮐﯽ ﺑﺠﺎﮰ ﮐﺴﯽ ﺑﮭﯽ ﻟﮍﮐﯽ ﺳﮯ ﺍﺳﻄﺮﺡ ﺍﭼﺎﻧﮏ ﺍﻥ ﻟﻮﮔﻮﮞ ﮐﻮ ﻣﻄﻠﻊ ﮐﯿﮯ ﺑﻐﯿﺮ ﻧﮑﺎﺡ ﮐﺮﺗﺎ ﺗﺐ ﺑﮭﯽ ﺍﻧﮩﯿﮟ ﺍﻋﺘﺮﺍﺽ ﻧﮧ ﮨﻮﺗﺎ۔ﻭﮦ ﺍﻭﺭ ﺍﻥ ﮐﯽ ﻓﯿﻤﻠﯽ ﮐﭽﮫ ﺍﺗﻨﯽ ﻟﺒﺮﻝ ﺗﮭﯽ ﺍﻭﺭ ﺳﺎﻻﺭ ﺗﻮ ﺑﮩﺮﺣﺎﻝ ” ﺍﺳﭙﯿﺸﻞ ﮐﯿﺲ ﺗﮭﺎ “ ۔۔ﯾﮧ ﻣﻤﮑﻦ ﻧﮩﯿﮟ ﺗﮭﺎ ﮐﮧ ﻭﮦ ﺷﺎﺩﯼ ﺍﻧﺴﺎﻧﻮﮞ ﮐﯽ ﻃﺮﺡ ﮐﺮﺗﺎ۔۔۔ﯾﮧ ﺗﺒﺼﺮﮦ ﻃﯿﺒﮧ ﮐﺎ ﺗﮭﺎ ﺟﻮ ﺍﻧﮩﻮﮞ ﻧﮯ ﺍﺳﮑﮯ ﻧﮑﺎﺡ ﮐﯽ ﺧﺒﺮ ﻣﻠﻨﮯ ﭘﺮ ﻗﺪﺭﮮ ﻏﻔﮕﯽ ﻟﯿﮑﻦ ﺍﻃﻤﯿﻨﺎﻥ ﮐﮯ ﺳﺎﺗﮫ ﮐﯿﺎ ﺗﮭﺎﺍﻭﺭ ﺍﺏ ﻭﮦ ﮐﮩﮧ ﺭﮨﺎ ﺗﮭﺎ ﺍﺳﮯﺁﻣﻨﮧ ﮐﮯ ﺑﺎﺭﮮ ﻣﯿﮟ ﮐﭽﮫ ﺑﺘﺎﻧﺎ ﺗﮭﺎ۔
” ﮐﯿﺎ ﺑﺘﺎﻧﺎ ﮨﮯ ﺁﻣﻨﮧ ﮐﮯ ﺑﺎﺭﮮ ﻣﯿﮟ؟ “
ﺳﺎﻻﺭ ﻧﮯ ﮔﻼ ﺻﺎﻑ ﮐﯿﺎ۔ﺑﺎﺕ ﮐﯿﺴﮯ ﺷﺮﻭﻉ ﮐﺮﮮ،ﺍﺳﮯ ﺳﻤﺠﮫ ﻧﮩﯿﮟ ﺁﺭﮨﺎ ﺗﮭﺎ۔
” ﺁﻣﻨﮧ ﺍﺻﻞ ﻣﯿﮟ ﺍﻣﺎﻣﮧ ﮨﮯ۔ “ ﺗﻤﮩﯿﺪ ﺍﺱ ﻧﮯ ﺯﻧﺪﮔﯽ ﻣﯿﮟ ﮐﺒﮭﯽ ﻧﮩﯿﮟ ﺑﺎﻧﺪﮬﯽ ﺗﮭﯽ،ﭘﮭﺮﺍﺏ ﮐﯿﺴﮯ ﺑﺎﻧﺪﮬﺘﺎ۔ﺩﻭﺳﺮﯼ ﻃﺮﻑ ﯾﮑﺪﻡ ﺧﺎﻣﻮﺷﯽ ﭼﮭﺎ ﮔﺌﯽ۔ﺳﮑﻨﺪﺭ ﮐﻮ ﻟﮕﺎ،ﺍﻧﮩﯿﮟ ﺳﻨﻨﮯ ﻣﯿﮟ ﮐﭽﮫ ﻏﻠﻂ ﻓﮩﻤﯽ ﮨﻮﺋﯽ ﮨﮯ۔
” ﮐﯿﺎ ۔۔۔ﮐﯿﺎ ﻣﻄﻠﺐ؟ “ ﺍﻧﮩﻮﮞ ﻧﮯ ﺗﺼﺪﯾﻖ ﭼﺎﮨﯽ۔
” ﺍﻣﺎﻣﮧ ﮐﻮ ﮈﺍﮐﭩﺮ ﺻﺎﺣﺐ ﻧﮯ ﺍﭘﻨﮯ ﮔﮭﺮ ﻣﯿﮟ ﭘﻨﺎ ﺩﯼ ﺗﮭﯽ۔۔ﻭﮦ ﺍﺗﻨﮯ ﺳﺎﻟﻮﮞ ﺳﮯ ﺍﻧﮑﮯ ﭘﺎﺱ ﮨﯽ ﺗﮭﯽ۔ﺍﻧﮩﻮﮞ ﻧﮯ ﺍﺳﮑﺎ ﻧﺎﻡ ﭼﯿﻨﺞ ﮐﺮ ﺩﯾﺎ ﺗﮭﺎﺍﺳﮑﮯ ﺗﺤﻔﻆ ﮐﮯ ﻟﯿﮯ۔۔ﻣﺠﮭﮯ ﻧﮑﺎﺡ ﮐﮯ ﻭﻗﺖ ﯾﮧ ﭘﺘﺎ ﻧﮩﯿﮟ ﺗﮭﺎ ﮐﮧ ﻭﮦ ﺍﻣﺎﻣﮧ ﮨﮯ،ﻟﯿﮑﻦ ﻭﮦ ﺍﻣﺎﻣﮧ ﮨﯽ ﮨﮯ۔ “ ﺁﺧﺮﯼ ﺟﻤﻠﮯ ﮐﮯﻋﻼﻭﮦ ﺍﺳﮯ ﺑﺎﻗﯽ ﮐﯽ ﺗﻔﺼﯿﻞ ﺍﺣﻤﻘﺎﻧﮧ ﻧﮩﯿﮟ ﻟﮕﯽ۔
ﺳﮑﻨﺪﺭ ﻋﺜﻤﺎﻥ ﻧﮯ ﺭﮐﺘﯽ ﮨﻮﺋﯽ ﺳﺎﻧﺲ ﮐﮯ ﺳﺎﺗﮫ،ﻧﻨﮕﮯ ﭘﺎٶﮞ ﺍﭘﻨﮯ ﺑﺴﺘﺮ ﺳﮯ ﺍﺗﺮ ﮐﺮ ﺑﯿﮉﺭﻭﻡ ﮐﺎ ﺩﺭﻭﺍﺯﮦ ﮐﮭﻮﻝ ﮐﺮ،ﺑﮯﺣﺪ ﻋﺠﻠﺖ ﮐﮯ ﻋﺎﻟﻢ ﻣﯿﮟ ﺑﺎﮨﺮ ﻧﮑﻞ ﮔﺌﮯ۔ﻃﯿﺒﮧ ﻧﮯ ﮐﭽﮫ ﺣﯿﺮﺕ ﺳﮯ ﺍﻧﮩﯿﮟ ﺍﺳﻄﺮﺡ ﺍﭼﺎﻧﮏ ﺟﺎﺗﮯ ﺩﯾﮑﮭﺎ۔
” ﺍﯾﮏ ﺗﻮ ﺍﻥ ﺑﺎﭖ ﺑﯿﭩﮯ ﮐﺎ ﺭﻭﻣﺎﻧﺲ ﮨﯽ ﺧﺘﻢ ﻧﮩﯿﮟ ﮨﻮﺗﺎ،ﺍﺏ ﺩﻭ ﮔﮭﻨﭩﮯ ﻟﮕﺎ ﮐﺮ ﺁﺋﯿﮟ ﮔﮯ۔ “ ﻃﯿﺒﮧ ﻧﮯ ﻗﺪﺭﮮ ﻏﻔﮕﯽ ﺳﮯ ﺳﻮﭼﺎ ﺍﻭﺭ ﺩﻭﺑﺎﺭﮦ ﭨﯽ ﻭﯼ ﮐﯽ ﻃﺮﻑ ﻣﺘﻮﺟﮧ ﮨﻮ ﮔﺌﯽ۔
ﺑﺎﮨﺮ ﻻٶﻧﭻ ﻣﯿﮟ ﺳﮑﻨﺪﺭ ﻋﺜﻤﺎﻥ ﮐﮯ ﭼﻮﺩﮦ ﻃﺒﻖ ﺭﻭﺷﻦ ﮨﻮ ﺭﮨﮯ ﺗﮭﮯ۔ﻭﮦ ﺍﺑﮭﯽ ﭼﻨﺪ ﮔﮭﻨﭩﮯ ﭘﮩﻠﮯ ﮨﯽ ﻃﯿﺒﮧ ﺳﮯ ﺍﭘﻨﯽ ﺁﺧﺮﯼ ﺍﻭﻻﺩ ﮐﮯ ﺳﯿﭩﻞ ﮨﻮ ﺟﺎﻧﮯ ﭘﺮ ﺧﻮﺷﯽ ﺍﻭﺭ ﺍﻃﻤﯿﻨﺎﻥ ﮐﺎ ﺍﻇﮩﺎﺭ ﮐﺮﺗﮯ ﮨﻮﮰ ﺍﺳﮑﺎ ﻭﻟﯿﻤﮧ ﭘﻼﻥ ﮐﺮ ﺭﮨﮯ ﺗﮭﮯ ﺍﻭﺭ ﺍﻧﮩﯿﮟ ﻭﻗﺘﯽ ﻃﻮﺭ ﭘﺮ ﯾﮧ ﺑﮭﻮﻝ ﮔﯿﺎﺗﮭﺎ ﮐﮧ ﻭﮦ ﺁﺧﺮﯼ ﺍﻭﻻﺩ ” ﺳﺎﻻﺭ ﺳﮑﻨﺪﺭ “ ﺗﮭﺎ۔
ﺩﻭ ﮔﮭﻨﭩﮯ ﺗﮏ ﻻٶﻧﭻ ﻣﯿﮟ ﺍﺳﮑﮯ ﺳﺎﺗﮫ ﻃﻮﯾﻞ ﮔﻔﺖ ﻭ ﺷﻨﯿﺪ ﮐﮯ ﺑﻌﺪ ﻭﮦ ﺟﺐ ﺑﺎﻵﺧﺮ ﻭﺍﭘﺲ ﺑﯿﮉﺭﻭﻡ ﻣﯿﮟ ﺁﮰ ﺗﻮ ﻃﯿﺒﮧ ﺳﻮ ﭼﮑﯽ ﺗﮭﯽ ﻟﯿﮑﻦ ﺳﮑﻨﺪﺭ ﻋﺜﻤﺎﻥ ﮐﯽ ﻧﯿﻨﺪ ﺍﻭﺭﺍﻃﻤﯿﻨﺎﻥ ﺩﻭﻧﻮﮞ ﺭﺧﺼﺖ ﮨﻮ ﭼﮑﮯ ﺗﮭﮯ۔
********
ﺳﮑﻨﺪﺭ ﻋﺜﻤﺎﻥ ﺍﺱ ﺳﮯ ﻧﺎﺭﺍﺽ ﻧﮩﯿﮟ ﮨﻮﮰ ﺗﮭﮯﻟﯿﮑﻦ ﻭﮦ ﺍﻥ ﺗﻤﺎﻡ ﺧﺪﺷﺎﺕ ﮐﻮ ﺳﻤﺠﮫ ﺳﮑﺘﺎ ﺗﮭﺎ ﺟﻮ ﺍﯾﮏ ﺩﻡ ﺍﻥ ﮐﮯ ﺯﮨﻦ ﻣﯿﮟ ﺟﺎﮒ ﺍﭨﮭﮯ ﺗﮭﮯ۔ ﺍﺗﻨﮯ ﺳﺎﻝ ﺳﮯ ﮨﺎﺷﻢ ﻣﺒﯿﻦ ﮐﯽ ﻓﯿﻤﻠﯽ ﮐﮯ ﺳﺎﺗﮫ ﺍﻥ ﮐﮯ ﺗﻤﺎﻡ ﺗﻌﻠﻘﺎﺕ ﻣﮑﻠﻤﻞ ﻃﻮﺭ ﭘﺮ ﻣﻨﻘﻄﻊ ﺗﮭﮯ ﻟﯿﮑﻦ ﺍﺳﮑﮯ ﺑﺎﻭﺟﻮﺩ ﺳﺐ ﮐﭽﮫ ﭘﺮﺳﮑﻮﻥ ﺗﮭﺎ۔ﺍﻣﺎﻣﮧ ﮐﯽ ﺍﺱ ﻓﻮﺭﯼ ﮔﻤﺸﺪﮔﯽ ﮐﮯ ﺑﻌﺪ ﺷﺮﻭﻉ ﮐﮯ ﭼﻨﺪ ﻣﮩﻨﮯ ﻭﮦ ﺍﻧﮩﯿﮟ ﺗﻨﮓ ﮐﺮﺗﮯ ﺭﮨﮯ ﺗﮭﮯ ﻟﯿﮑﻦ ﺟﻮﮞ ﺟﻮﮞ ﺍﻧﮩﯿﮟ ﯾﻘﯿﻦ ﮨﻮﺗﺎ ﮔﯿﺎ ﮐﮧ ﺳﮑﻨﺪﺭ ﻋﺜﻤﺎﻥ ﺍﻭﺭ ﺳﺎﻻﺭ ﮐﺎ ﻭﺍﻗﻌﯽ ﺍﻣﺎﻣﮧ ﮐﮯ ﺳﺎﺗﮫ ﮐﻮﺋﯽ ﺭﺍﺑﻄﮧ ﻧﮩﯿﮟ ﮨﮯ ﺗﻮ ﺳﺎﺭﯼ ﮔﺮﺩ ﺟﯿﺴﮯ ﺁﮨﺴﺘﮧ ﺁﮨﺴﺘﮧ ﺑﯿﭩﮭﺘﯽ ﮔﺌﯽ۔ﺍﺳﮑﮯ ﺑﺎﻭﺟﻮﺩ ﻣﺒﯿﻦ ﮨﺎﺷﻢ ﮐﻮ ﺍﺏ ﺑﮭﯽ ﯾﻘﯿﻦ ﺗﮭﺎ ﮐﮧ ﺭﺍﺑﻄﮧ ﻧﮧ ﮨﻮﻧﮯ ﮐﮯ ﺑﺎﻭﺟﻮﺩ ﺍﻣﺎﻣﮧ ﮐﻮ ﺑﮭﮕﺎﻧﮯ ﻣﯿﮟ ﺳﺎﻻﺭ ﮐﺎ ﮐﺴﯽ ﻧﮧ ﮐﺴﯽ ﻃﺮﺡ ﮨﺎﺗﮫ ﺿﺮﻭﺭ ﺗﮭﺎ،ﻣﮕﺮﯾﮧ ﺑﺎﺕ ﺛﺎﺑﺖ ﮐﺮﻧﺎ ﻣﺸﮑﻞ ﺗﮭﺎﺍﻭﺭ ﺍﺏ ﻧﻮ ﺳﺎﻝ ﺑﻌﺪ ﯾﮑﺪﻡ ﺟﯿﺴﮯ ﺛﺒﻮﺕ ﺳﺎﻣﻨﮯ ﺁﮔﯿﺎ ﺗﮭﺎ۔ﺍﺳﮑﮯ ﻧﺘﯿﺠﮯ ﻣﯿﮟ ﮨﺎﺷﻢ ﻣﺒﯿﻦ ﺍﻭﺭ ﺍﺳﮑﯽ ﻓﯿﻤﻠﯽ ﮐﯿﺎ ﻃﻮﻓﺎﻥ ﺍُﭨﮭﺎﺗﯽ ﺍﺳﮑﮯ ﺑﺎﺭﮮ ﻣﯿﮟ ﺳﮑﻨﺪﺭ ﮐﻮ ﮐﻮﺋﯽ ﺧﻮﺵ ﻓﮩﻤﯽ ﻧﮩﯿﮟ ﺗﮭﯽ۔ﻭﮦ ﺍﮔﺮ ﭘﺮﯾﺸﺎﻥ ﺗﮭﮯ ﺗﻮ ﺳﺎﻻﺭ ﺍﻧﮑﯽ ﭘﺮﯾﺸﺎﻧﯽ ﺳﻤﺠﮫ ﺳﮑﺘﺎ ﺗﮭﺎ۔
ﺍﻥ ﺳﮯ ﺑﺎﺕ ﮐﺮﻧﮯ ﮐﮯ ﺑﻌﺪ ﻭﮦ ﺳﻮﻧﮯ ﮐﮯ ﻟﯿﮯ ﺑﯿﮉ ﭘﺮ ﺁﮐﺮ ﻟﯿﭧ ﮔﯿﺎ ﺍﻭﺭ ﺍﺱ ﻭﻗﺖ ﺍﺳﮯ ﺍﯾﮏ ﺑﺎﺭ ﭘﮭﺮ ﺍﻣﺎﻣﮧ ﯾﺎﺩ ﺁﺋﯽ۔ﺍﺱ ﻧﮯ ﮔﺮﺩﻥ ﻣﻮﮌ ﮐﺮ ﺍﺱ ﺧﺎﻟﯽ ﺑﺴﺘﺮ ﺍﻭﺭ ﺗﮑﯿﮯ ﮐﻮ ﺩﯾﮑﮭﺎ۔ﺍﺳﮯ ﭘﭽﮭﻠﯽ ﺭﺍﺕ ﺍﺱ ﺗﮑﯿﮯ ﭘﺮ ﺑﮑﮭﺮﯼ ﺯﻟﻔﯿﮟ ﯾﺎﺩ ﺁﺋﯿﮟ۔ﭼﻨﺪ ﻟﻤﺤﻮﮞ ﮐﮯ ﻟﯿﮯ ﺍﺳﮯ ﯾﻮﮞ ﻟﮕﺎ ﺟﯿﺴﮯ ﻭﮦ ﻭﮨﯿﮟ ﺗﮭﯽ۔ ﺍﺱ ﺗﮑﯿﮯ ﺳﮯ ﺍﺳﮑﮯ ﮐﻨﺪﮬﮯ ﺍﻭﺭﺍﺳﮑﮯ ﮐﻨﺪﮬﮯ ﺳﮯ ﺍﺳﮑﮯ ﺳﯿﻨﮯ ﺗﮏ ﺁﺗﯽ ﮨﻮﺋﯽ ﻭﮦ ﺳﯿﺎﮦ ﺭﯾﺸﻤﯽ ﺯﻟﻔﯿﮟ ﺍﯾﮏ ﺑﺎﺭ ﭘﮭﺮ ﺍﺱ ﺳﮯ ﻟﭙﭩﻨﮯ ﻟﮕﯽ ﺗﮭﯽ۔
ﺍﺱ ﻧﮯ ﻻﺋﭧ ﺁﻑ ﮐﺮﻧﮯ ﮐﯽ ﮐﻮﺷﺶ ﻧﮩﯿﮟ ﮐﯽ۔ﻭﮦ ﭘﭽﮭﻠﯽ ﺭﺍﺕ ﻧﮩﯿﮟ ﺗﮭﯽ ﮐﮧ ﺍﺳﮯﺗﺎﺭﯾﮑﯽ ﻣﯿﮟ ﺑﮭﯽ ﻧﯿﻨﺪ ﺁﺟﺎﺗﯽ۔
********
ﻭﮦ ﺳﺎﺭﯼ ﺭﺍﺕ ﻧﮩﯿﮟ ﺳﻮﺋﯽ۔ﻏﺼﮧ،ﺭﻧﺞ،ﺍﻑﺳﻮﺱ،ﺍﻭﺭ ﺁﻧﺴﻮ۔۔ﻭﮦ ﺍﯾﮏ ﮐﯿﻔﯿﺖ ﺳﮯ ﻧﮑﻠﺘﯽ،ﺩﻭﺳﺮﯼ ﻣﯿﮟ ﺩﺍﺧﻞ ﮨﻮﺗﯽ ﺭﮨﯽ۔
ﺳﺤﺮﯼ ﮐﮯ ﻭﻗﺖ ﺑﮭﯽ ﺍﺳﮑﺎﺩﻝ ﺑﺴﺘﺮ ﺳﮯﻧﮑﻞ ﮐﺮ ﺳﻌﯿﺪﮦ ﺍﻣﺎﮞ ﮐﺎ ﺳﺎﻣﻨﺎ ﮐﺮﻧﮯ ﮐﻮ ﻧﮩﯿﮟ ﭼﺎﮦ ﺭﮨﺎ ﺗﮭﺎ۔ﻭﮦ ﺍﻧﮩﯿﮟ ﺍﭘﻨﯽ ﺍﺗﺮﯼ ﮨﻮﺋﯽ ﺷﮑﻞ ﺩﮐﮭﺎﻧﺎ ﻧﮩﯿﮟ ﭼﺎﮨﺘﯽ ﺗﮭﯽ ﻟﯿﮑﻦ ﻣﺠﺒﻮﺭﯼ ﺗﮭﯽ۔ﺳﻌﯿﺪﮦ ﺍﻣﺎﮞ ﺍﺳﮯ ﻣﺠﺒﻮﺭ ﻧﮧ ﮐﺮﺗﯽ ﺗﻮ ﻭﮦ ﺳﺤﺮﯼ ﮐﮭﺎﮰ ﺑﺨﯿﺮ ﺭﻭﺯﮦ ﺭﮐﮭﺘﯽ۔ﻭﺍﭘﺲ ﮐﻤﺮﮮ ﻣﯿﮟ ﺁﻧﮯ ﭘﺮ ﺍﺱ ﻧﮯ ﺍﯾﮏ ﺑﺎﺭ ﭘﮭﺮ ﺍﭘﻨﮯ ﺳﯿﻞ ﭘﺮ ﺳﺎﻻﺭ ﮐﯽ ﻣﺴﮉﮐﺎﻝ ﺩﯾﮑﮭﯽ۔ﺍﺱ ﻧﮯ ﺳﯿﻞ ﺁﻑ ﮐﯿﺎ ﺍﻭﺭ ﮐﻤﺒﻞ ﻟﭙﯿﭧ ﮐﺮ ﺳﻮ ﮔﺌﯽ۔
ﺳﺎﻻﺭ ﻧﮯ ﺩﺱ ﺑﺠﮯ ﮐﮯ ﻗﺮﯾﺐ ﺁﻓﺲ ﺳﮯ ﺍﺳﮯ ﮐﺎﻝ ﮐﯽ،ﺳﯿﻞ ﺁﻑ ﺗﮭﺎ۔ﮔﯿﺎﺭﮦ ﺑﺠﮯ ﮐﺎﻝ ﮐﺮﻧﮯ ﭘﺮ ﺍﯾﮏ ﺑﺎﺭ ﭘﮭﺮ ﺳﯿﻞ ﺁﻑ ﻣﻼ۔ ﺍﺱ ﺩﻓﻌﮧ ﺍﺳﻨﮯ ﺳﻌﯿﺪﮦ ﺍﻣﺎﮞ ﮐﯽ ﻟﯿﻨﮉ ﻻﺋﻦ ﭘﺮ ﮐﺎﻝ ﮐﯽ۔
" ﺍﻣﺎﻣﮧ ﺳﻮ ﺭﮨﯽ ﮨﮯ " ﺍﻧﮩﻮﮞ ﻧﮯ ﭼﮭﻮﭨﺘﮯ ﮨﮯ ﺳﺮﺩﻣﮩﺮﯼ ﺳﮯ ﺍﻃﻼﻉ ﺩﯼ۔
" ﺍﭼﮭﺎ ' ﺟﺐ ﻭﮦ ﺍﭨﮭﮯ ﺗﻮ ﺁﭖ ﺍﺱ ﺳﮯ ﮐﮩﯿﮟ ﮐﮧ ﻣﺠﮭﮯ ﮐﺎﻝ ﮐﺮ ﻟﮯ " ﺍﺳﻨﮯ ﭘﯿﻐﺎﻡ ﺩﯾﺎ۔
" ﺩﯾﮑﮭﻮﮞ ﮔﯽ ' ﺍﮔﺮ ﺍﺳﮑﮯ ﭘﺎﺱ ﻓﺮﺻﺖ ﮨﻮﺋﺦ ﺗﻮ ﮐﺮ ﻟﮯ ﮔﯽ "
ﺳﻌﯿﺪﮦ ﺍﻣﺎﮞ ﻧﮯ ﯾﮧ ﮐﮩﮧ ﮐﺮ ﮐﮭﭩﺎﮎ ﺳﮯ ﻓﻮﻥ ﺑﻨﺪ ﮐﺮ ﺩﯾﺎ۔ ﻭﮦ ﺳﯿﻞ ﮨﺎﺗﮫ ﻣﯿﮟ ﭘﮑﮍﮮ ﺭﮦ ﮔﯿﺎ۔ ﺍﮔﻠﮯ ﭘﺎﻧﭻ ﻣﻨﭧ ﻭﮦ ﺍﺳﯽ ﭘﻮﺯﯾﺸﻦ ﻣﯿﮟ ﺑﯿﭩﮭﺎ ﺳﻌﯿﺪﮦ ﺍﻣﺎﮞ ﮐﮯ ﺟﻮﺍﻁ ﭘﺮ ﻏﻮﺭ ﮐﺮﺗﺎ ﺭﮨﺎ۔
ﺍﻣﺎﻣﮧ ﮐﻮ ﺍﺳﮑﺎ ﭘﯿﻐﺎﻡ ﻣﻞ ﮔﯿﺎ ﺗﮭﺎ ﺍﻭﺭ ﺳﻌﯿﺪﮦ ﺍﻣﺎﮞ ﻧﮯ ﺳﺎﻻﺭ ﮐﻮ ﺩﯾﺎ ﺟﺎﻧﮯ ﻭﻻ ﺟﻮﺍﺏ ﺑﮭﯽ ﺍﺳﮯ ﺳﻨﺎ ﺩﯾﺎ۔ ﻭﮦ ﺧﺎﻣﻮﺵ ﺭﮨﯽ۔
" ﺁﺝ ﺑﮭﺎﺋﯽ ﺻﺎﺣﺐ ﮐﯽ ﻃﺮﻑ ﭼﻠﯿﮟ ﮔﮯ " ﺳﻌﯿﺪﮦ ﺍﻣﺎﮞ ﻧﮯ ﺍﺳﮯ ﭼﭗ ﺩﯾﮑﮫ ﮐﺮ ﮐﮩﺎ۔
ﺁﺝ ﺭﮨﻨﮯ ﺩﯾﮟ۔ ﺳﺎﻻﺭ ﮐﮯ ﮔﮭﺮ ﻭﺍﻟﮯ ﺁ ﺭﮨﮯ ﮨﯿﮟ ﺑﻌﺪ ﻣﯿﮟ ﺑﺎﺕ ﮐﺮ ﻟﯿﮟ ﮔﮯ " ﺍﻣﺎﻣﮧ ﻧﮯ ﺳﻌﯿﺪﮦ ﺍﻣﺎﮞ ﺳﮯ ﮐﮩﺎ۔
ﺳﺎﻻﺭ ﻧﮯ ﮈﯾﮍﮪ ﺑﺠﮯ ﮐﮯ ﻗﺮﯾﺐ ﻓﻮﻥ ﮐﯿﺎ ﺍﻭﺭ ﺍﺳﮑﯽ ﺁﻭﺍﺯ ﺳﻨﺘﮯ ﮨﯽ ﮐﮩﺎ۔
" ﺗﮭﯿﻨﮏ ﮔﺎﮈ ! ﺗﻤﮩﺎﺭﯼ ﺁﻭﺍﺯ ﺳﻨﻨﺎ ﻧﺼﯿﺐ ﮨﻮﺍ ﻣﺠﮭﮯ۔۔۔ " ﻭﮦ ﺟﻮﺍﺑﺎً ﺧﺎﻣﻮﺵ ﺭﮨﯽ
" ﮈﺍﮐﭩﺮ ﺻﺎﺣﺐ ﮐﺎ ﮈﺭﺍﺋﯿﻮﺭ ﭘﮩﻨﭽﻨﮯ ﻭﺍﻻ ﮨﻮ ﮔﺎ۔ﺗﻢ ﺗﯿﺎﺭ ﮨﻮ ﺟﺎﺅ " ﺳﺎﻻﺭ ﻧﮯ ﺍﺳﮑﯽ ﺧﺎﻣﻮﺷﯽ ﻧﻮﭨﺲ ﮐﯿﮯ ﺑﻐﯿﺮ ﺍﺳﮯ ﺍﻃﻼﻉ ﺩﯼ۔
" ﮈﻧﺮ ﮐﯿﻠﯿﮯ ﮐﯿﺎ ﺑﻨﺎﻧﺎ ﮨﮯ؟ " ﺍﻣﺎﻣﮧ ﻧﮯ ﺟﻮﺍﺑﺎً ﮐﮩﺎ۔
" ﮐﻮﻥ ﺳﺎ ﮈﻧﺮ؟ "
" ﺗﻤﮩﺎﺭﮮ ﭘﯿﺮﻧﭩﺲ ﮐﮭﺎﻧﺎ ﻧﮩﯿﮟ ﮐﮭﺎﺋﯿﮟ ﮔﮯ ﮐﯿﺎ؟ "
" ﻧﮩﯿﮟ ' ﮈﻧﺮ ﻓﺮﻗﺎﻥ ﮐﮯ ﮔﮭﺮ ﭘﺮ ﮨﮯ "
" ﻣﯿﮟ ﮈﻧﺮ ﺧﻮﺩ ﺗﯿﺎﺭ ﮐﺮ ﻟﻮﮞ ﮔﯽ " ﺍﺳﻨﮯ ﺍﺱ ﺍﻃﻼﻉ ﭘﺮ ﺩﻭ ﭨﻮﮎ ﺍﻧﺪﺍﺯ ﻣﯿﮟ ﮐﮩﺎ۔
" ﯾﮧ ﮈﻧﺮ ﻭﮦ ﮨﻢ ﺩﻭﻧﻮﮞ ﮐﯿﻠﯿﮯ ﻧﮩﯿﮟ ﺑﻠﮑﮧ ﻣﻤﯽ ﭘﺎﭘﺎ ﺍﻭﺭ ﺍﻧﯿﺘﺎ ﮐﯿﻠﯿﮯ ﮐﺮ ﺭﮨﺎ ﮨﮯ " ﻭﮦ ﮐﭽﮫ ﺧﻔﯿﻒ ﺳﯽ ﮨﻮ ﮔﺌﯽ۔
" ﻟﯿﮑﻦ ﺳﺤﺮﯼ ﮐﯿﻠﯿﮯ ﺗﻮ ﮐﭽﮫ ﻧﮧ ﮐﭽﮫ ﮐﺮﻧﺎ ﮨﯽ ﮨﻮﮔﺎ "
" ﻣﯿﺮﯼ ﻓﯿﻤﻠﯽ ﻣﯿﮟ ﺭﻭﺯﮮ ﻭﻏﯿﺮﮦ ﮐﻮﺋﯽ ﻧﮩﯿﮟ ﺭﮐﮭﺘﺎ ' ﻟﯿﮑﻦ ﭘﻮﭼﮫ ﻟﻮﮞ ﮔﺎ ﺍﻭﺭ ﮐﺮ ﻟﯿﮟ ﮔﯿﮟ ﮐﭽﮫ ﻧﮧ ﮐﭽﮫ۔۔۔ ﻓﺮﯾﺞ ﻣﯿﮟ ﺑﮩﺖ ﮐﭽﮫ ﮨﮯ۔۔ﺗﻢ ﺍﺱ ﺟﮭﻨﺠﮭﭧ ﻣﯿﮟ ﻧﮧ ﭘﮍﻭ "
" ﮨﯿﻠﻮ ! " ﺳﺎﻻﺭ ﻧﮯ ﺟﯿﺴﮯ ﻻﺋﻦ ﭘﺮ ﺍﺳﮑﯽ ﻣﻮﺟﻮﺩﮔﯽ ﮐﻮ ﭼﯿﮏ ﮐﯿﺎ۔
" ﻣﯿﮟ ﺳﻦ ﺭﮨﯽ ﮨﻮﮞ " ﺍﺳﻨﮯ ﺟﻮﺍﺑﺎً ﮐﮩﺎ
" ﺍﻣﺎﻣﮧ ! ﺗﻢ ﺍﻭﺭ ﺳﻌﯿﺪﮦ ﺍﻣﺎﮞ ﮐﻞ ﺭﺍﺕ ﺭﻭ ﮐﯿﻮﮞ ﺭﮨﯽ ﺗﮭﯿﮟ؟ "
ﺳﺎﻻﺭ ﻧﮯ ﺑﻶﺧﺮ ﻭﮦ ﺳﻮﺍﻝ ﭘﻮﭼﮭﺎ ﺟﻮ ﭘﭽﮭﻠﯽ ﺭﺍﺕ ﺳﮯ ﺍﺳﮯ ﺗﻨﮓ ﮐﺮ ﺭﮨﺎ ﺗﮭﺎ۔
" ﺍﯾﺴﮯ ﮨﯽ۔۔ " ﻭﮦ ﮐﭽﮫ ﺩﯾﺮ ﮐﯿﻠﯿﮯ ﺟﻮﺍﺏ ﻧﮩﯿﮟ ﺩﮮ ﺳﮑﯽ۔
" ﺍﻭﺭ ﺳﻌﯿﺪﮦ ﺍﻣﺎﮞ ﮐﺎ ﻣﻮﮈ ﺑﮭﯽ ﮐﭽﮫ ﺁﻑ ﺗﮭﺎ؟ "
" ﭘﺘﮧ ﻧﮩﯿﮟ۔۔۔ﺗﻢ ﭘﻮﭼﮫ ﻟﯿﺘﮯ " ﺍﺳﻨﮯ ﺍﺏ ﺑﮭﯽ ﺍﺳﯽ ﺍﻧﺪﺍﺯ ﻣﯿﮟ ﮐﮩﺎ۔۔
" ﻣﯿﮟ ﭘﻮﭼﮭﻨﺎ ﭼﺎﮨﺘﺎ ﺗﮭﺎ ﻣﮕﺮ ﻣﺠﮭﮯ ﻟﮕﺎ ﺍﺑﮭﯽ ﻣﻨﺎﺳﺐ ﻧﮩﯿﮟ۔۔۔ " ﺟﻮﺍﺑﺎً ﺍﻣﺎﻣﮧ ﺧﺎﻣﻮﺵ ﺭﮨﯽ
" ﭼﻠﻮ ﺍﺏ ﺗﻢ ﺗﯿﺎﺭ ﮨﻮ ﺟﺎﺅ۔۔ﮔﮭﺮ ﭘﮩﻨﭻ ﺟﺎﺅ۔۔ﻣﺠﮭﮯ ﻣﯿﺴﺞ ﮐﺮﻧﺎ۔ ﺍﮔﺮ ﻣﯿﮟ ﻓﺮﯼ ﮨﻮﺍ ﺗﻮ ﺗﻤﮩﯿﮟ ﮐﺎﻝ ﮐﺮ ﻟﻮﮞ ﮔﺎ " ﺍﻣﺎﻣﮧ ﻧﮯ ﺟﻮﺍﺑﺎً ﺍﻟﻠﮧ ﺣﺎﻓﻆ ﮐﮩﮧ ﮐﺮ ﻓﻮﻥ ﺑﻨﺪ ﮐﺮ ﺩﯾﺎ ۔۔ ﺍﺳﮑﺎ ﺩﻝ ﭼﺎﮨﺎ ﺍﺱ ﺳﮯ ﮐﮩﮯ " ﺿﺮﻭﺭﺕ ﻧﮩﯿﮟ "
**************
ﻭﮦ ﺗﻘﺮﯾﺒﺎًﺍﮌﮬﺎﺋﯽ ﺑﺠﮯ ﮈﺍﮐﭩﺮ ﺻﺎﺣﺐ ﮐﮯ ﮈﺭﺍﺋﯿﻮﺭ ﮐﮯ ﺳﺎﺗﮫ ﺍﺳﮑﮯ ﺁﭘﺎﺭﭨﻤﻨﭧ ﭘﮩﻨﭽﯽ ﺗﮭﯽ ﺍﻭﺭ ﺍﺳﻨﮯ ﺁﺗﮯ ﮨﯽ ﺳﺐ ﺳﮯ ﭘﮩﻠﮯ ﺩﻭﻧﻮﮞ ﺑﯿﮉﺭﻭﻣﺰ ﭼﯿﮏ ﮐﯿﮯ ﺗﮭﮯ۔ﺑﯿﮉﺭﻭﻣﺰ ﯾﺎ ﺑﺎﺗﮫ ﺭﻭﻣﺰ ﻣﯿﮟ ﮐﻮﺋﯽ ﺑﮭﯽ ﭼﯿﺰ ﺭﮐﮭﻨﮯ ﮐﯽ ﺿﺮﻭﺭﺕ ﭘﯿﺶ ﻧﮭﯿﮟ ﺁﺋﯽ ۔ﺳﺎﻻﺭ ﺁﻓﺲ ﺟﺎﻧﮯ ﺳﮯ ﭘﮩﻠﮯ ﯾﻘﯿﻨﺎً ﺳﺐ ﮐﺎﻡ ﺧﻮﺩ ﮨﯽ ﮐﺮﮐﮯ ﮔﯿﺎ ﺗﮭﺎ۔ﺍﺳﻨﮯ ﺍﯾﮏ ﺑﺎﺭ ﭘﮭﺮ ﺍﭘﻨﮯ ﻭﺟﻮﺩ ﮐﻮ ﺑﮯ ﻣﺼﺮﻑ ﻣﺤﺴﻮﺱ ﮐﯿﺎ۔
ﺍﯾﮏ ﺑﯿﮉﺭﻭﻡ ﺷﺎﯾﺪ ﭘﮩﻠﮯ ﮨﯽ ﮔﯿﺴﭧ ﺭﻭﻡ ﮐﮯ ﻃﻮﺭ ﭘﺮ ﺍﺳﺘﻌﻤﺎﻝ ﮨﻮ ﺭﮨﺎ ﺗﮭﺎ۔ﺟﺒﮑﮧ ﺩﻭﺳﺮﺍ ﺑﯿﮉﺭﻭﻡ ﻭﮦ ﺍﺳﭩﮉﯼ ﮐﮯ ﻃﻮﺭ ﭘﺮ ﺑﮭﯽ ﺍﺳﺘﻌﻤﺎﻝ ﮨﻮﺭﮨﺎ ﺗﮭﺎ۔ﻭﮨﺎﮞ ﺍﯾﮏ ﺭﯾﮏ ﭘﺮ ﮐﺘﺎﺑﻮﮞ ﮐﮯ ﮈﮬﯿﺮ ﮐﮯ ﻋﻼﻭﻩ ﺍﺳﯽ ﻃﺮﺡ ﮐﮯ ﺭﯾﮑﺲ ﭘﺮ ﺳﯽ ﮈﻳﺰ ﺍﻭﺭ ﮈﯼ ﻭﯼ ﮈﯾﺰ ﮐﮯ ﺍﻧﺒﺎﺭ ﻧﻈﺮ ﺁﺋﮯ۔ﺳﭩﻨﮓ ﺭﻭﻡ ﻣﯿﮟ ﻣﻮﺟﻮﺩ ﺭﯾﮑﺲ ﭘﺮ ﺳﯽ ﮈﯾﺰ ﺍﻭﺭ ﮈﯼ ﻭﯾﮉﯾﺰ ﺗﮭﯽ۔ﻟﯿﮑﻦ ﺍﻥ ﮐﯽ ﺗﻌﺪﺍﺩ ﺍﺱ ﮐﻤﺮﮮ ﮐﯽ ﻧﺴﺒﺖ ﮐﻢ ﺗﮭﯽ۔ﮐﻤﺮﮮ ﻣﯿﮟ ﮐﭽﮫ ﻣﯿﻮﺯﯾﮑﻞ ﺍﻧﺴﭩﺮﻭﻣﻨﭧ ﺑﮭﯽ ﭘﮍﮮ ﺗﮭﮯ۔ﺍﻭﺭ ﺍﯾﮏ ﺍﺳﭩﮉﯼ ﭨﯿﺒﻞ ﭘﺮ ﺟﺲ ﺍﯾﮏ ﮈﯾﺴﮏ ﭨﺎﭖ ﺗﮭﺎ۔ﻭﮦ ﺍﺳﭩﮉﯼ ﭨﯿﺒﻞ ﺍﺱ ﮐﻤﺮﮮ ﮐﯽ ﻭﮦ ﻭﺍﺣﺪ ﭼﯿﺰ ﺗﮭﯽ۔ﺟﺲ ﭘﺮﭘﮍﮮ ﮐﺎﻏﺬ ﻓﺎﺋﻠﺰ ﺍﻭﺭ ﮈﯾﺴﮏ ﺁﺭﮔﻨﺎﺋﺰﺭ ﺍﺳﮯ ﺑﮯ ﺗﺮﺗﯿﺐ ﻧﻈﺮ ﺁﺋﮯ۔ﻭﮦ ﺍﭨﮭﻨﮯ ﺳﮯ ﭘﮩﻠﮯ ﺍﺳﮯ ﭨﮭﯿﮏ ﮐﺮﻧﺎ ﺑﮭﻮﻝ ﮔﯿﺎ ﺗﮭﺎ۔ﯾﺎ ﺷﺎﯾﺪ ﺍﺱ ﮐﮯ ﭘﺎﺱ ﻭﻗﺖ ﻧﮭﯿﮟ ﺗﮭﺎ۔
ﺍﯾﮏ ﻟﻤﺤﮯ ﮐﮯ ﻟﯿﮯ ﺍﺳﮯ ﺧﯿﺎﻝ ﺁﯾﺎ ﮐﮯ ﻭﮦ ﺍﻥ ﭘﯿﭙﺮﺯ ﮐﻮ ﭨﮭﯿﮏ ﮐﺮﺩﮮ ﺍﮔﻠﮯ ﮨﯽ ﻟﻤﺤﮯ ﺍﺱ ﻧﮯ ﺍﺱ ﺧﯿﺎﻝ ﮐﻮ ﺍﭘﻨﮯ ﺫﮨﻦ ﺳﮯ ﺟﮭﭩﮏ ﺩﯾﺎ۔ﺍﺳﮯ ﺧﺪﺷﮧ ﺗﮭﺎ ﮐﮧ ﻭﮦ ﯾﮧ ﮐﺎﻡ ﺳﺎﻻﺭ ﺟﯿﺴﯽ ﭘﺮﻓﯿﮑﺸﻦ ﮐﮯ ﺳﺎﺗﮫ ﻧﮭﯿﮟ ﮐﺮ ﺳﮑﺘﯽ ﺗﮭﯽ۔ﺍﻭﺭ ﺍﮔﺮ ﮐﻮﺋﯽ ﭘﯿﭙﺮ ﺍﺩﮬﺮ ﺍُﺩﮬﺮ ﮨﻮﮔﯿﺎ ﺗﻮ؟
ﻭﮦ ﺩﺭﻭﺍﺯﮦ ﺑﻨﺪ ﮐﺮﮐﮯ ﺑﺎﮨﺮ ﻧﮑﻞ ﺁﺉ ۔ﻓﺮﯾﺞ ﺍﻭﺭ ﻓﺮﯾﺰﺭ ﻣﯿﮟ ﻭﺍﻗﻌﯽ ﮐﮭﺎﻧﮯ ﮐﺎ ﺑﮩﺖ ﺳﺎﻣﺎﻥ ﺗﮭﺎ۔ﺍﻭﺭ ﺍﺱ ﮐﻮ ﯾﻘﯿﻦ ﺗﮭﺎ ﮐﮧ ﺍﻥ ﻣﯿﮟ ﺳﮯ ﻧﻮﮮ ﭘﺮﺳﻨﭧ ﺍﺷﯿﺎﺀ ﻓﺮﻗﺎﻥ ﺍﻭﺭ ﻧﻮﺷﯿﻦ ﮐﯽ ﻣﺮﮨﻮﻥ ﻣﻨﺖ ﮨﯿﮟ۔ﺟﻮ ﭼﯿﺰﯾﮟ ﺳﺎﻻﺭ ﮐﯽ ﺍﭘﻨﯽ ﺧﺮﯾﺪﺍﺭﯼ ﮐﺎ ﻧﺘﯿﺠﮧ ﺗﮭﯽ ﺍﻥ ﻣﯿﮟ ﭘﮭﻠﻮﮞ ﮐﮯ ﻋﻼﻭﻩ ﮈﺭﻧﮑﺲ ﺍﻭﺭ ﭨﻦ ﭘﯿﮑﮉ ﻓﻮﮈ ﺁﺋﭩﻤﺰ ﮐﯽ ﺍﯾﮏ ﻣﺤﺪﻭﺩ ﺗﻌﺪﺍﺩ ﺗﮭﯽ۔ﺍﺱ ﻧﮯ ﭼﻨﺪ ﭨﻦ ﻧﮑﺎﻝ ﮐﺮ ﺩﯾﮑﮭﮯ ﻭﮦ ﺳﺐ ﮐﮯ ﺳﺐ ﺳﯽ ﻓﻮﮈ ﺗﮭﮯ۔
ﺍﻣﺎﻣﮧ ﮐﻮ ﮐﮭﺎﻧﮯ ﻣﯿﮟ ﺻﺮﻑ ﺍﯾﮏ ﭼﯿﺰ ﻧﺎ ﭘﺴﻨﺪ ﺗﮭﯽ۔ﺳﯽ ﻓﻮﮈ۔۔۔۔ﺭﻭﺯﮮ ﮐﯽ ﻭﺟﮧ ﺳﮯ ﺍﺱ ﮐﺎ ﻣﻌﺪﮦ ﺧﺎﻟﯽ ﻧﺎ ﮨﻮﺗﺎ ﺗﻮ ﻭﮦ ﺍﻥ ﮈﺑﻮﮞ ﭘﺮ ﺑﻨﮯ ﮐﺮﯾﺒﺰ ﺍﻭﺭ ﭘﺮﺍﺋﺰ ﺩﯾﮑﮫ ﮐﺮ ﺍﺳﮯ ﻭﻭﻣﯿﭩﻨﮓ ﺷﺮﻭﻉ ﮨﻮﺟﺎﺗﯽ۔ﺍﺱ ﻧﮯ ﺑﮍﯼ ﻣﺎﯾﻮﺳﯽ ﮐﮯ ﺳﺎﺗﮫ ﺍﻥ ﭨﻨﺰ ﮐﻮ ﻭﺍﭘﺲ ﻓﺮﯾﺞ ﻣﯿﮟ ﺭﮐﮫ ﺩﯾﺎ۔ﯾﻘﯿﻨﺎً ﻭﮦ ﮈﯾﮑﻮﺭﯾﺶ ﮐﮯ ﻣﻘﺼﺪ ﺳﮯ ﺧﺮﯾﺪ ﮐﺮ ﻧﮭﯽ ﺭﮐﮭﮯ ﮔﺌﮯ ﺗﮭﮯ۔ﻭﮦ ﺧﺮﯾﺪ ﮐﺮ ﻻﺗﺎ ﮨﻮﮔﺎ ﺗﻮ ﮐﮭﺎﺗﺎ ﺑﮭﯽ ﮨﻮﮔﺎ۔ﺍﺱ ﮐﺎ ﺧﺮﺍﺏ ﻣﻮﮈ ﮐﭽﮫ ﺍﻭﺭ ﺍﺑﺘﺮ ﮨﻮﺍ۔ﺍﺑﮭﯽ ﺍﻭﺭ ﮐﯿﺎ ﮐﯿﺎ ﭘﺘﺎ ﭼﻠﻨﺎ ﺗﮭﺎ ﺍﺱ ﮐﮯ ﺑﺎﺭﮮ ﻣﯿﮟ ۔۔۔۔۔
ﺍﺱ ﻧﮯ ﮐﭽﻦ ﮐﮯ ﮐﯿﺒﻨﭩﺲ ﮐﮭﻮﻝ ﮐﺮ ﺩﯾﮑﮭﮯ ﺍﻭﺭ ﺑﻨﺪ ﮐﺮ ﺩﯾﮯ۔ﺍﺳﮯ ﺍﻧﺪﺍﺯﮦ ﮨﻮﮔﯿﺎ ﺗﮭﺎ ﮐﮧ ﺍﺱ ﮐﭽﻦ ﻣﯿﮟ ﻓﺮﯾﺞ ﮐﮯ ﻋﻼﻭﻩ ﮐﺎﻓﯽ ﮐﯿﺒﻨﭩﺲ ﺍﻭﺭ ﺑﺮﺗﻨﻮﮞ ﮐﮯ ﺭﯾﮑﺲ ﮐﮯ ﻋﻼﻭﻩ ﮐﭽﮫ ﺑﮭﯽ ﻧﮭﯽ۔ﻭﮦ ﮐﭽﻦ ﺻﺮﻑ ﻧﺎﺷﺘﮯ ﺍﻭﺭ ﺳﯿﻨﮉﻭﭺ ﻭﺍﻟﮯ ﻣﯿﻠﺰ ﮐﮯ ﻋﻼﻭﻩ ﺻﺮﻑ ﭼﺎﺋﮯ ﺍﻭﺭ ﮐﺎﻓﯽ ﮐﮯ ﻟﯿﮯ ﺍﺳﺘﻌﻤﺎﻝ ﮨﻮﺗﺎ ﺗﮭﺎ۔ﻭﮨﺎﮞ ﺍﺳﮯ ﭼﻨﺪ ﻓﺮﺍﺋﻨﮏ ﭘﯿﻨﺰ ﮐﮯ ﻋﻼﻭﻩ ﮐﺴﯽ ﺑﮭﯽ ﻗﺴﻢ ﮐﮯ ﭘﮑﺎﻧﮯ ﮐﮯ ﺑﺮﺗﻦ ﻣﻮﺟﻮﺩ ﻧﮭﯽ ﺗﮭﮯ۔ﮐﭽﻦ ﻣﯿﮟ ﻣﻮﺟﻮﺩ ﮐﺮﺍﮐﺮﯼ ﺍﻭﺭ ﺑﮭﯽ۔ﺍﻭﺭ ﺍﯾﮏ ﮈﻧﺮ ﺳﯿﭧ ﺍﻭﺭ ﻭﺍﭨﺮ ﺳﯿﭩﺲ ﭘﺮ ﻣﺸﺘﻤﻞ ﺗﮭﯽ۔ﯾﺎ ﺍﺳﮑﮯ ﻋﻼﻭﻩ ﮐﭽﮫ ﻣﮕﺰ ﺗﮭﮯ ﯾﺎ ﺑﺮﯾﮏ ﻓﺎﺳﭧ ﺳﯿﭧ۔۔۔ ﺍﺱ ﮐﮯ ﮔﮭﺮ ﺁﻧﮯ ﻭﺍﻟﮯ ﺍﻓﺮﺍﺩ ﮐﯽ ﺗﻌﺪﺍﺩ ﺑﮭﯽ ﮐﻢ ﺗﮭﯽ۔
ﻭﮦ ﮐﭽﻦ ﺳﮯ ﻧﮑﻞ ﺁﺉ۔
ﺍﭘﺎﺭﭨﻤﻨﭧ ﮐﺎ ﻭﺍﺣﺪ ﺩﺭﯾﺎﻓﺖ ﺷﺪﮦ ﺣﺼﮧ ﺑﺎﻟﮑﻮﻧﯽ ﺗﮭﺎ۔ﻭﮦ ﺩﺭﻭﺍﺯﮦ ﮐﮭﻮﻝ ﮐﺮ ﺑﺎﮨﺮ ﻧﮑﻞ ﺁﺉ ﺍﻭﺭ ﻭﮦ ﭘﮩﻠﯽ ﺟﮕﮧ ﺗﮭﯽ ﺟﮩﺎﮞ ﺁﺗﮯ ﮨﯽ ﺍﺱ ﮐﺎ ﺩﻝ ﺧﻮﺵ ﮨﻮﺍ ﺗﮭﺎ۔ﭼﮫ ﻓﭧ ﭼﻮﮌﯼ ﺍﻭﺭ ﺑﺎﺭﮦ ﻓﭧ ﻟﻤﺒﯽ ﻭﮦ ﭨﯿﺮﺱ ﻧﻤﺎ ﺑﺎﻟﮑﻮﻧﯽ ﮐﻮ ﭨﯿﺮﺱ ﮔﺎﺭﮈﻥ ﮐﮩﻨﺎ ﺯﯾﺎﺩﮦ ﻣﻨﺎﺳﺐ ﺗﮭﺎ۔
ﻣﺨﺘﻠﻒ ﺷﮑﻠﻮﮞ ﺍﻭﺭ ﺳﺎﺋﺰ ﮐﮯ ﮔﻤﻠﻮﮞ ﻣﺨﺘﻠﻒ ﻗﺴﻢ ﮐﯽ ﺑﯿﻠﯿﮟ ﻟﮕﯽ ﮨﻮﺉ ﺗﮭﯽ۔ﺍﻭﺭ ﺷﺪﻳﺪ ﺳﺮﺩ ﻣﻮﺳﻢ ﻣﯿﮟ ﺑﮭﯽ ﺍﺱ ﮐﯽ ﺣﺎﻟﺖ ﺑﺘﺎ ﺭﮨﯽ ﺗﮭﯽ۔ﺍﻥ ﭘﺮ ﺧﺎﺻﯽ ﻣﺤﻨﺖ ﺍﻭﺭ ﻭﻗﺖ ﻟﮕﺎﯾﺎ ﮔﯿﺎ ﺗﮭﺎ۔ﻭﮨﺎﮞ ﺁﺱ ﭘﺎﺱ ﮐﯽ ﺑﺎﻟﮑﻮﻧﯿﻮﮞ ﺳﮯ ﺑﮭﯽ ﺍﺳﮯ ﺳﺒﺰ ﺭﻧﮓ ﮐﮯ ﭘﻮﺩﮮ ﺍﻭﺭ ﺑﯿﻠﯿﮟ ﺟﮭﺎﻧﮑﺘﯽ ﻧﻈﺮ ﺁﺭﮨﯽ ﺗﮭﯽ۔ﻟﯿﮑﻦ ﯾﻘﯿﻨﺎً ﺳﺎﻻﺭ ﮐﯽ ﺑﺎﻟﮑﻮﻧﯽ ﮐﯽ ﺣﺎﻟﺖ ﺳﺐ ﺳﮯ ﺑﮩﺘﺮ ﺗﮭﯽ۔
ﻻﺅﻧﺞ ﮐﯽ ﻗﺪ ﺁﺩﻡ ﮐﮭﮍﮐﯿﺎﮞ ﺑﮭﯽ ﺍﺳﯽ ﺑﺎﻟﮑﻮﻧﯽ ﻣﯿﮟ ﻣﻮﺟﻮﺩ ﺗﮭﯽ۔ﺍﻭﺭ ﺑﺎﻟﮑﻮﻧﯽ ﻣﯿﮟ ﺍﻥ ﮐﮭﮍﮐﯿﻮﮞ ﮐﮯ ﭘﺎﺱ ﺩﯾﻮﺍﺭ ﭘﺮ ﺍﯾﮏ ﻣﯿﭧ ﻣﻮﺟﻮﺩ ﺗﮭﺎ۔ﻭﮦ ﺷﺎﯾﺪ ﯾﮩﺎﮞ ﺁﮐﺮ ﺑﯿﭩﮭﺘﺎ ﮨﻮﮔﺎ ﯾﺎ ﺩﮬﻮﭖ ﻣﯿﮟ ﻟﯿﭩﺘﺎ ﮨﻮﮔﺎ۔ﺷﺎﯾﺪ ﻭﯾﮏ ﺍﻳﻨﮉ ﭘﺮ ﻭﺭﻧﮧ ﺳﺮﺩﯼ ﮐﮯ ﻣﻮﺳﻢ ﻣﯿﮟ ﺍﺱ ﻣﯿﭧ ﮐﯽ ﻭﮨﺎﮞ ﻣﻮﺟﻮﺩﮔﯽ ﮐﺎ ﻣﻘﺼﺪ ﺍﺳﮯ ﺳﻤﺠﮫ ﻧﮩﯿﮟ ﺁﯾﺎ۔
ﺑﺎﻟﮑﻮﻧﯽ ﮐﯽ ﻣﻨﮉﯾﺮ ﮐﮯ ﻗﺮﯾﺐ ﺍﯾﮏ ﺍﺳﭩﻮﻝ ﭘﮍﺍ ﮨﻮﺍ ﺗﮭﺎ۔ ﻭﮦ ﯾﻘﯿﻨﺎ ﻭﮨﺎﮞ ﺁﮐﺮ ﺑﯿﭩﮭﺘﺎ ﺗﮭﺎ۔ ﻧﯿﭽﮯ ﺩﯾﮑﮭﻨﮯ ﮐﮯ ﻟﯿﮯ … ﻣﻨﮉﯾﺮ ﭘﺮ ﻣﮓ ﮐﮯ ﭼﻨﺪ ﻧﺸﺎﻥ ﺗﮭﮯ۔ ﭼﺎﺋﮯ ﯾﺎ ﮐﺎﻓﯽ ﭘﯿﺘﺎ ﮨﮯ ﯾﮩﺎﮞ ﺑﯿﭩﮫ ﮐﺮ … ﻣﮕﺮ ﮐﺲ ﻭﻗﺖ … ﯾﻘﯿﻨﺎ ﺭﺍﺕ ﮐﻮ … ﺍﺱ ﻧﮯ ﺳﻮﭼﺎ ﺍﻭﺭ ﺁﮔﮯ ﺑﮍﮪ ﮐﺮ ﻧﯿﭽﮯ ﺟﮭﺎﻧﮑﺎ۔ ﻭﮦ ﺗﯿﺴﺮﯼ ﻣﻨﺰﻝ ﺗﮭﯽ ﺍﻭﺭ ﻧﯿﭽﮯ ﺑﻠﮉﻧﮓ ﮐﺎ ﻻﻥ ﺍﻭﺭ ﭘﺎﺭﮐﻨﮓ ﺗﮭﮯ۔ ﮐﭽﮫ ﻓﺎﺻﻠﮯ ﭘﺮ ﮐﻤﭙﺎﺅﻧﮉ ﺳﮯ ﺑﺎﮨﺮ ﺳﮍﮎ ﺑﮭﯽ ﻧﻈﺮ ﺁﺭﮨﯽ ﺗﮭﯽ۔ ﻭﮦ ﺍﯾﮏ ﭘﻮﺭﺵ ﺍﯾﺮﯾﺎ ﺗﮭﺎ ﺍﻭﺭ ﺳﮍﮎ ﭘﺮ ﭨﺮﯾﻔﮏ ﺯﯾﺎﺩﮦ ﻧﮩﯿﮟ ﺗﮭﯽ۔ ﻭﮦ ﻭﺍﭘﺲ ﺍﻧﺪﺭ ﺁﮔﺌﯽ۔
ﻭﮦ ﮐﭙﮍﮮ ﺗﺒﺪﯾﻞ ﮐﺮ ﮐﮯ ﺍﺑﮭﯽ ﺍﭘﻨﮯ ﺑﺎﻝ ﺑﻨﺎ ﺭﮨﯽ ﺗﮭﯽ ﮐﮧ ﺟﺐ ﺍﺳﮯ ﮈﻭﺭ ﺑﯿﻞ ﮐﯽ ﺁﻭﺍﺯ ﺳﻨﺎﺋﯽ ﺩﯼ۔ ﻓﻮﺭﯼ ﻃﻮﺭ ﭘﺮ ﺍﺳﮯ ﻧﻮﺷﯿﻦ ﮨﯽ ﮐﺎ ﺧﯿﺎﻝ ﺁﯾﺎ ﺗﮭﺎ۔
ﻟﯿﮑﻦ ﺩﺭﻭﺍﺯﮮ ﭘﺮ ﺍﯾﮏ ﺭﯾﺴﭩﻮﺭﻧﭧ ﮐﺎ ﮈﯾﻠﯿﻮﺭﯼ ﺑﻮﺍﺋﮯ ﭼﻨﺪ ﭘﯿﮑﭩﺲ ﻟﯿﮯ ﮐﮭﮍﺍ ﺗﮭﺎ۔
” ﻣﯿﮟ ﻧﮯ ﺁﺭﮈﺭ ﻧﮩﯿﮟ ﮐﯿﺎ۔ ” ﺍﺳﮯ ﻟﮕﺎ ﺷﺎﯾﺪ ﻭﮦ ﮐﺴﯽ ﻏﻠﻂ ﺍﭘﺎﺭﭨﻤﻨﭧ ﻣﯿﮟ ﺁﮔﯿﺎ ﮨﮯ۔
ﺍﺱ ﻧﮯ ﺟﻮﺍﺑﺎً ﺳﺎﻻﺭ ﺳﮑﻨﺪﺭ ﮐﺎ ﻧﺎﻡ ﺍﯾﮉﺭﯾﺲ ﮐﮯ ﺳﺎﺗﮫ ﺩﮨﺮﺍﯾﺎ۔ ﭼﻨﺪ ﻟﻤﺤﻮﮞ ﮐﮯ ﻟﯿﮯ ﻭﮦ ﭼﭗ ﺳﯽ ﮨﻮ ﮔﺌﯽ۔ ﻭﮦ ﮐﻢ ﺍﺯ ﮐﻢ ﺍﺗﻨﺎ ﻻﭘﺮﻭﺍ ﻧﮩﯿﮟ ﺗﮭﺎ ﺍﺱ ﮐﮯ ﺑﺎﺭﮮ ﻣﯿﮟ ﮐﮧ ﺍﺱ ﮐﮯ ﺍﻓﻄﺎﺭ ﮐﮯ ﻟﯿﮯ ﮐﭽﮫ ﺍﻧﺘﻈﺎﻡ ﮐﺮﻧﺎ ﺑﮭﻮﻝ ﺟﺎﺗﺎ۔ ﻭﮦ ﺳﻮﭺ ﺭﮨﯽ ﺗﮭﯽ ﮐﮧ ﻭﮦ ﺍﭘﻨﮯ ﭘﯿﺮﻧﭩﺲ ﮐﻮ ﻟﯿﻨﮯ ﮐﮯ ﻟﯿﮯ ﺁﻓﺲ ﺳﮯ ﻧﮑﻞ ﭼﮑﺎ ﮨﻮ ﮔﺎ ﺍﻭﺭ ﺍﯾﺌﺮ ﭘﻮﺭﭦ ﭘﮩﻨﭽﻨﮯ ﮐﯽ ﺑﮭﺎﮒ ﺩﻭﮌ ﻣﯿﮟ ﺍﺳﮯ ﺷﺎﯾﺪ ﻭﮦ ﯾﺎﺩ ﺑﮭﯽ ﻧﮩﯿﮟ ﮨﻮ ﮔﯽ۔
ﮐﭽﻦ ﻣﯿﮟ ﺍﻥ ﭘﯿﮑﭩﺲ ﮐﻮ ﺭﮐﮭﺘﮯ ﮨﻮﺋﮯ ﺍﺱ ﮐﺎ ﻏﺼﮧ ﺍﻭﺭ ﺭﻧﺠﯿﺪﮔﯽ ﮐﭽﮫ ﮐﻢ ﮨﻮﺋﯽ ﺍﻭﺭ ﯾﮧ ﺷﺎﯾﺪ ﺍﺱ ﮐﺎ ﮨﯽ ﺍﺛﺮ ﺗﮭﺎ ﮐﮧ ﺍﺱ ﻧﮯ ﮐﺎﻝ ﮐﺮ ﮐﮯ ﺳﺎﻻﺭ ﮐﻮ ﻣﻄﻠﻊ ﮐﺮﻧﺎ ﺍﻭﺭ ﺍﺱ ﮐﺎ ﺷﮑﺮﯾﮧ ﺍﺩﺍ ﮐﺮﻧﺎ ﺿﺮﻭﺭﯼ ﺳﻤﺠﮭﺎ۔ ﻭﮦ ﺍﺱ ﻭﻗﺖ ﺍﯾﺌﺮ ﭘﻮﺭﭦ ﮐﯽ ﻃﺮﻑ ﺟﺎ ﺭﮨﺎ ﺗﮭﺎ۔ ﺍﺱ ﻧﮯ ﻓﻮﺭﺍً ﮐﺎﻝ ﺭﯾﺴﯿﻮ ﮐﯽ ﺗﮭﯽ۔
ﺍﻣﺎﻣﮧ ﻧﮯ ﺍﺳﮯ ﮐﮭﺎﻧﮯ ﮐﮯ ﺑﺎﺭﮮ ﻣﯿﮟ ﺑﺘﺎﯾﺎ۔
” ﻣﯿﮟ ﺭﺍﺕ ﮐﺎ ﮐﮭﺎﻧﺎ ﺍﮐﺜﺮ ﺍﺱ ﺭﯾﺴﭩﻮﺭﻧﭧ ﺳﮯ ﻣﻨﮕﻮﺍﺗﺎ ﮨﻮﮞ۔ ﮐﮭﺎﻧﺎ ﺍﭼﮭﺎ ﮨﻮﺗﺎ ﮨﮯ ﺍﻥ ﮐﺎ ”… ﺍﺱ ﻧﮯ ﺟﻮﺍﺑﺎً ﺑﮍﮮ ﻣﻌﻤﻮﻝ ﮐﮯ ﺍﻧﺪﺍﺯ ﻣﯿﮟ ﮐﮩﺎ۔ﻣﯿﮟ ﻧﮯ ﺳﻮﭼﺎ ” ﻣﯿﮟ ﺟﺐ ﺗﮏ ﺍﻥ ﻟﻮﮔﻮﮞ ﮐﻮ ﻟﮯ ﮐﺮ ﮔﮭﺮ ﺁﺅﮞ ﮔﺎ ﺗﺐ ﺗﮏ ﺗﻢ ﺑﮭﻮﮐﯽ ﺑﯿﭩﮭﯽ ﺭﮨﻮ ﮔﯽ۔ ”
ﻭﮦ ﺍﺱ ﮐﺎ ﺷﮑﺮﯾﮧ ﺍﺩﺍ ﮐﺮﻧﺎ ﭼﺎﮨﺘﯽ ﺗﮭﯽ ﻣﮕﺮ ﯾﮏ ﺩﻡ ﺍﺳﮯ ﺍﺣﺴﺎﺱ ﮨﻮﺍ ﮐﮧ ﯾﮧ ﺑﮩﺖ ﻣﺸﮑﻞ ﮐﺎﻡ ﮨﮯ ﺳﺎﻻﺭ ﺳﮯ ﯾﮧ ﺩﻭ ﻟﻔﻆ ﮐﮩﻨﺎ، ﺍﯾﮏ ﻋﺠﯿﺐ ﺳﯽ ﺟﮭﺠﮏ ﺟﻮ ﺍﺳﮯ ﻣﺤﺴﻮﺱ ﮨﻮ ﺭﮨﯽ ﺗﮭﯽ۔
٭٭٭٭
ﻭﮦ ﺗﻘﺮﯾﺒﺎً ﺳﻮﺍ ﻧﻮ ﺑﺠﮯ ﮐﮯ ﻗﺮﯾﺐ ﺁﯾﺎ ﺍﻭﺭ ﮈﻭﺭ ﺑﯿﻞ ﮐﯽ ﺁﻭﺍﺯ ﭘﺮ ﻭﮦ ﺑﮯ ﺍﺧﺘﯿﺎﺭ ﻧﺮﻭﺱ ﮨﻮ ﮔﺌﯽ ﺗﮭﯽ۔ ﻧﮧ ﭼﺎﮨﺘﮯ ﮨﻮﺋﮯ ﺑﮭﯽ ﻭﮦ ﺳﺎﻻﺭ ﮐﯽ ﻓﯿﻤﻠﯽ ﮐﮯ ﺭﺩﻋﻤﻞ ﺳﮯ ﺧﺎﺋﻒ ﺗﮭﯽ۔ ﺍﯾﮏ ﮨﻤﺴﺎﺋﮯ ﮐﮯ ﻃﻮﺭ ﭘﺮ ﺑﮭﯽ ﺩﻭﻧﻮﮞ ﻓﯿﻤﻠﯿﺰ ﮐﮯ ﺩﺭﻣﯿﺎﻥ ﺑﮯ ﺣﺪ ﺭﺳﻤﯽ ﺗﻌﻠﻘﺎﺕ ﺗﮭﮯ ﺍﻭﺭ ﺑﻌﺪ ﻣﯿﮟ ﮨﻮﻧﮯ ﻭﺍﻟﮯ ﻭﺍﻗﻌﺎﺕ ﻧﮯ ﺗﻮ ﯾﮧ ﻓﺎﺭﻣﯿﻠﭩﯽ ﺑﮭﯽ ﺧﺘﻢ ﮐﺮ ﺩﯼ ﺗﮭﯽ۔ ﺍﺳﮯ ﮐﺌﯽ ﺳﺎﻝ ﭘﮩﻠﮯ ﺳﮑﻨﺪﺭ ﻋﺜﻤﺎﻥ ﺳﮯ ﻓﻮﻥ ﭘﺮ ﮨﻮﻧﮯ ﻭﺍﻟﯽ ﮔﻔﺖ ﮔﻮ ﯾﺎﺩ ﺗﮭﯽ ﺍﻭﺭ ﺷﺎﯾﺪ ﺍﺱ ﮐﮯ ﺧﺪﺷﺎﺕ ﮐﯽ ﻭﺟﮧ ﺑﮭﯽ ﻭﮨﯽ ﮐﺎﻝ ﺗﮭﯽ۔
ﺑﯿﺮﻭﻧﯽ ﺩﺭﻭﺍﺯﮦ ﮐﮭﻮﻟﺘﮯ ﮨﻮﺋﮯ ﺍﺳﮯ ﺍﺣﺴﺎﺱ ﮨﻮﺍ ﮐﮧ ﺍﺱ ﮐﮯ ﮨﺎﺗﮫ ﺑﮭﯽ ﮐﺎﻧﭗ ﺭﮨﮯ ﺗﮭﮯ۔
ﺳﮑﻨﺪﺭ ﻋﺜﻤﺎﻥ ﺳﻤﯿﺖ ﺗﯿﻨﻮﮞ ﺍﻓﺮﺍﺩ ﺍﺱ ﺳﮯ ﺑﮍﯼ ﮔﺮﻡ ﺟﻮﺷﯽ ﮐﮯ ﺳﺎﺗﮫ ﻣﻠﮯ ﺗﮭﮯ۔ ﻭﮦ ﺍﻥ ﮐﮯ ﺭﻭﯾﻮﮞ ﻣﯿﮟ ﺟﺲ ﺭﻭﮐﮭﮯ ﭘﻦ ﺍﻭﺭ ﺧﻔﮕﯽ ﮐﻮ ﮈﮬﻮﻧﮉ ﺭﮨﯽ ﺗﮭﯽ، ﻭﮦ ﻓﻮﺭﯼ ﻃﻮﺭ ﭘﺮ ﺍﺳﮯ ﻧﻈﺮ ﻧﮩﯿﮟ ﺁﺋﯽ۔ ﺍﻣﺎﻣﮧ ﮐﯽ ﻧﺮﻭﺱ ﻧﯿﺲ ﻣﯿﮟ ﮐﭽﮫ ﮐﻤﯽ ﺁﺋﯽ۔
ﻓﺮﻗﺎﻥ ﮐﮯ ﮔﮭﺮ ﮈﻧﺮ ﮐﮯ ﺩﻭﺭﺍﻥ ﺍﺱ ﮐﯽ ﯾﮧ ﻧﺮﻭﺱ ﻧﯿﺲ ﺍﻭﺭ ﺑﮭﯽ ﮐﻢ ﮨﻮﺋﯽ۔
ﺍﻧﯿﺘﺎ ﺍﻭﺭ ﻃﯿﺒﮧ ﺩﻭﻧﻮﮞ ﺑﮍﮮ ﺩﻭﺳﺘﺎﻧﮧ ﺍﻧﺪﺍﺯ ﻣﯿﮟ ﻧﻮﺷﯿﻦ ﺍﻭﺭ ﺍﺱ ﺳﮯ ﺑﺎﺗﯿﮟ ﮐﺮﺗﯽ ﺭﮨﯿﮟ۔ ﻧﻮﺷﯿﻦ ﺍﻭﺭ ﻓﺮﻗﺎﻥ ﺳﺎﻻﺭ ﮐﮯ ﻭﺍﻟﺪﯾﻦ ﺳﮯ ﭘﮩﻠﮯ ﺑﮭﯽ ﻣﻞ ﭼﮑﮯ ﺗﮭﮯ ﻟﯿﮑﻦ ﻧﻮﺷﯿﻦ، ﺍﻧﯿﺘﺎ ﺳﮯ ﭘﮩﻠﯽ ﺑﺎﺭ ﻣﻞ ﺭﮨﯽ ﺗﮭﯽ ﺍﻭﺭ ﺩﻭﻧﻮﮞ ﮐﺎ ﻣﻮﺿﻮﻉ ﮔﻔﺖ ﮔﻮ ﺍﻥ ﮐﮯ ﺑﭽﮯ ﺗﮭﮯ۔ ﻭﮦ ﺑﮯ ﺣﺪ ﭘﺮﺳﮑﻮﻥ ﺍﻧﺪﺍﺯ ﻣﯿﮟ ﺍﯾﮏ ﺧﺎﻣﻮﺵ ﺳﺎﻣﻊ ﮐﯽ ﻃﺮﺡ ﺍﻥ ﻟﻮﮔﻮﮞ ﮐﯽ ﺑﺎﺗﯿﮟ ﺳﻨﺘﯽ ﺭﮨﯽ۔ ﻭﮦ ﻧﮩﯿﮟ ﭼﺎﮨﺘﯽ ﺗﮭﯽ ﮐﮧ ﻓﺮﻗﺎﻥ ﮐﮯ ﮔﮭﺮ ﻣﯿﮟ ﺍﺱ ﮐﯽ ﺷﺎﺩﯼ ﯾﺎ ﺍﺱ ﮐﯽ ﺫﺍﺕ ﻣﻮﺿﻮﻉ ﮔﻔﺘﮕﻮ ﺑﻨﮯ۔
ﺍﭘﻨﮯ ﺍﭘﺎﺭﭨﻤﻨﭧ ﻣﯿﮟ ﻭﺍﭘﺴﯽ ﮐﮯ ﺑﻌﺪ ﭘﮩﻠﯽ ﺑﺎﺭ ﺳﮑﻨﺪﺭ ﺍﻭﺭ ﻃﯿﺒﮧ ﻧﮯ ﺳﭩﻨﮓ ﺭﻭﻡ ﻣﯿﮟ ﺑﯿﭩﮭﮯ، ﺍﺱ ﺳﮯ ﺑﺎﺕ ﮐﯽ ﺍﻭﺭ ﺗﺐ ﺍﻣﺎﻣﮧ ﻧﮯ ﺍﻥ ﮐﮯ ﻟﮩﺠﮯ ﻣﯿﮟ ﭼﮭﭙﯽ ﺍﺱ ﺗﺸﻮﯾﺶ ﮐﻮ ﻣﺤﺴﻮﺱ ﮐﯿﺎ ﺟﻮ ﺍﻣﺎﻣﮧ ﮐﯽ ﻓﯿﻤﻠﯽ ﮐﮯ ﻣﺘﻮﻗﻊ ﺭﺩ ﻋﻤﻞ ﺳﮯ ﺍﻧﮩﯿﮟ ﺗﮭﯽ۔ ﺍﺱ ﮐﺎ ﺍﻋﺘﻤﺎﺩ ﺍﯾﮏ ﺑﺎﺭ ﭘﮭﺮ ﻏﺎﺋﺐ ﮨﻮ ﮔﯿﺎ۔ ﺍﮔﺮﭼﮧ ﺍﻧﮩﻮﮞ ﻧﮯ ﮐﮭﻠﮯ ﻋﺎﻡ ﺍﻣﺎﻣﮧ ﮐﮯ ﺳﺎﻣﻨﮯ ﮨﺎﺷﻢ ﻣﺒﯿﻦ ﯾﺎ ﺍﻥ ﮐﮯ ﺧﺎﻧﺪﺍﻥ ﮐﮯ ﺣﻮﻟﮯ ﺳﮯ ﮐﻮﺋﯽ ﺑﺎﺕ ﻧﮩﯿﮟ ﮐﯽ ﻟﯿﮑﻦ ﻭﮦ ﻟﻮﮒ ﺍﺏ ﻭﻟﯿﻤﮧ ﮐﺎ ﻓﻨﮑﺸﻦ ﺍﺳﻼﻡ ﺁﺑﺎﺩ ﮐﮯ ﺑﺠﺎﺋﮯ ﻻﮨﻮﺭ ﻣﯿﮟ ﻣﻨﻌﻘﺪ ﮐﺮﻧﺎ ﭼﺎﮨﺘﮯ ﺗﮭﮯ۔ ﻭﮦ ﺳﺎﻻﺭ ﮐﯽ ﺭﺍﺋﮯ ﺳﻨﻨﺎ ﭼﺎﮨﺘﯽ ﺗﮭﯽ ﻟﯿﮑﻦ ﻭﮦ ﮔﻔﺖ ﮔﻮ ﮐﮯ ﺩﻭﺭﺍﻥ ﺧﺎﻣﻮﺵ ﺭﮨﺎ۔ ﺟﺐ ﮔﻔﺖ ﮔﻮ ﮐﮯ ﺩﻭﺭﺍﻥ ﺧﺎﻣﻮﺷﯽ ﮐﮯ ﻭﻗﻔﻮﮞ ﮐﯽ ﺗﻌﺪﺍﺩ ﺑﮍﮬﻨﮯ ﻟﮕﯽ ﺗﻮ ﯾﮏ ﺩﻡ ﺍﻣﺎﻣﮧ ﮐﻮ ﺍﺣﺴﺎﺱ ﮨﻮﺍ ﮐﮧ ﮔﻔﺖ ﮔﻮ ﻣﯿﮟ ﺁﻧﮯ ﻭﺍﻟﯽ ﺍﺱ ﺑﮯ ﺭﺑﻄﯽ ﮐﯽ ﻭﺟﮧ ﻭﮦ ﺗﮭﯽ۔ ﻭﮦ ﭼﺎﺭﻭﮞ ﺍﺱ ﮐﯽ ﻭﺟﮧ ﺳﮯ ﮐﮭﻞ ﮐﺮ ﺑﺎﺕ ﻧﮩﯿﮟ ﮐﺮ ﭘﺎ ﺭﮨﮯ ﺗﮭﮯ۔
” ﺑﺎﻟﮑﻞ ،ﺑﯿﭩﺎ ! ﺗﻢ ﺳﻮ ﺟﺎﺅ ﺗﻤﮩﯿﮟ ﺳﺤﺮﯼ ﮐﮯ ﻟﯿﮯ ﺍﭨﮭﻨﺎ ﮨﻮ ﮔﺎ۔ ﮨﻢ ﻟﻮﮒ ﺗﻮ ﺍﺑﮭﯽ ﮐﭽﮫ ﺩﯾﺮ ﺑﯿﭩﮭﯿﮟ ﮔﮯ۔ ”
ﺍﺱ ﮐﮯ ﻧﯿﻨﺪ ﺁﻧﮯ ﮐﮯ ﺑﮩﺎﻧﮯ ﭘﺮ ﺳﮑﻨﺪﺭ ﻋﺜﻤﺎﻥ ﻧﮯ ﻓﻮﺭﺍً ﮐﮩﺎ ﺗﮭﺎ۔
ﻭﮦ ﺍﭨﮫ ﮐﺮ ﮐﻤﺮﮮ ﻣﯿﮟ ﺁﮔﺌﯽ۔ ﻧﯿﻨﺪ ﺁﻧﺎ ﺑﮩﺖ ﻣﺸﮑﻞ ﺗﮭﯽ۔ ﺩﻭ ﺩﻥ ﭘﮩﻠﮯ ﺟﻦ ﺧﺪﺷﺎﺕ ﮐﮯ ﺑﺎﺭﮮ ﻣﯿﮟ ﺍﺱ ﻧﮯ ﺳﻮﭼﺎ ﺑﮭﯽ ﻧﮩﯿﮟ ﺗﮭﺎ، ﺍﺏ ﻭﮦ ﺍﻥ ﮐﮯ ﺑﺎﺭﮮ ﻣﯿﮟ ﺳﻮﭼﻨﮯ ﻟﮕﯽ ﺗﮭﯽ۔
ﺍﺳﮯ ﺍﻧﺪﺍﺯﮦ ﺗﮭﺎ ﮐﮧ ﺳﮑﻨﺪﺭ ﻋﺜﻤﺎﻥ ﺍﻥ ﺩﻭﻧﻮﮞ ﮐﯽ ﺷﺎﺩﯼ ﮐﻮ ﺧﻔﯿﮧ ﮨﯽ ﺭﮐﮭﻨﺎ ﭼﺎﮨﺘﺎ ﮨﯿﮟ ﺗﺎﮐﮧ ﺍﺱ ﮐﯽ ﻓﯿﻤﻠﯽ ﮐﻮ ﺍﺱ ﮐﮯ ﺑﺎﺭﮮ ﻣﯿﮟ ﭘﺘﺎ ﻧﮧ ﭼﻠﮯ۔
ﻭﮦ ﺑﮩﺖ ﺩﯾﺮ ﺗﮏ ﺍﭘﻨﮯ ﺑﯿﮉ ﭘﺮ ﺑﯿﭩﮭﮯ ﺍﻥ ﺧﺪﺷﺎﺕ ﺍﻭﺭ ﺧﻄﺮﺍﺕ ﮐﮯ ﺑﺎﺭﮮ ﻣﯿﮟ ﺳﻮﭼﺘﯽ ﺭﮨﯽ ﺟﻮ ﺍﻧﮩﯿﮟ ﻣﺤﺴﻮﺱ ﮨﻮ ﺭﮨﮯ ﺗﮭﮯ۔ ﺍﺱ ﻭﻗﺖ ﻭﮨﺎﮞ ﺍﮐﯿﻠﮯ ﺑﯿﭩﮭﯽ ﭘﮩﻠﯽ ﺑﺎﺭ ﺍﺱ ﻧﮯ ﺳﻮﭼﺎ ﮐﮧ ﺍﺱ ﺳﮯ ﺷﺎﺩﯼ ﮐﺮ ﮐﮯ ﺳﺎﻻﺭ ﻧﮯ ﮐﺘﻨﺎ ﺑﮍﺍ ﺧﻄﺮﮦ ﻣﻮﻝ ﻟﯿﺎ ﺗﮭﺎ۔ ﺟﻮ ﺑﮭﯽ ﺍﺱ ﺳﮯ ﺷﺎﺩﯼ ﮐﺮﺗﺎ، ﻭﮦ ﮐﺴﯽ ﻧﮧ ﮐﺴﯽ ﺣﺪ ﺗﮏ ﺧﻮﺩ ﮐﻮ ﻏﯿﺮ ﻣﺤﻔﻮﻅ ﺿﺮﻭﺭ ﮐﺮ ﻟﯿﺘﺎ ﻟﯿﮑﻦ ﺳﺎﻻﺭ ﺳﮑﻨﺪﺭ ﮐﯽ ﺻﻮﺭﺕ ﻣﯿﮟ ﺻﻮﺭﺕِ ﺣﺎﻝ ﺍﺱ ﻟﯿﮯ ﺯﯾﺎﺩﮦ ﺧﺮﺍﺏ ﮨﻮﺗﯽ ﮐﯿﻮﻧﮑﮧ ﺍﺱ ﮐﮯ ﺳﺎﺗﮫ ﺍﺱ ﮐﮯ ﺍﺱ ﺭﺷﺘﮯ ﮐﺎ ﺍﻧﮑﺸﺎﻑ ﮨﻮﻧﮯ ﮐﮯ ﭼﺎﻧﺴﺰ ﺯﯾﺎﺩﮦ ﺗﮭﮯ۔
ﻭﮦ ﺯﯾﺎﺩﮦ ﺳﮯ ﺯﯾﺎﺩﮦ ﮐﯿﺎ ﮐﺮ ﺳﮑﺘﮯ ﺗﮭﮯ … ﺍﺱ ﻧﮯ ﺳﻮﭼﺎ … ﻣﺠﮭﮯ ﯾﺎ ﺳﺎﻻﺭ ﮐﻮ ﺟﺎﻥ ﺳﮯ ﺗﻮ ﮐﺒﮭﯽ ﻧﮩﯿﮟ ﻣﺎﺭﯾﮟ ﮔﮯ … ﺍﺳﮯ ﺍﺏ ﺑﮭﯽ ﺍﻧﺪﮬﺎ ﺍﻋﺘﻤﺎﺩ ﺗﮭﺎ ﮐﮧ ﮐﮩﯿﮟ ﻧﮧ ﮐﮩﯿﮟ ﺍﺱ ﮐﯽ ﻓﯿﻤﻠﯽ ﺍﺗﻨﺎ ﻟﺤﺎﻅ ﺿﺮﻭﺭ ﮐﺮﮮ ﮔﯽ۔ ﺯﯾﺎﺩﮦ ﺳﮯ ﺯﯾﺎﺩﮦ ﯾﮩﯽ ﮨﻮ ﮔﺎ ﮐﮧ ﻭﮦ ﻣﺠﮭﮯ ﺯﺑﺮﺩﺳﺘﯽ ﺍﭘﻨﮯ ﺳﺎﺗﮫ ﻟﮯ ﺟﺎﻧﮯ ﮐﯽ ﮐﻮﺷﺶ ﮐﺮﯾﮟ ﮔﮯ ﺍﻭﺭ ﭘﮭﺮ ﺳﺎﻻﺭ ﺳﮯ ﻃﻼﻕ ﺩﻟﻮﺍ ﮐﺮ ﮐﮩﯿﮟ ﺍﻭﺭ ﺷﺎﺩﯼ ﮐﺮﻧﺎ ﭼﺎﮨﯿﮟ ﮔﮯ۔
ﺍﺱ ﺍﺿﻄﺮﺍﺏ ﻣﯿﮟ ﯾﮏ ﺩﻡ ﻣﺰﯾﺪ ﺍﺿﺎﻓﮧ ﮨﻮﺍ۔ ﺳﺐ ﮐﭽﮫ ﺷﺎﯾﺪ ﺍﺗﻨﺎ ﺳﯿﺪﮬﺎ ﻧﮩﯿﮟ ﺗﮭﺎ ﺟﺘﻨﺎ ﻭﮦ ﺳﻤﺠﮫ ﺭﮨﯽ ﺗﮭﯽ ﯾﺎ ﺳﻤﺠﮭﻨﮯ ﮐﯽ ﮐﻮﺷﺶ ﮐﺮ ﺭﮨﯽ ﺗﮭﯽ۔ ﯾﮧ ﺍﭘﻨﯽ ﻣﺮﺿﯽ ﺳﮯ ﮐﮩﯿﮟ ﺷﺎﺩﯼ ﮐﺮﻧﮯ ﮐﺎ ﻣﺴﺌﻠﮧ ﻧﮩﯿﮟ ﺗﮭﺎ، ﯾﮧ ﻣﺬﮨﺐ ﻣﯿﮟ ﺗﺒﺪﯾﻠﯽ ﮐﺎ ﻣﻌﺎﻣﻠﮧ ﺗﮭﺎ۔ ﺍﺳﮯ ﺍﭘﻨﮯ ﭘﯿﭧ ﻣﯿﮟ ﮔﺮﮨﯿﮟ ﭘﮍﺗﯽ ﻣﺤﺴﻮﺱ ﮨﻮﺋﯿﮟ، ﻭﮦ ﻭﺍﭘﺲ ﺑﯿﮉ ﭘﺮ ﺁﮐﺮ ﺑﯿﭩﮫ ﮔﺌﯽ۔ ﺍﺱ ﻭﻗﺖ ﭘﮩﻠﯽ ﺑﺎﺭ ﺳﺎﻻﺭ ﺳﮯ ﺷﺎﺩﯼ ﮐﺮﻧﺎ ﺍﺳﮯ ﺍﯾﮏ ﻏﻠﻄﯽ ﻟﮕﯽ۔ ﻭﮦ ﺍﯾﮏ ﺑﺎﺭ ﭘﮭﺮ ﺍﺳﯽ ﮐﮭﺎﺋﯽ ﮐﮯ ﮐﻨﺎﺭﮮ ﺁﮐﺮ ﮐﮭﮍﯼ ﮨﻮ ﮔﺌﯽ ﺗﮭﯽ ﺟﺲ ﺳﮯ ﻭﮦ ﺍﺗﻨﮯ ﺳﺎﻟﻮﮞ ﺳﮯ ﺑﭽﺘﯽ ﭘﮭﺮ ﺭﮨﯽ ﺗﮭﯽ۔
٭٭٭٭
“ ﺍﺏ ﮐﯿﺎ ﮨﻮ ﮔﺎ؟ ” ﻃﯿﺒﮧ ﻧﮯ ﺑﺴﺘﺮ ﭘﺮ ﻟﯿﭩﮯ ﮨﻮﺋﮯ ﮐﮩﺎ۔
” ﺍﺏ ﮨﻮﻧﮯ ﮐﻮ ﺭﮦ ﮐﯿﺎ ﮔﯿﺎ ﮨﮯ؟ ” ﺳﮑﻨﺪﺭ ﻋﺜﻤﺎﻥ ﻧﮯ ﺟﻮﺍﺑﺎً ﮐﮩﺎ۔ ﻭﮦ ﺟﺎﻧﺘﮯ ﺗﮭﮯ، ﻃﯿﺒﮧ ﮐﺎ ﺍﺷﺎﺭﮦ ﮐﺲ ﻃﺮﻑ ﺗﮭﺎ۔
” ﮨﺎﺷﻢ ﻣﺒﯿﻦ ﮐﻮ ﭘﺘﺎ ﭼﻞ ﮔﯿﺎ ﺗﻮ … ؟
( ﺟﺎﺭﯼ ﮨﮯ )
─━•<☆⊰✿❣✿⊱☆>•━─
