Way Main Teri Ho Gai Epi 14

ناول: وے_میں_تیری_ہوگئی_آں

از: رابعہ_بخاری

قسط_نمبر_14

انا عائز کو بیڈ پر لٹا رہی تھی جب آبان ایک ہاتھ میں تولیا لیے بالوں سے پانی کے ننھے ننھے قطرے اڑاتا ہوا باہر کو آ نکلا۔۔۔

انا نے آبان کی جانب تو برا سا منہ بنا کر اٹھ کھڑی ہوئی۔۔۔

آبان کے چہرے پر شرارتی مسکراہٹ ابھر آئی۔۔۔

روٹھے ہو کیوں تم کو کیسے مناؤ پیا۔۔۔۔۔

بولو ناں ۔۔۔۔۔

بولو ناں۔۔۔۔

آبان ڈرامائی انداز سے بالوں میں تولیا پھیرتے ہوئے گنگناتا ہوا انا کہ جانب بڑھنے لگا۔۔۔

سفید ٹی شرٹ اور بیلو جینز میں ملبوس بکھرے بالوں کے ساتھ وہ آگے بڑھ رہا تھا۔۔۔

انا نے اسے آتے دیکھا تو باہر جانے کو بڑھی۔۔۔

لیکن تب تک آبان اس کے راستے میں کھڑا مسکرا رہا تھا۔۔۔۔

انا سائیڈ جانب ہوئی تو آبان بھی اس جانب قدم جمائے کھڑا ہوگیا ۔۔۔۔

انا نے اسے گھورا اور پھر دوسری سائیڈ کی جانب بڑھی جبکہ آبان پھر اس کے راستے میں ہاتھ باندھے کھڑا ہوگیا۔۔۔

کیا مسئلہ ہے؟؟

انا غرائی۔۔۔۔

کیوں بتاؤ؟؟؟

آبان چہرے پر مسکراہٹ سجائے بائیں جانب کی بھنویں اچکا کر بولا۔۔۔۔

راستہ چھوڑے میرا پھر۔۔۔۔

انا پھر آگے کی جانب بڑھی جبکہ اب کہ بار آبان نے اس کا ہاتھ تھام لیا۔۔۔۔

نہیں چھوڑو نگا۔۔۔۔۔

اب تو سفر زندگی کا بھی ساتھ چلنے کا ارادہ ہے۔۔۔

آبان محبت بھرے لہجے سے انا کو دیکھ رہا تھا جو بے رخی سے دوستی جانب منہ کیے کھڑی تھی۔۔۔

جیسے ہی انا نے اس کی جانب دیکھا تو آبان نے اپنے گیلے بالوں کو جھٹکے سے ہلایا۔۔۔

جس نے ننھی پانی کی پھوار آنا کے چہرے پر جا گری۔۔۔۔

آبان ابھی بھی اسے دلچسپی اور دلکشی سے دیکھ رہا تھا۔۔۔۔

جبکہ انا اسے ابھی بھی ویسے دیکھ رہی تھی۔۔۔

کچھ بولو گی یا یونہی پوری زندگی گزارنے کا ارادہ ہے۔۔۔۔

آبان نے چنچل لہجے سے کہا۔۔۔۔

میں کسی کی منگیتر ہو۔۔۔

جس کے نام پر بیٹھی ہو جلد اس کہ ہو جاؤ گی۔۔۔

انا مرے مرے لہجے سے بول رہی تھی۔۔۔

جبکہ آبان کی آنکھوں کی چمک اور چہرے کی مسکراہٹ سن کر ایک دم مدہم سی ہوگئی ۔۔۔۔۔

وہ ہاتھ جو اس نے اپنے ہاتھ میں تھاما ہوا تھا اچانک گرفت سے آزاد کردیا۔۔۔

انا نے اپنا ہاتھ گرفت سے آزاد پایا تو آبان کی جانب دیکھا۔۔۔

جو اب مرجھا سا گیا تھا۔۔۔

اور پیچھے قدم لیتے ہوئے بیڈ کی جانب بڑھ گیا۔۔۔

اگر تم چاہو۔۔۔

تو کسی اور کمرے میں جا سکتی ہو۔۔۔

میری جانب سے کوئی پابندی نہیں۔۔۔۔

آبان بناء انا کی جانب دیکھتے مایوسی سے بول رہا تھا۔۔۔

جبکہ انا وہی اپنا ہاتھ دوسرے ہاتھ میں تھامے کھڑی تھی۔۔۔

کچھ دیر کھڑی رہنے کے بعد بناء بولے وہاں سے چلی گئی۔۔۔۔

جبکہ آبان کی آنکھوں میں محبت کے نام پر اگنے والا سورج غروب ہوچکا تھا اور انکھیں نم میں ڈوب گئی تھی۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

شام ہوچکی تھی۔۔۔۔

آبان کمرے میں ہی بند تھا۔۔۔

جبکہ انا میں بھی کمرے میں جانے کی ہمت نہ رہی۔۔۔۔

باہر ڈھلتے سورج کی کرنیں تاریخی اندھیرے کے ساتھ اپنی بقاء کی جنگ لڑ رہی تھی۔۔۔

آسمان پر جامنی مالٹی اور کالی روشنیوں کی جھلکیاں نظر آرہی تھی۔۔۔

انا ہاتھ میں کافی کا مگ تھامے باہر کو آ نکلی۔۔۔

اور لاؤن میں موجود سٹیل کی جالی دار کرسیوں پر براجمان ہوگئی۔۔۔۔

کچھ دیر وہ یونہی کھلے آسمان کو تکتی رہی۔۔۔

اچانک اسے کسی کے قدموں کی چاپ سنائی دی۔۔۔

مڑ کر دیکھا تو آبان کو کھڑا پایا۔۔۔

جو اسے مسلسل بناء پلکیں جھپکائے دیکھ رہا تھا۔۔۔

انا کی نظر پڑی تو وہ مڑ کر واپس جانے لگا۔۔۔۔

آبان ۔۔۔۔۔

انا نے آبان کو آواز دی۔۔۔۔

آبان کے قدم انا کی آواز کر رک گئے۔۔۔

مجھے بات کرنی ہے آپ سے۔۔۔۔

انا نے کہا۔۔۔

لیکن مجھے کوئی بات نہیں کرنی اور نہ سننی۔۔۔

آبان تلخ لہجے سے بولا۔۔۔

پلیز۔۔۔۔

ایک بار۔۔۔۔

انا نے التجا کرتے کہا جس پر آبان بناء کچھ کہے مڑتا ہوا انا کے پاس آگیا اور پاس پڑی کرسی پر براجمان ہوگیا۔۔۔

کافی۔۔۔۔۔

انا نے اپنا کافی کا مگ آبان کی جانب بڑھایا جو انا کے لبوں سے کئی بار چھو چکا تھا اور اب آدھا تھا۔۔۔

نہیں۔۔۔۔

میں کسی کا چھوٹا نہیں پیتا۔۔۔

آبان نے دوسری جانب چہرے کا رخ کیا اور کہا۔۔۔

انا نے آگے بڑھائے مگ کو واپس پیچھے کو کھینچ لیا۔۔۔

مجھے لگا تھا۔۔۔

کہ شاید وہ روٹھا پیا جس کا آپ گن گا رہے تھے میں ہی ہو۔۔۔

انا نے مگ کو میز پر رکھا اور پیچھے کو ہوا کر بولی۔۔۔

ہممممم۔۔۔۔

لیکن مجھے کوئی حق نہیں کسی کی انا نے پر بری نظر رکھو۔۔۔

تب معلوم نہ تھا اب خبر ہے مجھے۔۔۔

آبان تلخ لہجے سے بولا اور اٹھ کھڑا ہوا۔۔۔

انا نے جاتے آبان کی بازو کو تھام لیا۔۔۔

جسے آبان حیرت کی مورت بنے دیکھنے لگا۔۔۔

پلیز۔۔۔۔

کچھ پل اور یہاں میرے ساتھ۔۔۔۔

انا کی آنکھوں میں بہتی نمی آبان کو اس کی محبت کا مینار دیکھا رہی تھی۔۔۔

آبان آہستگی سے چلتا ہوا واپس اپنی کرسی پر براجمان ہوگیا۔۔۔

انا نے آبان کا ہاتھ چھوڑا اور سیدھے ہو کر بیٹھ گئی۔۔۔

کچھ دیر دونوں خاموش آسمان کی رنگینیوں کو دیکھتے رہے ۔۔۔۔

اور پھر انا نے سکونت کا شیشہ چکنا چور کیا۔۔۔

میری ماں۔۔۔

پنجابن تھی۔۔۔

پنجاب سے تعلق تھا انکا۔۔۔۔

انا ایک چیز پر اپنی نظروں کو مرکوز رکھے بولی۔۔۔

جبکہ آبان اس کی جانب گہری نظروں سے دیکھنے لگا۔۔۔

بہت خوبصورت تھی وہ اپنی جوانی میں۔۔۔

معلوم ہے آبان سب کیا کہتے ہیں۔۔۔

انا نے آبان کی جانب دیکھتے کہا جس پر وہ بول اٹھا۔۔۔۔

کیا؟؟؟

یہی کہ میں بلکل اپنی امی جیسی ہوں۔۔۔

ان کا جیسا لہجہ چال ڈھال پہناوا۔۔۔

انا کی آنکھوں میں نمی لیکن ہونٹوں پر مسکراہٹ تھی ۔۔۔

جبکہ آبان اس کے چہرے کو مسلسل دیکھ رہا تھا۔۔۔

فیض خان۔۔۔

میرے نام نہاد والد۔۔۔

پٹھان۔۔۔۔

میری امی پر فدا ہوگئے۔۔۔۔

انا کے چہرے پر تلخی نمودار ہوئی۔۔۔

کیسے بھی کر کے انہوں نے امی سے شادی کر لی۔۔۔

لیکن میری امی کبھی خوش نہ رہ پائی اور مر گئی۔۔۔

انا کی آنکھوں سے اب آنسوں ٹپک پڑا۔۔۔

جسے اس نے نہ روکا۔۔۔

جبکہ آبان بس اسے دیکھ رہا تھا سن رہا تھا۔۔۔۔

پتہ ہے میری امی نے بہت تکلیفیں کاٹی تھی۔۔۔

دیکھا ہے ہم نے ۔۔۔۔

انہیں اذیت سہتے۔۔۔

 باؤ جی کی لاٹھی پڑتے۔۔۔

انا اب اپنی انگلیوں کے ساتھ کھیلنے لگ گئی۔۔۔

انا نے ایک بار پھر گہری سانس بھری۔۔۔

انعم کی شادی باؤ جی نے اپنے ساتھ قبیلےکے سردار کے بیٹے سے تہہ کی۔۔۔

محض طاقت اور جائیداد۔۔۔۔

لیکن. انعم آپی بھاگ نکلی ۔۔۔۔۔

شاید صیحح کیا پل پل کی موت سے ابدی نیند اچھی۔۔۔

اگر آج وہ زندہ ہوتی اور اسی گھر میں ہوتی تو امی کی طرح زلالت کی موت مرتی۔۔۔

انا کے آنسوں پھر سے جاری ہوگئے۔۔۔

آبان نے کافی مگ کا اس کی جانب بڑھایا جس پر انا نے اشارہ کر کے لینے سے منع کردیا۔۔۔۔

میری منگنی میرے تایا کے بیٹے زراب خان کے ساتھ تب ہی کردی گئی تھی جب میں نے پہلی بار دنیا کو اپنی آواز سے گونجا تھا۔۔۔

باؤ جی کا مان زراب خان۔۔۔

بیٹا چاہیے تھا انہیں مگر میری ماں نے بیٹیوں دی وہ بھی دو۔۔۔

اس بدنصیب نے مرنا ہی بہتر سمجھا۔۔۔ انا کے چہرے پر درد سے بھری شکنیں نظر ائی۔۔۔

زراب اچھا ہے شاید بہت محبت کرتا ہے مجھ سے۔۔۔

لیکن وہ اس خاندان کا جس نے میری ماں بہن کو مارا۔۔۔

کیسے کرونگی میں اس شخص سے محبت۔۔۔

جانتی ہو وہی ہے جس کی وجہ سے آج میں باہر ہو پڑھ رہی ہو۔۔۔۔

لیکن پڑھنا میرا حق ہے۔۔

محبت کرنا نہیں۔۔۔۔

انا بول رہی تھی جبکہ آبان کے چہرے پر عجیب تاثرات چھا گئے تھے۔۔۔۔

تو مطلب تم اس سے محبت نہیں کرتی؟؟؟

آبان نے تجسس بھرے انداز سے دیکھتے پوچھا۔۔۔

جس پر انا نے سر جھکاتے کیا اور خاموش رہی۔۔۔

بولو بھی۔۔۔۔

آبان نے بے چینی ظاہر کرتے پوچھا۔۔۔

انا نے آبان کی جانب نظر اٹھا کر دیکھا اور نفی میں سر ہلایا۔۔۔

نہیں۔۔۔

میں نہیں کرتی۔۔۔

آبان کا یہ سننا ہی تھا کہ پاس پڑے مگ جس کو اس نے پینے سے انکار کیا تھا لبوں سے لگا کر گٹ گیا۔۔۔

اوئے۔۔۔۔

یہ میری کافی تھی۔۔۔۔

انا نے یوں ابان کو یوں کرتے دیکھا تو کاٹ کھانے کے کو پڑی۔۔۔

جی جو کہ آپ مجھے دے چکی تھی۔۔۔۔

آبان نے شرارتی انداز سے کہا۔۔۔

اور ویسے بھی اب تو کافی بھی میری ہے اور کافی بنانے والی بھی۔۔۔۔

آبان کا مرجھایا ہوا چہرہ ایک دم روشن سا ہوگیا تھا۔۔۔

جبکہ انا بھی شرما سی گئی اور وہاں سے نکلنے کو اٹھ کھڑی ہوگئی۔۔۔۔

لگتا ہے پٹھانوں سے پالا پڑنا ہی پڑنا میرا۔۔۔۔

آبان اونچی سے بولا۔۔۔

جس پر انا نے مڑ کر دیکھا۔۔۔

اور لگتا ہے مہنگا بھی بہت پڑے گا یہ پالا۔۔۔۔

انا ہنستی ہوئی وہاں سے اندر کی جانب بڑھ گئی جبکہ آبان خوشی سے سرشار وہی جھومتا رہا۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جاری ہے اور رائے ضرور دیں😊