Way Main Teri Ho Gai Epi 18

ناول: وے_میں_تیری_ہوگئی_آں

از: رابعہ_بخاری

قسط_نمبر_18

گاڑی کو سامنے لان میں پارک کرتے ہوئے ہاتھوں میں دو گلاب کے گجرے لیے اور ساتھ کئی پھولوں کی مہکتی پنکھڑیوں کو ایک شاپر میں تھامے اندر کی جانب خوشی سے چہکتے ہوئے بھاگا۔۔۔

سوچ میں کئی خوبصورت لمحوں کی سجاوٹ کیے اوہ قدم بڑھائے اندر کی جانب بڑھا۔۔۔

انا۔۔۔

پھولوں کی خوشبو کو اپنے چہرے کے قریب لائے وہ بناء اوپر دیکھے بولا۔۔۔

انا۔۔۔۔۔

ایک بار پھر اس نے آواز دی۔۔۔

چاہتا تھا کہ پھولوں سے نظر ہٹائے تو پھر اپنی زندگی کے سب سے بڑھ مہکتے پھول کو ہی دیکھے۔۔۔

لیکن انتظار کے باوجود جب انا نہ آئی تو مجبورا نظر اٹھا کر دیکھنے لگا۔۔

لیکن سامنے کا منظر کسی قیامت سے کم نہ تھا۔۔۔

فرش پر جا بجا خون کے نشان۔۔۔

آبان کے ہاتھ سے سرخ رنگ کے پھولوں زمین پر گر گئے۔۔۔

اور وہ حواس باختہ خون کو دیکھتے ہوئے آگے کی جانب بڑھا۔۔۔

چہرے کے رنگ بے رنگ۔۔۔

چہرہ جو ان پھولوں کی طرح کچھ دیر پہلے مہک رہا تھا اب اپنی تازگی کھو بیٹھا۔۔

انا۔۔۔

وہ ڈرتے لہجے سے بولا۔۔۔

لیکن کہیں سے کوئی جواب نہ آرہا تھا۔۔۔

 آگے لاؤنچ کی جانب بڑھا تو اچانک اس کے پاؤں پر کوئی چیز ٹکرائی۔۔۔

نیچے جھکا تو وہاں کانچ کے کئی ٹکڑے پائے۔۔۔

ساتھ ہی پاس چوڑیوں کے کئی ٹکڑے۔۔۔

آبان کی سمجھ میں کچھ نہ آرہا تھا۔۔

کھڑا ہوا۔۔۔

اور اپنی نظر کو پورے کمرے میں دہرائی۔۔۔

ہر طرف ایک وحشت کا ساماں محسوس ہوا۔۔۔

ایک جانب کرچیاں تو ایک جانب ٹوٹی چوڑیوں کی نشانی۔۔۔

انا کا سوچ ہی رہا تھا کہ اچانک عائز کا خیال ذہن میں ٹھمکا۔۔۔

ہڑبڑاہٹ سے بھاگتا ہوا کمرے کی جانب بڑھا۔۔۔

لیکن وہاں کچھ نہ پایا۔۔۔

اب وہ پورے گھر کے کمرے کمرے کو چھان رہا تھا۔۔

لیکن خاک کے سوا کچھ نہ ملا۔۔۔

انا۔۔۔۔۔۔

آبان کا دل اب بیٹھ سا گیا۔۔۔

اور آہستگی سے چلتا ہوا۔۔۔

وہ خون کے دھبوں اور پاس پڑی چوڑیوں کی کرچیوں کے پاس بیٹھ گیا۔۔۔

خون کو ہاتھ لگایا تو اس میں اپنی انا کا عکس اور خوشبو کو محسوس کیا۔۔۔

آبان گھٹنوں کے بل سر جھکائے پریشانی سے بیٹھ گیا۔۔۔

اور پھر ایک دم چلا اٹھا۔۔۔۔

انا۔۔۔۔۔۔۔۔۔

آنکھوں سے آنسوں کی لڑی بہتی ہوئی کنپٹی تک آئی۔۔۔

کہاں گئی انا؟؟؟

کیا ہوا اس کے ساتھ؟؟؟

عائز؟؟؟

عائز تو انا کے ساتھ تھا؟؟؟

کہیں اسے کچھ؟؟؟

نہیں نہیں۔۔۔۔

وہ خون پر اپنا ہاتھ ملتے سوچتے سوچتے دیوانہ وار بول رہا تھا۔۔۔

تبھی ایک آدمی بھاگتا ہوا اندر کی جانب آیا۔۔۔

اور آبان کو یوں بیٹھا دیکھ کر رک گیا۔۔۔

آبان اس کی آمد سے بے خبر اپنے غم میں ڈوبا ہوا تھا۔۔۔

لہذا وہ شخص خود ہی آہستگی سے چلتا ہوا اس کے قریب آیا۔۔۔

انا سر جھکائے بیٹھے آبان کے کندھے پر ہاتھ رکھا۔۔۔

آبان چونک گیا۔۔۔

انا۔۔۔۔۔

آنکھوں میں آنسوں اور لبوں پر مسکراہٹ سجائے وہ دیکھ کر بولا۔۔۔

لیکن مایوس ہوگیا۔۔۔

آنکھوں سے آنسوں کو صاف کیا۔۔۔

جی۔۔۔۔

آبان خود کو بمشکل سنبھالے کھڑا ہوا۔۔۔

باؤ جی۔۔۔

میں نے سب دیکھا تھا۔۔۔

وہ آبان کی جانب دیکھ کر بولا۔۔۔

آبان نے حیرت سے اس کی جانب دیکھا۔۔۔

مطلب؟؟؟

باؤ جی وہ بی بی کو گاڑی میں گھسیٹ کر لے کر جارہا تھا۔۔۔

وہ رو رہی تھی۔۔۔

ان کے ہاتھوں پیروں سے خون بہہ رہا تھا۔۔۔

لیکن وہ مرد نہ رکا۔۔۔

سامنے کھڑا شخص اسے بتا رہا تھا۔۔۔

جبکہ آبان کے سر پر کئی پہاڑ ٹوٹ رہے تھے۔۔۔

ایک بچہ بھی تھا جو زور زور سے چلا رہا تھا۔۔۔

میں ان کی آواز سن کر ہی آیا تھا جب دیکھا یہ سب۔۔۔

باؤ جی ان کے پاس بندوق بھی تھی۔۔۔

وہ پھٹی پھٹی آنکھوں سے دیکھ کر بتا رہا تھا۔۔۔

جبکہ آبان کی سوچ کا محور گھوم رہا تھا۔۔۔

کس؟؟؟

کس گاڑی میں تھے؟؟؟

اور کہاں گئے؟؟؟

آبان نے اس شخص کو بازوؤں سے تھامتے کہا۔۔۔

معلوم نہیں باؤ جی۔۔۔

میں دور تھا کچھ سن نہ سکا۔۔۔

وہ صاف گوئی سے بولا۔۔۔

آبان دو قدم پیچھے کو ہوا۔۔۔

ان سب چیزوں کو دیکھا۔۔۔

اور پھر بولا۔۔۔

زراب۔۔۔۔

تم آئے تھے یہاں۔۔۔

صرف تم۔۔۔

میری محبت کو لے کر گئے تم۔۔۔

میرے بچے کو لے کر گئے تم۔۔۔

نہیں چھوڑو گا۔۔۔

آبان کے چہرے پر خون اتر آیا تھا۔۔۔

جبکہ وہ طیش کی حالت میں اب چلا رہا تھا۔۔۔۔

نہیں چھوڑو نگا۔۔۔

نکال لونگا تمہیں۔۔۔

نکال لونگا۔۔۔

آگ اگلتی آنکھوں سے وہ غصہ چڑھائے بولا۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ناجانے کب سے ںے ہوش پڑی انا اندھیرے کمرے میں بند زمین پر اوندھے منہ گری پڑی تھی۔۔۔

خون کا رسنا اب بند ہوچکا تھا۔۔۔

جبکہ ایک نئی نویلی دلہن کا لباس خون آلود اور میرا ہوچکا تھا۔۔۔

آہستہ آہستہ انا کو ہوش آنے لگا۔۔۔

زمین کی خاک سے اپنے چہرے کو اٹھائے وہ سر تھامے ہاتھ کا زمین سے سہارا لیتے بیٹھ گئی۔۔۔

آہ۔۔۔۔۔۔

انا کراہ کر بولی۔۔۔۔

کہ تبھی اسے ہونٹ کے قریب کرنڈ سا محسوس ہوا۔۔۔

جسے چھوا تو اسے اچانک زراب کا وہ بھاری بھر کم ہاتھ یاد آیا جس سے پڑتے ہی وہ گر پڑی تھی اور پھر اس کے ہونٹ سے خون بہنے لگ گیا تھا۔۔۔

زراب کا سوچتے ساتھ ہی اسے سارا کچھ دھیرے دھیرے یاد ایا۔۔۔

آبان۔۔۔۔

عائز۔۔۔۔

ہمارا نکاح۔۔۔۔

زراب۔۔۔

وہ دھیرے دھیرے مدہم آواز سے سب کچھ یاد کرتے بولی۔۔۔

عائز۔۔۔۔۔

وہ ایک دم چلا اٹھی۔۔۔

اور تیزی سے اٹھ کھڑی ہوئی اور دروازے کی جانب بڑھی۔۔۔

اس سے پہلے وہ اس کے پاس جاتی دھرم زمین بوس ہوئی۔۔۔

آہ۔۔۔۔

ایک بار پھر وہ کراہ گئی کیوں کہ اس کا جما ہوا خون پھر سے دھاڑ بنے نکلنا شروع ہوگیا تھا۔۔۔

لیکن. اس کی پرواہ کیے بغیر وہ چلا رہی تھی۔۔۔

عائز۔۔۔۔۔۔

عائز۔۔۔۔۔۔

زراب دروازہ کھولو۔۔۔

خدا کی قسم اگر عائز کو کچھ ہوا مار دونگی تمہیں۔۔۔

کھولو دروازہ۔۔۔۔

انا چلا رہی تھی کہ تبھی دروازہ کھل گیا

کمرے میں جہاں پہلے اندھیرا تھا اب روشنیوں سے گونج رہا تھا کہ انا کا روشنیوں میں دیکھنا محال ہوگیا تھا۔۔۔

انا نے چہرے پر ہاتھ رکھا تا کہ روشنیوں کی چھبن سے بچ سکے۔۔۔

آہستگی سے اندر آتے مردانہ وجود کو دیکھ کر انا زمین پر رینگتی ہوئی پیچھے کی جانب ہونے لگی۔۔۔

روشنیوں جب چہرے پر پڑی تو وہ زراب تھا۔۔۔

اب کیوں بھاگ رہی ہو تم؟؟؟

بولو؟؟؟

زراب نیچے گھٹنے کے بل بیٹھتے ہوئے انا کے قریب ہوا۔۔۔

دیکھو زراب۔۔۔

انا روتے ہوئے بولی۔۔۔۔

کیا دیکھو؟؟؟؟

زراب چلا اٹھا۔۔۔

کہ آواز پورے کمرے میں گونجی۔۔۔

اب تک تو سب دیکھ ہی رہا تھا۔۔۔

تبھی تو کسی اور کے نکاح میں چلی گئی ہو۔۔۔

زراب نے لہجے میں نفرت تھی۔۔۔

عائز۔۔۔

عائز کو کچھ نہیں کرنا پلیز۔۔۔

انا کانپتے ہاتھوں کو جوڑتے ہوئے التجا کرتے بولی۔۔۔

زراب نے انا کو یوں کرتے دیکھا تو طنزیہ مسکرایا۔۔۔

کیوں؟؟؟

کیوں نہ کرو اسے کچھ؟؟؟

بتاؤ؟؟؟

کیوں مانو میں تمہاری بات؟؟؟

کیوں؟؟؟

زراب انا کے قریب ہوا جس سے انا ایک دم سہم سی گئی اور پیچھے کو ہونے لگی۔۔۔

زراب نے اسے یوں پیچھے ہوتے دیکھا تو دونوں بازوؤں سے تھامتے ہوئے اپنے روبرو کیا۔۔۔

اور آنکھوں میں نمی لیے انا کی سرخ آنکھوں کو گھورنے لگا۔۔۔۔

جانتی تھی ناں تم۔۔۔

کتنا چاہتا تھا تمہیں۔۔۔

کتنا چاہا تھا تمہیں۔۔۔

تمہاری ہر مانگ ہر بات کو پورا کیا۔۔۔

باؤ جی کے سامنے تک کھڑا ہوا تمہاری ابروڈ کی پڑھائی کیلئے۔۔۔

انا زراب کی باتوں کو سن تو رہی تھی لیکن سوچ صرف آبان اور عائز پر اٹکی ہوئی تھی۔۔۔

زراب جنونیت کی حد تک تھا۔۔۔

بولتے ہوئے اس کے پسینے کے قطرے انا پر گر رہے تھے۔۔۔

تو کیوں ہوئی تم کسی اور کی؟؟؟

میری تھی تم۔۔۔

صرف میری۔۔۔

کسی کے نکاح میں کیوں گئی۔۔۔

زراب نے ایک زور کا جھٹکا دیا اور انا پیچھے کی جانب گر گئی۔۔۔

اور پھر مجھ سے کہتی ہو کہ عائز کو کچھ نہ کرو۔

کیوں مانو تمہاری بات اب؟؟؟

باؤ جی کے حوالے کردیا اگر عائز کو تو سوچو ٹکڑے ملے گے بس۔۔۔

زراب خود کے جذبات پر قابو کرتے بولا۔۔۔

نہیں۔۔۔

نہیں۔۔۔

انا تیزی سے اس کی جانب بڑھتے ہوئے گرگرا کر بولی۔۔۔

زراب نیچے کی جانب جھکا۔۔۔

اور انا کو بالوں سے پکرتے ہوئے دبوچا۔۔۔

تم شکر مناؤ بس کہ عزت سے رکھا ہوا ہے ورنہ کسی قابل نہ چھوڑو تمہیں۔۔۔

انا درد کی شدت سے انکھیں موندھے رو رہی تھی۔۔۔۔

اور رہی بات عائز کی وہ تو میرا حکم کا اکا ہے۔۔۔

ویسے ہی جیسے تمہارے جمیل انکل۔۔۔

جو میرے ہی قبضے میں ہے میرے پتے کا اہم حصہ ۔۔۔

زراب نے ایک اور دھماکا انا کے سر پر پھوڑا۔۔۔

اور اسے جھٹکے سے چھوڑتے ہوئے واپس کمرے سے باہر کو ہوا۔۔۔

بیچارا۔۔۔

کیا معلوم کہ جس گھر سے بھاگا کر لے گیا تھا وہی اس کی محبوبہ کو بند کیے رکھا ہے۔۔۔

زراب بولتے ہوئے کمینگی کی حد کو چھوتے ہوئے ہنس رہا تھا۔۔۔

جب کہ انا اس کے قہقہوں کو سن کر وحشت محسوس کررہی تھی۔۔

زراب دروازہ بند کیے باہر کو نکل گیا۔۔۔

جبکہ انا وہی زمین پر گر پڑی اور آبان کا نام پکارتے ہوئے رونے لگ گئی۔۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کہاں ہوگا وہ زراب؟؟؟؟

کہاں لے کر گیا ہوگا وہ انا اور عائز کو؟؟؟

آبان سوچ سوچ کر پگلا سا گیا۔۔۔

اجی کو کال کرتا ہو۔۔۔

آبان نے فون نکالا اور اجمل صاحب کو کال ملا دی۔۔۔

تیزی سے ٹہلتے ہوئے وہ فون اٹھنے کا انتظار کررہا تھا۔۔۔

لیکن بیلز جارہی تھی۔۔۔

تبھی کسی نے فون اٹھایا۔۔۔

ہیلو۔۔۔۔

ہیلو۔۔۔۔۔

اجی۔۔۔

اجی میں بہت پریشان ہو۔۔۔

وہ زراب انا اور عائز کو لے گیا۔۔۔

میری انا کو لے گیا۔۔۔

میں نے اس سے نکاح کیا تھا وہ اسے لے گیا۔۔۔

آبان بچوں کی طرح اپنی تکلیف بیان کررہا تھا۔۔۔

کہ اسے دوسری جانب سے کسی کے قہقہوں کی آواز آئی۔۔۔

آبان چونک سا گیا۔۔۔

حیرانگی سےفون ہٹایا اور پھر دیکھا۔۔۔

انا ۔۔۔ 

تمہاری نہیں میری انا۔۔۔

زراب کی آواز سن کر آبان کے طوطے اڑ گئے۔۔۔

زراب تم؟؟؟ وہ حیرت سے بولا۔۔۔

ہاں میں۔۔۔

جس کی منگیتر کو اپ بھاگا کر لے گئے۔۔۔

وہ ہنستے ہوئے بولا۔۔۔

جبکہ آبان کو اب اجی کی فکر تھی۔۔۔

اجی کا فون تمہارے پاس؟؟؟ وہ سوالیہ انداز سے بولا۔۔۔

جی اجی کا فون میرے پاس۔۔

بلکہ پورے کے پورے اجی بھی میرے پاس ہی ہے میری مہمان نوازی کا زائقہ چکھ رہے ہیں۔۔۔

زراب کی کمینگی اس کی باتوں سے جھلک رہی تھی۔۔۔

ڈھونڈ مجھے اور لے جاؤ اپنی انا اور اپنے اجی کو۔۔۔

اور اگر نہ ڈھونڈ سکے تو انا میری ہوئی۔۔۔

 قہقہ لگاتے ہوئے فون زراب نے فون کاٹ دیا۔۔۔

ہیلو۔۔۔۔

ہیلو۔۔۔

زراب۔۔۔۔

زراب۔۔۔۔

ابان چلا رہا تھا لیکن اب کوئی فائدہ نہ تھا۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جاری ہے اور رائے ضرور دیں😊