┄┅════❁ ﷽ ❁════┅┄
ناول: آب_حیات
از:عمیرہ_احمد
قسط_نمبر_13
ﺭﻣﻀﺎﻥ ﻧﮧ ﮨﻮﺗﺎ ﺗﻮ ﻭﮦ ﺍﺱ ﻭﻗﺖ ﺍﭘﻨﯽ " ﻋﺰﺕ ﻧﻔﺲ " ﮐﻮ ﺍﺳﮑﮯ ﻟﻨﭻ ﻣﯿﮟ ﻣﺼﺮﻭﻑ ﮨﻮﻧﮯ ﮐﺎ ﺑﮩﺎﻧﮧ ﭘﯿﺶ ﮐﺮﺗﯽ۔۔
ﺍﺏ ﻭﮦ ﻭﺍﻗﻌﯽ ﻧﺎ ﺧﻮﺵ ﺗﮭﯽ ﺑﻠﮑﮧ ﻧﺎ ﺧﻮﺵ ﺳﮯ ﺑﮭﯽ ﺯﯾﺎﺩﮦ۔ﺍﺏ ﺍﺳﮑﺎ ﺩﻝ ﺭﻭﻧﮯ ﮐﻮ ﭼﺎﮦ ﺭﮨﺎ ﺗﮭﺎ۔
ﮐﭽﮫ ﺩﯾﺮ ﺑﻌﺪ ﺍﺱ ﻧﮯ ﺳﺎﻻﺭ ﮐﮯ ﺳﯿﻞ ﭘﺮ ﮐﺎﻝ ﮐﯽ۔ ﺩﻭ ﺑﯿﻠﺰ ﮐﮯ ﺑﻌﺪ ﮐﺎﻝ ﮐﺴﯽ ﻟﮍﮐﯽ ﻧﮯ ﺭﯾﺴﯿﻮ ﮐﯽ۔ ﺍﯾﮏ ﻟﻤﺤﮯ ﮐﻮ ﺍﻣﺎﻣﮧ ﮐﻮ ﮐﭽﮫ ﺳﻤﺠﮫ ﻧﮧ ﺁﯾﺎ۔۔ ﻭﮦ ﺳﺎﻻﺭ ﮐﯽ ﺑﺠﺎﺋﮯ ﮐﺴﯽ ﻟﮍﮐﯽ ﮐﯽ ﺁﻭﺍﺯ ﮐﯽ ﺗﻮﻗﻊ ﻧﮩﯿﮟ ﮐﺮ ﺭﮨﯽ ﺗﮭﯽ۔
" ﻣﯿﮟ ﺁﭘﮑﯽ ﮐﯿﺎ ﮨﯿﻠﭗ ﮐﺮ ﺳﮑﺘﯽ ﮨﻮﮞ " ﻟﮍﮐﯽ ﻧﮯ ﺑﮍﯼ ﺷﺎﺋﺴﺘﮕﯽ ﺳﮯ ﭘﻮﭼﮭﺎ۔
" ﻣﺠﮭﮯ ﺳﺎﻻﺭ ﺳﮯ ﺑﺎﺕ ﮐﺮﻧﯽ ﮨﮯ " ﺍﺳﻨﮯ ﮐﭽﮫ ﻧﺰﺑﺰﺏ ﺳﮯ ﮐﮩﺎ۔
" ﺳﺎﻻﺭ ﺳﮑﻨﺪﺭ ﺻﺎﺣﺐ ﺗﻮ ﺍﯾﮏ ﻣﯿﭩﻨﮓ ﻣﯿﮟ ﮨﯿﮟ۔ﺁﭖ ﮐﻮﺋﯽ ﮐﻼﺋﯿﻨﭧ ﮨﯿﮟ ﯾﺎ ﺑﯿﻨﮏ ﺳﮯ ﻣﺘﻌﻠﻖ ﮐﻮﺋﯽ ﮐﺎﻡ ﮨﮯ ﺗﻮ ﻣﯿﮟ ﺁﭘﮑﯽ ﻣﺪﺩ ﮐﺮ ﺳﮑﺘﯽ ﮨﻮﮞ ﯾﺎ ﺁﭖ ﻣﯿﺴﺞ ﭼﮭﻮﮌ ﺩﯾﮟ ﺍﻧﮑﯿﻠﺌﮯ۔۔۔ ﻣﯿﭩﻨﮓ ﻣﯿﮟ ﺑﺮﯾﮏ ﺁﺋﮯ ﮔﯽ ﺗﻮ ﻣﯿﮟ ﺍﻧﮩﯿﮟ ﺍﻧﻔﺎﺭﻡ ﮐﺮ ﺩﻭﮞ ﮔﯽ " ۔ ﺍﺱ ﻟﮍﮐﯽ ﻧﮯ ﺑﮯ ﺣﺪ ﭘﺮﻭﻓﯿﺸﻨﻞ ﺍﻧﺪﺍﺯ ﻣﯿﮟ ﮐﮩﺎ۔۔ ﺍﻣﺎﻣﮧ ﺧﺎﻣﻮﺵ ﺭﮨﯽ۔
" ﮨﯿﻠﻮ ﻣﺲ ﺍﻣﺎﻣﮧ "! ﺍﺱ ﻟﮍﮐﯽ ﻧﮯ ﯾﻘﯿﻨﺎً ﺳﺎﻻﺭ ﮐﮯ ﺳﯿﻞ ﭘﺮ ﺍﺳﮑﯽ ﺁﺋﯽ ﭘﮍﮪ ﮐﺮ ﺍﺳﮑﺎ ﻧﺎﻡ ﻟﯿﺎ ﺗﮭﺎ۔ ﻭﮦ ﺍﺏ ﺍﺳﮯ ﻣﺘﻮﺟﮧ ﮐﺮ ﺭﮨﯽ ﺗﮭﯽ۔
" ﻣﯿﮟ ﺑﻌﺪ ﻣﯿﮟ ﮐﺎﻝ ﮐﺮ ﻟﻮﮞ ﮔﯽ " ۔ ﺍﺳﻨﮯ ﺑﺪ ﺩﻟﯽ ﮐﮯ ﺳﺎﺗﮫ ﻓﻮﻥ ﺑﻨﺪ ﮐﺮ ﺩﯾﺎ۔
" ﺗﻮ ﻭﮦ ﻣﯿﭩﻨﮓ ﻣﯿﮟ ﮨﮯ۔۔ﺍﻭﺭ ﺍﺳﮑﺎ ﺳﯿﻞ ﺗﮏ ﺍﺳﮑﮯ ﭘﺎﺱ ﻧﮩﯿﮟ۔۔۔۔ ﻣﺠﮭﮯ ﮐﮩﮧ ﺭﮨﺎ ﺗﮭﺎ ﮐﮧ ﺟﺎﮔﻨﮯ ﮐﮯ ﺑﻌﺪ ﺍﺳﮯ ﺍﻧﻔﺎﺭﻡ ﮐﺮﻭﮞ۔۔۔ ﮐﺲ ﻟﯿﮯ " ﻭﮦ ﺩﻝ ﺑﺮﺩﺍﺷﺘﮧ ﮨﻮ ﮔﺌﯽ۔
*********************
" ﺍﺭﮮ ﺑﯿﭩﺎ ﻣﯿﮟ ﺗﻮ ﮐﺐ ﺳﮯ ﺗﻤﮭﺎﺭﮮ ﻓﻮﻥ ﮐﮯ ﮐﮯ ﺍﻧﺘﻈﺎﺭ ﻣﯿﮟ ﺑﯿﭩﮭﯽ ﮨﻮﮞ ۔ ﺗﻤﮩﯿﮟ ﺍﺏ ﯾﺎﺩ ﺁﺋﯽ ﺳﻌﯿﺪﮦ ﺍﻣﺎﮞ ﮐﯽ "
ﺳﻌﯿﺪﮦ ﺍﻣﺎﮞ ﻧﮯ ﺍﺳﮑﯽ ﺁﻭﺍﺯ ﺳﻨﺘﮯ ﮨﯽ ﮔﻠﮧ ﮐﯿﺎ ۔
ﺍﺱ ﻧﮯ ﺟﻮﺍﺑﺎً ﺑﮯ ﺣﺪ ﮐﻤﺰﻭﺭ ﺑﮩﺎﻧﮯ ﭘﯿﺶ ﮐﯿﮯ ۔ﺳﻌﯿﺪﮦ ﺍﻣﺎﮞ ﻧﮯ ﺍﺳﮑﯽ ﻭﺿﺎﺣﺘﻮﮞ ﭘﺮ ﻏﻮﺭ ﻧﮩﯿﮟ ﮐﯿﺎ
" ﺳﺎﻻﺭ ﭨﮭﯿﮏ ﺗﻮ ﮬﮯ ﻧﮧ ﺗﻤﮩﺎﺭﮮ ﺳﺎﺗﮫ "
ﺍﻧﮭﻮﮞ ﻧﮯ ﺍﺱ ﺳﻮﺍﻝ ﮐﮯ ﻣﻀﻤﺮﺍﺕ ﮐﺎ ﺍﺱ ﺻﻮﺭﺕ ﺣﺎﻝ ﻣﯿﮟ ﺳﻮﭼﮯ ﺑﻐﯿﺮ ﺍﻭﺭ ﺍﻣﺎﻣﮧ ﮐﮯ ﺻﺒﺮ ﮐﺎ ﭘﯿﻤﺎﻧﮧ ﺟﯿﺴﮯ ﻟﺒﺮﯾﺰ ﮬﻮ ﮔﯿﺎ ﺗﮭﺎ ﻭﮦ ﯾﮑﺪﻡ ﭘﮭﻮﭦ ﮐﺮ ﺭﻭﻧﮯ ﻟﮕﯽ ﺗﮭﯽ ۔ ﺳﻌﯿﺪﮦ ﺍﻣﺎﮞ ﺑﺮﯼ ﻃﺮﺡ ﮔﮭﺒﺮﺍ ﮔﺌﯽ ﺗﮭﯿﮟ ۔
" ﮐﯿﺎ ﮨﻮﺍ ﺑﯿﭩﺎ ۔۔۔ ﺍﺭﮮ ﺍﺱ ﻃﺮﺡ ﮐﯿﻮﮞ ﺭﻭ ﺭﮨﯽ ﮨﻮ ۔۔۔۔ ﻣﺮﺍ ﺗﻮ ﺩﻝ ﮔﮭﺒﺮﺍﻧﮯ ﻟﮕﺎ ﮬﮯ ۔۔ ﮐﯿﺎ ﮨﻮ ﮔﯿﺎ ﺁﻣﻨﮧ ۔۔ " ﺳﻌﯿﺪﮦ ﺍﻣﺎﮞ ﮐﻮ ﺟﯿﺴﮯ ﭨﮭﻨﮉﮮ ﭘﺴﯿﻨﮯ ﺁﻧﮯ ﻟﮓ ﮔﺌﮯ ﺗﮭﮯ ۔۔
" ﺳﺎﻻﺭ ﻧﮯ ﮐﭽﮫ ﮐﮩﮧ ﺩﯾﺎ ﮐﯿﺎ ۔۔ ﺳﻌﯿﺪﮦ ﺍﻣﺎﮞ ﮐﻮ ﺳﺐ ﺳﮯ ﭘﮩﻼ ﺧﯿﺎﻝ ﯾﮩﯽ ﺁﯾﺎ ﺗﮭﺎ ۔
" ﻣﺠﮭﮯ ﺍﺱ ﺳﮯ ﺷﺎﺩﯼ ﻧﮩﯿﮟ ﮐﺮﻧﯽ ﭼﺎﮨﯿﮯ ﺗﮭﯽ "
ﺍﻣﺎﻣﮧ ﻧﮯ ﺍﻧﮑﮯ ﺳﻮﺍﻝ ﮐﺎ ﺟﻮﺍﺏ ﺩﯾﮯ ﺑﻨﺎ ﮐﮩﺎ ۔ ﺳﻌﯿﺪﮦ ﺍﻣﺎﮞ ﮐﯽ ﺣﻮﺍﺱ ﺑﺎﺧﺘﮕﯽ ﻣﯿﮟ ﺍﺿﺎﻓﮧ ﮨﻮﺍ ۔۔
" ﻣﯿﮟ ﻧﮯ ﮐﮩﺎ ﺑﮭﯽ ﺗﮭﺎ ﺁﭖ ﺳﮯ " ﻭﮦ ﺭﻭﺗﯽ ﺟﺎ ﺭﮨﯽ ﺗﮭﯽ ۔
" ﮐﯿﺎ ﻭﮦ ﺍﭘﻨﯽ ﭘﮩﻠﯽ ﺑﯿﻮﯼ ﮐﯽ ﺑﺎﺗﯿﮟ ﮐﺮﺗﺎ ﺭﮨﺎ ﮨﮯ ﺗﻢ ﺳﮯ ۔۔ "
ﺳﻌﯿﺪﮦ ﺍﻣﺎﮞ ﻧﮯ ﺳﺎﻻﺭ ﮐﮯ ﺣﻮﺍﻟﮯ ﺳﮯ ﻻﺣﻖ ﻭﺍﺣﺪ ﺧﺪﺷﮯ ﮐﺎ ﺫﮐﺮ ﮐﯿﺎ ۔
ﭘﮩﻠﯽ ﺑﯿﻮﯼ ? ﺍﻣﺎﻣﮧ ﻧﮯ ﺭﻭﺗﮯ ﺭﻭﺗﮯ ﮐﭽﮫ ﺣﯿﺮﺍﻧﯽ ﺳﮯ ﺳﻮﭼﺎ ۔۔
ﻟﯿﮑﻦ ﺳﺎﻻﺭ ﮐﮯ ﻟﯿﮯ ﺍﺳﻮﻗﺖ ﺍﺩ ﮐﮯ ﺩﻝ ﻣﯿﮟ ﺍﺗﻨﺎ ﻏﺼﮧ ﺑﮭﺮﺍ ﮨﻮﺍ ﺗﮭﺎ ﺍﺱ ﻧﮯ ﺑﻼ ﺳﻮﭼﮯ ﺳﻤﺠﮭﮯ ﺍﻣﺎﮞ ﮐﮯ ﺧﺪﺷﮯ ﮐﯽ ﺗﺼﺪﯾﻖ ﮐﯽ ﺗﮭﯽ ۔
" ﺟﯽ " ﺍﺱ ﻧﮯ ﺭﻭﺗﮯ ﮨﻮﺋﮯ ﺟﻮﺍﺏ ﺩﯾﺎ ۔
ﺳﻌﯿﺪﮦ ﺍﻣﺎﮞ ﮐﮯ ﺳﯿﻨﮯ ﭘﺮ ﺟﯿﺴﮯ ﮔﮭﻮﻧﺴﺎ ﻟﮕﺎ۔ﯾﮧ ﺧﺪﺷﮧ ﺗﻮ ﺍﻧﮩﯿﮟ ﺗﮭﺎ ﻟﯿﮑﻦ ﺍﻥ ﮐﺎ ﺧﯿﺎﻝ ﺗﮭﺎ ﮐﮯ ﺍﭘﻨﮯ ﮔﮭﺮ ﻟﮯ ﺟﺎﺗﮯ ﮨﯽ ﭘﮩﻠﮯ ﺩﻥ ﺗﻮ ﻭﮦ ﮐﻢ ﺍﺯﮐﻢ ﺍﭘﻨﯽ ﺍﺱ ﮐﺌﯽ ﺳﺎﻝ ﭘﺮﺍﻧﯽ ﻣﻨﮑﻮﺣﮧ ﮐﺎ ﺫﮐﺮ ﻧﮩﯿﮟ ﮐﺮﮮ ﮔﺎ۔ﺍﻣﺎﻣﮧ ﮐﻮ ﺳﺎﻻﺭ ﭘﺮ ﮐﯿﺎ ﻏﺼﮧ ﺁﻧﺎ ﺗﮭﺎ،ﺟﻮ ﺳﻌﯿﺪﮦ ﺍﻣﺎﮞ ﮐﻮ ﺁﯾﺎ ﺗﮭﺎ، ﺍﻧﮩﯿﮟ ﯾﮑﺪﻡ ﭘﭽﮭﺘﺎﻭﺍ ﮨﻮﺍ ﺗﮭﺎ۔ﻭﺍﻗﻌﯽ ﮐﯿﺎﺿﺮﻭﺭﺕ ﺗﮭﯽ ﯾﻮﮞ ﺭﺍﮦ ﭼﻠﺘﮯ ﮐﺴﯽ ﺑﮭﯽ ﺩﻭﭨﮑﮯ ﮐﮯﺁﺩﻣﯽ ﮐﻮ ﭘﮑﮍ ﮐﺮ ﯾﻮﮞ ﺍﺳﮑﯽ ﺷﺎﺩﯼ ﮐﺮ ﺩﯾﻨﮯ ﮐﯽ۔ﺍﻧﮩﻮﮞ ﻧﮯ ﭘﭽﮭﺘﺎﺗﮯ ﮨﻮﮰ ﺳﻮﭼﺎ۔
” ﺗﻢ ﻓﮑﺮ ﻧﮧ ﮐﺮﻭ۔۔۔۔ ﻣﯿﮟ ﺧﻮﺩ ﺳﺒﻂ ﻋﻠﯽ ﺑﮭﺎﺋﯽ ﺳﮯ ﺑﺎﺕ ﮐﺮﻭﮞ ﮔﯽ۔ “ ﺳﻌﯿﺪﮦ ﺍﻣﺎﮞ ﻧﮯ ﺑﮯﺣﺪ ﻏﺼﮯ ﻣﯿﮟ ﮐﮩﺎ۔
” ﮐﻮﺋﯽ ﻓﺎﺋﺪﮦ ﻧﮩﯿﮟ ﺍﻣﺎﮞ ! ﺑﺲ ﻣﯿﺮﯼ ﻗﺴﻤﺖ ﮨﯽ ﺧﺮﺍﺏ ﮨﮯ۔ “
ﺳﻌﯿﺪﮦ ﺍﻣﺎﮞ ﮐﮯ ﭘﺎﺱ ﺁﻧﮯ ﻭﺍﻟﯽ ﻋﻮﺭﺗﻮﮞ ﮐﮯ ﻣﻨﮧ ﺳﮯ ﮐﺌﯽ ﺑﺎﺭ ﺳﻨﺎ ﮨﻮﺍ ﮔﮭﺴﺎ ﭘﭩﺎ ﺟﻤﻠﮧ ﮐﺴﻄﺮﺡ ﺍﺳﮑﯽ ﺯﺑﺎﻥ ﭘﺮ ﺁﮔﯿﺎ،ﺍﺳﮑﺎ ﺍﻧﺪﺍﺯﮦ ﺍﻣﺎﻣﮧ ﮐﻮ ﻧﮩﯿﮟ ﮨﻮﺍ ﻟﯿﮑﻦ ﺍﺱ ﺟﻤﻠﮯ ﻧﮯ ﺳﻌﯿﺪﮦ ﺍﻣﺎﮞ ﮐﮯﺩﻝ ﭘﺮ ﺟﯿﺴﮯ ﺁﺭﯼ ﭼﻼ ﺩﯼ۔
” ﺍﺭﮮ ﮐﯿﻮﮞ ﻗﺴﻤﺖ ﺧﺮﺍﺏ ﮨﮯ ۔۔۔ﮐﻮﺋﯽ ﺿﺮﻭﺭﺕ ﻧﮩﯿﮟ ﮨﮯ ﻭﮨﺎﮞ ﺭﮨﻨﮯ ﮐﯽ۔۔ﺗﻢ ﺍﺑﮭﯽ ﺁﺟﺎٶ ﺍﺳﮑﮯﮔﮭﺮ ﺳﮯ۔۔ﺍﺭﮮ ﻣﯿﺮﯼ ﻣﻌﺼﻮﻡ ﺑﭽﯽ ﭘﺮ ﺍﺗﻨﺎ ﻇﻠﻢ۔۔ﮨﻢ ﻧﮯ ﮐﻮﺋﯽ ﺟﮩﻨﻢ ﻣﯿﮟ ﺗﮭﻮﮌﯼ ﭘﮭﯿﻨﮑﻨﺎ ﮨﮯ ﺗﻤﮩﯿﮟ؟ “
ﺍﻣﺎﻣﮧ ﮐﻮ ﺍﻥ ﮐﯽ ﺑﺎﺗﻮﮞ ﭘﺮ ﺍﻭﺭ ﺭﻭﻧﺎ ﺁﯾﺎ۔ﺧﻮﺩ ﺗﺮﺳﯽ ﮐﺎ ﺍﮔﺮ ﮐﻮﺋﯽ ﻣﺎٶﻧﭧ ﺍﯾﻮﺭﺳﭧ ﮨﻮﺗﺎ ﺗﻮ ﻭﮦ ﺍﺱ ﻭﻗﺖ ﺍﺳﮑﯽ ﭼﻮﭨﯽ ﭘﺮ ﺟﮭﻨﮉﺍ ﮔﺎﮌﮪ ﮐﺮ ﺑﯿﭩﮭﯽ ﮨﻮﺗﯽ۔
” ﺑﺲ ﺗﻢ ﺍﺑﮭﯽ ﺭﮐﺸﮧ ﻟﻮ ﺍﻭﺭ ﻣﯿﺮﯼ ﻃﺮﻑ ﺁﺟﺎٶ۔ﮐﻮﺋﯽ ﺿﺮﻭﺭﺕ ﻧﮩﯿﮟ ﮨﮯ ﺍُﺩﮬﺮ ﺑﯿﭩﮭﮯ ﺭﮨﻨﮯ ﮐﯽ۔ “ ﺳﻌﯿﺪﮦ ﺍﻣﺎﮞ ﻧﮯ ﺩﻭ ﭨﻮﮎ ﺍﻧﺪﺍﺯ ﻣﯿﮟ ﮐﮩﺎ۔
ﯾﮧ ﮔﻔﺘﮕﻮ ﻣﺰﯾﺪ ﺟﺎﺭﯼ ﺭﮨﺘﯽ ﺗﻮ ﺷﺎﯾﺪ ﺍﻣﺎﻣﮧ ﺑﻐﯿﺮ ﺳﻮﭼﮯ ﺳﻤﺠﮭﮯ ﺭﻭﺗﮯ ﮨﻮﮰ ﺍﺳﯽ ﻃﺮﺡ ﻭﮨﺎﮞ ﺳﮯ ﭼﻞ ﺑﮭﯽ ﭘﮍﺗﯽ۔ﻭﮦ ﺍﺱ ﻭﻗﺖ ﮐﭽﮫ ﺍﺗﻨﯽ ﮨﯽ ﺟﺬﺑﺎﺗﯽ ﮨﻮ ﺭﮨﯽ ﺗﮭﯽ،ﻟﯿﮑﻦ ﺳﺎﻻﺭ ﮐﮯﺳﺘﺎﺭﻭﮞ ﮐﯽ ﮔﺮﺩﺵ ﺍﺱ ﺩﻥ ﺻﺮﻑ ﭼﻨﺪ ﻟﻤﺤﻮﮞ ﮐﮯ ﻟﯿﮯ ﺍﭼﮭﯽ ﺛﺎﺑﺖ ﮨﻮﺋﯽ۔ﺳﻌﯿﺪﮦ ﺍﻣﺎﮞ ﺳﮯ ﺑﺎﺕ ﮐﺮﺗﮯ ﮐﺮﺗﮯ ﮐﺎﻝ ﮐﭧ ﮔﺌﯽ ﺗﮭﯽ،ﺍﺳﮑﺎ ﮐﺮﯾﮉﭦ ﺧﺘﻢ ﮨﻮ ﮔﯿﺎ ﺗﮭﺎ۔ﺍﻣﺎﻣﮧ ﻧﮯ ﻟﯿﻨﮉ ﻻﺋﻦ ﺳﮯ ﮐﺎﻝ ﮐﺮﻧﮯ ﮐﯽ ﮐﻮﺷﺶ ﮐﯽ ﺗﮭﯽ ﻟﯿﮑﻦ ﮐﺎﻝ ﻧﮩﯿﮟ ﻣﻠﯽ۔ ﺷﺎﯾﺪ ﺳﻌﯿﺪﮦ ﺍﻣﺎﮞ ﻧﮯ ﻓﻮﻥ ﮐﺎ ﺭﯾﺴﯿﻮﺭ ﮐﺮﯾﮉﻝ ﭘﺮ ﭨﮭﯿﮏ ﺳﮯ ﻧﮩﯿﮟ ﺭﮐﮭﺎ ﺗﮭﺎ۔ﻭﮦ ﺑﺮﯼ ﻃﺮﺡ ﺟﮭﻨﺠﮭﻼﺋﯽ۔
ﺳﻌﯿﺪﮦ ﺍﻣﺎﮞ ﺳﮯ ﺑﺎﺕ ﮐﺮﺗﮯ ﮨﻮﮰ ﻭﮦ ﺍﺗﻨﯽ ﺩﯾﺮ ﻣﯿﮟ ﭘﮩﻠﯽ ﺑﺎﺭ ﺑﮩﺖ ﺍﭼﮭﺎ ﻣﺤﺴﻮﺱ ﮐﺮﺭﮨﯽ ﺗﮭﯽ۔ﯾﻮﮞ ﺟﯿﺴﮯ ﮐﺴﯽ ﻧﮯ ﺍﺳﮑﮯ ﺩﻝ ﮐﺎ ﺑﻮﺟﮫ ﮨﻠﮑﺎ ﮐﺮ ﺩﯾﺎﮨﻮ ۔ﺍﺳﮯ ﺍﺱ ﻭﻗﺖ ﺟﺲ ” ﻣﺘﻌﺼﺐ “ ﺟﺎﻧﺐ ﺩﺍﺭﯼ ﮐﯽ ﺿﺮﻭﺭﺕ ﺗﮭﯽ،ﺍﻧﮩﻮﮞ ﻧﮯ ﺍﺳﮯ ﻭﮨﯽ ﺩﯼ ﺗﮭﯽ۔ﺍﻥ ﺳﮯ ﺑﺎﺕ ﮐﺮﺗﮯ ﮨﻮﮰ ﺭﻭﺍﻧﯽ ﺍﻭﺭ ﻓﺮﻭﺍﻧﯽ ﺳﮯ ﺑﮩﻨﮯ ﻭﺍﻟﮯ ﺁﻧﺴﻮ ﺍﺏ ﯾﮑﺪﻡ ﺧﺸﮏ ﮨﻮ ﮔﺌﮯ ﺗﮭﮯ۔
ﻭﮨﺎﮞ ﺳﮯ ﺩﺱ ﻣﯿﻞ ﮐﮯ ﻓﺎﺻﻠﮯ ﭘﺮ ﺍﭘﻨﮯ ﺑﯿﻨﮏ ﮐﮯ ﺑﻮﺭﮈﺭﻭﻡ ﻣﯿﮟ ﺑﯿﭩﮭﯽ ﺍﯾﻮﯾﻠﯿﻮﺍﯾﺸﻦ ﭨﯿﻢ ﮐﻮ ﺩﯼ ﺟﺎﻧﮯ ﻭﺍﻟﯽ ﭘﺮﯾﺰﯾﻨﭩﯿﺸﻦ ﮐﮯ ﺍﺧﺘﺘﺎﻣﯿﮧ ﺳﻮﺍﻝ ﻭ ﺟﻮﺍﺏ ﮐﮯ ﺳﯿﺸﻦ ﻣﯿﮟ ﮐﺮﯾﮉﺑﯿﻠﭩﯽ ﺍﯾﻨﮉ ﭨﺮﺳﭧ ﻓﯿﮑﭩﺮ ﺳﮯ ﻣﺘﻌﻠﻘﮧ ﮐﺴﯽ ﺳﻮﺍﻝ ﮐﮯ ﺟﻮﺍﺏ ﻣﯿﮟ ﺑﻮﻟﺘﮯ ﮨﻮﮰ ﺳﺎﻻﺭ ﮐﻮ ﺍﻧﺪﺍﺯﮦ ﺑﮭﯽ ﻧﮩﯿﮟ ﺗﮭﺎ ﺍﺳﮑﮯ ﮔﮭﺮ ﭘﺮ ﻣﻮﺟﻮﺩ ﺍﺳﮑﯽ ﺍﯾﮏ ﺩﻥ ﮐﯽ ” ﺑﯿﻮﯼ “ ﺍﻭﺭ ﻧﻮ ﺳﺎﻟﮧ ” ﻣﺤﺒﻮﺑﮧ “ ﮔﮭﺮ ﭘﺮ ﺑﯿﭩﮭﯽ ﺍﺳﮑﯽ ” ﺳﺎﮐﮫ “ ﺍﻭﺭ ﻧﺎﻡ ﮐﺎ ﺗﯿﺎﭘﺎﻧﭽﮧ ﮐﺮﻧﮯ ﻣﯿﮟ ﻣﺼﺮﻭﻑ ﺗﮭﯽ۔ﺟﺴﮑﻮ ﺍﺱ ﻭﻗﺖ ﺍﺱ ﻭﺿﺎﺣﺖ ﮐﯽ ﺍﺱ ﺍﯾﻮﯾﻠﯿﻮﯾﺸﻦ ﺳﮯ ﺯﯾﺎﺩﮦ ﺿﺮﻭﺭﺕ ﺗﮭﯽ۔
ﺳﻮﻧﺎﮨﻮﮔﯿﺎ۔۔۔ﺭﻭﻥﺍﺑﮭﯽ ﮨﻮﮔﯿﺎ۔۔۔ﺍﺏ ﺍﻭﺭﮐﯿﺎﺭﮦ ﮔﯿﺎﺗﮭﺎ۔۔ﺍﻣﺎﻣﮧ ﻧﮯ ﭨﺸﻮ ﭘﯿﭙﺮ ﺳﮯ ﺍﭘﻨﯽ ﺁﻧﮑﮭﯿﮟ ﺍﻭﺭ ﻧﺎﮎ ﺭﮔﮍﺗﮯ ﮨﻮﮰ ﺑﺎﻵﺧﺮ ﺭﯾﺴﯿﻮﺭ ﺭﮐﮭﺘﮯ ﮨﻮﮰ ﺳﻮﭼﺎ۔ﺍﺳﮯ ﮐﭽﻦ ﻣﯿﮟ ﭘﮍﮮ ﺳﻨﮏ ﮐﮯ ﺑﺮﺗﻨﻮﮞ ﮐﺎ ﺧﯿﺎﻝ ﺁﯾﺎ،ﺑﮍﯼ ﻧﯿﻢ ﺩﻟﯽ ﺳﮯ ﻭﮦ ﮐﭽﻦ ﻣﯿﮟ ﮔﺌﯽ ﺍﻭﺭ ﺍﻥ ﺑﺮﺗﻨﻮﮞ ﮐﻮ ﺩﮬﻮﻧﮯ ﻟﮕﯽ۔
ﻭﮦ ﺷﺎﻡ ﮐﮯﻟﯿﮯ ﺍﭘﻨﮯ ﮐﭙﮍﮮ ﻧﮑﺎﻟﻨﮯ ﮐﮯ ﻟﯿﮯ ﺍﯾﮏ ﺑﺎﺭ ﭘﮭﺮ ﺑﯿﮉﺭﻭﻡ ﻣﯿﮟ ﺁﮔﺌﯽ ﺍﻭﺭ ﺗﺐ ﮨﯽ ﺍﺱ ﻧﮯ ﺍﭘﻨﺎ ﺳﯿﻞ ﻓﻮﻥ ﺑﺠﺘﮯ ﺳﻨﺎ۔ﺟﺐ ﺗﮏ ﻭﮦ ﺳﯿﻞ ﻓﻮﻥ ﮐﮯ ﭘﺎﺱ ﭘﮩﻨﭽﯽ،ﻓﻮﻥ ﺑﻨﺪﮨﻮ ﭼﮑﺎ ﺗﮭﺎ۔ﻭﮦ ﺳﺎﻻﺭ ﺗﮭﺎ ﺍﻭﺭ ﺍﺳﮑﮯ ﺳﯿﻞ ﭘﺮ ﯾﮧ ﺍﺳﮑﯽ ﭼﻮﺗﮭﯽ ﻣﺴﮉﮐﺎﻝ ﺗﮭﯽ۔ﻭﮦ ﺳﯿﻞ ﮨﺎﺗﮫ ﻣﯿﮟ ﭘﮑﮍﮮ ﺍﺳﮑﯽ ﮐﺎﻝ ﮐﺎ ﺍﻧﺘﻈﺎﺭ ﮐﺮﻧﮯ ﻟﮕﯽ۔ﮐﺎﻝ ﮐﯽ ﺑﺠﺎﮰ ﺍﺳﮑﺎ ﻣﯿﺴﺞ ﺁﯾﺎ۔ﻭﮦ ﺍﺳﮯ ﺍﭘﻨﮯ ﭘﺮﻭﮔﺮﻡ ﻣﯿﮟ ﺗﺒﺪﯾﻠﯽ ﮐﮯ ﺑﺎﺭﮮ ﻣﯿﮟ ﺑﺘﺎ ﺭﮨﺎ ﺗﮭﺎﮐﮧ ﮈﺍﮐﭩﺮ ﺳﺒﻂ ﻋﻠﯽ ﮐﺎ ﮈﺭﺍﺋﯿﻮﺭ ﺍﯾﮏ ﮔﮭﻨﭩﮯ ﺗﮏ ﺍﺳﮯ ﻭﮨﺎﮞ ﺳﮯ ﮈﺍﮐﭩﺮ ﺻﺎﺣﺐ ﮐﮯ ﮔﮭﺮﻟﮯ ﺟﺎﮰ ﮔﺎ ﺍﻭﺭ ﻭﮦ ﺍﻓﻄﺎﺭ ﮐﮯ ﺑﻌﺪ ﺁﻓﺲ ﺳﮯ ﺳﯿﺪﮬﺎ ﮈﺍﮐﭩﺮ ﺻﺎﺣﺐ ﮐﮯ ﮔﮭﺮ ﺁﻧﮯ ﻭﺍﻻ ﺗﮭﺎ۔
ﭼﻨﺪﻟﻤﺤﻮﮞ ﮐﮯ ﻟﯿﮯ ﺍﺳﮑﺎ ﺩﻝ ﭼﺎﮨﺎ،ﻭﮦ ﻓﻮﻥ ﮐﻮ ﺩﯾﻮﺍﺭ ﭘﺮ ﺩﮮ ﻣﺎﺭﮮ ﻟﯿﮑﻦ ﻭﮦ ﺍﺳﮑﺎ ﺍﭘﻨﺎ ﻓﻮﻥ ﺗﮭﺎ۔ﺳﺎﻻﺭ ﮐﻮ ﮐﯿﺎﻓﺮﻕ ﭘﮍﺗﺎ۔
ﻭﮦ ﺍﺱ ﺳﮯ ﺭﺍﺕ ﮐﻮ ﺍﺗﻨﺎ ﻟﻤﺒﺎ ﭼﻮﮌﺍ ﺍﻇﮩﺎﺭ ﻣﺤﺒﺖ ﻧﮧ ﮐﺮﺗﺎ ﺗﻮ ﻭﮦ ﺁﺝ ﺍﺱ ﺳﮯ ﺗﻮﻗﻌﺎﺕ ﮐﺎ ﺍﻧﺒﺎﺭ ﻟﮕﺎﮐﺮ ﻧﮧ ﺑﯿﭩﮭﯽ ﮨﻮﺗﯽ،ﻟﯿﮑﻦ ﺳﺎﻻﺭ ﮐﮯ ﮨﺮ ﺟﻤﻠﮯ ﭘﺮ ﺍﺱ ﻧﮯ ﻻﺷﻌﻮﺭﯼ ﻃﻮﺭ ﭘﺮ ﭘﭽﮭﻠﯽ ﺭﺍﺕ ﺍﭘﻨﮯ ﺩﺍﻣﻦ ﮐﮯ ﺳﺎﺗﮫ ﺍﯾﮏ ﮔﺮﮦ ﺑﺎﻧﺪﮪ ﻟﯽ ﺗﮭﯽ ﺍﻭﺭ ﮔﺮﮨﻮﮞ ﺳﮯ ﺑﮭﺮﺍ ﻭﮦ ﺩﺍﻣﻦ ﺍﺏ ﺍﺳﮯ ﺑﺮﯼ ﻃﺮﺡ ﺗﻨﮓ ﮐﺮﻧﮯ ﻟﮕﺎ ﺗﮭﺎ۔
ﮈﺍﮐﭩﺮ ﺳﺒﻂ ﻋﻠﯽ ﮔﮭﺮ ﭘﺮ ﻧﮩﯿﮟ ﺗﮭﮯ۔ﺁﻧﭩﯽ ﮐﻠﺜﻮﻡ ﻧﮯ ﺑﮍﯼ ﮔﺮﻡ ﺟﻮﺷﯽ ﮐﮯ ﺳﺎﺗﮫ ﺍﺳﮑﺎﺍﺳﺘﻘﺒﺎﻝ ﮐﯿﺎ ﺍﻭﺭ ﻭﮦ ﺑﮭﯽ ﺟﺲ ﺣﺪ ﺗﮏ ﻣﺼﻨﻮﻋﯽ ﺟﻮﺵ ﻭ ﺧﺮﻭﺵ ﺍﻭﺭﺍﻃﻤﯿﻨﺎﻥ ﮐﺎﻣﻈﺎﮨﺮﮦ ﮐﺮ ﺳﮑﺘﯽ ﺗﮭﯽ، ﮐﺮﺗﯽ ﺭﮨﯽ۔ﺁﻧﭩﯽ ﮐﮯ ﻣﻨﻊ ﮐﺮﻧﮯ ﮐﮯ ﺑﺎﻭﺟﻮﺩ ﻭﮦ ﺍﻥ ﮐﮯ ﺳﺎﺗﮫ ﻣﻞ ﮐﺮ ﺍﻓﻄﺎﺭ ﺍﻭﺭ ﮈﻧﺮ ﮐﯽ ﺗﯿﺎﺭﯼ ﮐﺮﻭﺍﺗﯽ ﺭﮨﯽ۔
ﮈﺍﮐﭩﺮ ﺳﺒﻂ ﻋﻠﯽ ﺍﻓﻄﺎﺭ ﺳﮯ ﮐﭽﮫ ﺩﯾﺮ ﭘﮩﻠﮯ ﺁﮰ ﺗﮭﮯ۔ﺍﻭﺭ ﺍﻧﮩﻮﮞ ﻧﮯ ﺍﻣﺎﻣﮧ ﮐﯽ ﺳﻨﺠﯿﺪﮔﯽ ﻧﻮﭦ ﮐﯽ ﺗﮭﯽ۔ﻣﮕﺮ ﺍﺳﮑﯽ ﺳﻨﺠﯿﺪﮔﯽ ﮐﺎ ﺗﻌﻠﻖ ﺳﺎﻻﺭ ﺳﮯ ﻧﮩﯿﮟ ﺟﻮﮌﺍ ﺗﮭﺎ۔ﻭﮦ ﺟﻮﮌ ﺑﮭﯽ ﮐﯿﺴﮯ ﺳﮑﺘﮯ ﺗﮭﮯ۔
ﺳﺎﻻﺭ ﺍﻓﻄﺎﺭ ﮐﮯ ﺗﻘﺮﯾﺒﺎً ﺁﺩﮪ ﮔﮭﻨﭩﮯ ﺑﻌﺪ ﺁﯾﺎ ﺗﮭﺎ۔
ﺍﻭﺭ ﺍﻣﺎﻣﮧ ﺳﮯ ﭘﮩﻠﯽ ﻧﻈﺮ ﻣﻠﺘﮯ ﮨﯽ ﺳﺎﻻﺭ ﮐﻮ ﺍﻧﺪﺍﺯﮦ ﮨﻮﮔﯿﺎ ﺗﮭﺎ ﮐﮧ ﺳﺐ ﮐﭽﮫ ﭨﮭﯿﮏ ﻧﮩﯿﮟ ﮨﮯ۔ﻭﮦ ﺍﺳﮑﯽ ﺧﯿﺮ ﻣﻘﺪﻣﯽ ﻣﺴﮑﺮﺍﮨﭧ ﮐﮯ ﺟﻮﺍﺏ ﻣﯿﮟ ﻣﺴﮑﺮﺍﺋﯽ ﺗﮭﯽ،ﻧﮧ ﮨﯽ ﮈﺍﮐﭩﺮ ﺳﺒﻂ ﻋﻠﯽ ﺍﻭﺭ ﺍﻥ ﮐﯽ ﺑﯿﻮﯼ ﮐﯽ ﻃﺮﺡ ﮔﺮﻡ ﺟﻮﺷﯽ ﺳﮯ ﺍﺳﮑﮯ ﺳﻼﻡ ﮐﺎ ﺟﻮﺍﺏ ﺩﯾﺎ ﺗﮭﺎ۔ﻭﮦ ﺑﺲ ﻧﻈﺮﯾﮟ ﭼﺮﺍ ﮐﺮ ﻻٶﻧﭻ ﺳﮯ ﺍُﭨﮫ ﮐﺮ ﮐﭽﻦ ﻣﯿﮟ ﭼﻠﯽ ﮔﺌﯽ ﺗﮭﯽ۔ﺍﯾﮏ ﻟﻤﺤﮯ ﮐﮯ ﻟﯿﮯ ﺳﺎﻻﺭ ﮐﻮ ﻟﮕﺎ ﮐﮧ ﺷﺎﯾﺪﺍﺳﮯ ﻏﻠﻂ ﻓﮩﻤﯽ ﮨﻮﺋﯽ ﮨﮯ۔ﺁﺧﺮ ﻭﮦ ﺍﺱ ﺳﮯ ﮐﺲ ﺑﺎﺕ ﭘﺮ ﻧﺎﺭﺍﺽ ﮨﻮﺳﮑﺘﯽ ﺗﮭﯽ۔
ﻭﮦ ﮈﺍﮐﭩﺮ ﺳﺒﻂ ﻋﻠﯽ ﮐﮯ ﭘﺎﺱ ﺑﯿﭩﮭﺎ ﺍﻥ ﺳﮯ ﺑﺎﺗﯿﮟ ﮐﺮﺗﺎ ﮨﻮﺍ ﺍﭘﻨﮯ ﺫﮨﻦ ﻣﯿﮟ ﭘﭽﮭﻠﮯ ﭼﻮﺑﯿﺲ ﮔﮭﻨﭩﻮﮞ ﮐﮯ ﻭﺍﻗﻌﺎﺕ ﮐﻮ ﺩﮨﺮﺍﺗﺎ ﺍﻭﺭ ﮐﻮﺋﯽ ﺍﯾﺴﯽ ﺑﺎﺕ ﮈﮬﻮﻧﮉﻧﮯ ﮐﯽ ﮐﻮﺷﺶ ﮐﺮﺗﺎﺭﮨﺎﺟﻮ ﺍﻣﺎﻣﮧ ﮐﻮ ﺧﻔﺎﮐﺮ ﺳﮑﺘﯽ ﺗﮭﯽ۔ ﺍﺳﮯﺍﯾﺴﯽ ﮐﻮﺋﯽ ﺑﺎﺕ ﯾﺎﺩ ﻧﮩﯿﮟ ﺁﺋﯽ۔ﺍﻥ ﮐﮯ ﺩﺭﻣﯿﺎﻥ ﺁﺧﺮﯼ ﮔﻔﺘﮕﻮ ﺭﺍﺕ ﮐﻮ ﮨﻮﺋﯽ ﺗﮭﯽ۔ﻭﮦ ﺍﺳﮑﮯ ﺑﺎﺯﻭ ﭘﺮ ﺳﺮ ﺭﮐﮭﮯ ﺑﺎﺗﯿﮟ ﮐﺮﺗﮯ ﮨﻮﮰ ﺳﻮﺋﯽ ﺗﮭﯽ۔ ” ﺧﻔﺎ ﮨﻮﺗﯽ ﺗﻮﻭﮦ۔۔۔ﺍﻟﺠﮫ ﺭﮨﺎ ﺗﮭﺎ “
” ﮐﻢ ﺍﺯ ﮐﻢ ﻣﯿﮟ ﻧﮯ ﺍﯾﺴﺎ ﮐﭽﮫ ﻧﮩﯿﮟ ﮐﯿﺎ ﺟﻮ ﺍﺳﮯ ﺑﺮﺍ ﻟﮕﺎ ﮨﻮ،ﺷﺎﯾﺪ ﯾﮩﺎﮞ ﮐﻮﺋﯽ ﺍﯾﺴﯽ ﺑﺎﺕ ﮨﻮﺋﯽ ﮨﻮ۔ “ ﺳﺎﻻﺭ ﻧﮯ ﺧﻮﺩ ﮐﻮ ﺑﺮﯼ ﺍﻟﺬﻣﮧ ﻗﺮﺍﺭ ﺩﯾﺘﮯ ﮨﻮﮰ ﺳﻮﭼﺎ۔ ” ﻟﯿﮑﻦ ﯾﮩﺎﮞ ﮐﯿﺎ ﺑﺎﺕ ﮨﻮﺋﯽ ﮨﻮ ﮔﯽ۔۔۔؟۔ﺷﺎﯾﺪ ﻣﯿﮟ ﮐﭽﮫ ﺿﺮﻭﺭﺕ ﺳﮯ ﺯﯾﺎﺩﮦ ﺣﺴﺎﺱ ﮨﻮ ﮐﺮ ﺳﻮﭺ ﺭﮨﺎ ﮨﻮﮞ،ﻏﻠﻂ ﻓﮩﻤﯽ ﺑﮭﯽ ﮨﻮ ﺳﮑﺘﯽ ﮨﮯ ﻣﺠﮭﮯ۔ “
ﻭﮦ ﺍﺏ ﺧﻮﺩ ﮐﻮ ﺗﺴﻠﯽ ﺩﮮ ﺭﮨﺎ ﺗﮭﺎ ﻟﯿﮑﻦ ﺍﺳﮑﯽ ﭼﮭﭩﯽ ﺣﺲ ﺍﺳﮯ ﺍﺏ ﺑﮭﯽ ﺍﺷﺎﺭﮮ ﺩﮮ ﺭﮨﯽ ﺗﮭﯽ۔ﺑﯿﺸﮏ ﻭﮦ ﺍﺱ ﺳﮯ ﻧﻮ ﺳﺎﻝ ﺑﻌﺪ ﻣﻼ ﺗﮭﺎﻣﮕﺮ ﻧﻮﺳﺎﻝ ﭘﮩﻠﮯ ﺩﯾﮑﮭﮯ ﺟﺎﻧﺎ ﻭﺍﻻ ﺍﺳﮑﺎ ﮨﺮ ﻣﻮﮌ ﺍﺳﮑﮯ ﺫﮨﻦ ﭘﺮ ﺭﺟﺴﭩﺮﮈ ﺗﮭﺎ ﺍﻭﺭ ﻭﮦ ﺍﻣﺎﻣﮧ ﮐﮯ ﺍﺱ ﻣﻮﮈ ﮐﻮ ﺑﮭﯽ ﺟﺎﻧﺘﺎ ﺗﮭﺎ۔
ﮈﻧﺮﭨﯿﺒﻞ ﭘﺮﺑﮭﯽ ﺯﯾﺎﺩﮦ ﺗﺮ ﮔﻔﺘﮑﻮ ﮈﺍﮐﭩﺮ ﺳﺒﻂ ﻋﻠﯽ ﺍﻭﺭﺳﺎﻻﺭ ﮐﮯ ﺩﺭﻣﯿﺎﻥ ﮨﯽ ﮨﻮﺋﯽ۔۔ﻭﮦ ﺁﻧﭩﯽ ﮐﮯ ﺳﺎﺗﮫ ﻭﻗﻔﮯ ﻭﻗﻔﮯ ﺳﮯ ﺳﺐ ﮐﻮ ﮈﺷﺰ ﺳﺮﻭ ﮐﺮﺗﯽ ﮨﯽ،ﺧﺎﻣﻮﺷﯽ ﺍﺏ ﺑﮭﯽ ﺑﺮﻗﺮﺍﺭ ﺗﮭﯽ۔
ﻭﮦ ﮈﺍﮐﭩﺮ ﺳﺒﻂ ﻋﻠﯽ ﮐﮯ ﺳﺎﺗﮫ ﻣﺴﺠﺪ ﻣﯿﮟ ﺗﺮﺍﻭﯾﺢ ﭘﮍﮬﻨﮯ ﺁﯾﺎ ﺍﻭﺭ ﺣﻔﻆ ﻗﺮﺁﻥ ﮐﮯ ﺑﻌﺪﺁﺝ ﭘﮩﻠﯽ ﺑﺎﺭ ﺗﺮﺍﻭﯾﺢ ﮐﮯ ﺩﻭﺭﺍﻥ ﺍﭨﮑﺎ ﺍﯾﮏ ﺑﺎﺭ ﻧﮩﯿﮟ۔۔ﺩﻭ ﺑﺎﺭ ۔۔ﺍﺱ ﻧﮯ ﺧﻮﺩ ﮐﻮ ﺳﻨﺒﮭﺎﻝ ﻟﯿﺎ ﺗﮭﺎ ﻟﯿﮑﻦ ﻭﮦ ﺑﺎﺭ ﺑﺎﺭ ﮈﺳﭩﺮﺏ ﮨﻮﺭﮨﺎ ﺗﮭﺎ۔
ﻭﮦ ﺳﺎﮌﮬﮯ ﺩﺱ ﺑﺠﮯ ﮐﮯﻗﺮﯾﺐ ﮈﺍﮐﭩﺮ ﺳﺒﻂ ﻋﻠﯽ ﮐﮯ ﮔﮭﺮ ﺳﮯ ﺳﻌﯿﺪﮦ ﺍﻣﺎﮞ ﮐﮯ ﮔﮭﺮ ﺟﺎﻧﮯ ﮐﮯ ﻟﯿﮯ ﻧﮑﻠﮯ ﺗﮭﮯ ﺍﻭﺭ ﺳﺎﻻﺭ ﻧﮯ ﺑﺎﻵﺧﺮ ﺍﺱ ﺳﮯ ﭘﻮﭼﮫ ﮨﯽ ﻟﯿﺎ۔
” ﺗﻢ ﻣﺠﮫ ﺳﮯ ﺧﻔﺎ ﮨﻮ؟ “
ﮐﮭﮍﮐﯽ ﺳﮯ ﺑﺎﮨﺮ ﺩﯾﮑﮭﺘﮯ ﻭﮦ ﭼﻨﺪ ﻟﻤﺤﻮﮞ ﮐﮯ ﻟﯿﮯ ﺳﺎﮐﺖ ﮨﻮﺋﯽ ﭘﮭﺮ ﺍﺱ ﻧﮯ ﮐﮩﺎ۔
” ﻣﯿﮟ ﺗﻢ ﺳﮯﮐﯿﻮﮞ ﺧﻔﺎ ﮨﻮﮞ ﮔﯽ۔ “ ﻭﮦ ﺑﺪﺳﺘﻮﺭ ﮐﮭﮍﮐﯽ ﮐﯽ ﻃﺮﻑ ﮔﺮﺩﻥ ﻣﻮﮌﮮ ﺑﺎﮨﺮ ﺩﯾﮑﮫ ﺭﮨﯽ ﺗﮭﯽ۔ﺳﺎﻻﺭ ﮐﭽﮫ ﻣﻄﻤﯿﺌﻦ ﮨﻮﺍ۔
ﮨﺎﮞ ﻣﯿﮟ ﺑﮭﯽ ﺳﻮﭺ ﺭﮨﺎ ﺗﮭﺎ ﺍﯾﺴﯽ ﺗﻮ ﮐﻮﺉ ﺑﺎﺕ ﻧﮭﯿﮟ ﮨﻮﺉ ﺟﺲ ﭘﺮ ﺗﻤﮩﺎﺭﺍ ﻣﻮﮌ ﺁﻑ ﮨﻮ۔ﮐﮭﮍﮐﯽ ﺳﮯ ﺑﺎﮨﺮ ﺩﯾﮑﮭﺘﮯ ﮨﻮﺋﮯ ﺍﻣﺎﻣﮧ ﻧﮯ ﺍﺱ ﮐﯽ ﺑﺎﺕ ﺳﻨﯽ ﺍﻭﺭ ﺍﺱ ﮐﯽ ﺑﺮﮨﻤﯽ ﮐﭻ ﺍﻭﺭ ﺑﮍﮬﯽ۔
” ﯾﻌﻨﯽ ﻣﯿﮟ ﻋﻘﻞ ﺳﮯ ﭘﯿﺪﻝ ﮨﻮﮞ ﺟﻮ ﺑﻼ ﻭﺟﮧ ﻣﻮﮈ ﺁﻑ ﮐﺮﺗﯽ ﭘﮭﺮ ﺭﮨﯽ ﮨﻮﮞ۔ “ ﺍﻭﺭ ﺍﺱ ﻧﮯ ﻣﯿﺮﮮ ﺭﻭﻳﮯ ﺍﻭﺭ ﺣﺮﮐﺘﻮﮞ ﮐﻮ ﻧﻮﭨﺲ ﮨﯽ ﻧﮭﯿﮟ ﻟﯿﺎ۔
” ﻣﯿﮟ ﺗﻤﮩﯿﮟ ﺁﺝ ﻓﻮﻥ ﮐﺮﺗﺎ ﺭﮨﺎ ﻟﯿﮑﻦ ﺗﻢ ﻧﮯ ﻓﻮﻥ ﮨﯽ ﻧﮭﯿﮟ ﺍﭨﮭﺎﯾﺎ “ ۔ﻭﮦ ﮈﺭﺍﺋﯿﻮ ﮐﺮﺗﮯ ﮨﻮﺋﮯ ﮐﮧ ﺭﮨﺎ ﺗﮭﺎ۔
ﺍﻣﺎﻣﮧ ﮐﻮ ﺳﻮﭼﺘﮯ ﮨﻮﺋﮯ ﻋﺠﯿﺐ ﺳﯽ ﺗﺴﻠﯽ ﮨﻮﺋﯽ۔
” ﺍﭼﮭﺎ ﮨﻮﺍ ﻧﮭﯿﮟ ﺍﭨﮭﺎﯾﺎ “ ۔ﯾﻌﻨﯽ ﺍﺳﮯ ﻣﺤﺴﻮﺱ ﺗﻮ ﮨﻮﺍ ﻣﯿﮟ ﺟﺎﻥ ﺑﻮﺟﮫ ﮐﺮ ﮐﺎﻝ ﻧﮭﯿﮟ ﻟﯿﺘﯽ ﺭﮨﯽ۔
” ﭘﮭﺮ ﻣﯿﮟ ﻧﮯ ﮔﮭﺮ ﮐﮯ ﻧﻤﺒﺮ ﭘﺮ ﻓﻮﻥ ﮐﯿﺎ۔ﻭﮦ ﺍﺑﮭﯽ ﺍﻧﮕﯿﺠﮉ ﺗﮭﺎ۔ “
ﺗﻢ ﯾﻘﯿﻨﺎً ﺍﺱ ﻭﻗﺖ ﻣﺼﺮﻭﻑ ﺗﮭﯿﮟ ﺍﺳﯽ ﻟﯿﮯ ﻧﮭﯿﮟ ﻟﮯ ﺳﮑﯽ ﮐﺎﻝ۔ﻭﮦ ﺑﮯ ﺣﺪ ﻋﺎﻡ ﺳﮯ ﻟﮩﺠﮯ ﻣﯿﮟ ﮐﮧ ﺭﮨﺎ ﺗﮭﺎ۔ﻭﮨﺎﮞ ﺑﮯ ﻧﯿﺎﺯﯼ ﮐﯽ ﺣﺪ ﺗﮭﯽ۔
ﺍﻣﺎﻣﮧ ﮐﮯ ﺭﻧﺞ ﻣﯿﮟ ﺍﺿﺎﻓﺎ ﮨﻮﺍ۔ﭘﮭﺮ ﺍﺳﮯ ﯾﺎﺩ ﺁﯾﺎ ﮐﮯ ﺍﺱ ﮐﮯ ﻣﻮﺑﺎﺋﻞ ﮐﺎ ﺑﯿﻠﻨﺲ ﺧﺘﻢ ﮨﻮ ﭼﮑﺎ ﮨﮯ۔
” ﻣﺠﮭﮯ ﺍﭘﻨﮯ ﻓﻮﻥ ﮐﮯ ﻟﯿﮯ ﮐﺎﺭﮈ ﺧﺮﯾﺪﻧﺎ ﮨﮯ۔ “
ﺳﺎﻻﺭ ﻧﮯ ﺍﺳﮯ ﯾﮏ ﺩﻡ ﮐﮩﺘﮯ ﺳﻨﺎ۔ﻭﮦ ﮨﯿﻨﮉ ﺑﯿﮓ ﻣﯿﮟ ﺳﮯ ﮐﭽﮫ ﻧﮑﺎﻝ ﺭﮨﯽ ﺗﮭﯽ۔ﺍﻭﺭ ﺟﻮ ﭼﯿﺰ ﺍﺱ ﻧﮯ ﻧﮑﺎﻝ ﮐﺮ ﺳﺎﻻﺭ ﮐﻮ ﭘﯿﺶ ﮐﯽ ﺗﮭﯽ۔ﺍﺱ ﻧﮯ ﭼﻨﺪ ﻟﻤﺤﻮﮞ ﮐﮯ ﻟﯿﮯ ﺳﺎﻻﺭ ﮐﻮ ﺳﺎﮐﺖ ﮐﺮ ﺩﯾﺎ ﺗﮭﺎ۔ﻭﮦ ﮨﺰﺍﺭ ﺭﻭﭘﮯ ﮐﺎ ﺍﯾﮏ ﻧﻮﭦ ﺗﮭﺎ۔ﻭﮦ ﺍﺱ ﮐﮯ ﺗﺎﺛﺮﺍﺕ ﺳﮯ ﺑﮯ ﺧﺒﺮ ﺍﺏ ﻭﻧﮉ ﺳﮑﺮﯾﻦ ﺳﮯ ﺑﺎﮨﺮ ﮐﺴﯽ ﺍﯾﺴﯽ ﺷﺎﭖ ﮐﻮ ﮈﮬﻮﻧﮉﻧﮯ ﮐﯽ ﮐﻮﺷﺶ ﮐﺮ ﺭﮨﯽ ﺗﮭﯽ ﺟﮩﺎﮞ ﯾﮧ ﮐﺎﺭﮈ ﺩﺳﺘﯿﺎﺏ ﮨﻮ۔ﺳﺎﻻﺭ ﻧﮯ ﺍﭘﻨﯽ ﻃﺮﻑ ﺑﮍﮬﮯ ﮨﻮﺋﮯ ﺍﺱ ﮐﮯ ﮨﺎﺗﮫ ﮐﻮ ﭘﯿﭽﮭﮯ ﮐﺮﺗﮯ ﮨﻮﺋﮯ ﮐﮩﺎ۔
” ﻭﺍﭘﺴﯽ ﭘﺮ ﻟﯿﺘﮯ ﮨﯿﮟ ﺍﻭﺭ ﺍﺳﮑﯽ ﺿﺮﻭﺭﺕ ﻧﮭﯽ ﮨﮯ۔ “
ﺍﻣﺎﻣﮧ ﻧﮯ ﭼﻮﻧﮏ ﮐﺮ ﺍﺳﮯ ﺩﯾﮑﮭﺎ۔
” ﺗﻤﮩﯿﮟ ﺁﻧﮑﮫ ﺑﻨﺪ ﮐﺮﮐﮯ ﺍﭘﻨﺎ ﻓﻮﻥ ﺗﮭﻤﺎ ﺩﯾﺎ ﺗﮭﺎ ﺟﺐ ﺗﻢ ﻣﯿﺮﯼ ﮐﭽﮫ ﻧﮭﯿﮟ ﻟﮕﺘﯽ ﺗﮭﯽ ﺗﻮ ﺁﺝ ﻣﯿﮟ ﺗﻢ ﺳﮯ ﭘﯿﺴﮯ ﻟﻮﻧﮕﺎ۔؟ “
ﮐﺎﺭ ﻣﯿﮟ ﮐﭽﮫ ﻋﺠﯿﺐ ﺳﯽ ﺧﺎﻣﻮﺷﯽ ﺩﺭ ﺁﺋﯽ ﺗﮭﯽ۔ﺩﻭﻧﻮﮞ ﮐﻮ ﮐﭽﮫ ﺑﯿﮏ ﻭﻗﺖ ﯾﺎﺩ ﺁﯾﺎ ﺗﮭﺎ ﺍﻭﺭ ﺟﻮ ﯾﺎﺩ ﺁﯾﺎ ﺗﮭﺎ ﺍﺱ ﻧﮯ ﯾﮏ ﺩﻡ ﻭﻗﺖ ﮐﻮ ﻭﮨﯿﮟ ﺭﻭﮎ ﺩﯾﺎ ﺗﮭﺎ۔
ﺑﮩﺖ ﻏﯿﺮ ﻣﺤﺴﻮﺱ ﺍﻧﺪﺍﺯ ﻣﯿﮟ ﺍﻣﺎﻣﮧ ﻧﮯ ﮨﺎﺗﮫ ﻣﯿﮟ ﭘﮑﮍﮮ ﺍﺱ ﮐﺎﻏﺬ ﮐﮯ ﭨﮑﮍﮮ ﮐﻮ ﺑﮩﺖ ﺳﯽ ﺗﮩﻮﮞ ﻣﯿﮟ ﻟﭙﯿﭩﻨﺎ ﺷﺮﻭﻉ ﮐﺮﺩﯾﺎ۔ﺍﺱ ﻧﮯ ﺍﺱ ﮐﯽ ﺳﺎﺭﯼ ﺭﻗﻢ ﻟﻮﭨﺎﺩﯼ ﺗﮭﯽ۔ﺑﻠﮑﮧ ﺍﺱ ﺳﮯ ﺯﯾﺎﺩﮦ ﮨﯽ ﺍﺱ ﻧﮯ ﻓﻮﻥ ” ﻓﻮﻥ ﮐﮯ ﺑﻞ ﺍﻭﺭ ﺍﺱ ﮐﮯ ﻟﯿﮯ ﺧﺮﭺ ﮐﯽ ﮨﻮﮔﯽ۔ﻣﮕﺮ ﺍﺣﺴﺎﻥ ﯾﻘﯿﻨﺎً ﺍﺱ ﮐﮯ ﺍﺣﺴﺎﻧﻮﮞ ﮐﺎ ﻭﺯﻥ ﺯﯾﺎﺩﮦ ﺗﮭﺎ۔ﺍﺱ ﻧﮯ ﮐﺎﻏﺬ ﮐﯽ ﻟﭙﭩﯽ ﮨﻮﺋﯽ ﺗﮩﻮﮞ ﮐﻮ ﺩﻭﺑﺎﺭﮦ ﺑﯿﮓ ﻣﯿﮟ ﮈﺍﻝ ﺩﯾﺎ۔ﺻﺒﺢ ﺳﮯ ﺍﮐﭩﮭﯽ ﮐﯽ ﮨﻮﺋﯽ ﺑﺪﮔﻤﺎﻧﯿﻮﮞ ﮐﯽ ﺩﮬﻨﺪ ﺍﭼﺎﻧﮏ ﮨﭧ ﺳﯽ ﮔﺊ ﺗﮭﯽ۔ﯾﺎ ﮐﭽﮫ ﺩﯾﺮ ﮐﮯ ﻟﯿﮯ ﺍﻣﺎﻣﮧ ﮐﻮ ﺍﯾﺴﺎ ﮨﯽ ﻣﺤﺴﻮﺱ ﮨﻮﺍ۔
ﺑﺎﮨﺮ ﺳﮍﮎ ﭘﺮ ﺩﮬﻨﺪ ﺗﮭﯽ ﺍﻭﺭ ﻭﮦ ﺑﮍﯼ ﺍﺣﺘﯿﺎﻁ ﺳﮯ ﮔﺎﮌﯼ ﭼﻼ ﺭﮨﺎ ﺗﮭﺎ۔ﺍﻣﺎﻣﮧ ﮐﺎ ﺩﻝ ﭼﺎﮨﺎ ﮐﮧ ﻭﮦ ﮐﭽﮫ ﺍﺱ ﺳﮯ ﺑﺎﺕ ﮐﺮﮮ ﻟﯿﮑﻦ ﻭﮦ ﺧﺎﻣﻮﺵ ﺗﮭﺎ۔
” ﺁﺝ ﺳﺎﺭﺍ ﺩﻥ ﮐﯿﺎ ﮐﺮﺗﯽ ﺭﮨﯿﮟ ﺗﻢ۔؟ “
ﺍﺱ ﻧﮯ ﺑﺎﻵﺧﺮ ﮔﻔﺘﮕﻮ ﮐﺎ ﺁﻏﺎﺯ ﮐﯿﺎ۔ﭘﻮﺭﺍ ﺩﻥ ﺟﯿﺴﮯ ﻓﻠﯿﺶ ﮐﯽ ﻃﺮﺡ ﺍﻣﺎﻣﮧ ﮐﯽ ﺁﻧﮑﮭﻮﮞ ﮐﮯ ﺳﺎﻣﻨﮯ ﺳﮯ ﮔﺰﺭ ﮔﯿﺎ ﺗﮭﺎ۔ﺍﻣﺎﻣﮧ ﮐﻮ ﻧﺪﺍﻣﺖ ﮨﻮﺉ ﻭﮦ ﺟﻮ ﮐﭽﮫ ﮐﺮﺗﯽ ﺭﮨﯽ ﺗﮭﯽ ﺍﺳﮯ ﺑﺘﺎ ﻧﮭﯽ ﺳﮑﺘﯽ ﺗﮭﯽ۔
” ﻣﯿﮟ ﺳﻮﺗﯽ ﺭﮨﯽ۔ “ ﺍﺱ ﻧﮯ ﭘﻮﺭﮮ ﺩﻥ ﮐﻮ ﺗﯿﻦ ﻟﻔﻈﻮﮞ ﻣﯿﮟ ﺳﻤﯿﭧ ﺩﯾﺎ۔
” ﮨﺎﮞ ﻣﺠﮭﮯ ﺍﻧﺪﺍﺯﮦ ﺗﮭﺎ ﺍﮔﺮ ﺟﺎﮒ ﺭﮨﯽ ﮨﻮﺗﯽ ﺗﻮ ﻣﯿﺮﯼ ﮐﺎﻝ ﺿﺮﻭﺭ ﺭﺳﯿﻮ ﮐﺮﺗﯽ “ ۔ﺍﯾﮏ ﺑﺎﺭ ﭘﮭﺮ ﺧﺎﻣﻮﺷﯽ ﭼﮭﺎ ﮔﺊ ۔
” ﭘﺎﭘﺎ ﻣﻤﯽ ﺍﻭﺭ ﺍﻧﯿﺘﺎ ﺁﺭﮨﮯ ﮨﯿﮟ،ﮐﻞ ﺷﺎﻡ ۔ “ ﺳﺎﻻﺭ ﻧﮯ ﮐﭽﮫ ﺩﯾﺮ ﺑﻌﺪ ﮐﮩﺎ۔
ﺍﻣﺎﻣﮧ ﻧﮯ ﭼﻮﻧﮏ ﮐﺮ ﺍﺳﮯ ﺩﯾﮑﮭﺎ۔
” ﺗﻢ ﺳﮯ ﻣﻠﻨﮯ ﮐﮯ ﻟﯿﮯ؟ “ ﺍﺱ ﻧﮯ ﻣﺰﯾﺪ ﺍﺿﺎﻓﺎ ﮐﯿﺎ ﺍﻭﺭ ﺑﺎﻵﺧﺮ ﺳﺴﺮﺍﻝ ﺳﮯ ﺍﺱ ﮐﺎ ﭘﮩﻼ ﺭﺍﺑﻂ ﮨﻮﻧﮯ ﻭﺍﻻ ﺗﮭﺎ۔
ﺍﻣﺎﻣﮧ ﮐﻮ ﺍﭘﻨﮯ ﭘﯿﭧ ﻣﯿﮟ ﮔﺮﮨﻴﮟ ﻟﮕﺘﯽ ﻣﺤﺴﻮﺱ ﮨﻮﺋﯽ۔
” ﺗﻢ ﻧﮯ ﺍﻧﮭﯿﮟ ﻣﯿﺮﮮ ﺑﺎﺭﮮ ﻣﯿﮟ ﺑﺘﺎﯾﺎ ﮨﮯ؟ “ ﺍﺱ ﻧﮯ ﺑﮯ ﺣﺪ ﻧﭙﮯ ﺗﻠﮯ ﺍﻧﺪﺍﺯ ﻣﯿﮟ ﭘﻮﭼﮭﺎ۔
” ﻧﮭﯿﮟ ﻓﯽ ﺍﻟﺤﺎﻝ ﻧﮭﯿﮟ ﺁﺝ ﺑﺘﺎﺅﮞ ﮔﺎ ﭘﺎﭘﺎ ﮐﻮ ﻓﻮﻥ ﭘﺮ “ ۔ﻭﮦ ﻭﻧﮉ ﺳﮑﺮﯾﻦ ﺳﮯ ﺑﺎﮨﺮ ﺩﯾﮑﮭﺘﮯ ﮨﻮﺋﮯ ﮐﮩﮧ ﺭﮨﺎ ﺗﮭﺎ۔
ﺍﻣﺎﻣﮧ ﻧﮯ ﺍﺱ ﮐﮯ ﭼﮩﺮﮮ ﮐﻮ ﭘﮍﮬﻨﮯ ﮐﯽ ﮐﻮﺷﺶ ﮐﯽ۔ ” ﮐﻮﺉ ﺗﺸﻮﯾﺶ ﺍﻧﺪﯾﺸﮧ ﺧﻮﻑ ﭘﭽﮭﺘﺎﻭﺍ۔ﻭﮦ ﮐﭽﮫ ﺑﮭﯽ ﭘﮍﮬﻨﮯ ﻣﯿﮟ ﻧﺎﮐﺎﻡ ﺭﮨﯽ۔ﺍﺱ ﮐﺎ ﭼﮩﺮﮦ ﺑﮯ ﺗﺎﺛﺮ ﺗﮭﺎ۔ “ ﺍﻭﺭ ﺍﮔﺮ ﺍﺱ ﮐﮯ ﺩﻝ ﻣﯿﮟ ﮐﭽﮫ ﺗﮭﺎ ﺑﮭﯽ ﺗﻮ ﻭﮦ ﺍﺳﮯ ﺑﮍﯼ ﻣﮩﺎﺭﺕ ﺳﮯ ﺩﻝ ﻣﯿﮟ ﭼﮭﭙﺎﺋﮯ ﮨﻮﺋﮯ ﺗﮭﺎ۔
ﺳﺎﻻﺭ ﻧﮯ ﺍﺱ ﮐﯽ ﮐﮭﻮﺟﺘﯽ ﮨﻮﺉ ﻧﻈﺮﻭﮞ ﮐﻮ ﺍﭘﻨﮯ ﭼﮩﺮﮮ ﭘﺮ ﻣﺤﺴﻮﺱ ﮐﯿﺎ۔ﺍﺱ ﻧﮯ ﺍﻣﺎﻣﮧ ﮐﯽ ﻃﺮﻑ ﺩﯾﮑﮭﺎ ﺍﻭﺭ ﻣﺴﮑﺮﺍﯾﺎ۔ﺍﻣﺎﻣﮧ ﻧﮯ ﺑﮯ ﺍﺧﯿﺘﺎﺭ ﻧﻈﺮﻳﮟ ﮨﭩﺎﺩﯼ ۔
” ﺍﻧﯿﺘﺎ ﮐﯽ ﻓﻼﺋﭧ ﺳﺎﮌﮬﮯ ﭘﺎﻧﭻ ﺑﺠﮯ ﺍﻭﺭ ﭘﺎﭘﺎ ﮐﯽ ﺳﺎﺕ ﺑﺠﮯ ﮨﮯ۔ﻣﯿﮟ ﮐﻞ ﺑﯿﻨﮏ ﺳﮯ ﺟﻠﺪﯼ ﺍﺋﺮﭘﻮﺭﭦ ﭼﻼ ﺟﺎﺅﮞ ﮔﺎ۔ﭘﮭﺮ ﻣﻤﯽ ﺍﻭﺭ ﭘﺎﭘﺎ ﮐﻮ ﺳﺎﮌﮬﮯ ﻧﻮ ﺑﺠﮯ ﺗﮏ ﮔﮭﺮ ﭘﮩﻨﭽﻮﮞ ﮔﺎ۔ “
” ﯾﮧ ﺗﻢ ﻧﮯ ﮐﯿﺎ ﭘﮩﻨﺎ ﮨﻮﺍ ﮨﮯ؟ “ ﺳﺎﻻﺭ ﻧﮯ ﯾﮏ ﺩﻡ ﺍﺱ ﮐﮯ ﻟﺒﺎﺱ ﮐﯽ ﻃﺮﻑ ﻣﺘﻮﺟﮧ ﮨﻮﺗﮯ ﮨﻮﺋﮯ ﮐﮩﺎ۔
ﺗﯿﻦ ﮔﮭﻨﭩﮯ ﭘﯿﻨﺘﺎﻟﺲ ﻣﻨﭧ ﮐﮯ ﺑﻌﺪ ﺑﺎﻵﺧﺮ ﺍﺳﮯ ﯾﺎﺩ ﺁﮔﯿﺎ ﺗﮭﺎ ﮐﮧ ﻣﯿﮟ ﻧﮯ ﮐﯿﺎ ﭘﮩﻨﺎ ﮨﻮﺍ ﮨﮯ۔ﺍﻣﺎﻣﮧ ﮐﯽ ﺧﻔﮕﯽ ﻣﯿﮟ ﮐﭽﮫ ﺍﻭﺭ ﺍﺿﺎﻓﺎ ﮨﻮﺍ۔
” ﮐﭙﮍﮮ۔ “ ﺍﻣﺎﻣﮧ ﻧﮯ ﺟﻮﺍﺏ ﺩﯾﺎ۔
ﺳﺎﻻﺭ ﺍﺱ ﮐﯽ ﺑﺎﺕ ﭘﺮ ﺑﮯ ﺍﺧﺘﯿﺎﺭ ﮨﻨﺴﺎ۔ ” ﺟﺎﻧﺘﺎ ﮨﻮﮞ ﮐﭙﮍﮮ ﭘﮩﻨﮯ ﮨﻮﺋﮯ ﮨﻴﮟ ﺍﺳﯽ ﻟﯿﮯ ﺗﻮ ﭘﻮﭼﮫ ﺭﮨﺎ ﮨﻮﮞ۔ “
ﺍﻣﺎﻣﮧ ﮔﺮﺩﻥ ﻣﻮﮌ ﮐﺮ ﮐﮭﮍﮐﯽ ﺳﮯ ﺑﺎﮨﺮ ﺩﯾﮑﮭﻨﮯ ﻟﮕﯽ ﮐﮧ ﺍﺏ ﻭﮦ ﺗﻌﺮﯾﻒ ﮐﺮﮮ ﮔﺎ۔ﺍﺱ ﻧﮯ ﺳﻮﭼﺎ ﺩﯾﺮ ﺳﮯ ﺳﮩﯽ۔ﻟﯿﮑﻦ ﺍﺳﮯ ﻣﯿﺮﮮ ﮐﭙﮍﮮ ﻧﻈﺮ ﺗﻮ ﺁﺋﮯ ﺍﺱ ﮐﯽ ﺧﻔﮕﯽ ﮐﭽﮫ ﮐﻢ ﮨﻮﺉ۔
” ﮐﻮﻥ ﺳﺎ ﮐﻠﺮ ﮨﮯ ﯾﮧ؟ “ ﺳﺎﻻﺭ ﻧﮯ ﺍﭘﻨﮯ ﭘﺎﺅﮞ ﭘﺮ ﭘﮩﻠﯽ ﮐﻠﮩﺎﮌﯼ ﻣﺎﺭﯼ۔
ﮐﮭﮍﮐﯽ ﺳﮯ ﺑﺎﮨﺮ ﺩﯾﮑﮭﺘﮯ ﮨﻮﺋﮯ ﺍﻣﺎﻣﮧ ﮐﺎ ﺩﻝ ﭼﺎﮨﺎ ﮐﮯ ﻭﮦ ﮔﺎﮌﯼ ﮐﺎ ﺩﺭﻭﺍﺯﮦ ﮐﮭﻮﻝ ﮐﺮ ﮐﻮﺩ ﺟﺎﺋﮯ۔ﭘﻮﻧﮯ ﭼﺎﺭ ﮔﮭﻨﭩﻮﮞ ﻣﯿﮟ ﻭﺍ ﺍﺱ ﮐﺎ ﺭﻧﮓ ﻧﮭﯿﮟ ﭘﮩﭽﺎﻥ ﺳﮑﺎ ﺗﮭﺎ۔ﺍﺱ ﮐﺎ ﻣﻄﻠﺐ ﺗﮭﺎ ﺍﺱ ﻧﮯ ﺍﺑﮭﯽ ﺍﺱ ﮐﻮ ﻏﻮﺭ ﺳﮯ ﻧﮭﯿﮟ ﺩﯾﮑﮭﺎ ﺗﮭﺎ۔
” ﭘﺘﺎ ﻧﮭﯿﮟ۔ “ ﺍﺱ ﻧﮯ ﺍﺳﯽ ﻃﺮﺡ ﮐﮭﮍﮐﯽ ﺳﮯ ﺑﺎﮨﺮ ﺩﯾﮑﮭﺘﮯ ﮨﻮﺋﮯ ﺳﺮﺩ ﻣﮩﺮﯼ ﺳﮯ ﮐﮩﺎ۔
” ﮨﺎﮞ ﻣﯿﮟ ﺑﮭﯽ ﺍﻧﺪﺍﺯﮦ ﻧﮭﯿﮟ ﮐﺮﺳﮑﺎ۔ “ ﺳﺎﻻﺭ ﻧﮯ ﺍﺱ ﮐﮯ ﻟﮩﺠﮯ ﭘﺮ ﻏﻮﺭ ﮐﯿﮯ ﺑﻐﯿﺮ ﮐﮩﺎ۔ﺍﻣﺎﻣﮧ ﮐﻮ ﺭﻧﺞ ﺳﺎ ﺭﻧﺞ ﮨﻮﺍ۔ﺳﺎﻻﺭ ﺷﻮﮨﺮﻭﮞ ﮐﯽ ﺗﺎﺭﯾﺨﯽ ﻏﻠﻄﯿﺎﮞ ﺩﮨﺮﺍ ﺭﮨﺎ ﺗﮭﺎ۔
ﺍﺱ ﺑﺎﺭ ﺍﻣﺎﻣﮧ ﮐﺎ ﺩﻝ ﺗﮏ ﻧﮩﯿﮟ ﭼﺎﮨﺎ ﮐﮧ ﻭﮦ ﺍﺳﮑﯽ ﺑﺎﺕ ﮐﺎ ﺟﻮﺍﺏ ﺩﮮ،ﻭﮦ ﺍﺱ ﻗﺎﺑﻞ ﻧﮩﯿﮟ ﺗﮭﺎ۔ﺍﺳﮯ ﯾﺎﺩ ﺁﯾﺎ،ﺍﺱ ﻧﮯ ﮐﻞ ﺑﮭﯽ ﺍﺳﮑﮯ ﮐﭙﮍﻭﮞ ﮐﯽ ﺗﻌﺮﯾﻒ ﻧﮩﯿﮟ ﮐﯽ ﺗﮭﯽ۔ﮐﭙﮍﮮ۔۔؟ﺍﺱ ﻧﮯ ﺗﻮﺍﺳﮑﯽ ﺑﮭﯽ ﺗﻌﺮﯾﻒ ﻧﮩﯿﮟ ﮐﯽ ﺗﮭﯽ۔۔ﺍﻇﮩﺎﺭ ﻣﺤﺒﺖ ﮐﯿﺎ ﺗﮭﺎﺍﺱ ﻧﮯ۔۔۔ﻟﯿﮑﻦ ﺗﻌﺮﯾﻒ۔۔ﮨﺎﮞ ﺗﻌﺮﯾﻒ ﻧﮩﯿﮟ ﮐﯽ ﺗﮭﯽ ﺍﺱ ﻧﮯ۔۔ﻭﮦ ﺟﯿﺴﮯ ﭘﭽﮭﻠﯽ ﺭﺍﺕ ﮐﻮ ﯾﺎﺩ ﮐﺮﺗﮯ ﮨﻮﮰ ﺗﺼﺪﻳﻖ ﮐﺮﺭﮨﯽ ﺗﮭﯽ،ﺍﺳﮯ ﺩﮐﮫ ﮨﻮﺍ۔ﮐﯿﺎ ﻭﮦ ﺍﺳﮯ ﺍﺗﻨﯽ ﺑﮭﯽ ﺧﻮﺑﺼﻮﺭﺕ ﻧﮩﯿﮟ ﻟﮕﯽ ﺗﮭﯽ،ﮐﮧ ﻭﮦ ﺍﯾﮏ ﺑﺎﺭ ﮨﯽ ﮐﮩﮧ ﺩﯾﺘﺎ۔۔ﮐﻮﺋﯽ ﺍﯾﮏ ﺟﻤﻠﮧ،ﺍﯾﮏ ﻟﻔﻆ،ﮐﭽﮫ ﺑﮭﯽ ﻧﮩﯿﮟ ﻭﮦ ﺍﯾﮏ ﺑﺎﺭ ﭘﮭﺮ ﺧﻮﺩ ﺗﺮﺳﯽ ﮐﺎ ﺷﮑﺎﺭ ﮨﻮﻧﮯ ﻟﮕﯽ۔
ﻋﻮﺭﺕ ﺍﻇﮩﺎﺭ ﻣﺤﺒﺖ ﺍﻭﺭ ﺳﺘﺎﺋﺶ ﮐﻮ ﮐﺒﮭﯽ ” ﮨﻢ ﻣﻌﻨﯽ “ ﻧﮩﯿﮟ ﺳﻤﺠﮭﺘﯽ۔ﯾﮧ ﮐﺎﻡ ﻣﺮﺩ ﮐﺮﺗﺎ ﮨﮯﺍﻭﺭ ﻏﻠﻂ ﮐﺮﺗﺎ ﮨﮯ۔
ﮈﺭﺍﺋﯿﻮ ﮐﺮﺗﮯ ﮨﻮﮰ ﺳﺎﻻﺭ ﮐﻮ ﺍﻧﺪﺍﺯﮦ ﻧﮩﯿﮟ ﮨﻮﺍ ﮐﮧ ﮔﻔﺘﮑﻮ ﮐﮯ ﻟﯿﮯ ﻣﻮﺿﻮﻋﺎﺕ ﮐﯽ ﺗﻼﺵ ﻣﯿﮟ ﺍﺩﮬﺮ ﺍُﺩﮬﺮ ﮐﯽ ﺑﺎﺗﯿﮟ ﮐﺮﺗﮯ ﺍﺱ ﻧﮯ ﮐﺲ ﻗﺪﺭ ﺳﻨﮕﯿﻦ ﻣﻮﺿﻮﻉ ﮐﻮ ﭼﮭﯿﮍ ﺩﯾﺎ ﺗﮭﺎ۔
ﺟﺎﺭﯼ ﮨﮯ ۔۔۔۔۔
─━•<☆⊰✿❣✿⊱☆>•━─
