Zaat E ishq Epi 6

┄┅════❁ ﷽ ❁════┅┄

ناول: ذت_عشق

از: رابعہ_بخاری

قسط_نمبر_06

عفہ کی آنکھ آج جلد ہی کھل گئی تھی بخار اب نہ ہونے کے برابر تھا جبکہ اب تازگی کا بھی احساس بخوبی ہورہا تھا۔۔۔۔

اذان ہو چکی تھی لہزا اٹھ کر فریش ہوئی اور وضو کر کے جائے نماز پر کھڑی ہوگئی۔۔۔۔۔۔

نماز کی ادائیگی کے دوران سمرا بھی اٹھ بیٹھی عفہ کو نماز پڑھتے دیکھ کر وہ بھی فریش ہونے چلی گئی اور کچھ دیر میں ڈوپٹہ سمیٹے جائے نماز بچھا کر نیت باندھ کر کھڑی ہوگئی۔۔۔۔۔۔

عفہ نماز کی ادائیگی کے بعد دعا کیلئے ہاتھ اٹھائے بیٹھی تھی۔۔۔۔۔

الفاظ کا بناؤ مشکل ہورہا تھا لہذا آنکھوں کو برسنے دیا۔۔۔۔۔

اکثر آنسوں وہ الفاظ بھی کہہ جاتے ہیں جن کا کہنا انسان کیلئے بہت مشکل ہوجاتا ہے۔۔۔۔۔۔۔

یاللہ میری مدد کر میری عزت محفوظ رکھ مجھے بہت ڈر لگ رہا ہے ۔ میری عزت کو محفوظ بنا اور مجھ پر اپنا کوئی فرشتہ محافظ بنا دے۔۔۔۔۔۔ مجھے ذلت کی موت نہ دئیئ۔۔۔۔۔۔ مجھے اپنے پاس پاک بلائی۔۔۔۔۔۔

دل ہی دل میں دعا کرتی عفہ آنکھوں سے برس رہی تھی سرخ گال تر ہوچکے تھے جبکہ آنکھیں سرخی کا رنگ اوڑھ چکی تھی۔۔۔۔۔

سمرا جو اس کے پاس بیٹھی تھی عفہ کو دیکھ کر اپنے ساتھ لگا لیا۔۔۔۔۔

میں ہوں ناں ساتھ پریشان کیوں ہوتی ہوں ۔۔۔۔۔۔۔۔۔

عفہ آنسوں صاف کیے اس کے سامنے بیٹھ گئی۔۔۔۔۔۔

تمہاری وجہ سے تو حوصلہ ہے مجھے ورنہ میں تو کب کی بھاگ چکی ہوتی۔۔۔۔۔۔ 

اینوی بھاگ چکی ہوتی مل کے دیکھ لین گے سب ویسے بھی یہاں اب کم ہی وقت ہمارا۔۔۔۔۔۔ جیسا تیسا گزارو اور نکلو اپنے ملک۔۔۔۔۔۔

سمرا جائے نماز تہہ لگاتے بولی۔۔۔۔۔

جبکہ عفہ نے حامی میں سر ہلایا۔۔۔۔۔۔

اچھا اٹھو میں ناشتہ بناتی ہو تم کمرہ سمیٹو پھر چلتے یونیورسٹی کافی دن کلاسسز مس کر دی ہم نے۔۔۔۔۔ سمرا بولتی بولتی کیچن جانب بڑھ گئی جبکہ عفہ کمرہ سمیٹنے میں لگ گئی۔۔۔۔۔۔۔۔

کچھ دیر بعد دونوں نے ناشتہ کیا اور معمول کی طرح تیار ہو کر یونیورسٹی کا رخ کیا۔۔۔۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

عصار بھی آج بہت ہی تازہ اور سکون محسوس کررہا تھا۔۔۔۔ تیار ہو کر سیدھا آفس کا رخ کیا ۔۔۔۔۔۔۔

اپنے معمول کے کام کو جاری رکھتے ہوئے اپنی تمام میٹنگزکو بخوبی سر انجام دیا۔۔۔۔۔

انسان کا دل جب پرسکون ہوتا ہے تو اس کا اثر اس کے ذہن کے ساتھ ساتھ اس کے رویہ اور سوچ پر بھی پڑتا ہے۔۔۔۔۔۔

عصار اپنے کیبن میں بیٹھا اپنے کام میں مگن تھا کہ تبھی حماد کمرے میں داخل ہوا۔۔۔۔۔۔

سر۔۔۔۔۔۔۔ آپ فری ہے ابھی کیا؟؟؟؟

حماد مجھے دیکھ کر ابھی کیا لگتا ہے تمہیں؟؟؟ کہ فری ہو کہ نہیں؟؟؟؟ عصار نے طنزیہ مسکراہٹ دیتے ہوئے کہا۔۔۔۔۔

نہیں۔۔۔۔ وہ ایم سوری سر ۔۔۔۔۔۔۔۔ شرمندہ ہوتے ہوئے کہا۔۔۔۔۔۔

ویسے میں دیکھ رہا ہو آج کل تم بہت الٹی باتیں کر رہے ہو خیر ہے ناں؟؟؟؟ عصار مسکراہٹ سجاتے ہوئے بولا۔۔۔۔۔۔

ج۔۔۔۔۔ جی سر کیا ہونا۔۔۔۔۔۔۔ حماد نے جواب دیا۔۔۔۔۔

اچھا بولو کیا کام تھا۔۔۔۔۔۔۔ عصار اپنا لیپ ٹاپ کھولے مختلف فائلز کو کھنگال رہا تھا۔۔۔۔۔۔

سر ان ڈیلرز نے ڈیل ڈن کر دی ہے وہ اب کہہ رہے ہیں کہ اب بنیاد بھی جلد رکھ دی جائے ۔۔۔۔۔۔۔

ہاں تو اس میں کیا ہے آج ہی بلا لو ہم نے کونسا وہاں فیتے کاٹنے۔۔۔۔ یا پریس بلانی بلا لوں انہیں آج ہی۔۔۔۔۔۔

یہ کام بھی شروع کر ہی دیا جائے۔۔۔۔۔۔ عصار لیپ ٹاپ پر نظریں جمائے بیٹھا تھا۔۔۔۔۔

ٹھیک ہے سر پھر میں بات کرکے آپکو ٹائم کنفرم بتا دیتا ہو۔۔۔۔۔۔

ٹھیک ہے انتظار ہے مجھے جا سکتے ہو اب تم۔۔۔۔۔۔

حماد جانے لگا لیکن پھر جاتے جاتے رک گیا۔۔۔۔

سر وہ ایک اور بات اگر آپ برا نہ مانے تو پوچھ سکتا ہو؟؟؟؟ حماد نے سوچتے سوچتے کہا۔۔۔۔۔۔

عصار نے سنا تو ایک دم رک گیا، حماد کی جانب دیکھا اور پھر سر کرسی کی پشت سے ٹکا دیا۔۔۔۔۔۔

ایک بات بتاؤ حماد میرے ساتھ کام کرتے تمہیں کتنا وقت ہوگیا ہے؟؟؟؟؟ آنکھ اچکا کر پوچھا۔۔۔۔۔۔

سر جب سے آپ نے اپنا کام شروع کیا تقریبا سات سال سے۔۔۔۔۔۔۔۔ 

اور تم جانتے ہو تم میرے سب سے پرانے بندے ہو پھر بھی یہ سوال سمجھ سے باہر میرے۔۔۔۔۔۔۔

وہ سر ۔۔۔۔۔۔ بس ڈر لگتا آپ سے۔۔۔۔۔ آنکھیں جھکا کر بولا۔۔۔۔۔۔

اچھا پوچھو کیا پوچھنا ہے؟؟؟ عصار حماد کی بات سن کر وآپس اپنے کام میں لگ گیا۔۔۔۔

سر وہ عفہ بخاری کے بارے میں کیا آپکو کوئی معلومات مزید چاہیے ؟؟؟؟؟

عصار نے جیسے ہی عفہ کا نام سنا تو لیپ ٹاپ کو زور سے بند کیے کھڑا ہوگیا۔۔۔۔۔۔

سر ایم سوری میرا مطلب آپکو غصہ دلانا نہیں تھا۔۔۔۔۔ حماد نے ڈرتے ڈرتے کہا۔۔۔۔۔

نہیں تم جاؤ ابھی۔۔ بہت اچھا کیا جو یاد کروا دیا تم نے مجھے۔۔۔۔۔۔۔ عصار نے سن کر جواب دیا۔۔۔۔۔۔

حماد جو عصار کا غصہ بھانپ چکا تھا بھاگتا ہوا کمرے سے نکل گیا۔۔۔۔۔۔

آج تو تم آؤ گی۔۔ ناجانے کیوں دل کہہ رہا ہے تم ضرور آؤ گی اور اب تیار رہنا تم۔۔۔۔۔۔ عصار سوچتے سوچتے بیٹھ گیا اور سر وآپس کرسی پر ٹیک لگائے سوچنے لگ گیا۔۔۔۔۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

افففففففف عفہ تین دن یونیورسٹی نہیں گئے تو ایسے لگ رہا تھا جیسے آج پہلی بار یونیورسٹی گئے سب ٹیچرز نے کام دیکھو کیسے ختم کروائے یار۔۔۔۔۔۔۔۔۔ فلیٹ کا دروازہ کھولتے منہ بسورتے ہوئے سمرا بول رہی تھی۔۔۔۔۔

ہاں یار افففففففف میرا تو اپنا بھی آج دماغ گھوم گیا سچی ۔۔۔۔۔ اتنا بھی کیا کہ دو دو سبق ہی ختم۔۔۔۔۔۔۔ عفہ بھی سر پکڑے بول رہی تھی۔۔۔۔۔۔

ایسا کرتے ہیں آج پڑھتے ہیں بیٹھ کر بہت سلیبس جمع ہوگیا اب تو۔۔۔۔۔۔۔۔سمرا عبایا اتارتے بولی۔۔۔۔۔۔

ہاں اچھا بیٹھو میں کھانا لاتی ہو اور چائے بھی پھر ریلیکس ہو کر پڑھے گے۔۔۔۔۔ عفہ مسکراتی ہوئی بولی۔۔۔۔۔۔

ہاں یار جلدی لے آؤ بہت بھوک لگی ہیں ۔۔۔۔۔۔۔ 

کچھ ہی دیر میں ٹرے سجائے عفہ بیڈ پر بیٹھ گئی جبکہ سمرا بھی اس کے سامنے بیٹھ گئی۔۔۔۔۔۔

دونوں نے سکون سے کھانا کھایا اور پھر چائے پیتے ہوئے کتابوں کا معائنہ کرنے لگ گئی۔۔۔۔۔۔

اچانک عفہ کو ناجانے کیا یاد آیا کہ وہ چلا اٹھی۔۔۔۔۔۔۔

اللہ میں کیسے بھول سکتی ہو یار ؟؟؟؟؟؟

کیا ہوا لڑکی خیریت بندہ آرام سے بولتا ہے یاد رکھو نازک دل لوگ بھی پاس بیٹھے ہیں۔۔۔۔۔ سمرا نے عفہ سے کہا۔۔۔۔۔۔

یار میرا پراجیکٹ کل آخری تاریخ اسکی، بیماری کی وجہ سے مکمل نہ ہوسکا یار اب کیا ہوگا؟؟؟؟ پریشانی سے بولی۔۔۔۔۔۔

کچھ نہیں ہوگا مل کر کرتے ہیں ٹینشن نہ لوں۔۔۔۔ سمرا حوصلہ دیتے بولی۔۔۔۔۔

ہاں تو چلو اٹھو پھر عبایا پہنوں۔۔۔۔۔۔ عفہ تیزی سے اٹھتے عبایا پہننے لگ گئی۔۔۔۔۔۔

لیکن کیوں؟؟؟؟

یار میرا پراجیکٹ نیچر پر تھا تبھی تو اس سائیٹ پر جاتی تھی میں۔۔ آس سائیٹ کو دیکھ کر لکھ رہی ہو میں ۔۔۔اب چلوں اٹھو جلدی۔۔۔۔۔۔

چلوں جی یار یہ کیا بات ہوئی؟؟؟ منہ بسورتے بولی۔۔۔۔۔۔

اٹھو نہ بلکہ ایک بات بتاؤ جاب پر نہیں جانا تم نے آج کیا؟؟؟؟

یار تمہارے نام پر ایک ہفتے کی چھٹیاں لی ہیں میں نے اب اسے انجوائے تو کرنے دو۔۔۔۔۔

میرے نام پر لی نہ تو چلوں اب اٹھو چلتے ہیں۔۔۔۔۔۔ عفہ نے لیپ ٹاپ اٹھایا اور بیگ میں سامان رکھنے لگ گئی۔۔۔۔۔

سمرا بھی اکتاہٹ بھرے انداز سے اٹھی اور اچاٹ دل سے عبایا پہننے لگ گئی۔۔۔۔

دونوں نے ضروری سامان لیا اور پھر ہوسٹل سے باہر نکل آئی۔۔۔۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

حماد اور عصار آج وقت سے پہلے ہی سائیٹ پر پہنچ گئے تھے۔۔۔۔۔۔۔

عصار اپنے نظروں کو چاروں طرف گھومانے لگ گیا کہ شاید آج اسے نظر آجائے لیکن کوئی بھی حماد اور اس کے علاوہ وہاں موجود نہ تھا۔۔۔۔۔

سر آپ جگہ بتائیں کہاں پر بنیاد رکھنی ہیں؟؟؟ حماد نے عصار کی جانب دیکھ کر پوچھا۔۔۔۔۔

ان لوگوں کو آنے دو پھر ان سے پوچھ کر رکھیں گے۔۔۔۔۔۔۔ عصار نے سائیٹ پر نظر جمائے کہا۔۔۔۔۔

کچھ ہی دیر میں ڈیلرز بھی وہاں پہنچ گئے۔۔۔۔۔

عصار حماد دونوں ان کی جانب راغب ہوگئے۔۔۔۔۔

عصار اور پارٹنر کی باہمی رضامندی کے مطابق جگہ کا تعین کرتے ہوئے عمارت کی بنیاد رکھ دی گئی۔۔۔۔۔

بنیاد رکھتے ساتھ ہی وہاں پر ڈیلرز کے ساتھ آئے ہوئے لوگوں نے وائین کی بوتل سے سب کو مبارک باد دی۔۔۔۔۔

کچھ دیر تک یونہی سب ڈیل اور سائیٹ کے بارے میں بات کرتے رہے۔۔۔۔ جبکہ اپنے ہی کام میں مصروف عصار کو خبر بھی نہ ہوئی کہ عفہ کب سے سائیٹ پر آ چکی تھی اور اب وہ سمرا کے ساتھ مل کر اپنا کام کر رہی تھی۔۔۔۔۔۔۔

ویسے ایک بات کہوں عفہ ۔۔۔۔۔۔۔۔ سمرا نے آسمان کی جانب دیکھتے ہوئے پوچھا۔۔۔۔۔

ہاں کہوں؟؟؟؟ عفہ جو کہ لیپ ٹاپ پر سر جھکائے بیٹھی تھی بولی۔۔۔۔۔

ویسے تمہاری چوائس ہے بہت اچھی سوائے زریس کے۔۔۔۔۔۔۔ کہتے ساتھ قہقہ لگانے لگ گئی۔۔۔۔

شرم کرو سمرا مجھے اس سے نفرت ہے اور تم اسی کے نام سے مجھے ہنسانے کی کوشش میں لگی ہو۔۔۔۔۔

غصے سے بولی۔۔۔۔۔۔

اچھا اچھا ناراض کیوں ہوتی ہے یار ۔۔۔۔۔۔۔۔۔۔

لیکن ایک بات کہوں ویسے تم نے صیحح مزہ چکھایا اسے میں ہوتی نہ تمہاری جگہ اس سے بھی زیادہ زلیل کرتی اسے لیکن خیر ہے تم نے بھی اخیر کی تھی اس کے ساتھ۔۔۔۔۔۔ سمرا بولی جارہی تھی جبکہ عفہ نظر انداز کیے اپنے کام میں لگی رہی۔۔۔۔۔۔

 عصار جو کہ اب تک انہیں دیکھ چکا تھا خاموشی سے ان کی جانب بڑھ کر انہیں کے پیچھے کھڑا تھا اور سمرا کی کی جانے والی ہر بات سن چکا تھا غصے سے بلبلا رہا تھا۔۔۔۔۔۔

میں صیحح سوچتا تھا یہ تماشا بناتی ہیں۔۔۔ محبت کا تماشا۔۔۔۔ محبت کرنے والے کو زلیل کرتی ہیں ۔۔۔۔۔ مزاق بناتی ہیں اسکا۔۔۔۔۔۔جس محبت کا نام بچانے کیلئے میں نے اپنی قیمتی چیز گنوا دی آج اسی محبت کا سرعام تماشا بنا رہی یہ لڑکی۔۔۔۔۔۔۔۔۔ 

عصار اپنا گلاس وہی پر پھینکتے ہوئے تیزی سے قدم اٹھائے چلا گیا۔۔۔۔۔۔

گلاس کے ٹوٹنے کی آواز سنی تو سمرا اور عفہ دونوں چونک سی گئی کچھ لمحے ڈر کی وجہ سے پیچھے مڑ کر نہ دیکھا اور دونوں ایکدوسرے کو انکھ کے اشارے کرنے لگ گئی لیکن جب ہمت ہوئی تو سمرا تیزی سے اٹھی اور اسی جگہ پر دیکھنے لگ گئی جہاں عصار کچھ دیر پہلے کھڑا ان کی باتیں سن رہا تھا۔۔۔۔۔۔۔۔

کون تھا سمرا ؟؟؟؟ عفہ پریشانی سے پوچھنے لگ گئی۔۔۔۔۔

پتہ نہیں یار گلاس ٹوٹا ہوا پڑا ہے۔۔۔۔ اب پتہ نہیں کون تھا۔۔۔۔۔ ہوگا کوئی خیر چھوڑو ہمیں کیا کام کرو جلدی پھر چلتے ہم۔۔۔۔۔۔

ہاں ٹھیک ہے۔۔۔۔۔ عفہ نے سنا تو وآپس اپنے کام میں لگ گئی۔۔۔۔۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

عصار دونوں کی باتیں سن پگلہ سا گیا تھا تیزی سے گاڑی چلاتے ہوئے اپنے فلیٹ کی جانب بڑھا۔۔۔۔۔

داخل ہوتے ہی اپنے وائین کیبن میں بیٹھ گیا جہاں اعلی برینڈ کی بوتلیں پڑی ہوئی تھی۔۔۔۔

ان میں سے ایک بوتل نکالی اور گلاس بھر لیا۔۔۔۔۔۔

ایک ایک گھونٹ بھرتا گیا اور زہر آلود الفاظ باہر آتے گئے۔۔۔۔۔

مزید تماشا نہیں بنے گا محبت کا ۔۔۔۔۔۔۔ سبق سکھا کر رہو گا اسے۔۔۔۔۔ سمجھ کیا رکھا ہے جب چاہا محبت کی جب چاہا زلیل کردیا۔۔۔۔۔۔

اس کو غلطی کا احساس کروانا پڑے گا جو کام زریس کو کرنا چاہیے تھا وہ میں کرونگا اب، تم دیکھنا عفہ کیسا کھیل کھیلتا ہو تمہارے ساتھ کہ خود تماشا بن جاؤ گی اور پھر سب تم پر ہنسے گے۔۔۔۔۔۔۔

عصار کی آنکھیں سرخ ہو چکی تھی جبکہ مسلسل پینے کی وجہ سے اب مدہوشی عروج پر تھی۔۔۔۔۔۔

۔۔۔۔۔

    ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جاری ہے اور رائے ضرور دے😊

     ─━•<☆⊰✿❣✿⊱☆>•━─