Zaat E ishq Epi 33

┄┅════❁ ﷽ ❁════┅┄

ناول: ذت_عشق

از: رابعہ_بخاری

قسط_نمبر_33

عفہ سے بات کرنے کے بعد ہی عصار نے ساری تصویریں مشتاق صاحب کے نمبر پر بھیج دی تھی۔۔۔

مشتاق صاحب گاڑی کو پارک کر کے گھر میں داخل ہوئے ۔۔

شام کے پانچ بج چکے تھے اور خاموشی ہر جانب رقص کررہی تھی۔۔۔

سب اپنے اپنے کمرے میں دمبخود بیٹھے ہوئے تھے۔۔۔

جیسے ہی دہلیز کے اندر قدم رکھا۔۔۔

موبائل پر اچانک انہیں ڈھیر و ڈھیر میسجز کی وصولی کا علم ہوا۔۔۔

یہ کس کا نمبر ہے جس کی جانب سے اتنے میسجز آئے مجھے؟؟؟

سوچتے ہوئے جیسے ہی میسجز کھولے۔۔۔

تو آنکھیں دنگ رہ گئی۔۔۔

ہر اگلی تصویر مشتاق صاحب کے چہرے کے تاثرات کو بدل رہی تھی۔۔۔

سبین ۔۔۔۔۔۔

تصویریں دیکھنے کے بعد چلا کر رعب دار آواز سے پکارا۔۔۔

سب لوگ جو اپنے اپنے کمرے میں مست تھے آواز سن کر گھبرا سے گئے اور باہر کی جانب لپکے۔۔۔

مشتاق صاحب چل کر لاؤنچ میں آگئے تھے ۔۔

سبین۔۔۔۔

ایک بار پھر سے غصریلی آواز سے سبین بی بی کو پکارا۔۔۔

وہ ڈرتی سہمتی دوپٹا سنبھالے باہر کی جانب لپکی اور اب مشتاق صاحب کے سامنے موجود تھی۔۔۔

جن کی آنکھوں میں خون اور چہرے پر غصے کی لالی ٹپک رہی تھی۔۔۔۔

کیا ہوا شاہ جی سب خیریت؟؟؟ 

مشتاق صاحب کو آج تک انہوں نے اس قدر غصے میں نہ دیکھا تھا۔۔۔

ان کی رعب دار شخصیت کی اتنی پراثر تھی کہ ان کے سامنے ہر کوئی مانند پڑ جاتا تھا۔۔۔

کہنے کو وہ بہن بھائیوں میں دوسرے نمبر پر تھے لیکن سب ہی ان کی شخصیت سے ڈرتے تھے ۔۔۔

بہزاد ، سندس ، موحد اور عفہ بھی اپنے اپنے کمرے سے نکل اب لاؤنچ میں موجود تھے ۔۔

سبین بی بی کے سوال کرنے پر مشتاق صاحب نے اپنا موبائل ان کے ہاتھوں میں تھما دیا۔۔۔۔

عفہ مشتاق صاحب کا غصہ اور موبائل کی حرکت کو دیکھ کر سمجھ چکی تھی۔۔۔۔

کہ عصار نے اپنا کام کردیا ہے۔۔۔

بس اب ضرورت صرف اس کے خاموش رہنے اور سر جھکائے رکھنے کی تھی جو وہ بخوبی کررہی تھی۔۔۔

سبین بی بی نے حیرانگی سے مشتاق صاحب کی جانب دیکھتے ہوئے فون پکڑا ۔۔۔۔

اور ایک ایک کرکے وہ ساری تصویریں دیکھنے لگ گئی جن کو دیکھ کر مشتاق صاحب آگ بگولہ ہوئے بیٹھے تھے ۔۔۔

تصویریں دیکھنے کے بعد سبین بی بی حیرانگی اور پریشانی کے ملے جلے تاثرات سجائے کھڑی تھی۔۔۔۔

تو یہ پسند کیا تھا تم نے میری پاکباز بیٹی کیلئے۔۔۔۔

یہ۔۔۔۔۔۔ 

مشتاق صاحب کی غصریلی رعب دار آواز پورے لاؤنچ میں گونج رہی تھی۔۔۔

کس طرح کے خاندان میں میری بیٹی کو بھیج رہی تھی تم سبین؟؟؟

جواب دو؟؟؟

اس کا مطلب میرا ڈر اور شک صیحح ثابت ہوا۔۔۔

میں تبھی اس رشتے کے خلاف تھا۔۔۔

لیکن تم۔۔۔۔

تمہیں تو بس اعلیٰ ظرف خاندان نیک لوگ اور کھاتا پیتا گھرانہ نظر آرہا تھا۔۔۔

یہ ہے وہ گھرانہ۔۔۔۔۔

مشتاق صاحب چلا رہے تھے۔۔۔

جبکہ سبین بی بی سر جھکائے کھڑی تھی۔۔۔

کسی کی ہمت نہ ہوئی کہ وہ آگے بڑھ کر دیکھ سکے کہ آخر ماجرا کیا ہے؟؟

سب اپنی جگہ پر پتھر بنے کھڑے تھے۔۔۔

ابھی فون کرو انہیں۔۔۔

اور کہوں آکر اپنی انگھوٹی لے جائے۔۔۔

بلکہ آنے کی بھی ضرورت نہیں ہمارا گھر گندا ہو جائے گا۔۔۔

ہم خود بھیج دے گے۔۔۔۔

مشتاق صاحب نے کڑکراکے دار فیصلہ سناتے ہوئے وہاں سے جانا مناسب سمجھا۔۔۔۔

جبکہ سبین بی بی مشتاق صاحب کا قہر ابھی تک ہضم نہ کر پارہی تھی۔۔۔

اور ہچکیاں لے کر رونے لگ گئی۔۔۔۔

مشتاق صاحب کے جانے کے فورا بعد ہی سب سبین بی بی کی جانب بڑھے جن کے ہاتھ میں ابھی بھی مشتاق صاحب کا موبائل موجود تھا۔۔۔

امی ایسا کیا ہوا ہے کہ ابو اس قدر ناراض ہے؟؟

پہلے تو سب ٹھیک تھا اب اچانک رشتہ کیوں ختم کررہے ہیں؟؟؟

بہزاد آگے بڑھتے ہوئے بولا۔۔۔

عفہ بھاگتی ہوئی کیچن کی جانب بڑھی تاکہ سبین بی بی کیلئے پانی لا سکے۔۔۔

سندس سبین بی بی کو صوفے تک لے گئی اور بیٹھا دیا۔۔۔

روتی ہوئی سبین بی بی نے موبائل سوال کرتے بہزاد کے ہاتھ تھما دیا۔۔۔۔

بہزاد نے تصویریں دیکھی تو اس کا رنگ بھی دو ہوگیا۔۔۔

مجھے بھی دیکھائے کیا ہے ان تصویروں میں بہزاد؟؟

سندس تجسس بھرے لہجے سے بولی ۔۔۔۔

بہزاد نے فون اس کی جانب بڑھا دیا۔۔

موحد بھی سندس کے ساتھ کھڑا ہوگیا اور دونوں مل کر تصویریں دیکھنے لگ گئے ۔۔

یاللہ اس قدر بے حیائی....

سندس کے منہ سے بے دریغ نکل گیا۔۔۔

ہر تصویر میں ایک الگ لڑکی وہ بھی نہایت نازیبا لباس میں۔۔۔۔

لیکن ایک شخص سب میں ایک جیسا تھا اور وہ زریس تھا۔۔۔

موبائل دیکھنے کے بعد واپس سبین بی بی کو پکڑا دیا ۔۔۔

عفہ جو پانی لے کر آئی تھی سبین بی بی کے جانب بڑھاتے ہوئے ان کے پاس بیٹھ گئی۔۔۔

بہت اچھا فیصلہ کیا ابو نے امی۔۔۔

یہ رشتہ ابھی اور اسی وقت ختم کرنا چاہیے۔۔۔

عفہ۔۔۔۔

بہزاد نے عفہ کی جانب دیکھ کر کہا۔۔۔

جی بھائی۔۔۔

اتارو یہ انگھوٹھی ابھی اور اسی وقت۔۔۔

اور الگ کرو اس گندے انسان کو خود سے۔۔۔

بہزاد نے غصے سے کہا تو عفہ نے فورا انگلی کو انگھوٹھی کی قید سے آزاد کیا۔۔۔

اور بہزاد کی جانب بڑھا دی۔۔۔۔

خدا کا شکر ہے میری بچی ان جیسوں سے بچ گئی۔۔۔

ورنہ ناجانے کیا ہوجاتا۔۔۔۔

سبین بی بی نے ساتھ بیٹھی عفہ کو اپنے ساتھ لگایا اور روتے ہوئے بولی۔۔۔۔

کچھ نہیں ہوا امی سب ٹھیک ہے۔۔۔

اللہ جو کرتا ہے۔ بہتر کرتا ہے۔۔۔۔

میں کل ہی یہ انگھوٹھی ان کے گھر تک پہنچاتا ہو وآپس۔۔۔۔

آپ جا کر ابو دیکھے۔۔۔۔

بہزاد انگھوٹھی ہتھیلی میں دبائے اپنے کمرے کی جانب بڑھ گیا۔۔۔

عفہ نے موحد کو بھی وہاں سے جانے کا اشارہ کیا۔۔۔

سندس بھی سبین بی بی کے ساتھ بیٹھ گئی اور انہیں حوصلہ دینے لگ گئی۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ایک بہت بڑا طوفان آ کر گزر چکا تھا۔۔۔

لیکن اس سے بڑا سونامی جو زریس کی جانب سے آنا تھا بھی باقی تھا۔۔۔۔

بقول بہزاد کے وہ صبح ہی ان کی امانت انہیں لوٹا دے گا ۔۔

اب عفہ زریس کی جانب سے آنے والے ردعمل سے گھبرا رہی تھی۔۔۔

کمرے کی لائیٹس بند کر کے کھڑکی پر بیٹھی۔۔۔۔

باہر کے نظارے میں خود کو ڈھونڈ رہی تھی ۔۔۔

دسمبر کا ادھ مہینہ ہلکی سی دھند اور بادل چاند کی روشنی ماند کر رہے تھے ۔۔۔۔

کہ تبھی اسے پھر سے وہی خواب بادلوں میں رقص کرتا نظر آیا۔۔۔۔

جیسے بادلوں میں عصار اس کا ہاتھ تھامے آگے کی جانب بڑھ رہا ہو اور وہ بنا کسی مذمت کے اس ساتھ بہتی چلی جارہی ہو ۔۔۔۔

ابھی اسے سحر میں گم تھی۔۔۔

کہ دروازے کی دستک نے اسے بری طرح چونکا دیا تھا۔۔۔۔

ج ۔۔۔۔ ج۔۔۔۔ جی کون؟؟؟

اندر آجائے۔۔۔۔

سبین بی بی دروازہ کھول کر اندر بڑھی تو اندھیرا پا کر بولی ۔۔

اندھیرا کیوں کیے رکھا ہے عفہ؟؟؟

اور لائٹ آن کردی۔۔۔۔

امی جب روشنی آنکھوں میں چبھنے لگے تو اندھیرا ساتھی بن جاتا ہے۔۔۔۔

آپ بتائے کیا ہوا ابو ٹھیک ہوئے ابھی تک کہ نہیں؟؟؟؟

عفہ بیڈ کی جانب بڑھی جہاں سبین بی بی براجمان تھی۔۔۔۔

اسے سلسلے میں آئی ہو میں...

تمہارے بابا سخت ناراض ہے مجھ سے۔۔۔۔

نہ کچھ بول رہے ہیں ۔۔۔

ناں میرے ہاتھ سے کچھ کھا پی رہے ہیں۔۔۔

سبین بی بی کی آنکھوں میں آنسوں تیرنے لگ گئے ۔۔۔

امی آپ پریشان نہ ہو سب ٹھیک ہو جائے گا۔۔۔۔

وہ اس وقت صدمے میں ہیں اسی وجہ سے۔۔۔۔

عفہ تسلی دیتے بولی۔۔۔

جانتی ہو تبھی تمہارے پاس آئی ہو ۔۔۔

تمہارے بابا سب سے زیادہ تم سے محبت کرتے ہیں۔۔۔۔

وہ اسی وجہ سے ہی زیادہ پریشان اور غصے میں ہیں کہ ان کی لاڈو کے ساتھ اگر کہیں برا ہو جاتا تو ۔۔۔

ارے امی کچھ نہیں ہوا سب ٹھیک ہے ابو کو سمجھائے۔۔۔ عفہ بولی۔۔۔

تم بات کرو اپنے ابو سے وہ تمہاری ہر بات مانتے ہیں۔۔۔

 تم سے بہت زیادہ محبت جو کرتے ہیں۔۔۔

شاید تمہاری بات مان جائے۔۔۔سبین بی بی آس لگائے بولی۔۔۔۔

اچھا امی میں کرتی ہو بات۔۔۔

آپ فکر نہ کرے کھانا تیار کرے میں لے کر جاتی ہو کھانا ان کیلئے۔۔۔۔۔

عفہ نے مسکرا کر کہا تو سبین بی بی اسے سر پر پیار دیتے ہوئے اٹھ کھڑی ہوئی۔۔۔۔۔

مجھے معاف کر دینا ناجانے انجانے میں کہیں ۔۔۔۔۔سبین بی بی کی بات سنتے ساتھ ہی عفہ بھیج میں ہی بول پڑی۔۔۔۔

ارے امی نہیں آپ کیوں معافی مانگ رہی ہیں جائے بابا کیلئے کھانا گرم کرے مجھے پتہ ہے انہیں بہت بھوک لگی ہوگی اس وقت۔۔۔۔۔

عفہ مسکرا آکر بولی تو سبین بی بی وہاں سے چلی گئی۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

السلام وعلیکم۔۔۔۔

کیا ماحول ہے اب وہاں کا؟؟؟

سمرا دھیمے لہجے سے بولی۔۔۔۔۔

وعلیکم السلام۔۔۔

بابا بہت ناراض ہے وہ کسی سے بھی بات نہیں کررہے خاص کر امی سے۔۔۔۔۔

عفہ پریشانی سے بولی۔۔۔۔

خالہ سے کیوں اتنا ناراض؟؟؟

کیونکہ ابو امی کو کہہ رہے تھے کہ انہیں اس رشتے میں اچھائی نظر نہیں آرہی لیکن امی بود تھی اور مجھے کہا تھا کہ میں انہیں مناؤ۔۔۔۔

سو بس اس لیے اب ابو ناراض امی سے ۔۔۔

اب جاؤ گی انہیں منانے کیوں کہ امی کا رو رو کر برا حال ہے ۔۔۔۔ عفہ بولی

اچھا صیحح۔۔۔

اور زریس کی جانب سے کوئی خبر یا کوئی دھماکہ؟؟؟

سمرا تفتیشی افسر کی طرح سوال جواب کررہی تھی ۔۔۔

نہیں بھائی کل جائے گا صبح ان کی رنگ واپس کرنے۔۔۔

اس کے بعد ہی اس طوفان کی نوعیت کا پتہ چلے گا جس کی گونج ابھی سے کانوں میں سائیں سائیں کررہی ہیں میرے۔۔۔۔

عفہ بولی ۔۔

پریشان نہ ہو ب ٹھیک ہو جائے گا۔۔۔۔۔سمرا نے کہا۔۔۔

اچھا میں بعد میں بات کرتی ہو مجھے ابو کے پاس جانا ہے۔۔۔۔

ہاں ٹھیک ہے بعد میں ہوتی بات ۔۔۔۔۔

سمرا نے کہتے ساتھ ہی فون کاٹ دی اور عفہ باہر کو نکل گئی۔۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بقول سبین بی بی کے مشتاق صاحب کمرے میں بند تھے۔۔۔۔

عفہ ہاتھ میں کھانا سجائے اندر کی جانب بنا دستک دیے بڑھ گئی ۔۔۔

میں نے کہا ناں مجھے اکیلا چھوڑ دو۔۔۔۔۔

چلی جاؤ یہاں سے بھی۔۔۔۔۔

مشتاق صاحب غصے سے بولے۔۔۔۔

بابا میں ہو عفہ۔۔۔۔۔

کیا میں بھی جاؤ یہاں سے ابھی۔۔۔۔؟؟؟

عدہ بچوں کی طرح بولی۔۔۔۔

مشتاق صاحب نے آواز سنی تو پلٹ کر عفہ کی جانب دیکھا۔۔۔۔

مشتاق صاحب کی آنکھیں سرخ تھی ظاہر ہورہا تھا شاید وہ تنہائی میں رو رہے تھے۔۔۔

ٹرے کو ٹیبل پر رکھتے ساتھ ہی عفہ تیزی سے ان کی جانب بڑھی اور سینے کے ساتھ لگ گئی۔۔۔۔

کچھ نہیں ہوا بابا ۔۔۔

سب ٹھیک ہے۔۔۔۔

کیوں پریشان ہے آپ میں ہو ناں آپ کے پاس ۔۔۔۔۔

مشتاق صاحب نے اپنی بانہوں کو عفہ کے گرد ماہل کیا اور بولے۔۔۔۔

بس دل ڈر سا گیا تھا۔۔۔

کہ اگر تمہاری شادی ہو جاتی تو شاید تم ہمیشہ کیلئے ہم سے بچھڑ جاتی ۔۔۔۔

مشتاق صاحب کی آواز میں لرزش تھی۔۔۔۔

ایسے کیسے بچھڑ جاتی اور ویسے بھی ایسا کچھ نہیں ہوا۔۔۔

اللہ کا شکر ایسا کچھ نہیں ہوا ۔۔۔

اگر کچھ ہو جاتا تو میں اپنی پری کو کہاں سے لاتا۔۔۔مشتاق صاحب عفہ کی تھوڑی کو چھوتے ہوئے بولے۔۔۔۔

اچھا بس سجائے کھانا کھاتے ہیں۔۔۔۔عفہ بازو سے تھامے انہیں کھانے کی طرف لائی۔۔۔۔

نہیں بھوک نہیں مجھے۔۔۔۔

لے جاؤ اسے۔۔۔۔

کیوں نہیں بھوک مجھے تو بہت بھوک لگی ہوئی ہیں آئے مل کر کھاتے ہیں۔۔۔

عفہ مسکراتے ہوئے بولی اور نوالہ بنا کر مشتاق صاحب کی جانب بڑھایا جسے انہوں نے بنا مذمت منہ میں لے لیا۔۔۔۔

اب میری باری مجھے کھلائے آپ۔۔۔۔ مسکرا بول اور منہ کھولے بیٹھ گئی۔۔۔۔

مشتاق صاحب نے پیار سے نوالہ اس کے منہ میں ڈالا اور سر پر ہاتھ رکھا۔۔۔

سبین بی بی دروازے کے پاس کھڑی سب دیکھ رہی تھی شرمندگی سے سر جھکائے اندر کی جانب بڑھی۔۔۔۔

مشتاق صاحب کا کھلتا چہرہ وہی مرجھا گیا۔۔۔۔

عفہ نے دیکھا تو بولی۔۔۔۔

بس بھی بابا اس میں امی کی کوئی غلطی نہیں ہے ۔۔

اگر نہیں ہلکی سی بھی بھنک پڑتی تو کبھی وہ اس رشتے پر زور نہ دیتی سب غلطی ان کی ہے جو گھیرے میں لے رہے تھے ۔۔۔

اب آپ امی سے تو ناراض نہ ہو تو رو کر برا حال کیا ہوا انہوں نے اپنا۔۔۔

عفہ سبین بی بی کو مشتاق صاحب کے سامنے بیٹھاتے بولی۔۔۔۔

مشتاق صاحب نے دیکھا تو کہا۔۔۔۔

عفہ کی امی کھانے کے بعد گرم گرم چائے چاہیے مجھے ٹھیک ہے ۔۔۔

سبین بی بی نے دیکھا تو مسکرا اٹھی

 فورا حامی میں سر ہلاتے ہوئے اٹھی اور باہر کی جانب بڑھی۔۔۔۔

چلو آؤ کھانا کھاؤ میرے ساتھ۔۔۔

 مشتاق صاحب نے عفہ سے کہا تو وہ ان کے ساتھ بیٹھ گئی۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

رات کے دو بج رہے تھے ۔۔۔

عفہ اور سب گھر والے سو چکے تھے۔۔۔۔

عصار اپنے کمرے میں بیٹھا عفہ کو ہی سوچ رہا تھا ۔۔۔

اسے سمرا نے سارے معاملے سے آگاہ تو کردیا تھا لیکن اس کا دل عفہ کی آواز سننے کے کررہا تھا۔۔۔

لہذا بہانوں کی فہرست تیار کیے وہ سوچ میں پڑ گیا۔۔۔

تبھی سوچتے سوچتے فون اٹھایا اور عفہ کو کال ملا دی۔۔۔

ابھی ایک بیل گئی ہی تھی کہ فورا کال کاٹ دی۔۔۔

اس وقت کال کرونگا تو ناجانے کیا سوچے گی میرے بارے میں۔۔۔۔

نہیں نہیں صبح ہی کرونگا۔۔

آگے وہ مجھ سے بہت امپریس ہے جو میں مزید کرنے چلا ہو۔۔۔ خود کو طنز کیا

سوچتے ساتھ ہی نفی میں سر ہلایا اور فون رکھ دیا۔۔۔

آدھا گھنٹہ بھی با مشکل سے گزرا کہ دل کے ہاتھوں مجبور وہ فون کر ہی بیٹھا۔۔۔۔۔۔

سکوں کی نیند سوئی عفہ کے تکیے میں اچانک وائبریشن شروع ہوگئی ۔۔۔۔

پہلے تو وہ اسے نیند کا حصہ گردانتی رہی۔۔۔

پھر جب وائبریشن بگڑتی گئی تو آنکھ کھل گئی اور فون نکال لیا۔۔۔۔۔

عصار کی کال وہ بھی اس وقت ۔۔۔۔

اللہ سب خیر۔۔۔۔

عفہ نے ڈرتے ہوئے ہزار وسوسوں کے ساتھ فون کان پر لگایا۔۔۔

السلام وعلیکم عصار آپ ٹھیک تو ہے اس وقت کال سب خیریت ؟؟؟

طبیعت تو ٹھیک ہے ناں؟؟

پریشانی اور احساس کے تاثرات عصار پر واضح ہوئے تو وہ مسکرا اٹھا۔۔۔۔

وعلیکم السلام میں ٹھیک ہو حوصلہ۔۔۔۔

عفہ اپنے بولے گئے جملے پر فورا چپ ہوگئی اور پشیمان سی ہوگئی ۔۔۔

وہ اپنے اس وقت کل کی تو مجھے لگا؟؟؟عفہ بولتے بولتے چپ ہوئی۔۔۔۔

کیا لگا؟؟؟

عصار تنگ کرتے بولا۔۔۔۔

یہی کہ۔۔۔۔

کہ؟؟؟؟

کہ کچھ نہیں آپ بتائیں کال کیوں کی؟؟؟ عفہ خود کو ٹھیک کرتے بولے۔۔۔۔

اس سوال نے عصار کی چپی لگا دی۔۔۔۔۔

بولے بھی ؟؟؟

کیا ہوا؟؟؟

کچھ نہیں پوچھنا تھا کیا بنا تصویریں مل چکی ہیں کیا؟؟؟ عصار نے ایسے سوال کیا جیسے اسے کچھ معلوم ہی نا ہو۔۔۔۔

ہاں پہنچ چکی تھی آپکو سمرا نے کچھ نہیں بتایا کیا؟؟؟ عفہ تجسس سے بولی۔۔۔۔

نہیں کچھ بھی نہیں۔۔۔۔ عصار نے بلاجھجک جھوٹ بولا۔۔۔

جس پر عفہ پریشان سی ہوئی لیکن پھر سب کچھ عصار کو بتانے لگ گئی۔۔۔۔

ایک گھنٹے کی کال کے بعد عصار کے دل کو سکون نصیب ہوا اور وہ مسکراتا ہوا سو گیا۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جاری ہے اور رائے ضرور دیں 😊

     ─━•<☆⊰✿❣✿⊱☆>•━─